"HILOL" ijodiy to'garagi

*** Манови қора тош Вақт кафтларида триллион мартаба кичрайтирилган тун жонсиздай ётаркан, ўткир кўзимга тобора шубҳали кўринар ҳар кун гўёки жонлидай, гўё бир куни тўсатдан гуркираб гуллайдигандай, гўёки ҳозирча ўтмас кўзлардан сирини яшириб ухлаётгандай. Гўёки кузатиб ўткинчиларни мангу ҳаракатнинг юкин таширкан, зўр бериб ўйлайди «қай аср қулай, сирин очса бўлар қайси асрга?..» Тош ҳам гулларми деб минглаб калтабин гурзисин дўлайиб йиғилган пайтда мардона илжайиб, кўрасиз, дедим, бир куни гуллайди бу тош, албатта. Балким тош ҳозироқ гуллаётгандир, минг рангли жилода яшнаб, ўзгариб, балки бу гулларни кўрмаётгандир ҳатто шоирнинг ҳам ўткир кўзлари... Шавкат РАҲМОН

ЁШ ЎЗБЕК ШОИРЛАРИГА Сўзларни қайрайлик, обдан тоблайлик, Идрокла совутиб тағин қайрайлик, Ўзбекнинг қоракўз болаларига битта дунё қолсин ҳайратлик. Битта дунё қолсин мустаҳкам, эшилган пўлатдай дарёлар қолсин, чақилмас тошлардай бир тоғлар қолсин, мусаффо хаёллар, самолар қолсин. Сўзларни қайрайлик, дўстлар, жўралар, ғафлат тўшагида ётмай, шошайлик: яшамоқ, курашмоқ, ўлмоқ сирларин болакайлар учун очайлик. Битта дунё қолсин мустаҳкам, унга посбон бўлсин ўткир шеъримиз, токим бу дарёлар бемалол оқсин, болаларга қолсин жаннат еримиз. Сўзларни қайрайлик, тағин қарайлик, токим кескир бўлсин бамисли олмос, ўткир сўз қолмаса шоирларидан, ўткир сўз қолмаса... ҳеч нарса қолмас. Шавкат РАҲМОН

Ketasanmi endi... Ketmay qoʻya qol, Ketsang, bu dunyoga sigʻmaydi dardim. Bu roʻyi zaminda qoʻzgʻatib shamol, Ketmasang boʻlardi... Qolsang boʻlardi... Axir, shom ham tushdi. Yoʻllar qoraydi, Bulut bor. Yomgʻir ham qoladi boshlab. Toʻxta! Yo sen bilan men ham boraymi - Bu dunyoni batamom tashlab?... ♡ Xosiyat Rustamova @Yangi_hilol

*** Uyg‘ondim-u, qaror qildim ertalab: Ortga qaramayman, qaytmay yashayman. Hech kimdan hech narsa qilmayman talab, Hech kimga hech narsa aytmay yashayman. Ko‘kka qaramayman, ko‘zlarim tindi, Oyoq ostini ham ko‘rmay yashayman. Mendan yuragimni so‘ramang endi, Hech kimga hech narsa bermay yashayman! ♡ Jo‘rabek RAMAZON @Yangi_hilol

Yo‘q, Endi ko‘nglingdan chiqarolmaysan, Umringda quyoshday porlayveraman. Ming yillar qa’riga ketganingda ham, Men seni samoday chorlayveraman. © Zebo Mirzo

Ey, gulim ko'zlarga yoshlar to'lganda, Soyamiz qo'shilgan damlarni eslang. © Shavkat Rahmon https://t.me/Yangi_hilol

Qorlar yog‘di. Qizdirdi oftob. “Nedir baxt?” deb so‘radim. Biroq –O‘zi bilan o‘zi ovora Baxtiyorlar bermadi javob. Qorlar bosdi. Kuydirdi oftob. “Nedir baxt?” deb so‘radim. Biroq –O‘zi bilan o‘zi ovora Baxtsizlar ham bermadi javob. ©Rauf PARFI

Va nihoyat oʻsha kun keldi! “Qatlnoma”, “Madfun Turkiston”, “Qodiriy qidirgan kitob” kabi ajoyib kitoblar muallifi, fidoyi va haqiqatparvar yozuvchi Nabijon Boqiy bilan jonli suhbatga barchangizni taklif qilamiz. 🎤 Ushbu suhbatda siz ustozning nutqlaridan bahramand boʻlish bilan birga, oʻzingizni qiziqtirgan savollarga ham javob topishingiz mumkin boʻladi. 🗓 Suhbat sanasi: 19-may, yakshanba. 🕚 Boshlanish vaqti: 11:00 📍 Manzil: “Kitobqand” qahvaxonasi Roʻyxatdan oʻtish Yaqinlaringizni ham ushbu suhbatga taklif qilishni unutmang. Irmoqlar — Biz bilan ilm dengizini kashf eting!

Ketdim… Sogʻinsangiz, stol ustida Sheʼrlarim yozilgan daftar turadi. Qaytsangiz, varaqlab koʻring ohista, Satrlar siz bilan suhbat quradi. Istasangiz oting uni olovga, Gulxan mavjlaridan boqib turar koʻz… Men ravo koʻrmadim boshqa birovga, Bor sheʼrim “SEVAMAN” degan bitta soʻz. ©Joʻrabek Ramazon

​​ВАЗНСИЗЛИК    Ғилдираклар йўлни элитар. Деразани сувар яшил тус... Бир мартага мени эшитар, "Худо урган шалтоқ автобус". Ёнгинамда кетасиз... карнай Куй изини тарайди лўқчиб. Чанг зарралар чизиқдан чиқмай, Нур сатҳида ўйнайди урчиб. Қўлингизда йиғиқ елпиғич Ва бир елим халтача олма. Сизга бундай яқин ўлтириш – Тақдир қайта дуч этмас омад! Гоҳ ғилдирак ўрага тушар – Карнайда куй синади илкис. Вазнсизлик бир лаҳза қучар, Силкинади олмаларингиз. Кўклам тафти урган дераза, Қорачўғлар аксида мудроқ. Манглайингиз шабнамтер реза, Сачратқи гул кўйлангиз оқ. Ёнгинамда кетасиз... бесас, О, солланар зулфу сочингиз. Қани, минг йил сизни елписа, Бу қоравой елпиғичингиз. Тез елписам – капалак шакли – Қанотининг ажрида шу кўй: Сиз томонга эсар дил дарди, Менга қайтар баҳорги ноз бўй... Кўзларимни маҳкам юмаман, Заррин чанглар шафақи жўшар... Мен, ўзимсиз бахтни туяман: Вазнсизлик кўнглимни қучар! “Ватанимни эслайман гўё, Нур сатҳини тўзғитар руҳим! Кўнглим қанот қоқар, Худоё! Бу дунёнгда қолмайди юқим!”   ...Йўл адоғи берар қорасин, Деразани сувар рангсиз тус... Юраккинам тушган ўрани, Четлаб ўтар шалтоқ автобус. Йўл адоғи югуриб-елиб, Бош қўяди ҳўнграб кўксимга. Қайта дуч этмаслигин билиб, Ачинади тақдир... кўнглимга! Тақдир, менга ачинма, ҳеч ҳам! Сени алқаб тўймайман энди. Чунки кўнглим шу елпиғичча, Ҳали қанот қоқмаган эди... Алибек Анварий