𝔡𝔢𝔠𝔢𝔪𝔟𝔢𝔯

الا يا نديبي فوق جمسٍ عليه سطاب ‏ليا حاسب السـواق تولع مواخيره ‏صنايع بياطير الكفر لابسين الكاب ‏عصاة اليهود اللي مشاريبها بيره .

مبطين من علومكم

عند المدبّر دبرةٍ نحتريهاّ .

كيف تنشدني عن الحال يافصل الربيع ‏والربيع اللي بصدري غدى حظ الجراد ‏ ‏والرماد اللي على الجمر فالصدر الوسيع ‏ محتميه من العواصف ونسناس البراد ‏ ‏من يدور غير صدره لمكنونه وديع ‏مثل من يستودع الريح كوم من الرماد .

على وجه الصبا سال المشيب وذابو العمرين ‏يمرّ العين ليلٍ ما يمر عيون خلق الله ‏. ‏مثل هذا المسا ما له شبه في اخوانه الباقين ‏من اول ما بدا ما غير اردد حي هالطلّه ‏. ‏دريت ان العمر دمعة مشاعر وابتسامة عين ‏وجيتك مثل جيّات الكلام اللي على حلّه

أنا لولا القصيد اللي يسندني قبل لا أزلّ ‏تعثّر باقي العمر القصير وطحت من طولي .

ياحلوها ذكرى الوصال العذب يا سمح الجناب ‏في كل ليل اخيّل بارقها و افل سجلّها ‏أعيدها واضيع فيها فـ أوّل فصول الكتاب ‏وأقرا جمال أيامها عقب أنطوت وافلّها ‏واشواقنا اللي في شتات دروبها سقت الرّكاب ‏اتعرف خطوات قدمي من شوقها وتدّلها .

لا تدرجين العذر في نص الكّلام ‏عذرك سمين ووجهك احلى من قبل .

كن القلااده لا استوّت مع نحرها ضيان بدرٍ كاسيتها .. سحاابهه

‏الفارع الي غلاها بين عوج الضلوع ‏مشيد له قصور تطرخ اعلامها ‏فيها تبجاح ظالم وبتسامة قنوع ‏وشعور يعيشه الي وقف امامها ‏منطوقها كنه مخصص لخطف السموع ‏وعيونها تربك اهل الثقل سلهامها ‏وفي جسمها تجتمع زمه وشبعه وجوع ‏وتناقضٍ مايعرفه غير هندامها ):

الحمْدلله صرت متعوّد على كل الظروف ‏لو كان نفسي في بعض الاحيان تتبع غيّها ‏حتى الحياه اللي من اول كنت الحّقها حسوف ‏ماعاد افكّر لا فـ واجدها ولا فـ شويّها ‏سلمي مع ظروف الليالي مثل سلمي للضيوف ‏لا جاتني صكّات بقعا قلت يالله حيّها .

الشفايف لونها مثل لون الديدحاان و العيون وساع والجسم كاسيه الترف

لي عليك إنك ما تذرف دموعك على الغيّاب ولك علي أحدّي الشوق عن دربك وأعدّي به ما يستاهلك من عاد له فوق الثرى جرةٍ وركاب لا تذكر سوى من غاب له مرةٍ والغيبة الغيبة جروح العمر تكفلها السنين وفص ملح وذاب تموت وكنّها ما يوم كانت لها سطوة وهيبة وتاسع دروبك عقب ما ضاقت عليك رحاب وِساع عيون من وجهه يحط البدر في جيبه .

الي حوله حروف عربيه مزخرفه يرسلها لي @ll2pi