Samarkand Tourism_Official| Rasmiy kanal

Butunjahon shaxmat Olimpiadasi ishtirokchilarini qabul qilishga tayyorgarlik holati bo‘yicha o‘rganish ishlari olib borildi. Samarqand viloyati Turizm boshqarmasi, viloyat Migratsiya va fuqarolikni rasmiylashtirish boshqarmasi hamda viloyat Sanitariya-epidemiologik osoyishtalik va jamoat salomatligi xizmati boshqarmasi tomonidan Samarqand shahrida o‘tkaziladigan 6-FIDE Butunjahon shaxmat Olimpiadasi oldidan musobaqa ishtirokchilariga yuqori darajada xizmat ko‘rsatish, ularning xavfsizligi, qulayligi hamda mehmondo‘stlik standartlariga rioya etilishini ta’minlash maqsadida hamkorlikda o‘rganish ishlari olib borildi.

O‘rganish davomida Payariq tumanida joylashgan Imom al-Buxoriy majmuasi atrofidagi joylashtirish vositalarining faoliyati, mehmonlarni qabul qilish imkoniyatlari, sanitariya-gigiyena holati, yashash xonalarining sharoitlari, tozalik va obodonlashtirish darajasi, shuningdek, xorijiy mehmonlarga xizmat ko‘rsatish uchun yaratilgan shart-sharoitlar ko‘zdan kechirildi. Shu bilan birga, joylashtirish vositalarida mehmonlarni ro‘yxatdan o‘tkazish va migratsiya talablariga rioya etilishi, mavjud hujjatlarning yuritilishi hamda amaldagi talablar asosida faoliyat olib borilishi holati ham ko‘rib chiqildi.

Aniqlangan masalalar yuzasidan joylashtirish vositalari mas’ullariga tegishli tavsiya va ko‘rsatmalar berilib, musobaqa ishtirokchilarini qabul qilishga tayyorgarlikni yanada kuchaytirish, sanitariya-gigiyena talablariga qat’iy rioya etish, xizmat ko‘rsatish sifatini oshirish hamda xorijiy mehmonlar uchun zarur shart-sharoitlarni ta’minlash bo‘yicha tegishli vazifalar belgilab berildi.

🏛 AFROSIYOBDA ARXEOLOGIK TURIZMNI RIVOJLANTIRISH BO‘YICHA O‘RGANISH ISHLARI OLIB BORILDI 8-sentabr kuni Samarqand viloyati Turizm boshqarmasi boshlig‘i Jurabek Suyunov boshchiligida qadimiy Samarqandning noyob tarixiy va arxeologik merosini turizm sohasiga yanada samarali integratsiya qilish, hududning sayyohlik salohiyatini oshirish hamda yangi turistik mahsulot va marshrutlarni shakllantirish maqsadida Afrosiyob qadimiy manzilgohida o‘rganish ishlari olib borildi.

📍 O‘rganishlar doirasida quyidagi yo‘nalishlarga alohida e’tibor qaratildi: 🔹 Afrosiyob hududining turli kirish nuqtalarini o‘zaro bog‘lovchi yangi va qulay sayyohlik marshrutlarini ishlab chiqish; 🔹 qadimiy manzilgohning tarixiy panoramasini keng ko‘lamda tomosha qilish imkonini beruvchi maxsus kuzatuv (view point) nuqtalarini tashkil etish; 🔹 qadimgi Samarqand hayoti va madaniyatini sayyohlarga yanada jonli tarzda namoyish etuvchi “Jonli tarix” (Living History) elementlarini joriy etish; 🔹 arxeologik qazilmalar va topilmalarni aynan topilgan joyida namoyish etishga asoslangan “Osmon ostidagi muzey” (Open-Air Museum) konsepsiyasini ishlab chiqish; 🔹 Afrosiyobning tarixiy qiyofasi va arxeologik qatlamlarini saqlagan holda hududni yangi turistik lokatsiyaga aylantirish; 🔹 tashrif buyuruvchilar uchun piyodalar yo‘laklari, yo‘nalish ko‘rsatkichlari, axborot stendlari, dam olish maskanlari va boshqa zarur turistik hamda muhandislik infratuzilmasini rivojlantirish.

🎯 Asosiy maqsad — Afrosiyobning ming yillik tarixini nafaqat muzey va eksponatlar orqali, balki bevosita qadimiy shahar hududining o‘zida his qilish imkonini beradigan zamonaviy arxeologik turizm mahsulotini yaratishdir. O‘rganish ishlarida Samarqand Arxeologiya instituti mutaxassislari hamda loyiha tashkilotlari vakillari ishtirok etib, hududning mavjud holati, tarixiy-arxeologik salohiyati va uni turizm nuqtayi nazaridan rivojlantirish imkoniyatlari yuzasidan fikr almashildi.

📢 Xalqaro turizm akademiyasidan yangi imkoniyat! Xalqaro turizm akademiyasining Samarqand kampusi tomonidan turizm va mehmondo‘stlik sohasi mutaxassislari uchun rasmiy onlayn ta’lim platformasi hamda mobil ilova yaratildi. Endilikda tinglovchilar istalgan joydan, o‘zlariga qulay vaqtda zamonaviy kasblarni o‘rganishlari mumkin. 🏨 Onlayn ta’lim yo‘nalishlari: 🛎 Front Office — mehmonlarni kutib olish va joylashtirish, bron qilish hamda mijozlar bilan xalqaro standartlar asosida ishlash. 🛏 Housekeeping — mehmonxona xo‘jaligini yuritish, xonalar tozaligi va sanitariya-gigiyena talablarini professional darajada boshqarish. Platformaning imkoniyatlari: ✅ Amaliy va tushunarli video darslar ✅ Telefon yoki kompyuter orqali ta’lim olish ✅ Bilimlarni mustahkamlash uchun testlar ✅ Ta’lim jarayonini mustaqil rejalashtirish ✅ Kurs yakunida QR-kodli rasmiy sertifikat 📲 Ilovani yuklab oling va ta’limni boshlang: App Store Google Play 🌐 tourism-edu.uz 📍 Samarqand shahar, Bobur Mirzo 3A 📞 +998 (90) 103-30-00

🕌 Samarqandda “Hadith Hotel” besh yulduzli mehmonxonasi ochildi Samarqand viloyatining Payariq tumanida, Imom Buxoriy majmuasi hududida “Hadith Hotel” besh yulduzli mehmonxonasining rasmiy ochilish marosimi bo‘lib o‘tdi. Tadbirda O‘zbekiston Respublikasi Turizm qo‘mitasi raisi Abdulaziz Aqqulov, Samarqand viloyati hokimi Adiz Muzaffarovich Boboyev, Indoneziya Respublikasi Haj va Umra vaziri Muhammad Irfan Yusuf, Indoneziyaning O‘zbekistondagi elchisi, investorlar, turizm sohasi vakillari hamda hamkor tashkilotlar ishtirok etdi.

Shuningdek, Samarqand viloyati hokimi Adiz Muzaffarovich Boboyev hamda Indoneziya Respublikasi Haj va Umra vaziri Muhammad Irfan Yusuf o‘rtasida ikki tomonlama uchrashuv bo‘lib o‘tdi. Unda ziyorat turizmini rivojlantirish, O‘zbekiston va Indoneziya o‘rtasida sayyohlar almashinuvini kengaytirish hamda kelgusidagi hamkorlik yo‘nalishlari muhokama qilindi.

🇺🇿🇮🇩 Indoneziyalik investorlar bilan hamkorlikda barpo etilgan “Hadith Hotel” Imom Buxoriy majmuasiga tashrif buyuruvchi mahalliy va xorijiy ziyoratchilar uchun zamonaviy va qulay joylashtirish imkoniyatlarini yanada kengaytiradi. 🏨 To‘rt qavatli mehmonxonada 120 ta xona va 240 ta o‘rin mavjud bo‘lib, mehmonlarga xalqaro standartlar asosida xizmat ko‘rsatish yo‘lga qo‘yilgan.

#Samarqand #ImomBuxoriy #besh_yulduzli_mehmonxona #rasmiy_ochilish #Indoneziya Samarqand viloyati Imom Buxoriy majmuasida “Hadith Hotel” besh yulduzli mehmonxonasining rasmiy ochilish marosimi bo‘lib o‘tdi.

Tadbirda O‘zbekiston Respublikasi Turizm qo‘mitasi raisi Abdulaziz Aqqulov, Samarqand viloyati hokimi Adiz Boboyev, Indoneziya Respublikasi Haj va Umra vaziri Muhammad Irfan Yusuf, Indoneziya Respublikasining O‘zbekiston va Qozog‘istondagi Favqulodda va Muxtor Elchilari, investorlar, soha vakillari hamda hamkor tashkilotlar ishtirok etdi. Yangi mehmonxona Indoneziyalik investorlar bilan hamkorlikda barpo etilgan bo‘lib, Imom Buxoriy majmuasiga tashrif buyuruvchi mahalliy va xorijiy ziyoratchilar uchun zamonaviy joylashtirish imkoniyatlarini yanada kengaytiradi. To‘rt qavatli “Hadith Hotel”da mehmonlar uchun 120 ta xona va 240 ta o‘rin tashkil etilgan. Mehmonxonada zamonaviy xizmat ko‘rsatish tizimi yo‘lga qo‘yilib, xalqaro mehmonxona standartlari milliy mehmondo‘stlik an’analari va ziyoratgoh odobi bilan uyg‘unlashtirilgan.

*** The official opening ceremony of the five-star Hadith Hotel was held at the Imam Bukhari Complex in Samarkand Region.

The event was attended by Abdulaziz Akkulov, Chairman of the Tourism Committee of the Republic of Uzbekistan; Adiz Boboev, Governor of Samarkand Region; Muhammad Irfan Yusuf, Minister of Hajj and Umrah of the Republic of Indonesia; the Ambassadors Extraordinary and Plenipotentiary of the Republic of Indonesia to Uzbekistan and Kazakhstan; investors; tourism industry representatives; and partner organizations. The new hotel was built jointly with Indonesian investors and will expand modern accommodation options for local and international pilgrims visiting the Imam Bukhari Complex. The four-story Hadith Hotel offers 120 rooms with a total capacity of 240 guests. The hotel has introduced a modern service system that combines international hospitality standards with national traditions of Uzbek hospitality and codes of conduct appropriate to the status of this sacred site.

*** В комплексе Имама Бухари в Самаркандской области состоялась официальная церемония открытия пятизвездочного отеля «Hadith Hotel».

В мероприятии приняли участие председатель Комитета по туризму Республики Узбекистан Абдулазиз Аккулов, хоким Самаркандской области Адиз Бобоев, министр по делам хаджа и умры Республики Индонезия Мухаммад Ирфан Юсуф, Чрезвычайные и Полномочные Послы Республики Индонезия в Узбекистане и Казахстане, инвесторы, представители отрасли и партнёрских организаций. Новый отель построен совместно с индонезийскими инвесторами и расширит возможности современного размещения для местных и иностранных паломников, посещающих комплекс Имама Бухари. В четырёхэтажном «Hadith Hotel» для гостей предусмотрено 120 номеров на 240 мест. В отеле внедрена современная система обслуживания, в которой международные гостиничные стандарты сочетаются с национальными традициями гостеприимства и нормами поведения, соответствующими статусу священного места.

Facebook | Instagram | X | YouTube | LinkedIn

46-Jahon shaxmat olimpiadasi oldidan gidlar uchun seminar o‘tkazildi 46-Jahon shaxmat olimpiadasi ishtirokchilari va xorijiy mehmonlarga sifatli xizmat ko‘rsatish maqsadida Samarqand viloyati Turizm boshqarmasi hamda “Ipak yo‘li” Xalqaro turizm va madaniy meros universiteti hamkorligida gidlar uchun o‘quv-seminar tashkil etildi.

Seminarda gidlarning kasbiy ko‘nikmalarini oshirish, Samarqandning tarixiy-madaniy merosi va diqqatga sazovor joylari haqida mehmonlarga mazmunli ma’lumot berish masalalari muhokama qilindi.

Shuningdek, turistlar bilan ishlash, ekskursiya xizmatlarini tashkil etish va mehmonlarga yuqori darajada xizmat ko‘rsatish bo‘yicha amaliy tavsiyalar berildi. Mazkur seminar olimpiada doirasida Samarqandga tashrif buyuradigan mehmonlar uchun qulay turistik muhit yaratishga xizmat qiladi.

🏛 MUZEYLAR HAFTALIGIGA MARHAMAT! 📅 Joriy yilning 2–8-sentabr kunlari yurtimizdagi davlat muzeylari, muzey-qo‘riqxonalar hamda uy-muzeylarida “Muzeylar haftaligi” o‘tkazilmoqda. ✨ Haftalik doirasida 114 ta davlat muzeyi va muzey-qo‘riqxonasiga yurtdoshlarimiz bepul tashrif buyurishlari mumkin. 📚 Bu — tariximiz, boy madaniy merosimiz va san’atimiz bilan yaqindan tanishish, noyob eksponatlar hamda qadimiy yodgorliklar haqida qiziqarli ma’lumotlarga ega bo‘lish uchun ajoyib imkoniyat. 🌿 Tarixni his eting, merosimizni kashf qiling va muzeylarga bepul sayohat qiling! Barcha yurtdoshlarimizni “Muzeylar haftaligi” doirasida tashkil etilayotgan ochiq eshiklar kunida faol ishtirok etishga chorlaymiz!

ICHKI TURIZMNI RIVOJLANTIRISH MASALALARI MUHOKAMA QILINDI Joriy yilning 3-sentabr kuni Samarqand viloyatida faoliyat yuritayotgan ichki turizm yo‘nalishidagi turistik korxonalar vakillari ishtirokida uchrashuv bo‘lib o‘tdi.

Uchrashuvda ichki turizm sohasidagi mavjud muammolar, tadbirkorlarning takliflari, turizmni targ‘ib qilish, hududlararo turistik reyslarni yo‘lga qo‘yish, ommaviy tadbirlarni tashkil etish hamda soha vakillari o‘rtasidagi hamkorlikni kuchaytirish masalalari muhokama qilindi. Shuningdek, yangi turistik mahsulotlar yaratish, sayyohlar oqimini hududlar o‘rtasida oshirish va turistik korxonalar uchun o‘zaro manfaatli hamkorlik mexanizmlarini yo‘lga qo‘yish bo‘yicha takliflar bildirildi.

🤝 Uchrashuv yakunida bildirilgan takliflarni amaliyotga joriy etish, hamkorlikni yanada kuchaytirish va ichki turizmni rivojlantirishga qaratilgan qo‘shma loyihalarni amalga oshirish bo‘yicha kelishuvlarga erishildi. Tadbirda Samarqand viloyati Turizm boshqarmasi boshlig‘i Jo‘rabek Suyunov ishtirok etdi.

📢 TURIZM SOHASI VAKILLARI UCHUN MUHIM E’LON! 🇲🇪 Chernogoriyada Yevropa–Osiyo yuqori darajadagi mintaqalararo forumi o‘tkaziladi! 2026-yil 11–14-oktabr kunlari Podgoritsa shahrida Chernogoriya Turizm vazirligi tomonidan BMT Turizm tashkiloti bilan hamkorlikda Yevropa va Osiyo mamlakatlari o‘rtasida turizm sohasidagi hamkorlikni rivojlantirishga qaratilgan yuqori darajadagi mintaqalararo forum tashkil etilishi rejalashtirilgan. Forum doirasida xalqaro turizm tashkilotlari, turoperatorlar va soha tadbirkorlari o‘rtasida B2B uchrashuvlar o‘tkazish, yangi hamkorlik aloqalarini yo‘lga qo‘yish hamda qo‘shma turizm loyihalarini muhokama qilish imkoniyati yaratiladi. 🇺🇿 Shu munosabat bilan, O‘zbekistondan forumda ishtirok etish istagida bo‘lgan turoperatorlar, turagentlar hamda turizm sohasida faoliyat yurituvchi tadbirkorlar o‘z nomzodlarini taqdim etishga taklif etiladi. 📅 Forum sanasi: 11–14-oktabr, 2026-yil 📍 Manzil: Podgoritsa shahri, Chernogoriya 🤝 Xalqaro hamkorlikni rivojlantirish va yangi biznes imkoniyatlariga ega bo‘lish istagidagi turizm sohasi vakillarini ushbu forumda faol ishtirok etishga chorlaymiz! 📞 Ma’lumot uchun: +998 97 576 87 82

🎁 “UZBEK GIFT CONTEST” — IJODKORLAR UCHUN KATTA IMKONIYAT! O‘zbek milliy hunarmandchiligini zamonaviy dizayn bilan uyg‘unlashtirib, sayyohlar uchun ixcham, jozibador va hamyonbop milliy sovg‘a mahsulotlari yaratishga o‘z hissangizni qo‘shing! 🎨 Tanlovda kimlar ishtirok etishi mumkin? — Dizaynerlar — Rassomlar — Ijodkorlar — Kreativ soha vakillari 🧵 Ishtirokchilar 25 ta hunarmandchilik yo‘nalishi bo‘yicha o‘z eskizlari va kreativ dizayn g‘oyalarini taqdim etishlari mumkin. ✨ Eng yaxshi tomoni — bir ishtirokchi bir vaqtning o‘zida barcha yo‘nalishlarda qatnashishi mumkin! 🏆 10 nafar g‘olib aniqlanadi va har bir g‘olibga 12,5 mln so‘mdan pul mukofoti topshiriladi. 📅 Arizalar 21-sentyabrgacha qabul qilinadi. 🔗 Ro‘yxatdan o‘tish: https://forms.gle/h3XKYkwsjByRDHAa8 📄 25 ta hunarmandchilik yo‘nalishi bilan tanishish: https://api-portal.gov.uz/uploads/146/2026/08/01/3742f011-3e7a-4dde-c098-afc9395bb838_media_.pdf 🌟 G‘oyangizni namoyon eting! Milliy merosimizni zamonaviy dizayn bilan uyg‘unlashtiring, o‘ziga xos sovg‘a mahsulotini yarating va uni sayyohlar uchun sevimli suvenirga aylantirish imkoniyatidan foydalaning! 👉 Ijodingizni namoyon eting — milliy hunarmandchiligimizning yangi qiyofasini yarating! #UzbekGiftContest #Tanlov #MilliyHunarmandchilik #Uzbekistan #Turizm

BIBIXONIM JOME MASJIDI TUNGI VAQTDA HAM MEHMONLARNI QABUL QILMOQDA Samarqandning tarixiy va me’moriy durdonalaridan biri bo‘lgan Bibixonim jome masjidi endilikda tungi vaqtda ham sayyohlar va mehmonlarni qabul qilmoqda. Sayyohlar uchun qulayliklarni yanada oshirish maqsadida maskanning ish vaqti soat 23:00 ga qadar uzaytirildi.

Ayniqsa, tungi yoritish ostida Bibixonim jome masjidining mahobatli qiyofasi tarixiy obidaning betakror me’moriy jozibasini yanada yorqin namoyon etadi. Bu esa Samarqandning boy tarixi va qadimiy merosini kunning istalgan vaqtida tomosha qilish uchun sayyohlarga qo‘shimcha imkoniyat yaratadi.

📍 Manzil: Bibixonim jome masjidi ⏰ Ish vaqti: 23:00 gacha

AYOLLAR TADBIRKORLIGI — TURIZM RIVOJIGA MUNOSIB HISSA Bugungi kunda xotin-qizlarning tadbirkorlik tashabbuslarini qo‘llab-quvvatlashga alohida e’tibor qaratilmoqda.

Samarqandlik tadbirkor Shadiyeva Gulchexra Erkinovna tomonidan tashkil etilgan “Ariana Tours” turfirmasi mahalliy va xorijiy sayyohlarga sifatli turistik xizmatlar ko‘rsatib kelmoqda.

Uning faoliyati turizm xizmatlarini rivojlantirish, yangi ish o‘rinlari yaratish va hududning turistik salohiyatini oshirishga munosib hissa qo‘shmoqda.

🏨 Yana bir mehmonxona o‘z faoliyatini boshladi Samarqand shahrida turizm infratuzilmasini rivojlantirish va sayyohlar uchun zamonaviy sharoitlar yaratish borasidagi ishlar izchil davom etmoqda. Navbatdagi yangi turizm obyektlaridan biri — “NUR IBROHIM HOTEL” mehmonxonasining tantanali ochilish marosimi bo‘lib o‘tdi. 1,1 million AQSh dollari investitsiya hisobiga 2026-yilda barpo etilgan 3 qavatli mehmonxona 28 ta xona va 60 o‘ringa mo‘ljallangan. Yangi mehmonxonaning faoliyat boshlashi mehmonlarni joylashtirish imkoniyatlarini yanada kengaytirib, mahalliy va xorijiy sayyohlar uchun qulay sharoitlar yaratishga xizmat qiladi.

🏨 Navbatdagi yangi mehmonxona faoliyatini boshladi O‘zbekiston Respublikasi davlat mustaqilligining 35 yilligi munosabati bilan turizm infratuzilmasini rivojlantirish va sayyohlar uchun zamonaviy sharoitlar yaratish borasidagi ishlar izchil davom etmoqda. Navbatdagi yangi turizm obyektlaridan biri — “ASAD HOTEL” mehmonxonasining tantanali ochilish marosimi bo‘lib o‘tdi. 2 million AQSh dollari investitsiya hisobiga 2026-yilda barpo etilgan 3 qavatli mehmonxona 16 ta xona va 35 o‘ringa mo‘ljallangan. Mehmonxonaning faoliyat boshlashi joylashtirish xizmatlari imkoniyatlarini yanada kengaytirib, mahalliy va xorijiy sayyohlar uchun qulay sharoit yaratishga xizmat qiladi.

🌙 SAYYOHLAR UCHUN YANGI IMKONIYAT! Samarqand shahrining tarixiy-madaniy meros obyektlariga tashrif buyuruvchi sayyohlar uchun yana bir qulaylik yaratildi. 📍 Amir Temur maqbarasi endilikda soat 23:00 ga qadar tashrif buyuruvchilar uchun ochiq bo‘ladi. Bu imkoniyat mehmonlarga buyuk sarkarda va davlat arbobi Amir Temur maqbarasini kechki paytda, o‘zgacha muhit va tarovatda ziyorat qilish imkonini beradi. Yangi tartib Samarqandning sayyohlik jozibadorligini yanada oshirib, shaharda kechki turizmni rivojlantirishga xizmat qiladi. ✨ Samarqand — tarix kunduzlari, sehr esa kechalari namoyon bo‘ladigan shahar!

📢 TURIZM SOHASIDA ISH BERUVCHILAR DIQQATIGA! Turizm sohasida mehnat bozorining bugungi va istiqboldagi ehtiyojlarini aniqlash, talab yuqori bo‘lgan kasb va ko‘nikmalarni belgilash maqsadida ish beruvchilar o‘rtasida maxsus so‘rovnoma o‘tkazilmoqda. So‘rovnoma orqali: 🔹 turizm sohasida talab yuqori bo‘lgan va kelgusida talab ortishi kutilayotgan kasb va ko‘nikmalar; 🔹 mavjud ko‘nikmalar tafovuti; 🔹 yangi va transformatsiyalanayotgan kasblar; 🔹 kasbiy standartlar va malakalarni takomillashtirish bo‘yicha ehtiyojlar aniqlanadi.

Shu munosabat bilan mehmonxonalar va boshqa joylashtirish vositalari, turoperator va turagentlar, umumiy ovqatlanish korxonalari, turizm yo‘nalishidagi nodavlat ta’lim tashkilotlari hamda boshqa turizm sohasi ish beruvchilarini so‘rovnomada faol ishtirok etishga chorlaymiz.

🔗 So‘rovnomada ishtirok etish: https://survey.mmtri.uz/s/malaka-va-konikmalar-sorovnoma/⁠ Sizning fikringiz — turizm sohasining kelajakdagi malakali kadrlari va zamonaviy kasblarini shakllantirishda muhim ahamiyatga ega!

Mustaqillikning 35 yilligi munosabati bilan Samarqandda yangi mehmonxona faoliyatini boshladi Samarqand shahrida O‘zbekiston Respublikasi davlat mustaqilligining 35 yilligi munosabati bilan turizm infratuzilmasini rivojlantirishga qaratilgan navbatdagi loyiha amalga oshirildi. Bugun shaharda zamonaviy “Mustafa Hotel” mehmonxonasining tantanali ochilish marosimi bo‘lib o‘tdi.

Umumiy loyiha qiymati 7,3 million AQSh dollarini tashkil etuvchi mehmonxona 77 ta xona, 177 o‘rin, 2 ta restoran, 400 o‘rinli ovqatlanish zali, 2 ta suzish havzasi, 3 ta fin hamomi, sport zali va majlislar zalini o‘z ichiga oladi.

“Mustafa Hotel”ning faoliyat boshlashi Samarqandning sayyohlarni qabul qilish imkoniyatlarini yanada kengaytirib, mahalliy va xorijiy mehmonlarga zamonaviy xizmatlar ko‘rsatish hamda shaharning xalqaro turizm markazi sifatidagi mavqeini mustahkamlashga xizmat qiladi.

Mustaqillikning 35 yilligi munosabati bilan Samarqandda yangi mehmonxona faoliyatini boshladi Samarqand shahrida O‘zbekiston Respublikasi davlat mustaqilligining 35 yilligi munosabati bilan turizm infratuzilmasini rivojlantirishga qaratilgan navbatdagi loyiha amalga oshirildi. Bugun shaharda zamonaviy “Mustafa Hotel” mehmonxonasining tantanali ochilish marosimi bo‘lib o‘tdi.

Umumiy loyiha qiymati 7,3 million AQSh dollarini tashkil etuvchi mehmonxona 77 ta xona, 177 o‘rin, 2 ta restoran, 400 o‘rinli ovqatlanish zali, 2 ta suzish havzasi, 3 ta fin hamomi, sport zali va majlislar zalini o‘z ichiga oladi.

“Mustafa Hotel”ning faoliyat boshlashi Samarqandning sayyohlarni qabul qilish imkoniyatlarini yanada kengaytirib, mahalliy va xorijiy mehmonlarga zamonaviy xizmatlar ko‘rsatish hamda shaharning xalqaro turizm markazi sifatidagi mavqeini mustahkamlashga xizmat qiladi.

Mustaqillikning 35 yilligi munosabati bilan Samarqandda yangi mehmonxona faoliyatini boshladi Samarqand shahrida O‘zbekiston Respublikasi davlat mustaqilligining 35 yilligi munosabati bilan turizm infratuzilmasini rivojlantirishga qaratilgan navbatdagi loyiha amalga oshirildi. Bugun shaharda zamonaviy “Mustafa Hotel” mehmonxonasining tantanali ochilish marosimi bo‘lib o‘tdi.

Umumiy loyiha qiymati 7,3 million AQSh dollarini tashkil etuvchi mehmonxona 77 ta xona, 177 o‘rin, 2 ta restoran, 400 o‘rinli ovqatlanish zali, 2 ta suzish havzasi, 3 ta fin hamomi, sport zali va majlislar zalini o‘z ichiga oladi.

“Mustafa Hotel”ning faoliyat boshlashi Samarqandning sayyohlarni qabul qilish imkoniyatlarini yanada kengaytirib, mahalliy va xorijiy mehmonlarga zamonaviy xizmatlar ko‘rsatish hamda shaharning xalqaro turizm markazi sifatidagi mavqeini mustahkamlashga xizmat qiladi.

Mustaqillikning 35 yilligi munosabati bilan Samarqandda yangi mehmonxona faoliyatini boshladi Samarqand shahrida O‘zbekiston Respublikasi davlat mustaqilligining 35 yilligi munosabati bilan turizm infratuzilmasini rivojlantirishga qaratilgan navbatdagi loyiha amalga oshirildi. Bugun shaharda zamonaviy “Mustafa Hotel” mehmonxonasining tantanali ochilish marosimi bo‘lib o‘tdi.

Umumiy loyiha qiymati 7,3 million AQSh dollarini tashkil etuvchi mehmonxona 77 ta xona, 177 o‘rin, 2 ta restoran, 400 o‘rinli ovqatlanish zali, 2 ta suzish havzasi, 3 ta fin hamomi, sport zali va majlislar zalini o‘z ichiga oladi.

“Mustafa Hotel”ning faoliyat boshlashi Samarqandning sayyohlarni qabul qilish imkoniyatlarini yanada kengaytirib, mahalliy va xorijiy mehmonlarga zamonaviy xizmatlar ko‘rsatish hamda shaharning xalqaro turizm markazi sifatidagi mavqeini mustahkamlashga xizmat qiladi.