📡 KASANSAY TODAY

Косонсой туман 22- умумий урта таълим мактабида 9-май Хотира ва кадрлаш кунига багишланган "Хотира абадий-Кадр мукаддас" мавзусида утказилган маънавий ва маърифий тадбиридан фотолавхалар.

⚡️ 1 майдан карантин кучаяди Ўзбекистонда 1 майдан оммавий тадбирларни ёпиқ маданият саройларида ўтказиш тақиқланади.

#Рамазон Иордан чўлида бир ярим минг йиллик дарахт бор. Бу дарахтни «Саҳобийлар дарахти» деб атайдилар. Бу дарахт соясида бир пайтлар пайғамбаримиз Муҳаммад Мустафо С.А.В. ўз саҳобалари билан дам олган эканлар. Дарахтнинг қуриб қолмаётгани ҳатто илм аҳлини ҳам ҳайратга соларкан. Манба: Жаҳон тарихи ва жуғрофияси @Kasansaytoday

​​#Челлендж 📚 “Болага китоб беринг” китоб савдоларига марҳамат! 📖 Ҳиндистонлик Сундар Пичай бундан 27 йил олдин АҚШнинг Стенфорд университетида ўқиш учун грант ютади. Бироқ Ҳиндистондан у ерга учиб боришга маблағи бўлмайди. Шунда отаси ўзининг қарийб бир йиллик маошига тенг пулга унга чипта олиб беради. Йигит умрида биринчи марта самолётга чиқиб, АҚШга учиб кетади. Сундар Пичай 2015 йилда жаҳоннинг энг бой компанияларидан бири ҳисобланган Google ширкатининг бош директори этиб тайинланади. 2019 йилда унинг йиллик маоши 281 миллион долларга тенг бўлган. Отанинг бир пайтлар қилган катта жасорати кун келиб ўз мевасини берди. Буни ҳеч қачон унутманг! Дунёдаги энг яхши сармоя - бу фарзандингизни келажагини ўзгартира оладиган таълими учун сарфланган сармоядир. Азиз косонсойликлар! Китобга, фарзандининг эртанги кунига бефарқ бўлмаган ҳамюртлар! Жорий йилнинг 21-22 апрель кунлари "Наманган китоб савдо" томонидан туманимиздаги барча умумий ўрта таълим мактабларида китоб савдолари ташкил этилади. Шу боис азиз ота-оналар, қадрли ташкилот ва корхона раҳбарлари "Фарзандимга китоб совға қиламан", "Қадрдон мактабимга китоб совға қиламан" шиори остида ўтказиладиган ушбу китоб савдоларида фаол иштирок этайлик! Зеро, бугун фарзандимизга олиб берган бир дона китоб келгусида ўзининг ўн ҳисса ижобий жавобини қайтаради, албатта.

🔘Огоҳлик давр талаби 🔹Жаҳолатга қарши маърифат ДХХ Косонсой тумани бўлими, Республика маънавият ва маърифат маркази туман бўлинмаси, Ўзбекистон ёшлар иттифоқи туман Кенгаши, Ўзбекистон мусулмонлари идораси туман вакиллиги ҳамкорлигида 2 сектор ҳудуди, Равот МФЙ фаоллари, уюшмаган ёшлар иштирокида "Огоҳлик – давр талаби", "Жаҳолатга қарши маърифат"мавзусидаги маънавий-маърифий тадбир бўлиб ўтди.  Тадбирда сўз олганлар, мамлакатимизда ўсиб келаётган ёш авлодни – жаҳондаги турли экстремистик оқимлар, террористик ташкилотларнинг бузғунчи ғоялари таҳдидидан ҳимоялаш мақсадида  турли давра суҳбатлари, тарғибот руҳидаги профилактик тадбирлар, маънавий-маърифий кечалар уюштирилиб келинаётгани, бундай тадбирлардан кўзланган асосий мақсад – фуқароларимизни муттасил огоҳликка даъват этишдан иборат эканлигига тўхталиб ўтдилар. Диний мутаассиб тузилмалар ўз фаолият кўламини кенгайтириб, глобал даражада намоён бўлаётгани тинчлик, осойишталик ва халқаро муносабатлар барқарорлигига таҳдид солаётганини таъкидладилар.

#Муносабат Жамият ҳаётининг танаси иқтисодиёт бўлса, унинг жони ва руҳи маънавиятдир Қадим-қадимдан бизнинг заминимизда ёшлар маънавиятини юксалтириш, жамиятда комил инсонларни камол топтиришда энг аввало маънавий баркамолликка катта эътибор қаратиб келинади. Буюк аждодларимиздан қолган бой маънавий хазиналар, "Авесто", "Фозил одамлар шаҳри", "Қадимий халқлардан қолган ёдгорликлар", "Қутадғу билиг", "Ҳайрат ул-аброр", "Маҳбуб ул-қулуб" каби яна юзлаб буюк асарларда ҳам энг аввало жамиятда инсонларнинг ҳусни хулқини, киройи одобини, илм олишга иштиёқини ривожлантиришга алоҳига эътибор қаратилган. Бу борада жорий йилнинг 26 март куни юртбошимиз томонидан имзоланган "Маънавий-маърифий ишлар тизимини тубдан такомиллаштириш чора-тадбирлари тўғрисида" ги қарорнинг мазмун моҳияти ҳам мамлакатимизда маънавий-маърифий соҳада оддий фуқародан тортиб мансабдор шахснинг ҳам, ўқувчи-ёшлардан тортиб уларнинг ота-онасининг ҳам қалбида, руҳида маънавиятни юксалтириш, миллати, дини, ирқидан қатъий назар шу заминда яшаётган ҳар бир инсонда шу юртнинг эртаси учун даҳлдорлик ҳисларини уйғотишдан иборат. Айниқса, ушбу қарорда алоҳида белгилаб қўйилган эл-юрт тақдирига лоқайдлик, маҳаллийчилик, уруғ-аймоқчилик, коррупция, оилавий қадриятларга беписандлик ва ёшлар тарбиясига масъулиятсизлик каби иллатларга барҳам бериш, аҳолининг Интернет жаҳон ахборот тармоғидан фойдаланиш маданиятини ошириш, ғоявий ва ахборот хуружларига қарши мафкуравий иммунитетини кучайтириш каби масалалар барчамиздан илм билан, маънан бойлик, кенг дунё қараш билан юқоридаги ҳавфларга қарши қуролланишни тақозо қилади. Зеро, билим ва инсонийлик, маънавият ва маърифат нурлари ила суғорилган соғлом руҳ, ўз соҳибини буюк келажак ва фаровон ҳаётга етаклаши аниқ. Д. Исақов Республика маънавият ва маърифат маркази Косонсой тумани бўлинмаси раҳбари @Kasansaytoday

🔘Огоҳлик давр талаби ДХХ туман бўлими, Республика маънавият ва маърифат маркази туман бўлинмаси, Ўзбекистон ёшлар иттифоқи туман кенгаши, Ўзбекистон мусулмонлари идораси туман вакиллиги ҳамкорлигида Бомраҳа МФЙ да "Жаҳолатга қарши маърифат" тамойили асосида "Огоҳлик давр талаби" мавзусида давра суҳбати ўтказилди. Ушбу давра суҳбатида Бомраҳа МФЙ фаоллари ҳамда 25 нафар уюшмаган ёшлар иштирок этдилар. @Kasansaytoday

⚡️ Ўзбекистонда 27 март соат 10:00 дан бошлаб вилоятлараро ҳаракатланиш барча транспорт воситалари (енгил автотранспорт, автобус, авиа ва темир йўл) учун тўхтатилди. Юк ташувчи транспорт воситалари бундан мустасно — Пўлат Бобожонов, ички ишлар вазири

Ўзбекистонга 660 минг доза “COVID-19”га қарши AstraZeneca вакцинаси олиб келинди.

Жамоатчилик муҳокамаси учун жойлаштирилган ҳукумат қарори лойиҳасига кўра, Ўзбекистон бюджетни молиялаштириш учун Япониядан тахминан 334 млн долларлик қарз жалб қилади. Қарз маблағлари қуйидаги шартларда олинади: Ўзбекистонда коронавирус Covid-19 пандемиясига қарши шошилинч чоралар кўриш лойиҳаси бўйича – 15,0 млрд.япон йенаси миқдоридаги маблағларни 15 йил муддатга, шу жумладан 4 йиллик имтиёзли давр билан 0,01 фоизда; Ривожлантириш сиёсатини қўллаб-қувватлаш” лойиҳаси бўйича – 195,0 млн. АҚШ доллар миқдоридаги маблағ 25 йил муддатга, шу жумладан 7 йиллик имтиёзли давр билан 6 ойлик LIBOR +1,1 фоизда. Япония халқаро ҳамкорлик агентлиги қарз маблағлари Ўзбекистон республика бюджети харажатларини молиялаштириш учун ажратилади.