اثبات بوت تمويل ألمبرمج 20M➕🤖

"ما أكثر الألطاف في أيامنا ‏لكنّنا من دونِ قصدٍ نغفُـلُ"

انشروها ولا تتركوها ✨ ‏وَمَا يَزالُ عَبْدِي يتقرَّبُ إِلى بالنَّوافِل حَتَّى أُحِبَّه🤍.

دامنا فرصة نرجع لربنا يلا اياك تكسل، اياك الشيطان يضحك عليك بالاغاني ويلهيك عن الذكر بالافلام والمسلسلات والاغاني والسوشيل....⚠️ متكسلش اياك تضيع الفرصة ابداء متضمنش عمرك تيجي السنة الجاية علي هذه الايام ♻️ اشغلو نفسكم بالذكر والعباده قدامنا فرصه لازم نغتنمها ... افضل ايام السنه 🪴 جاهد اشغل نفسك بالطاعة ، بالعبادة ، بالذكر ، بالصيام... 🕊 -- من اعظم انواع الذكر القران الكريم اختم القران خلال ال ١٠ ايام دول 📒 -- اذكار الصبا-المساء -بعد كل صلاة -اذكار النوم 🔖 -- القيام انتظم عليه واستمر ومتكسلش وتقول لا انا بحب ربنا اي دليلك متدعيش محبة الله ﷻ اثبت انك بتحبه وقوم الليل اللي النوم احب اليه من اي حاجه انت اللي احب إليك من النوم الله عشان كده هتقوم قوم ومتكسلش 🌿 صلاة الضحي تقدر تصليها من ركعتين لحد تمن ركعات متستهونش وتكسل .🌻 السنن الرواتب سنه الرسولﷺ قبل الفجر ركعتين.. 🕊 قبل الضهر اربع ركعات.. 🕊 بعد الضهر ركعتين.. 🕊 بعد المغرب ركعتين.. 🕊 بعد العشاء ركعتين.. 🕊 -- ختاما خليك فاكر كلم اي حد كنت متخانق او زعلان او مش زعلان المهم اتكلم وعيد علي قرايبك صلة الرحم برضو متخليش مبينك وبين اي حد زعل واعرف انك هتموت والحياه دي قيمتها صفر ومش مستاهلة🚫 -- #اغتنمو #افضلايامفيالسنه

ثانويه عااامه مهم جدا 👌 بمناسبة بدا امتحانات الثانويه العامة اعرفوا ان الثانوية العامة مش اخر الكون عمر مقياس النجاح مكان بمجموع ف ثانويه العامه ، عمر ما سنة واحده تبين مدى نجاحك او فشلك. لكنها خطوة وبدايه ، متبصش ع مجتمع شايف ان اللى جاب ف الثانويه ٩٩ هو اللى ناجح ف الحياة. واللى جاب ٧٠ هو الفاشل ، نصيحه لكل طالب ، الثانويه مش نهاية العالم ، بلاش تحط ع نفسك ضغط نفسي اكتر من اللى انت فيه وراجع مرة واتنين وعشره. وحل كتير جدا ، هات اخرك مش عشان مجموع ،عشان تكون عملت اللى عليك. وتأكد لو عملت اللى عليك ربنا هيكتبلك اللى فيه الخير ليك عاوزين نوصل لنقطه الرضا اولا رضا بان ربنا بيختارلنا دايما الافضل ثانيا: الرضا عن نفسك انك عملت اللى عليك وافتكر اننا مسؤلين عن السعي مش مسؤلين عن النتيجة يارب يوفقكم ويكرمكم وتطلعو مجبرين الخاطر ✨🫀 شير في الخير

⏰💙اللهم صلِّ وسلم على نبينا مُحمد💙⏰

السلام عليكم ورحمة الله وبركاته. أنا هتكلم بالعامية في الرسالة دي عشان الكلام يوصل ويكون اللي فاهمه أكبر عدد من الناس بإذن الله لأن فيه ناس تُواجه مشاكل في فهم بعض الفُصحى. من المشاكل اللي أنا شوفتها كتير في أي حد بدأ في طريقه لربنا إنه بيهتم أكتر بالمظهر عن الجَوْهَر، يعني الفتاة مثلًا تهتم إنها تنتقب أو تختمر، والشاب يهتم بإطلاق اللحية، ودا خير كبير وأنا لا ألوم حد على إنه يعمل كدا خالص، بل دا حاجة كويسة وخير للشخص ولأفراد المُجتمع. لكن المُشكلة تيجي بعد كدا، وهي إنه يقف، أو هي تقف .. يعني مافيش حركة بعد كدا، ولو فيه حركة فاتجاه لطلب العلم مُباشرةً دون تطهير للقلب والقراءة في أعمال القلوب، فكأنك كدا بتزرع في صحراء، ثُم بعد كدا تيجي فترات كسل وخُمول وبالوقت ومشاغل الحياة يكون الشخص مظهره فقط مُتديِّن، لكن في نفس الوقت نلاقي الشاب بقى مافيش غض للبصر، والبنت بدأت ترجع لحياتها القديمة تاني، .. الخ من المشاكل. في نفس الوقت كذلك بنلاقي تصادُمات كتيرة بين الشاب وأهله، أو الفتاة وأهلها، يعني مثلًا البنت كانت أمس لابسة بنطلون ضيّق وكدا، فجأة بقت عاوزة خمار أو نقاب؟ والشاب كان لسه بيشتم أمس مثلًا، فجأة كدا نزل المسجد وعاوز يلتحي؟ فالأهل كذلك هنا معذورين عشان فيه صدمة بالنسبة لهم في المظهر، مش موضوع صدمة إنك عاوز تقرب من ربنا، ودا طبعًا يُؤدي لخوفهم على أبنائهم عشان فاكرين حد لعب في دماغهم وقالهم ينضموا لتنظيم داعش مثلًا! (أنا بتكلم عن نظرة الأهل مش عن إني بمنع حضرتك من النزول للمسجد، ولا بمنع حضرتك من ارتداء اللباس اللي ربنا أمركِ به). أنا مش بقول إن طريق ربنا مافيش فيه ابتلاءات وشدائد، لكن على الأقل مانرجعش تاني لأي معصية كُنا بنعملها قبل ما ربنا يهدينا، وعلى الأقل برضه نتدرّج مع نفسنا واللي حولنا عشان ماتحصلش تصادُمات كتير! بل للأسف بعد كدا بنلاقي تنازلات بتحصل من الشاب أو الفتاة .. فمثلًا بعد الخمار بدأت تلبس طرحة قصيرة، ثُم بناطيل ضيقة وبعض المكياج، .. الخ، والشاب بدأ يشوف كلامه مع أي بنت وهزاره معها عادي طالما مافيش كلام خارج، ثُم شتائم، .. الخ. فالمُشكلة اللي شاغلة دماغي هنا، وهي شاغلة دماغي من فترة، ليه الاهتمام بالمظهر بصورة مُباشرة بعد ما ربنا يَمُنُّ على حد بالهداية والاستقامة؟ ليه مافيش اهتمام -بعد بالمظهر- بالجَوْهر وإن الانسان يطهّر قلبه من أي مرض، كالرياء وغيره؟ وليه مايحاولش يأثر في غيره ويسيب غيره يأثر فيه فقط؟ عشان كدا بدأت تُراودني فكرة نعملها هنا في القناة إن شاء الله، وهي إننا نحاول نخلي الحياة كُلها اللي بنعيشها في طاعات، وكذلك نضبط موضوع التدرُّج في الهداية بحيث تلاقي نفسك بتتغيّر في المَظهر والجَوْهر. طيب هنعمل ايه بالضبط؟ تحت وسم #ومضات بصورة مُرقمة إن شاء الله هنبدأ نقول كلام خفيف عن شيء تعمله، ولو تعمله مرة واحدة في حياتك بس، ولو حبيت الشيء دا فكمّل فيه وتزوّد، والمنشور مش هيكون طويل وهحاول أخليه قُصير إن شاء الله بقدر الإمكان، ودا هيضم سُنن وطُرق وكلام وعبادات الصالحين من الصحابة والتابعين (هنحاول نذكر المصادر للتوثيق)، يعني هتلاقي إن شاء الله كلام ينفعك، وكذلك حاجات تعملها بشكل عملي بصورة تدريجية، والتركيز أكتر في السُنن، وأهو على الأقل تكون قلّدت حد من العُبَّاد في أي حاجة عملوها، ولو تعملها حتى مرة واحدة في حياتك، ومش هيكون شيء خاص بنفسك بس ولنفسك، لكن دا هيكون مُتعدّي إن شاء الله للي حولك عشان تكون مُؤثر فيهم، والمشاكل اللي بتحصل في البيت تقل ونحاول نتدرّج مع الجميع بإذن الله، وتكون مُؤثر في المُجتمع ككُل. أنا عاوز بإذن الله من دا إن حياتي وحياتك تكون كُلها عبادة، مش مُجرد اهتمام بالمظهر ونقول كدا بقينا من الصالحين! كذلك عاوز من دا نلحق بعض، يعني مش عامل الموضوع دا عشان غيري، بل لنفسي أولًا والله، ثُم عاوز نلحق اللي أصابه كسل، واللي بدأ يرجع لمعصية تاني، واللي عنده صُحبة بتأثر عليه بالسلب، واللي مش عارف يعمل ايه بعد ما ربنا هداه، ..الخ. كُل دا ينفع للي ربنا مَنَّ عليه بالهداية من 10 سنين، واللي لسه مُهتدٍ النهاردة، يعني الموضوع دا بيخاطب كُل الفئات إن شاء الله. ومافيش قلق من إني أتكلم في شيء يخص الفقه والأحكام الشرعية، فالكُل عارف إني لا أتحدّث في كلام يخص العُلماء، لكن أنا مُجرد ناقل فقط، لكن عشان فيه حاجات لازم كُلنا كمُسلمين نُحييها تاني فينا ونتّبع سُنة الرسول عليه الصلاة والسلام والسلف، والحاجات دي موجودة في كُتب السُنَّة وغيرها، فأنا ناقل فقط من الكُتب دي وتعليقات للأئمة عليها، زي ايه سُنَّة ومش سُنَّة.. الخ. مش هنكتب كُل يوم شيء جديد، لكن مثلًا كُل يومين أو ثلاثة، حسب تيسير ربنا لنا إن شاء الله. وأرجو إن الكُل يعمل ولو شيء واحد من اللي هنذكره تحت الوسم إن شاء الله، وسَلوا اللهَ التيسير والثبات. والسَّلام.

من كان له عندي مظلمه يقولي اردها له، من في يوم اذيته يقول لي لعله سوء تفاهم، انل لست حمل اي بُعد او مقاطعه💔👩‍🦯

﹎ اعبدوا الله كأنَّكم ترونه، وعُدُّوا أنفسكم في الموتى، واعلموا أنَّ قليلًا يغنيكم، خير من كثير يلهيكم، واعلموا أنَّ البِرَّ لا يبلى، وأنَّ الإثم لا يُنسى. • أبو الدرداء رضي الله عنه.

نقولها تاني -منَ صاحب المُصلين، صليٰ -ومن صاحب المغنين، غني -ومن جالس السكاري، سكر ويأتي التأثير مع الوقت.... الصاحب ساحب ويـا بـخت اللي صاحبه ساحبه لِــطريق ربنا وطريق الوصول للجنة🖤".