O'simliklar karantini va himoyasi ilmiy-tadqiqot instituti 🌱

🇺🇿 PREZIDENT ADMINISTRATSIYASI — YANGI KONSTITUTSIYAVIY QONUN ASOSIDA 📌 O‘zbekiston Respublikasining “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy Qonuni qabul qilindi. ❓ Prezident Administratsiyasi nima bilan shug‘ullanadi? ❓ Uning asosiy vazifalari va vakolatlari nimalardan iborat? ❓ Davlat organlari bilan qanday hamkorlik qiladi? ❓ Prezident hujjatlarining ijrosi qanday nazorat qilinadi? 🎬 Ushbu videoda qonunning eng muhim jihatlarini qisqa va tushunarli tarzda ko‘rib chiqamiz: 🔹 Administratsiyaning huquqiy maqomi 🔹 Asosiy prinsip va vazifalar 🔹 Vakolatlar va ijroni ta’minlash mexanizmi 🔹 Davlat organlari bilan hamkorlik 🔹 Monitoring va nazorat 🔹 Ochiqlik va jamoatchilik bilan muloqot 🔹 Davlat xizmatchilarining mas’uliyati va javobgarligi ⚖️ Qonunni bilish — huquqiy savodxonlikning muhim qismi. 📍 O‘RQ-1166-son, 14-avgust 2026-yil 📱Facebook 📱Youtube 📱Telegram

50 trillion so‘mlik 163 ta obyekt: Prezidentimiz eng ulug‘, eng aziz bayram arafasida yangi quvvatlarni ishga tushirdi. — 163 объекта на 50 триллионов сумов: Президент нашей страны ввел новые мощности по случаю самого великого, самого дорогого праздника. 🌐Telegram 💬Facebook 📷 Instagram 📺Youtube ✖Twitter

"10 savolga 10 javob" ruknlari ostida huquqiy ma'lumotnoma! 📱Facebook 📱Youtube 📱Telegram

🇨🇳 Xitoy Xalq Respublikasining Guangdong provinsiyasi, Guangzhou shahrida “Bir makon, bir yo‘l” tashabbusi doirasida rivojlanayotgan mamlakatlar — Pokiston, O‘zbekiston, Laos, Misr, Jazoir, Nigeriya, Shri-Lanka va Malayziya vakillari ishtirokida xalqaro trening tashkil etilmoqda. 🌿 Mazkur xalqaro o‘quv kursida “O‘simliklarni biologik himoya qilishda yangi texnologiyalarni qo‘llash” mavzusida zamonaviy yondashuvlar, innovatsion texnologiyalar va biologik himoya vositalaridan samarali foydalanish bo‘yicha tajriba almashilmoqda. 🇺🇿 O‘zbekiston Respublikasi vakili: M.M. Usmonov — O‘simliklar karantini va himoyasi ilmiy-tadqiqot instituti, Qishloq xo‘jaligi zararli organizmlariga qarshi kurashishning ilg‘or texnologiyalarini joriy etish laboratoriyasi mudiri. 🤝 Xalqaro trening — mamlakatlar o‘rtasida ilmiy-amaliy tajriba almashish, zamonaviy texnologiyalarni o‘rganish va o‘simliklarni biologik himoya qilish yo‘nalishida hamkorlikni rivojlantirish uchun muhim imkoniyat. 🌱 Ilm-fan, innovatsiya va xalqaro hamkorlik — barqaror qishloq xo‘jaligi rivojining muhim omilidir! 🇺🇿🇨🇳 📱Facebook 📱Youtube 📱Telegram

#Qonunchilikdagi_yangiliklar 🏢 Ko‘p kvartirali uylarni saqlash va ulardan foydalanish bo‘yicha yangi talablar belgilandi 📑 Adliya vazirligi Ko‘p kvartirali uylarni saqlash va ulardan foydalanish qoidalariga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3824-1, 2026-yil 14-avgust). 📌 Mazkur hujjat bilan quyidagilar belgilandi: 🔹 ko‘p kvartirali uy fasadidagi nuqsonlar (yoriqlar, qoplama va suvoqning shikastlanishi, namlik izlari kabilar) boshqarish organi tomonidan bir oy ichida bartaraf etilishi lozim; 🔹 yerto‘ladan o‘tuvchi magistral issiqlik tarmoqlarida nosozlik aniqlansa, boshqarish organi issiqlik ta’minoti tashkilotini xabardor qilishi va ta’mirlash uchun mutaxassislarga kirish imkoniyatini ta’minlashi kerak; ❌ sovutish va isitish qurilmalarini (konditsioner) umumiy foydalanishdagi kirish yo‘laklariga o‘rnatishga yo‘l qo‘yilmaydi; 🛗 lift kabinasida liftdan foydalanish qoidalari hamda quyidagilar ko‘rsatilgan lavha osilishi kerak: ▫️ liftning nomi (maqsadi bo‘yicha); ▫️ yuk ko‘tarish qobiliyati (ruxsat etilgan yo‘lovchilar soni bilan); ▫️ “Xavfsiz lift” elektron platformasidagi qayd raqami va davriy texnik ko‘rikdan o‘tganligi to‘g‘risidagi ma’lumotlar; ▫️ liftlarga texnik xizmat ko‘rsatuvchi tashkilot yoki avariya xizmati bilan aloqa qilish uchun telefon raqami. 💡 Shuningdek, lift shaxtasi, mashina xonasi va unga kirish joyi bo‘sh va yorug‘ bo‘lishi lozim. 📱Facebook 📱Youtube 📱Telegram

O‘zi ham qahramon ekanini bilmaydigan ayollar… Ilm-fan tarixida ayollar haqida gap ketganda, Mariya Kyuri, Rozalind Franklin, Barbara Mak-Klintok kabi buyuk olimalarni eslaymiz. Ammo qahramon bo‘lish uchun albatta tarix kitobiga kirish shart emas. Har kuni farzandini maktabga kuzatib, oilasining tashvishlarini bir chetga qo‘yib ishga shoshayotgan ayol ham qahramon. Laboratoriyada tajriba olib borayotgan, dalada kuzatuv o‘tkazayotgan, kechqurun esa maqolasi yoki dissertatsiyasi ustida ishlayotgan olima ham qahramon. Eng qizig‘i ularning aksariyati o‘zini qahramon deb hisoblamaydi. Bugun O‘simliklar karantini va himoyasi ilmiy-tadqiqot institutida faoliyat yuritayotgan ayollarimiz bilan uchrashuvimiz ham aynan shu fikrlar atrofida kechdi. Bugungi ayolga faqat “Siz kuchlisiz” deyish yetarli emas. Unga o‘z kuchini namoyon qilish uchun imkoniyat kerak, bilim olish, ilmiy g‘oyasini amalga oshirish, grant va loyihalarda qatnashish, xorijda tajriba orttirish, PhD va DSc darajalariga erishish, yangi ishlanmalar yaratish va rahbarlik qilish imkoniyati. Quvonarlisi, mamlakatimizda ham xotin-qizlarning ta’lim olishi, ilm-fan va innovatsiyalar bilan shug‘ullanishi, boshqaruvdagi ishtirokini kengaytirishga katta e’tibor qaratilmoqda. Endi bu imkoniyatlarni real natija va yangi avlod olimalarining muvaffaqiyatiga aylantirish o‘zimizga ham bog‘liq. Ilm-fandagi ayollar uchun yana bir muhim jihat bor, bir-birimizni raqib emas, tayanch sifatida ko‘ra olishimiz kerak. Tajribali olima yosh tadqiqotchiga yo‘l ko‘rsatsa, yoshlar yangi bilim va texnologiyalarni olib kirsa, bir ayolning muvaffaqiyati boshqasida “men ham qila olaman” degan ishonch uyg‘otsa kuchli ilmiy muhit ana shunday shakllanadi. Uchrashuvda ikki oddiy, ammo muhim savol o‘rtaga tashlandi: “Bugun ishda sizni eng ko‘p nima qiynayapti?” va “O‘sishingiz uchun sizga qanday imkoniyat kerak?” Chunki ba’zan yana bir topshiriq berishdan ko‘ra, insonni eshitish muhimroq. Ayolning kuchi o‘rganishida, yaratishida, o‘z ustida ishlashida va o‘zi bilan birga boshqalarga ham yo‘l ochishida. Bugun laboratoriyada tajriba qilayotgan, dalada izlanayotgan yoki birinchi ilmiy maqolasini yozayotgan yosh tadqiqotchi ertaga mamlakatimiz ilm-faniga yo‘nalish beradigan olima bo‘lishi mumkin. Balki oramizda o‘zi ham qahramon ekanini bilmaydigan ayollar juda ko‘pdir. Ularni qahramonga aylantirish shart emas, ular allaqachon shunday. Bizning vazifamiz ularning o‘z kuchini anglab, uni namoyon qilishi uchun imkoniyat yaratish. Zero, bilimli ayol oilani o‘zgartiradi, olima ayol ilmni rivojlantiradi, imkoniyat berilgan ayol esa kelajakni o‘zgartiradi.