بدون سياق

بيتسحر وينام للمغرب وبعدين يقولك مهلًا رمضان لا تذهب ‏طب قوم اقعد مع رمضان شوية !

خليك زي ما انت عايز ... الناس مش بتشتكي من انك اتغيرت الناس بتشكتي من إنك مبقتش زي ما هم عايزينك!

انا وجوزي واحنا رايحين نفطر ف رمضان، يوم عند امه ويوم عند أمي .

عايزين نتفق ان ال single single بمزاجه، لأن الارتباط أسهل من لف المحشي والله.

أوقات بتحس إنك تستاهل الدنيا تقسى عليك عشان تبطل تكون الطرف اللطيف 😍

يعني انا قلبي أسود عشان بفتكرلك الحاجات الوحشة اللي انت عملتها ‏وانت كان قلبك تركواز وانت بتعملها ولا ايه

ركزوا في وشوش الناس وقت الهزار عشان اللي هيقولوا هو ده اللي قلوبهم مخبياه .

على قد ما هتدي حب و إهتمام على قد ما هتاخد ، بس هتاخد إيه الله أعلم .

‏الواحد بقي طموحه يقابل شخص عنده عيوب عادي مش امراض نفسية .

عيش على طبيعتك … مفيش جوايز😀

انسان بردان وصوته رايح بيواجه عالم شرير جدا بكوباية شاي بلبن.

مفيش حد هييجي بعد سنين عشان يشكرك عن تنازلك عن شيء يخصك أو حق من حقوقك لأجله، تنازلاتك هتتحسب بعد فترة من الزمن على أنها اختياراتك الشخصية . فـكر كويس قبل ماتقدم أي تنازل .

ليه العالم النهارده مصمم يخرجني عن شعوري وانا جوايا ست لطيفة والله؟

دايماً في كل شلة صحاب هتلاقي حد فرفوش والقعدة ماتحلاش من غيره، الحد ده يبقي انا .

لما تجي تشتري عربيه مستعملة لازم تتأكد أن صاحبها القديم مبقاش معاه المفتاح

أنا هغرقك فرص ومش هقولك أنهي الاخيره ولما الاخيره تيجي مش هقولك هسيبك تتفاجئ.

انت اصلا مش لاقي فردة شرابك التانية نصك التاني ايه ده اللي بتدور علي

- طب والحاجات الحلوه إللي ما بينا؟ = النمل إتلم عليها .

مفيش شخص "حقيقي" هيضيع منك مفيش شُغلانه كويسه بابها هيتقفل في وشك كل اللي بيروح مكنش حقيقي، ولا كان مُناسب، كل الحكاية انه مكنش لايق عليك ولا هينفعك قدام " مفيش فُرص ضايعه " ريح نفسك كل الي فاتك مش بتاعك

لما الاقي نفسي لا بقيت احب حد ولا اكره حد ولا حد يوحشني. ولا حد يفرق معايا