EconoMood
Տնտեսական միտումներ ու լուրեր Հայաստանում և նրա շուրջ
Show more742
Subscribers
No data24 hours
-47 days
+230 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
Photo unavailableShow in Telegram
🔹 2024թ.-ի մայիսին ՀՀ առևտրային բանկերի միջոցով ֆիզիկական անձինք ստացել են շուրջ 416 մլն ԱՄՆ դոլարի չափով դրամական փոխանցումներ, ինչը նախորդ տարվա նույն ամսվա համեմատ նվազել է 4.5%-ով, իսկ 2022թ.-ի և 2021թ.-ի մայիսի համեմատ աճել է համապատասխանաբար՝ 0.9%-ով և 2.4 անգամ։
▪️EconoMood-ի հաղորդմամբ՝ ԿԲ տվյալներից պարզ է դարձել, որ դիտարկվող ժամանակահատվածում նախորդ ամսվա համեմատ դրամական փոխանցումների ծավալը ՀՀ-ում նվազել է 9.1%-ով։
🔹 Այս ժամանակահատվածում ՀՀ առևտրային բանկերի միջոցով ֆիզիկական անձանց կողմից դրամական փոխանցումների արտահոսքը կազմել է ավելի քան 294.1 մլն ԱՄՆ դոլար՝ նախորդ ամսվա համեմատ նվազելով 28%-ով, իսկ նախորդ տարվա մայիսի համեմատ՝ 24.2%-ով:
🔹 Դեպի ՀՀ դրամական փոխանցումների զուտ ներհոսքը, որը ցույց է տալիս ներհոսքի ու արտահոսքի տարբերությունը, 2024թ.-ի մայիսին կազմել է 121.8 մլն ԱՄՆ դոլար, որը նախորդ ամսվա համեմատ աճել է 2.5 անգամ:
Photo unavailableShow in Telegram
📊 ՀՀ ՊԵԿ-ը տեղեկացնում է, որ 2024թ.-ի առաջին կիսամյակի ընթացքում հարկային և մաքսային մարմինների կողմից ընդհանուր հավաքագրվել է 1 տրլն 349.8 մլրդ դրամ, որից հարկ վճարողներին և ֆիզիկական անձանց վերադարձվել է 162.2 մլրդ դրամ։
📈 Արդյունքում հարկային եկամուտների և պետական տուրքերի գծով փաստացի կատարողականը կազմել է 1 տրլն 187.6 մլրդ դրամ, ինչը նախորդ տարվա նույն ժամանակաշրջանի ցուցանիշից ավելի է 84.1 մլրդ դրամով կամ 7.6%-ով:
📈 Դիտարկվող ժամանակահատվածում հարկային մարմնի կողմից հավաքագրվել են 1 տրլն 163.2 մլրդ դրամ եկամուտներ, որը նախորդ տարվա նույն ժամանակաշրջանի ցուցանիշից ավելի է շուրջ 133.4 մլրդ դրամով կամ 13%-ով:
📉 Մաքսային մարմնի կողմից հավաքագրվել են 186.6 մլրդ դրամ եկամուտներ, ինչը նախորդ տարվա նույն ժամանակաշրջանի ցուցանիշից պակաս է շուրջ 62.9 մլրդ դրամով կամ 25.2%-ով: Մաքսային մարմնի կողմից ապահովված եկամուտների նվազումը պայմանավորված է տարբեր ապրանքների ներմուծման ծավալների կրճատմամբ:
ՀՀ ՊԵԿ
Photo unavailableShow in Telegram
📊 Economood-ի հաղորդմամբ՝ ՎԿ-ն հրապարակել է ՀՀ սպառողական գների ինդեքսը, ըստ որի՝ 2024թ.-ի հունիսին ՀՀ սպառողական շուկայում 12-ամսյա գնաճը կազմել է 0.8%, իսկ նախորդ ամսվա նկատմամբ գրանցվել է 0.9% գնանկում:
🌾 Սննդամթերքի և ոչ ալկոհոլային խմիչքի գները 2024թ.-ի հունիսին նախորդ տարվա նույն ամսվա համեմատ նվազել են 0.7%-ով, իսկ 2024թ.-ի մայիսի համեմատ՝ 2.4%-ով:
📉 Ոչ պարենային ապրանքների շուկայում 2024թ.-ի հունիսին նախորդ տարվա նույն ամսվա համեմատ գների մակարդակը նվազել է 0.2%-ով, իսկ 2024թ. մայիսի համեմատ՝ 0.3%-ով:
📈 Բնակչությանը մատուցված ծառայությունների ոլորտում 2024թ.-ի հունիսին նախորդ տարվա նույն ամսվա համեմատ սակագներն աճել են 2.7%-ով, իսկ 2024թ.-ի մայիսի համեմատ՝ 0.3%-ով:
📉 2024թ.-ի հունվար-հունիսին նախորդ տարվա նույն ժամանակահատվածի համեմատ ՀՀ սպառողական շուկայում գները նվազել են 0.6%-ով:
Photo unavailableShow in Telegram
🏠 Ընթացիկ տարվա մայիսին ՀՀ անշարժ գույքի շուկայում իրականացվել է 20 հազար 497 գործարք, որը նախորդ տարվա նույն ամսվա համեմատ աճել է 12.8%-ով, իսկ նախորդ ամսվա համեմատ՝ նվազել 2.3%-ով:
📈 2024թ.-ի մայիսին անշարժ գույքի շուկայում գրանցվել է առքուվաճառքի 4 հազար 752 գործարք, որը նախորդ տարվա նույն ամսվա համեմատ ավելացել է 7.8%-ով, իսկ նախորդ ամսվա համեմատ՝ 4.9%-ով:
📈 Շարունակել են աճել նաև Երևանում անշարժ գույքի շուկայական միջին գները․ բազմաբնակարան բնակելի շենքերի բնակարանների գները նախորդ տարվա մայիսի համեմատ աճել են 10.1%-ով, իսկ ընթացիկ տարվա ապրիլի համեմատ՝ 0.1%-ով։ Ընդ որում՝ բնակարանների գների աճ է գրանցվել Երևանի բոլոր վարչական շրջաններում։
📊 Դիտարկվող ժամանակահատվածում իրականացվել է անշարժ գույքի նկատմամբ 1091 վարձակալության գործարք, որը 2023թ.-ի մայիսի համեմատ աճել է 7.7%-ով, մինչդեռ 2024թ.-ի ապրիլի համեմատ՝ նվազել 1.4%-ով։
Photo unavailableShow in Telegram
🔎 Համաշխարհային բանկը (ՀԲ) հրապարակել է ՀՀ ամսական տնտեսական զարգացումների վերաբերյալ զեկույցը, համաձայն որի՝ 2024թ.-ի մայիսին սպառողական գների համաթիվը նվազել է 0.3%-ով՝ նախորդ տարվա նույն ժամանակահատվածի համեմատ: Դիտարկվող ժամանակահատվածում սննդամթերքի և ոչ ալկոհոլային խմիչքների գները նվազել են 2%-ով, իսկ հագուստի և կոշկեղենի գները՝ 1.3%-ով:
🔹 Մայիսի վերջին ՀՀ դրամն արժևորվել է ԱՄՆ դոլարի նկատմամբ 0.2%-ով՝ ապրիլի վերջի համեմատ և 4%-ով՝ ռուբլու նկատմամբ։ 2023թ.-ի սեպտեմբերից ի վեր գրանցված կայուն անկումից հետո միջազգային պահուստները մայիսին ավելացել են 30 մլն ԱՄՆ դոլարով։
Աղբյուրը՝ Worldbank.org
Photo unavailableShow in Telegram
✈️ Wizz Air ավիաընկերությունը սույն թվականի հուլիսի 1-ից մեկնարկել է Բուդապեշտ-Երևան-Բուդապեշտ երթուղով չվերթները:
🔹 Չվերթներն իրականացվելու են շաբաթական երկու չվերթ հաճախականությամբ՝ յուրաքանչյուր երկուշաբթի և ուրբաթ:
🔹 Ավիատոմսերի առկայության, վերջիններիս ձեռքբերման և այլ մանրամասների համար կարող եք այցելել ավիաընկերության կայք՝ Wizzair.com:
Photo unavailableShow in Telegram
🔎 EconoMood-ն ինֆոգրաֆիկայի տեսքով ներկայացրել է Հայաստանում արդյունաբերության ծավալի դինամիկան ընթացիկ տարվա ապրիլին:
📊 2024թ.-ի ապրիլին Հայաստանում արդյունաբերության ծավալը կազմել է շուրջ 229.6 մլրդ ՀՀ դրամ, ինչը նախորդ տարվա նույն ժամանակահատվածի նկատմամբ աճել է 16.6%-ով, մինչդեռ նախորդ ամսվա նկատմամբ նվազել է 13.1%-ով:
ՀՀ-ում 2024թ.-ի ապրիլին նախորդ տարվա նույն ամսվա համեմատ արդյունաբերության ճյուղերը փոփոխվել են հետևյալ կերպ՝
✔️մշակող արդյունաբերություն՝ +27%,
✔️ էլեկտրաէներգիայի, գազի, գոլորշու և լավորակ օդի մատակարարում՝ +13.9%,
✔️ ջրամատակարարում, կոյուղի, թափոնների կառավարում և վերամշակում՝ +4.8%,
Հանքարդյունաբերության արտադրանքի արտադրության ծավալը նվազել է 15%-ով:
Photo unavailableShow in Telegram
🔎 Միասնական սոցիալական ծառայությունը (ՄՍԾ) ներկայացրել է Հայաստանի աշխատաշուկայի իրավիճակը 2024թ.-ի հունիսի 1-ի դրությամբ.
▪️ ՄՍԾ տարածքային կենտրոններում հաշվառված աշխատանք փնտրողների թիվը կազմել է 63.5 հազար մարդ,
▫️ ՄՍԾ տարածքային կենտրոններում խորհրդատվություն է ստացել 38.8 հազար աշխատանք փնտրող՝ աշխատանքի և զբաղվածության օրենսդրության, մասնագիտական կողմնորոշման, զբաղվածության ծրագրերի, աշխատանքի փոփոխման և այլ հարցերով,
▪️ ՄՍԾ տարածքային կենտրոնները համագործակցել են 18.3 հազար գործատուի հետ, որից հավաքագրվել է 5436 չկրկնվող թափուր աշխատատեղ: Դրանցից 597-ը նոր ստեղծված աշխատատեղ է,
▫️ Աշխատանքի է տեղավորվել 5549 աշխատանք փնտրող (3148-ը՝ կին, 1207-ը՝ երիտասարդ, 66-ը՝ հաշմանդամություն ունեցող անձ):
▪️ Տարեսկզբից տարբեր պատճառներով դադարեցվել է 9566 գործազուրկի կարգավիճակը:
📈 2024թ.-ի հունվար-մայիսին Հայաստանում Տնտեսական ակտիվության ցուցանիշի (ՏԱՑ) հավելաճը կազմել է 11.2%՝ նախորդ տարվա նույն ժամանակահատվածի համեմատ:
Դիտարկվող ժամանակահատվածում նախորդ տարվա համեմատ տնտեսության ճյուղերը փոփոխվել են հետևյալ կերպ.
✔️ առևտրի շրջանառություն՝ +24.6%,
✔️ արդյունաբերություն՝ +22%,
✔️ շինարարություն՝ +14.9%,
✔️ ծառայություններ՝ +3.7%։
📊 2024թ.-ի հունվար-մայիսին ՀՀ արտաքին առևտրաշրջանառությունն աճել է 2.2 անգամ. արտահանումն աճել է 2.5 անգամ, իսկ ներմուծումը՝ 99.6%-ով՝ նախորդ տարվա նույն ժամանակահատվածի համեմատ։
📉 Նույն ժամանակահատվածում ՀՀ սպառողական շուկայում գները նվազել են 0.8%-ով։
Photo unavailableShow in Telegram
📊 Ընթացիկ տարվա մայիսին նախորդ տարվա նույն ամսվա համեմատ Հայաստանում Տնտեսական ակտիվության ցուցանիշի (ՏԱՑ) հավելաճը կազմել է 5.2%, իսկ նախորդ ամսվա համեմատ՝ 2%:
📈 EconoMood-ի հաղորդմամբ՝ դիտարկվող ժամանակահատվածում նախորդ տարվա նույն ամսվա համեմատ տնտեսության ճյուղերն աճել են հետևյալ կերպ.
✔️շինարարություն՝ 18.1%,
✔️առևտրի շրջանառություն՝ 17.6%,
✔️արդյունաբերություն՝ 6.9%,
✔️ծառայություններ՝ 2.8%։
▪️ 2024թ.-ի մայիսին նախորդ տարվա նույն ամսվա համեմատ ՀՀ արտաքին առևտրաշրջանառությունն աճել է 32.2%-ով. արտահանումն աճել է 57.4-%, իսկ ներմուծումը՝ 17.2%-ով:
📈 Դիտարկվող ժամանակահատվածում նախորդ տարվա համեմատ ՀՀ սպառողական շուկայում գնաճը կազմել է 0.3%։
Choose a Different Plan
Your current plan allows analytics for only 5 channels. To get more, please choose a different plan.