ماتيلدا ..🖤

صباح الخير :- أصبـحتِ أمـرأةً ممـلة ، قتلتك العادات حتى أخذتك لطريق النساء المعهود ذاك الذي لا تحيد عنه الا قلة قليلة.. سعادتك في رائحة المنظفات التي تملأ بيتك و جل همك (ما ستطبخيه اليوم؟) تتحدثين كامراة تقليدية جدا ، (كيف حالك؟ ماذا حصل معك...) لا شيء اكثر من هذا ولا أقل لم تعد تغريك مراجعات الكتب ولا قراءة الروايات ، لا الأحاديث العميقة ولا الموسيقى التي جمعتنا اصبحت تشبهين الجميع ، امي ، و اختي و جارتي العجوز وانا رجل من طراز رفيع ، يشبه القامات و القمم و له مع ابطال الروايات علاقات قديمة لم يعد فيكِ ما يستفز رجولتي ، أو يكسر سلاسل عاداتي !! يجمعنا الآن فقط نصٌ قديم و أغنية معادة و جرح مدفون في زاوية قلب و ذكريات أيام لن تعود ليس منطقياً ان رجلا مثلي يجمعه معك حب صحون و حيطان بيت ، و لا احاديث الأطفال التي تزعجيني بها هذا هو كل ما يهمك اليوم .. انت ايتها الموناليزا الحسناء التي تركت لوحتها البرجوازية واختارت أن تكون عابرة...

صباح الخير ، النهاردة الصبح وأنا قايم من النوم إفتكرت موقف حصل معايا من سنة ونص تقريباً ، لحظة كانت فارقة في حياتي ، كانت نتيجة لمشكلة عيشت فيها لأكتر من 6 سنوات متواصلة ، إفتكرت إزاي كنت بعيش في قلق وتوتر وحالة رعب من نهاية معينة ، بس الغريب لما النهاية دي حصلت ، فضلت أربع أيام تقريباً أسأل نفسي " أنا ليه مش حاسس بزعل ، ولا مخنوق ، وفين الرعب اللي كنت عايشه !! " . إحنا فعلاً عايشين في حالة خوف وقلق وتوتر من حاجات كتير ، وناسيين إن الإبتلاء لما بينزل ، بينزل معاه لطف ورحمة من رب العالمين . ومن وقتها مبقتش أشيل هم لبكرة ، ولا أخاف منه ، وده بيخليني أفتكر نصيحة من مهندس يمسيه بكل خير " يابني انت مش هتتحاسب دلوقتي على فروض بكرا ، شايل همه ليه وانت مش ضامن تعيشه ، بتنكد على نفسك ليه وانت رزقك مكتوب من الأساس ولا يعلمه غير الله " . سيبوها على الله ، واعملوا اللي عليكم ، واقتلوا الخوف ، لأنه وهم بيدمر فيكم بالبطيء .

صباح الخير 🙂 شوفت ف عينهم الحب الحقيقي ❤️ حب الروايات الخيالية اللي كنا بنسمعها زمان الحب الحقيقي مش المٌزيف ، الحب المُختلط بالمودة والتفاهم والمشاركة والخوف علي بعض بجد .. قدروا يوضحوا بكلامهم البسيط ان الجواز مش حقوق وواجبات وراجل وست ، الجواز مشاركة ، مراعاة ومع بعض في الوحش قبل الحلو ، الجواز ثقة ، خطوتنا واحدة ونجاحك هو نجاحي وفرحك هو فرحي .. لما سألته المذيعة تخيلت حياتك من غير ريم هتبقي عاملة ازاي ؟! كان رده بكل خوف وتعجب : " هتوه " هو شايفها مرآيته وإن خطوات حياته كلها كانت بدايتها ونهايتها ريم 💙 ربنا يحافظ علي العلاقات السليمة الصادقة اللي مليانة مودة ومشاركة وحب صادق ❤️ - الفاطمه حرزالله

صباح الخير :- مش من حق أي مخلوق يحاسبك على ماضيك ، ولا حتى من حقه ينبش فيه ويعاتبك عليه ، الناس بتتغير ، وومكن غلط إمبارح يكون درس نورلنا الطريق اللي ماشيين عليه النهارده ، ربنا بيقبل التوبة وهو الوحيد العالم بكل حاجة جواك ، اللي تشوفه قدامك كويس شجعه ، متكسرش مجدايفه وتفضل تفكره بالماضي وتشده لورا ، انت ممكن بكتر تنمرك عليه يتحول لشخص أسوء ، وهتشيل ذنب كبير . انت نفسك أكيد مش ماشي صح بنسبة 100% ، وأكيد كان ليك أخطاء ، وأظن مترضاش حد ينبشلك فيها ، ويتنمر عليك بحرف واحد .

صباح الخير :- أعرف انك تدخلين بروفايلي في آخر ليلة كل يوم و الإطلاع على اخر أخباري.. تقرآين أخر ما كتبت حرفًا حرفًا.. خائفة حذرة من ان يتمرد إبهامك و يعلن و جودك. تحزنين على واقعي الذي لا أنتهي من وصفه. تبتسمين على مزاحي الذي كنت أقصه عليك انت بالذات، ستدفعك غيرتك لدخول حساب اي فتاة تضع لي إعجابًا او قلبا على إحدى منشوراتي. ستفتّشين على أي دليل لإثبات أنها حبيبتي،لتقفي على عتبة محادثتي مترددة تتنهدين تفكرين بصمت أي عذرًا سيكون مفتاح لمحادثتي. لكنك لن تتجرأي لأن ماتسمينه كبرياءًا يمنعك، يكبلك بأغلال من جنون العظمة و أصفاد من تكهنات و توقعات بأنني سأتمرد و أبادرك الحديث. ستبقين كل ليلة هكذا تكتفين فقط بالتطفل من بعيد. تقتلين نفسك ب هل و ياليت و الكثير الكثير من الربمات التي ستقودك الى الجنون ذات يوم. نعم، هذا انت بعد فوات الأوان..

صباح الخير :- ليه بتنجذب لشخص مش بيهتم لك و لا بيحبك بالطريقة اللي عايزها مع ان فيه حد غيره مهتم لك و بيحبك بالطريقة اللي محتاجها بس انت رافض وجوده ؟ لإنك ببساطة بتكرر سيناريو قديم محتاج تحط له النهاية اللي انت عايزها، يعني حبيبتك ممكن تكون شبه والدتك مثلًا و والدتك دي ماكانش بينك وبينها تواصل و لا اهتمام و لا حب و حبها مشروط لك بالحاجات اللي بتعملها لها و صعب ارضاءها و بتحسسك انك مش كفاية ف دة المألوف بالنسبة لك ، المألوف مش ام بتحبك و بتعتني بيك و بتحضنك و بتحسسك انك كفاية او عيلة عمومًا بتعمل معاك كدا، انت مش متعود على الحاجات دي ف مش بتنجذب لحد بيديهالك. بما انك ما قدرتش تسيطر على وضعك مع والدتك او اهلك ؟ بتحاول تعمل دة من خلال علاقتك ، بتحاول تاخد من الست اللي بتحبها الحب و الرعاية اللي هي مش قادرة توفرهم لك لإنها نسخة أهلك ف متوقع ليه ان نسخة اهلك هتديلك الحاجة اللي اهلك ما وفروهاش لك؟ ناسي انهم شبه بعض؟

صباح الخير:- على فكره الحب زي ماهو بس الزمن والناس والنفوس اتغيرت ، كان زمان الحب نابع من القلب لكن دلوقتي نابع من جوا الجيب و المعدة ، كان زمان لما الراجل يحب يدلع حبيبته ويشبهها بالقمر ونور الشمس والنجوم _ لكن _ دلوقتي بالأيس كريم والبيتزا والفخاد بقى ... أقصد الفخدة الضاني طبعاً ....!! كان الراجل زمان لما بيحب واحدة كان بيضحي بكل حاجة علشان ينفذ وعوده وكلامه _ لكن _ دلوقتي ماتت وعود زمان ، وماتت الرجولة والفاتحة على الإخلاص وكله يهون لو عنده عربية وفيلا وقرشين حلوين ، كفاية انه في البطاقة ذكر !! زمان كان هو اللي بيضحي بكل حاجة علشان يتجوزها ويستر عليها _لكن_ دلوقتي هي اللي بتضحي بكل حاجة علشان يستر عليها وميفضحاش ده لو مكنتش من بتوع الأوبن ماينتد وعرفت غيره عليه سياتدك !! ماهو بردوا زمان كانت البيوت أسرار .. !! زمان كانوا بيحلموا ببعض ودلوقتي الواتس والفيس والسكايب كتر ألف خيرهم طبعا .. !! كان الحب بيوصلنا زمان للجنون لكن دلوقتي عيب تحب لأن الحب ده بتاع المراهقين ... !! الغيرة والنخوة زمان كانوا من معاني الحب لكن دلوقتي طبعا احنا اتطورنا ودي بقت معاني للتخلف والرجعية ومركب نقص وش .. !! كنا زمان بندوخ علشان نقابل بعض وكان الواحد ياخد حبيبته في أي مكان هادي وبعيد وكانوا يخططوا ايام وتفكر هتقابله بأي شكل وهتعمل أيه وهو ممكن ينزل يشتري لبس جديد ... ده كان زمان يا أخواننا دلوقتي الحب بقي في الانجاز وحالة الفيس بتنجز أوي والمنشن ... يا خراشي علي المنشن وجمال المنشن ... !! كان الراجل بيحب واحدة بس لكن دلوقتي بعد استئصال القلب وتبديله بالمعدة بقي بيعرف علي قد كرشه ... !! وهي طبعا عاملة أكونت لكل واحد ومش بعيد موبايل لكل مجموعة ...!! زمان كانت الواحدة بتحب بعنيها ووشها لكن دلوقتي بالهوت شورت والمكياج ... !! كانت الرجولة زمان هي اللي بتعجب لكن دلوقتي الجيب وخفة الدم والروشنة ماهي لازم يبقي حبيبي كوول ... !! كنا زمان جسمين بعيد عن بعض لكن روحهم متقابلة وحاضنة بعض بإخلاص لكن دلوقتي جسمين حتي لو لازقين في بعض كل روح منهم في مكان بعيد ...!! كان زمان في ثقافة الإعتذار لكن دلوقتي اللي بيقول آسف ده انسان ضعيف ومعندوش شخصية ..!! زمان كان في حب ، ودلوقتي في حلاوة بالقشطة.

صباح الخير ،"حين تصبح مستعدا للسعادة تشعر أن القطار قد فاتك". الطبيب النفسي سيخبرك أن الحياة هي المستقبل، لا شيء يفوت، لا ضرورة للحزن إن كان بإمكان المرء أن يبدأ مرة أخرى شيئا ما، سيعبث في إفرازات دماغك عبر مخدرات قانونية! مدرب التنمية الأبله سيطلب منك أخذ نفس والتركيز على الجانب الأقل سمكا من الخازوق، شخص آخر يائس سيسدي لك نصائح من باب طرد الملل، ربما لا يعرف لماذا ينصحك أصلا، التلفاز سيخبرك بأنك في حاجة ماسة لمنتوج ما، والسياسي سيخبرك أن حياتك ستتغير قريبا، والآن، الساحر الأكبر، رجل الدين سيجد لك علاجا يصلح لكل أشكال المرض: الإيمان، أنت تشعر بالعجز عن الابتهاج لأنك لم تساعد رجل الدين على اكتساب الثروة والنساء والعقارات بما يرضي لعبته الخيالية، عليك أن تترك الحياة وتهدي وقتك وجسدك لمهرجين يعتاشون على الدجل، من بقي؟ الفيلسوف، الفيلسوف إن كان مهرجا هو الآخر سيتحدث عن علاقة الحكمة والسعادة، أن تطوع عقلك ليتكيف مع الواقع ثم يقتنص منه لذات بسيطة، لذة المعرفة والفن، لذة الحب، لذة المشي، لذة العزلة.. وإن كان صادقا ... لا يوجد أي شخص صادق بخصوص السعادة، الجميع يصنعها ويختلقها من أنشطة يقوم بها، في الباطن السعادة مجرد كلمة بدون محتوى دلالي ثابت، يمكن لأي شعور أن يسمى سعادة، إفراز الدوبامين سعادة، تحقيق مكانة سعادة، شفاء غليل من "عدو" سعادة، أن يتركك الآخرون لوحدك سعادة، الفوز في حرب مات فيها كل من تعرفهم "سعادة" .. إنها من الكلمات-الفخ التي تستطيع الالتصاق بأي تجربة دون أن يكون لها معنى في ذاتها، لذلك لم يفتك قطار السعادة، لأنه ليس هناك قطار بذلك الاسم.

مساء الخير:- ساعات بحس ان التزامي بمعني الكلمة هو اللي بيديها قوتها لما بقول خانتني بحس ان الموضوع عني ، انها رفضتني انا ، واني مش احسن واحد. والموضوع مش عني وعمره ما كان عني ، الموضوع عن واحدة تايهة. لما بقول سرقني ، كأن اللي في ايدي ملكي للابد...كأنه مش ماشي ابداً ، بنسي ان مفيش حاجة اسمها صاحب ملك..في واحد معاه نعمة عهدة بيسلمها للي بعده. لما بقول خايف ف انا خايف من فكرة مش من حاجة موجودة ، المستقبل عبارة عن حلم يقظة. لو عشت في الحاضر وركزت بيختفي. اناني قوي وفاكر ان الاسوأ اللي بتوقعه هيحصل عشان انا اذكي عبيط ،ولو محصليش اللي عايزه فا ده كان احسن حاجة واحسن حاجة محصلتش ، فاكر اني عارف مصلحتي. مفيش راجل عجوز ذكي يقول "الدنيا زمان مكانتش احسن ،انا زمان كنت عارف اقل." لكن في راجل عجوز ندمان انه سابها تحصله معملهاش. فا عشان مقعش في فخ اني اخلي الموضوع عن نفسي..بقول لمخي ، خليني في دلوقتي ، خليني اعيش.

صباح الخير :- في مرحلة ووضع أصعب بكتير من مرحلة المنتصف المميت ، مرحلة بتكون عايش فيها مابين مزيج من حالتين ،حالة أشبه بالاكتئاب ، والتانية فقدان السيطرة عالتفكير !! مرحلة اسمها " حد يفهمني أنا عاوز إيه بالظبط " و بالرغم من تقمصك دور القوي المتماسك بمهارة رهيبة للدرجة اللي بتخليك تصدق كدبتك .. بتنهار مع أول مواجهة حقيقية بتحصل ما بينك وبين سبب الحالة !! وفوق ده ، مبتلاقيش ولا واحد من اللي عرفتهم طول حياتك تقدر تروح تكلمه أو تسأله السؤال ده !! ولأنك بتكون زهقت من كتر ماكانت مشاعرك وؤدود أفعالك وتصرفاتك عريانة قدام القريب قبل البعيد . فبتتحول فجأة لشخص صامت ، ساكن ، موجود بجسمه مع الناس وعقله متعلق في مكان تاني .. الكل موهوم انه بيتعافى ويمكن هو اولهم .. ! لكن للأسف .. للأسف كل اللي حب بجد وكان واخد الدنيا بطيبة وعفوية واقع في نفس الحفرة ...

مساء الخير ،‏خليك انسان بيعرف يدّي مشاعر كويس ، بيعرف يحب ويهتم ويزعل وينكش ويحتوي.. عشان دا اللي بيحسسك انك عايش والواحد مننا بدون مشاعر بيكون ميت.. بس خليك قوي لوحدك واعرف يعني ايه كل حاجة قابلة للفقد في يوم وليلة ، بسبب وبدون سبب ، بسابق انذار او فجأة.

فضفضه ع الماشي.. انا بشرب سجائر من ونا سني صغير جدا وعملت كل اللي دماغك تتخيلو وده شئ عمره م كان للفخر إطلاقا ده شئ محزن لو تعلمون .. كنت مفكر ان اللي بيبقا مخنوق بيروح يتكلم مع اهله يترمي ف حضن ابوه يشكي لأمه بس الواحد كان اغلب وقته مرمي ف الركن البعيد ف الاخر كده محدش حاسس بيه ولا حد يعرف عنه حاجه كنت بطلع همي ف الدخان ومصاحب السجاير ومع كل سيجاره حدوته بتخلص بعياط وكتمان وصريخ عقلي .. كل ده غلط شاب ٢٢ سنه لم ييلغ من العمر الكثير بياخد نفسه بالعافيه حتي حجز الخماسي اللي اي حد ف سني بيخرج بيه الطاقه السلبيه ده انا مقدرش احضرو وده بسبب الدخان دلوقتي والاول بسبب اني كنت منطوي ولوحدي لأبعد الحدود مكانش عندي المساحه الكافيه اني اعمل صحاب وأخرج معاهم وإعرف الدنيا ف سن الشباب بتبقي عامله ازاي خدت ع الوحده وصاحبت السجائر وكوباية القهوه الدوبل اللي بتوقف القلب دي وتخليك مبتنامش وقاعد طول الليل بتحاسب نفسك علي حاجات انت ملكش اي ذنب فيها .. دي قصه حزينه قصيره مع الحاجات اللي دمرتني اوعي تبقي زيي في يوم من الايام اتفرج ع الغلط ومتعملهوش اتعلم منه ونت يعم الحاج ونتي يست الناس لو ابنك او بنتك معرفتش تصاحبه متجيش لم يكبر وتقول هو متغير لي وعلطول لوحده وكئيب متزرعش بذرة اليأس والاحباط وكسرة النفس وترجع تقول فين ثمار الامل والتفاؤل ..

صباح الخير :- انتوا ازاي يا جماعة بتهون عليكم نفسكم تبقى مع حد مش مقدركم وبيعاملكم بمزاجه يوم حلو ويوم وحش ازاي بتقدر تصغر نفسك تحت مسمى الحب وبتطلع مبررات لقلة الذوق وبخل المشاعر وقلة الادب زي هوَ حنين بس عصبي شوية ؟

صباح الخير ،أنا شخصياً أؤمن أن النساء أفاعي.. وفكرة وجود نساء ضعيفات غبيات ، ما هي إلا خدعة أنثوية ..!

🛑اعترافات خطيرة من نرجسي: ١- لو حسيتي إني بقرب منك اعرفي إن ده نصب و إني بعمل ده عشان عشان عايز منك حاجة ٢- لو لقيتيني أخطأت، استعدي للمعركة لأني مش هعترف بخطأي و هسقطه عليكي و هعمل لك gaslighting و أجننك ٣- بحب الجدال معاكي لأنه بيستهلكك و أنا بستمتع بده لأني لازم أطلع كسبان منه ٤- لما بحس بضعف باجي أستفزك عشان تنهاري فأحس بضعفك و ده قمة سعادتي ٥- لو فكرتي تحرجيني أو تعاقبيني علي خطأ عملته حتي لو أنا اعتذرت لك، لازم هعاقبك ع ده، ما تفكريش إن الموضوع خلص، أنا هنيمك مؤقتا و هنتقم منك ٦- لو تجرأتي و تجاهلتيني هستفزك لغاية ما ترجعي يا إما هعمل لك hoovering و أرجعك تطمني لي، و هعاقبك عشان تحرمي تعملي كده تاني ٧- مبفهمش المشاعر و مبحبهاش ٨- لو حسيت إنك هتكسبيني في جدال، هغير الموضوع و هفكرك بحاجة سلبية فيكي عشان أطلع كسبان ٩- أنا طول الوقت بكذب سواء بسبب أو بدون سبب لأن الصدق ده حاجة بتاعة الفشلة مش بتاعتي ١٠- خدي بالك كويس قوي من المعارف المشتركين بيننا، لأنها فرصة عظيمة بالنسبة لي إني أكلمهم وحش عنك و أقلبهم عليكي ١١- الإنكار بالنسبة لي وسيلة دفاع، لو قفشتيني بعمل حاجة هنكر ١٢- لو اتعاملتي معايا علي إنك مساوية ليا ببص لك علي إنك طفلة و هعاقبك بغضب نرجسي و هعلمك تلزمي حدودك ١٣- كوني أحترمك أو أحترم غيرك دي حاجة ماتحاوليش تطلبيها و أنت مطلوب منك تحققي معاييري و ماتطلبيش مني إني أقدرك ١٤- أنا نوع غير جيد للصداقة أو الحب، و مع ذلك لو علاقتنا فشلت هكون معرف كل الناس إنك أنت السبب في ده #نرجسية #نرجسي،،

مساء الخير 💙 مابيحركش الانسان غير الشغف.. فاقد الشغف ممكن يكسل يقوم يجيب ريموت التليفزيون. واللي عنده شغف عنده استعداد يروح اخر الدنيا ومايحسش بأي مجهود أو تعب. فاللهم إنا نسألك شغفًا لا ينقطع، وهمةً لا تزول، ونعوذ بك من الشعور بالكسلٍ، وترك السعي وفساد العقول.

مساء الخير 💙 يمكن الكلمتين دول يغيروا مجرى حياتك ، بس تفهمهم صح . لازم تعمل موازنة بين عقلك وقلبك ، في مواقف لازم تلغي فيها التعامل بالعاطفة ، تفرمل ، متقولش لنفسك معلش أنا لازم أديهم كل اللي اقدر عليه وبعدين هما هيفهموا ده ويقدروه . انا مبقولش تبطل تعمل ، اعمل لوجه الله بس متستناش مقابل ، ولا تستنى ان اللي قدامك يفهم ده ويقدره ويبادلك المشاعر بتاعتك . يعني لما تعمل حاجه شغل مخك قبلها ، هل الحاجة دي في مكانها الصح ولا لأ . في وقتها الصح ولا لأ .. ؟! متخليش اللي قدامك يجبرك على العطاء وكإنه حق مكتسب ، كإن اللي بتعمله كله من حقه بدون ارادة منك والا هتندم وهتخسر نفسك ووجودك وكيانك في الآخر . حافظ على كرامتك ، و اللي يقولك الحب مفيهوش كرامة قوله آسف ، لإن اول مبدأ في الحب هو الاحترام ، لو اللي قدامك مبيحترمكش هيحبك ازاي ؟! صدقني لو اللي قدامك حس ان عطائك سهل ، وحبك أبدي ، مش هيعملك حساب ، هينسى كل المباديء والأصول وقت الزعل ، هيعتبرك حاجة مضمونة ومش هيركز مع وجودك من عدمه .

مساء الخير ❤️ "تبقى الحنيّة هي الشيء الوحيد الذي لا يُقدّر بثمن، والشيء الوحيد الذي لا يُباع ولا يُشترى.. تبقى الحنيّة سيّدة الطباع الجيدة، والخصلة التي تجد كل واحدٍ منا يفتّش عنها فيمن حوله، فمهما تعددت ميزات الشخص ليس هناك ما يضاهي رقة القلب، وما أرانا جميعًا نميل إلا لمن هو ليّن بطبعه، ولا نأمن لأحدٍ بقدر ما نأمن للشخص الرحيم. فلطالما كانت وستكون مواقف الحنيّة هي الأبقى أثرًا بالقلب، والأطول أمدًا وحضورًا بالذاكرة." 🤎

صباح الخير 💙 من أهم الصفات إللى لازم تكتسبها إنك تبقى "شواف" .. ده إطار تالت بعيد عن الصح و الغلط .. إنك تتنازل عن حاجات من حقك أو كلمة المفروض تتقال ، لمجرد إن ده مش وقته ولا حالة إللى قدامك تسمح ! إنك تعرف إن حتى ألطف الناس و أكترهم تسامح ، عندهم نقطة تحول لما السعة النفسية عندهم تتملى .. و هما مش منافقين ولا جمالهم مزيف لما تشوف منهم عكس ده ، لكنك ماكنتش شواف و دفعتهم لإنهم يعملوا عكس طبيعتهم ! الإنسان كائن معقد ، و فى أوقات كتير التعامل معاه بالقانون مش بيكون الحل السليم .. و كونك شواف ، هيخليك تميز تتعامل بأنهى طريقة فى أنهى موقف !

صباح الخير 🖤 التراكمات دى اكتر حاجه مؤذيه ومتعبه نفسياً وبتدمر الانسان حرفيا انا ممكن اخد منك موقف واركنه ومزعلش واخد موقف تانى واركنه ومزعلش وهكذا فى كذا موقف.... بس فى مره هيجى عليا وقت هتلاقي كل التراكمات اللى عندى ناحيتك طلعت وخلاص انا اتقفلت منك بطريقه بشعه مهما تكون غلاوتك عندى وحبى ليك ومهما تكون قريب منى خلاص خلصت.... اصل التراكمات مع الوقت بتهد المعزه مهما كانت مكانتها..التراكمات بتهد رصيد الغلاوه والتركمات مابتعرفش عزيز للاسف فمحدش يراهن على قوه تحمل ومحبه ولطف اللى قدامه وأنه بيعديله كذا موقف علشان ممكن وانت مش حاسس باللى بتعمله ده تصحى تلاقى رصيدك بقي صفر ومالكش اي قيمه عندى وعمرها ما ترجع ابدا . فاحذروا التركمات يا جماعه