ESDALIK.UZ

​​ТАСКИН Юрагинг сиқилса, Дилинг бўлса ғаш, Турфа давраларни йиғиштир барин. Яхшиси, дарахтлар билан суҳбатлаш, Баҳам кўр ям-яшил хотираларин. Юрагинг сиқилса, Қийнаса ўйлар, Юзни бур дарёнинг мавжлари томон. Тиниқ чашмалардан сўйлайди улар, Бундоқ суҳбатдошни топмоғинг гумон. Юрагинг сиқилса, Тор келса дунё, Эрка шамолларнинг этагин тутгин. Улар кўпни кўрган сайёҳдир гўё, Улардан энг ажиб эртаклар кутгин. Юрагинг сиқилса, Тиқилса нафас, Сен борлиқ қўйнига олиб кетгин бош. Балки ўзга дийдор энди шарт эмас, Балки керакмасдир бошқа суҳбатдош. ✍Абдулла Орипов @wwwesdalikuz🕊

Яна бу шаҳарда юзма-юз келдик, Наилож, бошқа бир шаҳаримиз йўқ. Балки биз бахтиёр бўла олардик, Эҳтимол, бахтлимиз, хабаримиз йўқ... Рамиз Равшан @wwwesdalikuz

Томиб бўлган кўз ёшларингнинг – сояси муаллақ. Инмайди. Йиғлагин, сиқтагин, урин минг, соя тўкилмайди,  синмайди. У тунларга кириб боради муаллақ кўй, қадам-бақадам. Кўтарилиб кетмас орадан, кўтарилиб кетса ҳам одам. Нурсиз соя – кўз ёш сояси, армон янглиғ у ҳам ўчмайди, сояларни тунга ёясан. Соя юлдуз бўлиб живирлар, лекин юлдуз каби учмайди, олис муҳаббатдан шивирлар. Фахриёр @wwwesdalikuz

АНТОНИМ ДУНЁ Тез келган ғам кетгайми секин, Армон – яқин, орзулар – узоқ. Шодлик – қиммат, азоблар – текин, Гуноҳ тинмай қўяди тузоқ. Паст баландга келмас мувофиқ, Инкор этар кеча кундузни. Ким Осмонга, ким Ерга ошиқ, Нега ҳамма суймас Ёлғизни? Қорни очнинг, балки, кўнгли тўқ, Ҳаёт – қисқа, бунча узун йўл? Гарчи бугун кўзларим қуруқ, Юрагимнинг кўйлаклари ҳўл. Уйғонаман, нафсим ухласа, Мен йиғлайман, дунё кулади. Қаршилар кўп, Худо хоҳласа, Антонимим Ўлим бўлади. 2006 © Беҳзод Фазлиддин @wwwesdalikuz

Менсиз яша, Менсиз кул, йиғла... Менсиз ўтсин ҳар битта онинг. Токи мени деган чоғингда Чиқиб кетсин танангдан жонинг. Гарчанд сенинг ёдингсиз ўтган Умримни ҳеч умр демасман. Лекин йиғлаб ортингдан кетган Кўнглимдан ҳам рози эмасман! Майли, мени зулмкор ата, Мен шундайин қаттол бағирман! Бир қаландар ишқ менда, аммо Сендан кечиб, сен деб оғрирман... Вужудимни парчалаб, тиғлаб, Севги дилга солсин қасирға. Кўзимни ҳам солмайман, илло, Сен яшаган Олтин қасрга! Чорламайсан номимни, ҳатто Гарчанд дилда минг бора айтиб, Ёлворсанг-да қодир Худога, Тушларингга кирмасман қайтиб! Мен дуёнинг сўнгги йўлидан Шундай келдим, шундай кетарман. Аммо сенинг буюк кўнглингни Ҳеч кимсага бермай ўтарман!.. © Зебо Мирзо https://t.me/wwwesdalikuz

Ҳеч ким суйган эмас мени сенчалик, Қақнус тумшуғида ёнган аланга. Азизам, азизам, ғамгин азизам, Саодат олмоққа етурми тангам. Захоб ютиб кетган Олучча барги, Темир дубулғада ўсган чиннигул. Нотинч изтиробим ва соғинчларим Сенсиз этмакдаман ёлғиз танаввул. Ҳамал қафасида ҳарир, ғаройиб Зиндон топиб берар кофар ҳаяжон. Бўёқлар яралган симий ҳовузда Қунишиб, жунжикар-серталваса жон. Ҳеч ким севган эмас мени сенчалик, Ҳеч ким бўлолмаган сендай фидо тан. Денгизни сапчитиб отган қийқириқ, Гўё сен, Денгиздай таажжубланаман. Оғир лангар бўлиб қўлларим чўкар, Тубсиз қучоғингга карахт, беозор, Ҳайронман, Узугинг ютган наҳанглар, Сени қуршаётир ишорангга зор. Ҳеч ким суйган эмас мени сенчалик, Ҳеч ким суйган эмас мени юракдан. Ҳеч ким тўкилмаган сендек эланиб, Ҳеч ким тўкилмаган сендек элакдан. На тақдир битувчи, На қаттол рақиб, Бермаган саодат олмоққа танга. Ҳеч ким ёндирмаган мени сенчалик, Қақнус тумшуғида ёнган аланга. Ҳеч ким суйган эмас мени сенчалик… Абдували  ҚУТБИДДИН @wwwesdalikuz

​​Unga maskan bo'lmoqlik uchun Dunyo hali poklanishi shart. Faqatgina imoni butun Unga kelsa baxtli bo'lar Baxt. Ko'zlar sokin bir qo'shiq kuylar, Jimirlashib ketadi tanlar: Muhabbatni ermak deb o'ylar Muhabbatdan tug'ilmaganlar! ✍A'zam O'ktam https://t.me/wwwesdalikuz

#назм Бир қиз йиғлаяпти, билмайди ҳеч ким, Кўнглим-а дунёдан совий бошлайди. Сўнг аччиқ устида кўрпага қўшиб, Менинг юрагимни қавий бошлайди. Бир қиз йиғлаяпти, билмайди ҳеч ким, Юзига армонлар соя ташлайди. Сўнг аччиқ устида кўйлакка қўшиб, Ғижимлаб жонимни юва бошлайди. Бир қиз йиғлаяпти, билмайди ҳеч ким, Бир аччиқ изтироб туя бошлайди. Сўнг аччиқ устида кўйлакка қўшиб, Жонимни дорларга ёя бошлайди. Бир қиз йиғлаяпти — эшитар ҳамма, Ичимда ғамларнинг ўйи бўляпти. Сўнг аччиқ устида кўрпа ёпиниб, Йиғладим, шу қизнинг тўйи бўляпти. Бир қиз йиғлаяпти... Ғайрат Мажид @wwwesdalikuz

Bu dunyoga keldingmi? Endi yasha! Tishni tishga qo'yib-qo'yib yasha. Mushtingni tugib-tugib yasha. Chidab-chidab yasha. Yashashni chidaganga chiqargan! Bu dunyoga keldingmi? Endi chida! Dunyo – chidaganniki! Oxirigacha chida. Xudo bergan kunigacha chida! © Tog'ay Murod https://t.me/Gulijon_ijod

1. Бир нарса дедимми сизга, Севаман, деб айтдимми? Лаьнатлайман ўзимни ўзим. 2. Сени оқ қилдим, деди Дунё, Оқардим, оқардим кетдим, Оқиб келдим ёнингизга. 3. Ҳеч кимга ишонманг ҳаммаси ёлғон, Ҳеч қачон ишонманг Сиз менга, Мен сизни севаман ахир. 4. Душманимдир сиз билган каслар, Ялтоқланар ҳузурингизда, Майин, мойил сўзингиз учун. 5. Ўзимни кечирмайман, ё худо, Сизни кечираман ер ўпиб, Мен бермасман ҳеч кимга. Рауф Парфи https://t.me/wwwesdalikuz

#бекатдаги_ўйлар Биласанми, туш кўрдим сени, Эсда қолди кўзларинг фақат. Кўрсатмоқчи бўлиб кўзингни Олиб кетди йўллар бешафқат. Сени топдим. Лабингда титроқ, Шивирладинг: “Тинчимни буздинг…” Ўртамизда қийналди чироқ, Уйқусираб йиғлади қизинг. Сен бўшлиққа тикиб кўзингни Шивирладинг оҳиста, карахт: “Биласанми, туш кўрдим сени, Эсда қолди кўзларинг фақат”. ✍Хуршид Даврон @wwwesdalikuz

Бормисан, йўқмисан, нима фарқи бор, Сени соғинаман, муҳими шунда! ©Усмон Азим @wwwesdalikuz

ТЕЛЕФОН Қиласизми менга қўнғироқ, Ёки ўзим терайми рақам? Сизни жуда соғиндим... Бироқ, Баҳона йўқ йўқламоққа ҳам. Aйланади гумонлар ғуж-ғуж... Телефон жим, Ётар безабон. Юрак каби қилмайди хуруж – Симларида оқмайди-да қон... Нодир ЖОНУЗОҚ @wwwesdalikuz

#hikmat "Одамларнинг айбларини беркитувчи парда бўлинг, уларни кўргазма қилувчи саҳна эмас. Одамларнинг айбини ўзига кўрсатувчи кўзгу бўлинг, уларни ҳаммага кўрсатувчи ойна эмас." ✍️ Мавлоно Румий Ҳазратлари @wwwesdalikuz

Қаерларда эдинг, ахир шунча йил - Ҳаётинг қўрқинчли узун тушмиди? Ҳеч йўқ ўтаётиб дарвозамни бир Тақиллатиб ўтиш қийин ишмиди? Энди бу Дунёда қолиш ҳам оғир, Кийиниб... кетишга турганимда шай. Турибсан умримнинг қаеридадир - Кузатгани чиққан уй эгасидай...   Хосият РУСТАМОВА @wwwesdalikuz