មូលនិធិគន្ធបុប្ផាកម្ពុជា Cambodia Kantha Bopha Foundation

៨ ឆ្នាំនៃការចាកចេញរបស់វិរៈបុរសនៃកុមារនៅកម្ពុជា។ តើលោកអ្នកនៅចាំបុរសម្នាក់នេះទេ?

ថ្ងៃនេះ ជាគម្រប់ខួប ៨ឆ្នាំ នៃមរណៈភាពរបស់លោកវេជ្ជបណ្ឌិត បេអា រិចឈ្នឺរ (៩ កញ្ញា ២០១៨ - ៩ កញ្ញា ២០២៦) ។ === លោកវេជ្ជបណ្ឌិត បេអាត រិចឈ្នឺរ បានផ្ដាំថា៖ កុមារ, ស្ត្រីមានផ្ទៃពោះ គ្រប់ៗរូប ទោះមាន ឬក្រ មានសិទ្ធិទទួលបាននូវការព្យាបាល ដោយការផ្តល់ជូនសេវាសុខាភិបាលរបស់មន្ទីរពេទ្យគន្ធបុប្ផា ដោយឥតគិតថ្លៃ ប្រកបដោយគុណភាព និងមិនមានការរើសអើងឡើយ។ ជំនួសមុខឱ្យអាណាព្យាបាលកុមារ និងទារកទាំងអស់នៅកម្ពុជា មូលនិធិគន្ធបុប្ផាកម្ពុជា សូមបួងសួងឱ្យវិញ្ញាណក្ខន្ធ លោកវេជ្ជបណ្ឌិត បានស្ថិតក្នុងសុគតិភពកុំបីឃ្លៀងឃ្លាតឡើយ។ ពលរដ្ឋកម្ពុជាចងចាំជារៀងរហូតនូវស្នាដៃលោកវេជ្ជបណ្ឌិត ដែលបានបន្សល់ទុកដល់កុមារ និងពលរដ្ឋកម្ពុជា។ ដើម្បីចូលរួមរក្សានូវស្នាដៃដ៏ធំធេងរបស់លោកវេជ្ជបណ្ឌិត បេអាត រិចឈ្នឺរ សូមចុចតំណខាងក្រោមនេះ៖ https://epayment.acledabank.com.kh/wRx1Z4Gzqzi8zMDq/pay

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន Vattanac Bank ចំពោះការផ្តល់ការគាំទ្រយ៉ាងពេញទំហឹង ក្នុងការចូលរួមផ្សព្វផ្សាយ អំពីយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ឱ្យកាន់តែទូលំទូលាយ និងផុសផុល ដល់សាធារណជនគ្រប់ទិសទី។ ការចូលរួមផ្សព្វផ្សាយរបស់ Vattanac Bank បានធ្វើឱ្យយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទទួលបានលទ្ធផលជោគជ័យគួរជាទីមោទនៈ ទាំងក្នុងទិដ្ឋភាពថវិកា និងចំនួនសប្បុរសជនចូលរួមបរិច្ចាគ ក្នុងស្មារតី “ខ្មែរជួយខ្មែរ” ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក កុមារ និងស្ត្រីមានផ្ទៃពោះនៅកម្ពុជាដោយឥតគិតថ្លៃ ប្រកបដោយគុណភាព និងមិនមានការរើសអើង។

💲មកពិនិត្យ និងសម្រាល នៅមន្ទីរពេទ្យគន្ធបុប្ផា ក៏ទទួលបានឧបត្ថម្ភពីរាជរដ្ឋាភិបាល ដែរ។ === រាជរដ្ឋាភិបាលកម្ពុជាបានប្រកាសពីការឧបត្ថម្ភជូនដល់ស្រ្តីមានផ្ទៃពោះ និងកុមារអាយុក្រោម ២ ឆ្នាំនៅកម្ពុជា ដែលជាកម្មវិធីដ៏សំខាន់មួយក្នុងប្រព័ន្ធគាំពារសង្គមកម្ពុជា។ បច្ចុប្បន្ន, កម្មវិធីនេះ បាន និងកំពុងគ្របដណ្តប់លើក្រុមគោលដៅសំខាន់ៗចំនួន ៦ នៅទូទាំងប្រទេស រួមមានស្ត្រី និងកុមារមកពី៖ (១). គ្រួសារមានបណ្ណសមធម៌, (២). កម្មករ-និយោជិតដែលជាសមាជិក ប.ស.ស, (៣). មន្ត្រីរាជការស៊ីវិល, មន្ត្រីកិច្ចសន្យា, មន្ត្រីកម្មសិក្សា, (៤). មន្ត្រីនគរបាលជាតិ និងមន្ត្រីពន្ធនាគារ, (៥). ជនជាប់ឃុំ និងកូនតាមម្តាយក្នុងពន្ធនាគារ, និង (៦). ក្រុមប្រឹក្សារាជធានី ខេត្ត ក្រុង ស្រុក ខណ្ឌ និងក្រុមប្រឹក្សាឃុំ-សង្កាត់។ កន្លងមក ក៏ដូចជាបច្ចុប្បន្ន មន្ទីរពេទ្យគន្ធបុប្ផា បានចូលរួមសម្របសម្រួលជូនស្រ្តីមានផ្ទៃពោះគោលដៅ ជាច្រើនឱ្យទទួលបានប្រាក់ឧបត្ថម្ភពីរាជរដ្ឋាភិបាល តាមរយៈកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម ២ ឆ្នាំ ដើម្បីជួយសម្រាលបន្ទុកជីវភាពរបស់ពលរដ្ឋ ជាពិសេសការវិនិយោគលើធនធានមនុស្សចាប់តាំងពីនៅក្នុងផ្ទៃមាតា រហូតដល់អាយុ២ឆ្នាំ (១ ០០០ ថ្ងៃដំបូងនៃជីវិត) ដើម្បីធានាបាននូវការលូតលាស់ទាំងកាយសម្បទា និងប្រាជ្ញាស្មារតីរបស់ទារក និងកុមារកម្ពុជា ដែលជាទំពាំងស្នងឫស្សីនៃប្រទេសជាតិ។ សូមជម្រាបជូនថា វិសាលភាពនៃការគ្របដណ្តប់ប្រព័ន្ធគាំពារសង្គមដល់ស្ត្រីមានផ្ទៃពោះ និងកុមារអាយុក្រោម២ ឆ្នាំនេះ មានសន្ទុះយ៉ាងលឿននៅក្នុងនីតិកាលទី៧នៃរដ្ឋសភា ក្រោមការដឹកនាំបន្តវេនដ៏ឈ្លាសវៃ ប្រកបដោយបញ្ញាញាណ និងថាមភាព របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយអ្នកទទួលផលបានកើនឡើងពីចំនួន ១ ១០៦ ៦៣០ នាក់ កាលពីចុងឆ្នាំ២០២៣ ដល់ ២ ២៥២ ២៦៧ នាក់ ឬមានកំណើន ១០៣,៥២% គិតត្រឹមដំណាច់ឆមាសទី១ ឆ្នាំ២០២៦ នេះ ។ កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ នេះ ជាកម្មវិធីគោលនយោបាយអាទិភាព ១ ក្នុងចំណោមកម្មវិធីគោលនយោបាយអាទិភាពទាំង៦ របស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំដ៏ខ្ពង់ខ្ពស់ របស់សម្តេចធិបតីនាយករដ្ឋមន្ត្រី។

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន KB PRASAC Bank ចំពោះការផ្តល់ការគាំទ្រយ៉ាងពេញទំហឹង ក្នុងការចូលរួមផ្សព្វផ្សាយ អំពីយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ឱ្យកាន់តែទូលំទូលាយ និងផុសផុល ដល់សាធារណជនគ្រប់ទិសទី។ ការចូលរួមផ្សព្វផ្សាយរបស់ KB PRASAC Bank បានធ្វើឱ្យយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទទួលបានលទ្ធផលជោគជ័យគួរជាទីមោទនៈ ទាំងក្នុងទិដ្ឋភាពថវិកា និងចំនួនសប្បុរសជនចូលរួមបរិច្ចាគ ក្នុងស្មារតី “ខ្មែរជួយខ្មែរ” ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក កុមារ និងស្ត្រីមានផ្ទៃពោះនៅកម្ពុជាដោយឥតគិតថ្លៃ ប្រកបដោយគុណភាព និងមិនមានការរើសអើង។

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន Amret MFI ចំពោះការផ្តល់ការគាំទ្រយ៉ាងពេញទំហឹង ក្នុងការចូលរួមផ្សព្វផ្សាយ អំពីយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ឱ្យកាន់តែទូលំទូលាយ និងផុសផុល ដល់សាធារណជនគ្រប់ទិសទី។ ការចូលរួមផ្សព្វផ្សាយរបស់ Amret MFI បានធ្វើឱ្យយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទទួលបានលទ្ធផលជោគជ័យគួរជាទីមោទនៈ ទាំងក្នុងទិដ្ឋភាពថវិកា និងចំនួនសប្បុរសជនចូលរួមបរិច្ចាគ ក្នុងស្មារតី “ខ្មែរជួយខ្មែរ” ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក កុមារ និងស្ត្រីមានផ្ទៃពោះនៅកម្ពុជាដោយឥតគិតថ្លៃ ប្រកបដោយគុណភាព និងមិនមានការរើសអើង។

ត្រឹមតែមួយខែសីហា ឆ្នាំ២០២៦ កុមារ ១០៥ ៦៩៧ នាក់ ត្រូវបានមន្ទីរពេទ្យគន្ធបុប្ផាពិនិត្យ និងព្យាបាល។ ក្នុងនោះមាន ៩ ៦៣១ ជាជំងឺគ្រុនឈាម។

លោកជំទាវ សាយ សោភា និង ឯកឧត្តម ភឺន ផល្លា បរិច្ចាគថវិកា ៤០ លានរៀល ជូនមូលនិធិគន្ធបុប្ផាកម្ពុជា ដើម្បីទ្រទ្រង់កិច្ចដំណើរការសង្គ្រោះជីវិតកុមារ ===^^^=== ​សកម្មភាពមនុស្សធម៌ និងស្មារតីនៃការចែករំលែកក្នុងសង្គមជាតិយើងនៅតែបន្តផុសឡើងគួរឱ្យសរសើរ, លោកជំទាវ សាយ សោភា អគ្គនាយិការសាលាអន្តរជាតិវើលដ៍កម្ពុជា និង ឯកឧត្តម ភឺន ផល្លា ជំនួយការផ្ទាល់របស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បាននាំយកថវិកាចំនួន ៤០ ០០០ ០០០ រៀល មកបរិច្ចាគជូន មូលនិធិគន្ធបុប្ផាកម្ពុជា។ ​ថវិកាឧបត្ថម្ភដ៏មានអត្ថន័យនេះ នឹងត្រូវរួមចំណែកយ៉ាងសំខាន់ក្នុងផ្នែកហិរញ្ញវត្ថុរបស់មន្ទីរពេទ្យគន្ធបុប្ផា ដើម្បីធានាថាទារក និងកុមារកម្ពុជារាប់លាននាក់បន្តទទួលបាន សេវាពិនិត្យ ព្យាបាល ដោយឥតគិតថ្លៃ គ្មានការរើសអើង និងប្រកបដោយគុណភាពខ្ពស់។ មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌ ព្រមទាំងការគិតគូរខ្ពស់ពីសំណាក់ លោកជំទាវ និង ឯកឧត្តម ដែលបានចូលរួមក្នុងការលើកកម្ពស់សុខុមាលភាពកុមារកម្ពុជា។ ​ស្មារតីនេះគឺជាកម្លាំងចលករដ៏មានតម្លៃបំផុតក្នុងការបន្តជួយសង្គ្រោះជីវិត និងផ្តល់ក្តីសង្ឃឹមថ្មីដល់អនាគតទំពាំងស្នងឫស្សីរបស់ប្រទេសជាតិយើង! សូមចូលរួមបរិច្ចាគតាមរយៈតំណនេះ ៖  https://epayment.acledabank.com.kh/wRx1Z4Gzqzi8zMDq/pay

ប្រធានក្រុមប្រឹក្សាភិបាលពហុកីឡដ្ឋានជាតិ នាំយកថវិកាចំនួន ៧៩ ៥៥៥ ដុល្លារអាម៉េរិក មកប្រគល់ជូនមូលនិធិគន្ធបុប្ផាកម្ពុជា។ === នៅព្រឹកថ្ងៃទី២៨ ខែសីហា ឆ្នាំ២០២៦, ឯកឧត្តមបណ្ឌិត ឈន សុភាព រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលពហុកីឡដ្ឋានជាតិ បានដឹកនាំក្រុមការងារពហុកីឡដ្ឋានជាតិ រួមជាមួយក្រុមហ៊ុន Nano Sound , Kirisan Family, ក្រុមហ៊ុន STADIUM X, ក្រុមហ៊ុន STMARKET, តំណាងក្រុមរាំ និងតារាចម្រៀងជាច្រើនរូប នាំយកថវិកាចំនួន ៧៩ ៥៥៥ ដុល្លារអាម៉េរិក បានមកពីការលក់សំបុត្រចូលរួមទស្សនាការប្រគុំតន្រ្តីសប្បុរសធម៌ បេះដូងមួយ សំនៀងមួយ ដើម្បីគន្ធបុប្ផា មកប្រគល់ជូនមូលនិធិគន្ធបុប្ផាកម្ពុជា។ ព្រឹត្តិការណ៍នៃការប្រគុំតន្រ្តីនេះ បានរៀបចំធ្វើឡើងកាលពីពេលថ្មីៗកន្លងទៅ នៅពហុកីឡដ្ឋានជាតិមរតកតេជោ ដោយលក់សំបុត្របានចំនួន ១៦ ២៣៨ សន្លឹក។ លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានប្រតិបត្តិនៃក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា បានថ្លែងអំណរគុណយ៉ាងជ្រាលជ្រៅជូនពហុកីឡដ្ឋានជាតិ, ក្រុមហ៊ុន Nano Sound និងភាគីពាក់ព័ន្ធ រួមទាំង Kirisan Family, ក្រុមហ៊ុន STADIUM X, ក្រុមហ៊ុន STMARKET,ក្រុមរាំ និងតារាចម្រៀងទាំងអស់ ចំពោះការចូលរួមធ្វើឱ្យការប្រគុំតន្ត្រីសប្បុរសធម៌នេះទទួលបានជោគជ័យ។ បន្ថែមលើនេះ, លោកជំទាវ ក៏សូមថ្លែងអំណរគុណ ពុកម៉ែ បងប្អូនទាំងអស់ ដែលបានទិញសំបុត្រចូលទស្សនាការប្រគុំតន្ត្រីសប្បុរសធម៌នេះ ដើម្បីបង្ហាញពីការចូលរួមលើកកម្ពស់ស្មារតី “ខ្មែរជួយខ្មែរ” ជាពិសេស ដើម្បីរួមគ្នានាំក្តីសង្ឃឹម និងភាពញញឹមដល់ទារក កុមារ និងស្ត្រីមានផ្ទៃពោះនៅកម្ពុជា។

ព័ត៌មានចំនួនទារក កុមារនិងស្ត្រីមានផ្ទៃពោះ មកសម្រាក ពិនិត្យនិងព្យាបាលនៅមន្ទីរពេទ្យគន្ធបុប្ផា ក្នុងមួយខែកក្កដា ឆ្នាំ២០២៦

សប្បុរសជនបានចូលរួមបរិច្ចាគទាំងអស់ជាម្ចាស់នៃធនធាន ក្នុងការរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងមានបេសកកម្មសង្រ្គោះជីវិត ទារក និងកុមារទាំងអស់នៅកម្ពុជា។

សូមគោរពអំណរអរព្រះរាជគុណដ៏ជ្រាលជ្រៅជាទីបំផុតថ្វាយព្រះបាទសម្តេចព្រះបរមនាថ នរោត្តម សីហនុ ព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទាននូវព្រះរាជទ្រព្យដ៏ឧត្តុង្គឧត្តម ចំនួន ១០ម៉ឺន ដុល្លារអាម៉េរិក ដល់ការចូលរួមរក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងទទួលពិនិត្យ និងព្យាបាលកុមារដោយឥតគិតថ្លៃ មិនរើសអើង និងប្រកបដោយប្រសិទ្ធភាព។ ទូលព្រះបង្គំយើងខ្ញុំទាំងអស់គ្នា, សូមបួងសួងដល់វត្ថុស័ក្តិសិទ្ធិក្នុងលោកប្រទានព្រះពរព្រះអង្គប្រកបតែនឹងសិរីសួស្តី ជ័យមង្គល ព្រះបរមសុខគ្រប់ប្រការព្រះរាជសុខុមាលភាពដ៏ល្អបរិបូរណ៍ ព្រះកាយពលមាំមួន និងមានព្រះជន្មាយុយឺនយូរជារយព្រះវស្សា ដើម្បីគង់ប្រថាប់នៅជាមហាម្លប់ដ៏ត្រជាក់ត្រជុំ សុខដុមរមនាដល់ព្រះរាជាណាចក្រកម្ពុជា និងជនរួមជាតិជាកូន ចៅ ចៅទួតរបស់ព្រះអង្គជាដរាបតរៀងទៅ៕

សេចក្តីប្រកាសព័ត៌មានស្តីពី លទ្ធផលកិច្ចប្រជុំក្រុមប្រឹក្សាបរធនបាល នៃមូលនិធិគន្ធបុប្ផាកម្ពុជា អាណត្តិទី៣ លើកទី៦។

សេចក្តីប្រកាសព័ត៌មានស្តីពី លទ្ធផលកិច្ចប្រជុំក្រុមប្រឹក្សាបរធនបាល នៃមូលនិធិគន្ធបុប្ផាកម្ពុជា អាណត្តិទី៣ លើកទី៦។

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន SME Bank of Cambodia ចំពោះការផ្តល់ការគាំទ្រយ៉ាងពេញទំហឹង ក្នុងការចូលរួមផ្សព្វផ្សាយ អំពីយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ឱ្យកាន់តែទូលំទូលាយ និងផុសផុល ដល់សាធារណជនគ្រប់ទិសទី។ ការចូលរួមផ្សព្វផ្សាយរបស់ SME Bank of Cambodia បានធ្វើឱ្យយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទទួលបានលទ្ធផលជោគជ័យគួរជាទីមោទនៈ ទាំងក្នុងទិដ្ឋភាពថវិកា និងចំនួនសប្បុរសជនចូលរួមបរិច្ចាគ ក្នុងស្មារតី “ខ្មែរជួយខ្មែរ” ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក កុមារ និងស្ត្រីមានផ្ទៃពោះនៅកម្ពុជាដោយឥតគិតថ្លៃ ប្រកបដោយគុណភាព និងមិនមានការរើសអើង។

នៅព្រឹកថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា បានអញ្ជើញដឹកនាំកិច្ចប្រជុំក្រុមប្រឹក្សាបរធនបាលនៃមូលនិធិគន្ធ​បុប្ផាកម្ពុជា អាណត្តិទី៣ លើកទី៦ ដើម្បីពិនិត្យរបាយការណ៍វឌ្ឍនភាពប្រចាំឆមាសទី១ ឆ្នាំ២០២៦ និងផ្ដល់ការណែនាំតម្រង់ទិសបន្ថែមលើផែនការសកម្មភាព ក្នុងឆមាសទី២ ឆ្នាំ២០២៦ របស់មូលនិធិគន្ធបុប្ផាកម្ពុជា ព្រមទាំងពិនិត្យលើរបាយការណ៍លទ្ធផលរបស់មន្ទីរពេទ្យគន្ធបុប្ផា។ កិច្ចប្រជុំនេះ មានការអញ្ជើញចូលរួមពីឯកឧត្តម, លោកជំទាវ, លោកសាស្ត្រាចារ្យ ដែលជាអនុប្រធាន និងសមាជិកក្រុមប្រឹក្សាបរធនបាល ព្រមទាំងក្រុមការងារអង្គភាពប្រតិបត្តិនៃមូលនិធិគន្ធបុប្ផាកម្ពុជា ផងដែរ។

ធនាគារប្រៃសណីយ៍កម្ពុជា ក.អ បាននាំយកថវិកាចំនួន ៤០ ០០០ ០០០ រៀល មកបរិច្ចាគជូនមូលនិធិគន្ធបុប្ផាកម្ពុជា ===^^^=== មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅដល់ គណៈគ្រប់គ្រងនៃធនាគារប្រៃសណីយ៍កម្ពុជា ដែលគិតគូរកៀរគរថវិកាពីគណៈគ្រប់គ្រង បុគ្គលិក និងអតិថិជនរបស់ធនាគារ បានចំនួន ៤០ ០០០ ០០០ រៀល និងនាំយកថវិកាទាំងនោះ មកបរិច្ចាគជូនមូលនិធិគន្ធបុប្ផាកម្ពុជា ដើម្បីចូលរួមគាំទ្រដល់កិច្ចដំណើរការរបស់មន្ទីរពេទ្យគន្ធបុប្ផាបន្តបេសកកម្មក្នុងការផ្ដល់សេវាពិនិត្យ និងព្យាបាលទារក និងកុមារ ដោយឥតគិតថ្លៃ ប្រកបដោយគុណភាព មិនមានការរើសអើង និងប្រកបដោយប្រសិទ្ធភាព។ សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay?fbclid=IwcGRvZgNleHRuA2FlbQIxMABicmlkETFoWEpQb1pqNFJGQVpyVHZsc3J0YwZhcHBfaWQPNTE0NzcxNTY5MjI4MDYxAAEevUCMhEIG8OlLIyTAif-Wu8yi2kvv6Lnk1s7041tR2PzfDwMWbvNejoriF8U_aem_sDGz1SUKZ4XzfAKijKsffg