🌹 Pyari ju ka Pyara Barsana🌹

स्याम-स्वामिनी राधिके ! करौ कृपा कौ दान। सुनत रहैं मुरली मधुर, मधुमय बानी कान॥ पद-पंकज-मकरंद नित पियत रहैं दृग-भृंग। करत रहैं सेवा परम सतत सकल सुचि अंग॥ रसना नित पाती रहै दुर्लभ भुक्त प्रसाद। बानी नित लेती रहै नाम-गुननि-रस-स्वाद॥ लगौ रहै मन अनवरत तुम में आठौं जाम। अन्य स्मृति सब लोप हों सुमिरत छबि अभिराम॥ बढ़त रहै नित पलहिं-पल दिब्य तुम्हारौ प्रेम। सम होवैं सब छंद पुनि, बिसरैं जोगच्छेम॥ भक्ति-मुक्ति की सुधि मिटै, उछलैं प्रेम-तरंग। राधा-माधव सरस सुधि करै तुरत भव-भंग॥

हे राधे ! हे श्याम-प्रियतमे ! हम हैं अतिशय पामर, दीन । भोग-रागमय, काम-कलुषमय मन प्रपञ्च-रत, नित्य मलीन ॥ शुचितम, दिव्य तुम्हारा दुर्लभ यह चिन्मय रसमय दरबार । ऋषि-मुनि-ज्ञानी-योगीका भी नहीं यहाँ प्रवेश-अधिकार ॥ फिर हम जैसे पामर प्राणी कैसे इसमें करें प्रवेश । मनके कुटिल, बनाये सुन्दर ऊपरसे प्रेमीका वेश ॥ पर राधे ! यह सुनो हमारी दैन्यभरी अति करुण पुकार । पड़े एक कोनेमें जो हम देख सकें रसमय दरबार ॥ अथवा जूती साफ करें, झाड़ू दें—सौंपो यह शुचि काम । रजकणके लगते ही होंगे नाश हमारे पाप तमाम ॥ होगा दम्भ दूर, फिर पाकर कृपा तुम्हारीका कण-लेश । जिससे हम भी हो जायेंगे रहने लायक तव पद-देश ॥ जैसे-तैसे हैं, पर स्वामिनि ! हैं हम सदा तुम्हारे दास । तुम्हीं दया कर दोष हरो, फिर दे दो निज पद-तलमें वास ॥ सहज दयामयि ! दीनवत्सला ! ऐसा करो स्नेहका दान । जीवन-मधुप धन्य हो जिससे कर पद-पङ्कज-मधुका पान

निन्द्य-नीच, पामर परम, इन्द्रिय-सुखके दास। करते निसि-दिन नरकमय बिषय-समुद्र निवास॥ नरक-कीट ज्यों नरकमें मूढ़ मानता मोद। भोग-नरकमें पड़े हम त्यों कर रहे विनोद॥ नहीं दिव्य रस कल्पना, नहीं त्याग का भाव। कुरस, विरस, नित अरसका दुखमय मनमें चाव॥ हे राधे रासेश्वरी ! रसकी पूर्ण निधान। हे महान महिमामयी ! अमित श्याम-सुख-खान॥ पाप-ताप हारिणि, हरणि सत्वर सभी अनर्थ। परम दिव्य रसदायिनी पञ्चम शुचि पुरुषार्थ॥ यद्यपि हैं सब भाँति हम अति अयोग्य, अघबुद्धि। सहज कृपामयि ! कीजिये पामर जनकी शुद्धि॥ अति उदार ! अब दीजिये हमको यह वरदान। मिले मञ्जरीका हमें दासी-दासी-स्थान॥

राधाजू ! मोपै आजु ढरौ। निज, निज प्रीतम की पद-रज-रति मोय प्रदान करौ॥ बिषम बिषय-रस की सब आसा-ममता तुरत हरौ। भुक्ति-मुक्ति की सकल कामना सत्वर नास करौ॥ निज चाकर-चाकर-चाकर की सेवा-दान करौ। राखौ सदा निकुंज निभृत में झाड़्ूदार बरौ॥

दयामयि स्वामिनि परम उदार ! पद-किंकरि की किंकरि-किंकरि करौ मोय स्वीकार॥ दूर करौं निकुंज-मग-कंटक-कुस सब सदा बुहार। स्वच्छ करौं तव पगतरि पावन, धूर-धार सब झार॥ देखौं दूरहि तैं तव प्रियतम संग सुललित बिहार। नित्य निहारत रहौं, मिलै कछु सेवा की सनकार॥ पद-सेवन कौ बढ़ै चाव नित काल अनंत अपार। अॢपत रहै सदा सेवा में अंग-अंग अनिवार॥ कबहुँ न जगै दूसरी तृस्ना, कबहुँ न अन्य बिचार। रहै न कितहूँ कछु मेरौपन, अहंकार होय छार॥ होयँ तुम्हारे मन के ही, बस, मेरे सब ब्यौहार। बनौ रहै नित तुम्हरौ ही सुख मेरौ प्रानाधार॥

करौ कृपा श्रीराधिका, बिनवौं बारंबार। बनी रहै स्मृति मधुर सुचि, मंगलमय सुखसार॥ श्रद्धा नित बढ़ती रहै, बढ़ै नित्य बिस्वास। अर्पण हौं अवसेष अब जीवन के सब स्वास॥

श्रीराधा ! अब देहु मोहि तव पद-रज-अनुराग। जातें इह-पर-भोग में होय उदय बैराग॥ मोच्छहु की माया मिटै, कटैं सकल भव-रोग। तुम दोउन के चरन कौ बन्यौ रहै संजोग॥ जो कछु तुम चाहौ, करौ राधा-माधव ! दोउ। तुम्हरे मन की सहज रुचि चाह जु मेरी होउ॥ सेवा कौ कछु काम जो हो मेरे अनुहार। छोटौ-मोटौ बकसि मोहि करौ कृपा-बिस्तार॥ पर्यौ रहौं नित चरन-तल, परसौं नित पद-धूल। पगदासी पौंछत रहौं, अग-जग सगरौ भूल॥

स्वामिनी हे बृषभानु-दुलारि ! कृष्णप्रिया, कृष्णगतप्राणा, कृष्णा, कीर्तिकुमारि॥ नित्य निकुंजेस्वरि, रासेस्वरि, रसमयि, रस-आधार। परम रसिक रसराजाकॢषनि, उज्ज्वल-रस की धार॥ हरिप्रिया, अहलादिनि, हरि-लीला-जीवन की मूल। मोहि बनाय राखु निसि-दिन निज पावन पद की धूल॥

जिन श्रीराधा के करैं नित श्रीहरि गुन गान। जिन के रस-लोभी रहैं नित रसमय रसखान॥ प्रेम भरे हिय सौं करैं स्रवन-मनन, नित ध्यान। सुनत नाम राधा तुरत भूलै तन कौ भान॥ करैं नित्य दृग-अलि मधुर मुख-पंकज-मधु-पान। प्रमुदित, पुलकित रहैं लखि अधर मधुर मुसुकान॥ जो आत्मा हरि की परम, जो नित जीवन-प्रान। बिसरि अपुनपौ रहैं नित जिन के बस भगवान॥ सहज दयामयि राधिका, सो करि कृपा महान। करत रहैं मो अधम कौं सदा चरन-रज दान॥

जिन लक्ष्मीकी रूप-माधुरी, जिनका मधुर शील-सौजन्य। मधुर स्वभावजनित जिनकी शुचि लीला, प्रीति-माधुरी धन्य॥ जो वैकुण्ठाधीश्वर-वक्ष-विहारिणि नित प्रेमार्णव-मग्र। जिनकी सेवा-अर्चामें नित रहते सुर-मुनिगण संलग्र॥ राधाकी समता न कर सके उन लक्ष्मीजीके गुण-रूप। वे राधा निज चरण-कमल-रज परम, मुझे दें दान अनूप॥