Don't get caught by a cheater! Telemetrio finds and tags such channels 👉 If you want to see the tag, subscribe 👈
356
Subscribers
No data24 hours
-87 days
-2830 days
301
Post views
No data24 hours
No data48 hours
84.55%
Engagement rate
No data
Posts per day
Posts Archive
356
◾كلية ومجال مختلف ومميز 👀
- كانت قسم في علوم وزراعة وحاسبات *ولسه موجوده كقسم* ولأهميتها تم فصلها واعتبارها كلية لوحدها🙏
《كلية التكنولوجيا الحيوية / biotechnology 》
◾ هي كلية بتدرس فيها الهندسة الوراثية وعلم الوراثة والجينات وبتدرس مجالات مختلفة زي :
《1》- Pharmaceutical biotechnology
المجال الطبي الدوائي💊
《2》- Agriculture biotechnology
المجال الزراعي 🌴
《3》- Marine biotechnology
فيما يخص علوم البحار 🐟
《4》- Industrial biotechnology
المجال الصناعي 🔩
《5》- Bioinformatics
مجال المعلوماتية الحيوية 💻
◾إيه الأماكن ال موجودة فيها ككلية وإيه كقسم عشان منتوهش ؟
- موجوده ككلية في جامعتي MUST و MSA و BUC و النيل
- في بينهم فرق واحد بس هو إن في MUST مفيش تخصص وبتدرس كل المجالات وتشتغل في كل المجالات فيما بعد 🤞
◾أما بقى بايوتيكنولوجي كأقسام موجوده في :
- كقسم في كلية زراعة في جامعة القاهرة
- قسم في كلية العلوم
- قسم في صيدلة الجامعة الألمانية GUC
◾بالنسبة للأقسام دي كلها فإيه مجالاتها ومختلفين عن بعض إزاي ؟🤔
《1》- Industrial biotechnology
《المجال الصناعي》
- خريج الكلية بيشتغل ف مصانع الكيماويات
- بيشتغل في مصانع ادوات التجميل وال makeup
- بيشتغل في مصانع الادوات المنزلية زي مثلا مساحيق الغسيل وانزيماتها
- بيشتغل ف مصانع الغذاء اي مصنع اغذية زي شيبسي او بيبسي بتشتغل مراقب جودة بتشوف المنتج ده مطابق للمواصفات ولا لا وبالتالي الانتاج كله بيتوقف عليك
- بيتشغل ف ال Biomaterials و ال nanotechnology
بتشتغل ف صناعات الوقود الحفري
《2》- pharmaceutical biotechnology
《المجال الطبي الدوائي》
- بتشتغل ف شركات الادوية وصناعة الادوية زي المضادات الحيوية 💊
- بتشتغل في معامل ومراكز البحوث لاكتشاف ادوية للقضاء على الامراض
- بتدرس العلاج بالجينات
- بتدرس الخلايا الجذعية وبتشتغل ف مراكز الابحاث او مراكز ومستشفيات العلاج بالخلايا الجذعية ف مصر والخارج
- بتشتغل ف الحقن المجهري واطفال الانابيب
- بتشتغل ف معامل DNA
- بتفتح معامل تحاليل طبية وتشتغل في معامل التحاليل
- بتشتغل ف الطب الشرعي والبحث الجنائي
《3》- Marine biotechnology
《علوم البحار》
بتدرس المجال ده ف الكلية بحيث تكون مؤهل لاستكشاف البحار واستخراج المواد الفعالة للمجال الطبي الدوائي 👌
《4》- Agriculture biotechnology
《المجال الزراعي》
- بتدرس كل ما يخص الهندسة الوراثية الزراعية والجينات
بنشتغل في تحسين المحاصيل الزراعية كجعلها مضادة للفيروسات او مياه البحار عشان تتسقي بمياه البحار
- كمان بتدرس المدة المتاحة ال ممكن تسيب فيها مثلا المحاصيل الزراعية في الشمس منغير ما يحصلها حاجة
- بتشتغل ف مراكز البحوث الزراعية 📑🌴
◾كده إحنا شرحنا مجالات وتخصصات كل فرع من فروع البايوتيكنولوجي ✔
◾بتتخرج من جامعة MSA و MUST و BUC و النيل حاصل على بكالوريوس تكنولوجيا حيوية
◾قسم بايوتك كلية زراعة عين شمس حاصل على بكالوريوس زراعة
◾قسم بايوتك علوم حاصل على بكالريوس علوم
◾قسم بايوتيكنولوجي صيدلة حاصل على بكاليريوس صيدلة
◾بالنسبة للتنسيق فهو لسه لحد دلوقتي مفيش حاجة واضحة عنه بالنسبة للجامعات الحكومية أما بالنسبة للجامعات الخاصة فهو بيتحدد على حسب كل جامعة وحسب نسبة إقبال الطلبة وإستيعاب الجامعة🏛
⚠️خريجين الكلية دي تابعين لنقابة العلميين وكان في أخبار إن في نقابة للبايوتيكنولوجيست قريب بس منعرفش إذا كان الخبر ده حقيقي أو لا 🤓
◾الكلية مش صعبة ومش سهلة بس بتحتاج مذاكرة لأن تخصصاتها كتير وعلمية بحتة لذلك لازم تذاكر وتجتهد عشان توصل لكل أحلامك👌
《أخيراً وليس آخراً إن شاء الله مزهقتوش مننا وبالتوفيق ليكم 》
356
إدارة التسويق والمبيعات
أبحاث السوق
التسويق الإلكتروني وإدارة العلامات التجارية
◾الكلية مش سهلة ومش صعبة هي محتاجة استثمار لوقتك فيها و استغلال كل الفرص المتاحة لأنك تتعلم و متكتفيش بدراسة الكلية بس لازم يبقى عندك نظرة أوسع
إبحث ودور واجتهد عشان تتعلم وتواجه سوق العمل
تجاره انجلش ليست كلية خاصة ❌
تجاة انجليزي قسم في كلية التجارة باللغة الانجليزية والكتب بتاعته بتيجي من دول بره لذلك بمصروفات عالية ✅
👈🏻فرص تجارة انجلش في التوظيف اعلى من تجارة العادية ولكن لازم تقديرات حلوة برضو ويكون عندك اسكيلز ولو حالتك المادية متسمحش بيها ادخل تجارة عربي وربنا هيكرمك بس طور من نفسك و عوض ده بكورسات ✅
تجارة انجليزي عشان تدخلها بتقدم على تجارة العادية الاول من موقع التنسيق وتكون جايب مجموع حلو في الانجليزي من 45 وطالع مثلا وكل جامعة ليها درجة انجليزي محددة و مجموع اعتباري بتنسق تنسيق داخلي بعد ما تقبل في تجارة العادية ولو اتقبلت تجارة عربي في جامعة شروط انجلش فيها مش مناسبه ليك حول تجارة انجليزي ورقي لاي جامعه تاني عادي ✅
🚀تنسيق كلية التجارة من اكتر الكليات المفاجئة في العام الماضي حيث تخطت 72% على عكس ما حدث في السنين السابقة فقد كانت الحدود الدنيا مقاربة 66%
مصروفات القسم تتراوح بين 15 الف جنيه سنويا الى 40 الف حسب كل جامعة.
💢مجالات العمل زي تجارة شعبة العربي ولكن بيكون لك اولوية في التقديم على شركات اجنبية وفرصتك اكبر بشرط انك تشتغل على نفسك و تطور منها
🏦 قطاع البنوك بانواعه
و لو انت رافض موضوع البنوك فيه مجالات تاني كتير زي ⬇️
👈🏻شركات المحاسبة والمراجعة
BIG 10& BIG 4
حازم حسن المعروفة
👈🏻شركات الاستثمار وشركات السمسرة
👈🏻شركات الـ FMCG
👈🏻شركات الشحن واللوجستيات والتجارة الدولية
👈🏻شركات التكنولوجيا (Tech & Fintech)
الإدارات المالية في الشركات
👈🏻التدريس الأكاديمي أو التدريب المهني
👈🏻ريادة الأعمال أو العمل الحر (Freelance)
👈🏻العمل في المنظمات الدولية أو الـ NGOs
👈🏻شركات التأمين زي مصر للطيران والنيل للطيران و غيرهم
👈🏻مجال البحوث الاقتصادية والدراسات المالية
👈🏻التسويق الرقمي (Digital Marketing)
👈🏻المبيعات وإدارة الحسابات (Sales & Account Management)
👈🏻الموارد البشرية (HR – Payroll – Recruitment)
👈🏻مجال التحصيل ومتابعة الحسابات (Credit Control)
👈🏻تحليل البيانات (Data Analysis)
👈🏻إدارة المشروعات (Project Management)
👈🏻شركات الاستشارات المالية والإدارية
👈🏻مجال الضرائب (Taxation Services)
👈🏻المطارات
👈🏻المستشفيات
👈🏻حسابات في المرافق العامة
⚠️تجارة انجلش غالبا بتقبل انتظام ولكن فيه بعض الجامعات بتقبل الانتساب زي بني سويف و السادات و الزقازيق.... الخ.
💢الكلية مطلوبة جدا في دول الخليج
تفاصيل الرواتب:
حديثي التخرج:
قد يبدأ راتب المحاسب حديث التخرج في السعودية من 4,000 إلى 5,000 ريال سعودي.
ذوي الخبرة:
مع اكتساب الخبرة، يمكن أن يصل متوسط الراتب إلى 8,560 ريال سعودي لخبرة تتراوح بين 2-5 سنوات، و11,100 ريال سعودي لخبرة تتراوح بين 5-10 سنوات.
المحاسبون القانونيون:
قد يحصل المحاسبون القانونيون على رواتب تتجاوز 30,000 ريال سعودي.
فيه قسم في حلوان اسمه BIS بيزنس، و دول بيدرسوا نص المواد تبع حاسبات والنص التاني تبع تجارة
فلحد دلوقتي مش معروف الخريج ده هيكون اييه بالظبط
و BIS مصروفاتها اغلى
في الآخر مفيش كلية هتميزك و انت معندكش طموح، أنت اللي بتميز نفسك بسعيك و تقديراتك و تطويرك خلال سنوات الدراسة، ادخل اي حاجه المهم تكون طموح و حابب تكون حاجه ، الكلية عمرها ما هترفعك و توفر لك شغل لو انت مش شخص نشيط و مطورتش من نفسك
و شوف حالتك المادية وادخل بناءً عليها متجبرش أهلك ، النجاح لا مقتصر على تجارة انجلش بس ولا تمريض ولا طب ولا هندسة ولا اي حاجه.... كله مكمل لبعضه وكله له طريق للنجاح ، فانت اسعى و اترك الباقي على ربنا وربنا هيكرمك
#كلية_الصفوة🏧🏦
356
#كلية_تجارةE
◾كليه تجاره شعبه اللغة الانجليزية🏛 "كلية الصفوة" 🏧🚀
بص يا سيدي، هي أولًا ملهاش علاقة بشغل المدرسين ولا بتطلع مدرسين
بتخرج محاسبين
شفت انت المحاسب اللي بيعمل حسابات الشركة وبيشتغل في الخليج ؟!... هو ده
◾الكلية جزء من تجارة بس الدراسة فيها بتكون بالانجليزي✅
◾طب إيه الفرق بين تجارة العادية وتجارة انجلش؟ 👀
《1》- الكتب في أغلب الأحيان مش بتتألف في مصر و بتبقى متألفة في دول تانية زي 《بريطانيا وكندا و امريكا 》
《2》- اماكن الدراسة مجهزة بشكل أفضل في تجارة إنجلش عن تجارة كمان الأعداد في تجارة إنجلش بتبقى أقل ودي ميزة ، انجلش ممكن عدد الدفعة ميتخطاش ٧٠٠، على عكس عربي بتعدي ٤٠٠٠ 👌
《3》- قسم الانجلش في الكلية بمصروفات بتختلف من جامعة لجامعة بس المتوسط بيبقى من 15000 ل 40000 وممكن تقل أو تزيد حسب الجامعة 💸
《4》- عشان تدخل الكلية لازم تبقى جايب درجة معينه في الانجليزي ودي بتختلف من جامعة لجامعة يعني مش حاجة ثابتة 🙌
◾الأقسام ✍ :
- أساس الكلية إن فيها 6 أقسام رئيسية بس بيختلف وجودهم من جامعة لجامعة وهما :
1- المحاسبة : أكبر قسم من حيث الأعداد واكثرها شهرة واعلاها فرص عمل 📊
2- ادارة الاعمال : من أكتر الأقسام ال عليها إقبال بعد محاسبة🤓
《والقسمين دول موجودين في جميع الجامعات》
3- الاحصاء والتأمين
4- الاقتصاد والتسويق
5- التجارة الخارجية
6- سياسة
《ودول بيختلف وجودهم من جامعة لجامعة》
◾نظام الدراسة : ✍
- مدة الكلية 4 سنوات
- في أول سنتين الدراسة بتبقى عامة بمعنى إنك بتدرس مواد من كل الأقسام وكل التخصصات
- في سنة 3 بتبدأ تتخصص في قسم من الأقسام وفي بعض الجامعات بيبقى التخصص من سنة 4 حسب نظام الجامعة
- كمان في أقسام معينة ممكن التخصص فيها يكون من سنة 2 زى 《قسم سياسة في جامعة أسيوط》💡
- التقييم أو الدرجات عموما بتبقي على 3 حاجات هما :
- 1- اعمال السنة
- 2- امتحان الميد ترم
- 3- امتحان نهاية الترم
- 《وبتختلف من جامعة لجامعة لإن أوقات في جامعات بتقيم على أساس presentations بيعملها الطلبة في مواد معينة》📚
◾مينفعش أبدا يبقى عندي شركة أو مؤسسة من غير خريج كلية تجارة
طب ليه ⁉️
- خريج الكلية بيكون على علم واسع محاسبيا او في الجوانب الادارية ب《مبيعات - خدمة عملاء - تسويق - موارد بشرية - استثمار وغيرها من التخصصات المختلفة 》
◾هنتكلم دلوقتي عن فرص العمل للقسمين الأساسيين في الكلية وهما 《 محاسبة و إدارة أعمال 》
محاسبة : 💸
- خريج قسم محاسبة بيبقى ليه فرص كتير في أماكن كتير زي 《البنوك وشركات المحاسبة والضرائب》 هما أكتر الأماكن احتياجا لخريجي القسم
- وأنت كطالب تجارة بتبقى محتاج شهادات تزيد من خبرتك زي 《CMA , CIA , CFA , CPA <IFRS 》و كلهم شهادات معتمدة دولياً ، وكمان شهادات MOS, PFA.. الخ
- وخريج كلية تجارة وخصوصا قسم محاسبة مش بس بيشتغل في بنوك أو شركات محاسبية ،كمان يقدر يشتغل في 《المستشفيات وشركات الادوية و الشركات الخاصة والمصانع》 وعموما اي استثمار لازم يبقى فيه جزء الحسابات✏🗒
2-إدارة أعمال : 👩💻👨💻
- خريج قسم إدارة أعمال بيبقى عنده خبره في كذا مجال منهم 《التسويق - الموارد البشرية - خدمة العملاء - الادارة وغيرهم 》
- بيبقى متاح لخريج قسم إدارة أعمال الشغل في كل الأماكن ال قولنا عليها لقسم محاسبة من شركات وبنوك ومستشفيات وغيرهم بس في positions مختلفة تتناسب مع طبيعة دراسته
- زي مثلا شغله ك HR / PR / Marketeer وغيرهم✅
- خريج القسم بيحتاج لشهادات ودراسات تانية عشان يزود معلوماته زي مثلا شهادة MBA
- خريج القسم ده بيبقى مؤهل لإنه يعمل المشروع الخاص بيه ويدرسه من كل الجوانب عشان يطلع بالنتيجة المناسبة في النهاية 👌
اقسام أخرى ولكن مش في كل الجامعات
3- قسم الاقتصاد
فرص العمل:
محلل اقتصادي في البنوك أو الشركات
العمل في مراكز البحوث الاقتصادية
وظائف في الوزارات (التخطيط – المالية – التجارة والصناعة)
شركات الاستثمار والبورصة
🏧4- قسم الإحصاء والتأمين
فرص العمل:
محلل بيانات Data Analyst
وظائف في شركات التأمين
إدارة المخاطر في البنوك والشركات
مراكز الأبحاث والإحصاء الحكومية
♻️5- قسم العلوم السياسية (موجود في بعض الجامعات فقط)
فرص العمل:
العمل في الهيئات الحكومية والسلك الدبلوماسي
مراكز الدراسات الاستراتيجية والسياسية
منظمات المجتمع المدني والمنظمات الدولية
💱6- قسم نظم المعلومات الإدارية (MIS)
فرص العمل:
محلل نظم ومبرمج قواعد بيانات
وظائف في شركات الـIT وإدارة المشاريع التقنية
تطوير أنظمة الشركات ERP/CRM
💹7- قسم التجارة الخارجية
فرص العمل:
الاستيراد والتصدير
شركات الشحن واللوجستيات
مكاتب التمثيل التجاري
العمل في الموانئ والمطارات
7- قسم التسويق الدولي (في بعض الجامعات كنظام خاص)
فرص العمل:
356
⚠️وزارة التعليم العالي: ٢٠٠ ألف طالب يسجلون في تنسيق المرحلة الثانية للقبول بالجامعات
عدد الطلاب المسموح لهم بالتسجيل بالمرحلة الثانية بالتنسيق =٢٨٧٣١٨ طالب وطالبة
سجل منهم حتى الآن ٢٠٠ الف طالب وطالبة
👈🏻الموعد الأخير لتسجيل وتعديل رغبات المرحلة الثانية للنظامين القديم والجديد يوم الأحد ١٠ أغسطس.
356
📢 تنسيق الجامعات والمعاهد الحكومية 2025
حتى لا يضيع مجهودك.. تجنب هذه الأخطاء الشائعة
#وزارة_التعليم_العالي_والبحث_العلمي
#المكتب_الإعلامي_والمتحدث_الرسمي
#تنسيق_الجامعات
#الأخطاء_الشائعة_في_التنسيق_الإلكتروني
356
﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّـذِينَ آَمَنُـوا صَلُّـوا عـَلَيْهِ وَسَلِّمُوا تَسْلِيمًا﴾
356
🔴 عاجل | الحد الأدنى للجامعات الخاصة والأهلية "للثانوية المصرية والازهرية والنيل وشهادة ستيم" لعام ٢٠٢٥ -٢٠٢٦
356
⭕يعقد المجلس الأعلى للجامعات الخاصة والأهلية غداً الخميس اجتماعاً لإعلان الحدود الدنيا للقبول في الجامعات الخاصة والأهلية.
جريدة الجمهورية
356
تنبيه هام لطلاب المرحله الثانيه 👌
✅مش كل الكليات اللي تظهر قدامك في المرحلة التانية في التنسيق هتجيلك .
❌عشان متحطش كليات عاليه عن مجموعك وتتفاجئ ان جالك استنفاذ رغبات،
✅ استنفاذ رغبات معناها أن كل الرغبات اللي كتبتها مش مناسبه لمجموعك.
✅ حط كليات قريبة من مجموعك
الله يخليك متبقاش جايب 70%وتحط بيطري وعلوم و حاسبات .
356
⚠️لو بنتك داخلة جامعة قعدها في المدينة الجامعة او دور طالبات .. مش شقق ..
.
.
المدينة الجامعية ودور او بيوت الطالبات .. غير انهم هيريحوها في موضوع الاكل اللى بترجع من كليتها تلاقيه موجود .. لكن الاهم انهم محكومين عن الشقة اللى محدش فيها بيقولها رايحة فين ولا جاية منين ..
.
هتقوللي انا واثق في اخلاق بنتي .. عظيم .. كويس انك احسنت تربيتها .. بس بالنسبة لزميلاتها في الشقة ؟!
.
هحكيلك مشاكل من اللي وصلتني على مدار سنين لما كنت شغال في الجامعة وبعد ما سبتها ..
.
- اتكرر اكتر من مرة ان بنت تغفل زميلاتها وتصورهم .. منهم مرة البنت اللى كانت بتصور كانت بتبعت الصور لواحد زميلهم في كلية تانية في الجامعة. والسنة اللى فاتت حكيت عن البنت اللى كانت مركبة كاميرا على شكل زرار قميص باين في التويليت .. والكاميرات دي منتشرة جدا وسهل اي حد يجيبها.
- بنت اتصلت بيا بالليل متأخر .. الحقني زميلنا فلان طلع الشقة اللى فوقي وكل البنات مشيوا مفيش غير فلانة .. قلتلها اعملك ايه يعني وقفلت .. كلمت مندوب الدفعة اخدت رقم الولد دا .. واتصلت بيه قلتله انزل .. اتلخبط في الكلام .. قلتله انزل .. قال حاضر والحوار اتلم .
- نفس الموقف حصل في شقة تانية بتسكنها برضو طالبات كليات قمة .. بس انقح .. واحدة غفلت البنات وجابت صاحبها قعد معاها ليلتين في الاوضة وقالتلهم ابوها اللى معاها جوة ولما كان بيحب يروح التويلت كانت بتوسعله الطريق والبنات بيدخلوا اوضهم .. اتنين من نفس الشقة كلموني في الوقت دا لما عرفوا .. كل واحدة متعرفش ان التانية كلمتني .. ولسة مش مستوعب ازاي اصلا وافقوا زميلتهم تجيب ابوها يبات معاها !!
- والد مهندسة كنت بدرسلها كلمني مرة بيقوللي اختها مش لاقية شقة تقعد فيها بعد ما صاحب الشقة طردهم ..طب طردهم ليه يا حبيبي ؟! الشقة دور ارضي وادامها شقة مخزن فمركبين ليها كاميرا جابت ولد دخل عنهم مع بنت منهم في غياب الباقيين .. واصحاب المخزن بلغوه ..
- قصص المخدرات والسجاير مفيش اكتر منها.
.
.
حل الشقة دا يبقى اخر حل في الدنيا ..
بنتك في المدينة ولا بيت الطالبات اكلها موجود .. فيه مشرفات عليها وعلى زميلاتها .. لو تعبت فيه اللى يعالجها مش هيحصلها زى البنت بتاعة جامعة الازهر الله يرحمها اللي ماتت فى اوضتها بغيبوبة سكر ومحدش عرف الا لما زمايلها رجعوا من الاجازة.
لو خلاص اتقفلت في وشك كل الابواب .. وتاخد المدام تروح للبنت وهي تتعرف على زميلاتها في الشقة وتاخد تليفوناتهم وتطمن عليها كل يوم ..
المدينة الجامعية مش المدينة الفاضلة .. بيحصل فيها حاجات من دي برضو لكن بنسب لا تذكر مقارنة بالشقق ..
356
⚠️ الــــمــــرحــــلــــة الــــثــــانــــيــــة
👈 الــــتــــســــجــــيــــل مــــتــــاح مــــن الــــيــــوم و حــــتــــى يـــــوم الأحــــــد
356
⚠️تقليل الاغتراب والتحويلات تتم ايضا من خلال موقع التنسيق... متوقع فتح مرحلة تقليل الاغتراب والتحويلات بعد اعلان نتيجة المرحلة الثانية
356
⚠️تنويه | الاولوية في الحصول على الكلية مرحلة ثانية ليست باسبقية التسجيل بموقع التنسيق، فمثلا طالب يسمى ابراهيم حاصل على 89% و آخر اسمه خالد حاصل على 70%... تظهر لنفس الكليات للطالبين لكونهم مرحلة ثانية ولكن ظهور الكلية للطالب لا يعني حتمية قبوله بها ، الاولوية لاعلى الدرجات بالمرحلة
حتى لو سجل خالد قبل ابراهيم ب يومين او ثلاثة على موقع التنسيق ستكون الاولوية في القبول بأعلى الكليات لابراهيم
و حتى لو سجل ابراهيم آخر يوم بموقع التنسيق فالاولوية للحصول على اعلى الكليات الكليات كالحاسبات والبيطري والتمريض والعلوم و غيرهم لابراهيم ايضا لأنه اعلى مجموعا من خالد.
لذا يجب التنبيه، عدم التسرع وتسجيل الرغبات فور فتح موقع التنسيق، يرجى الصبر و التأني لوضع افضل مجموعة من الرغبات و الذي عددهم 75 رغبة... تنسيق الرغبات مسئولية الطالب.... فيرجى اخذ المزيد من الوقت للتشاور مع اولياء الامور حول افضل خطة لوضع الرغبات حتى لا نقع في فخ اخطاء التنسيق
=================
لعمل رغبات المرحلة الثانية وفقا للمجموع وتجنب استنفاذ الرغبات والانضمام لجروب المتابعة بأجر رمزي
التواصل واتساب على
https://wa.me/+0201153537293
356
س/ لو انا مرحلة اولى ونسقت غلط و جه ليا كلية مش عاوزها اييه الحل
حطيت طب بشري ثم علاج على امل ان طب جاية ليا رسمي بس اتفاجئت بعلاج و عايز احول اسنان وفيه محافظة جايبة مجموع اسنان فيها
ج/ الغلطة في التنسيق حلها بيكون صعب عادة
ففيه حلين للحالة دي، الاول: ان اسنان تكون جايبها في محافظتك و ده شرط عشان تعمل لها تحويل في تقليل الاغتراب
الحل التاني تدخلها بنظام الكريديت في اي جامعة بس بمصاريف تتراوح من 50000 الى 80000 سنويا
#غلطات_تنسيق
Content available for users 18+
By signing in to the service, you confirm that you are 18 years of age or older.
