شعر l محمد بن جبرين ♪ .

‏تموت بداخلي خيبة مشاريهي على الأحباب ‏ ولا شافوا سوى وجهٍ سموح .. وبسمة محيّا

‏يا شبابيك صدري كيف أصّك الستاير ‏عن نسيم الحَنين اللي يغيب ويجينا.

‏رشّي على الصدر يا بيض السحاب القنوف ‏مبطي و أنا ما حصل لي قطرةٍ في يدي .

‏بين هقوات المشاعر ونظرات العيون ‏كل شفرات المحبه مثيره للجدل ‏لاتضيعك الهقاوي وتخلفك الظنون ‏تحسب ان الوضع عادي وللفاقد بدل ‏وين ابلقى لي مع اللي يروحون ويجون ‏قلبً ليا راح يرجع واذا مال اعتدل ‏المحب اليا تعدا محطات الجنون ‏لو يدلونه على الدرب لايمكن يدل

‏يا ايها الناس الغلاه اللي ماتدري انها غلاه ‏عيشوا مكان اللي يقدركم على مانتوا عليه ‏كم غالي ٍ ماحدنا نكذب عليه الا غلاه ‏لو ماهو بغالي وش اللي يحدنا نكذب عليه .

‏جيتك مع الدرب البعيد اللي مساراته سراب ‏شرهات قلبي تذكرة و الذكريات الامتعة ‏لا تنهر الحلم الكبير اللي على متن السحاب ‏حديتني على الجفا من ضيق ما هو من سِعة .

‏َ ‏لعل الله أودع في جوانب روحي الأضداد ‏أحب أبعد عن الغالي مخافة وأحتري قربه. ‏أخاف من الجدل ومنْ الزعل ومن الكلام الحاد ‏يغرّبني قسى الغالين دايم وأشعر بِغربه ‏بصدري تعشب الفرحة ولا تأخذ كلف وجهاد ‏بسيطة لكن بصدري أمل، وبـ داخلي غربه ‏َ

تمادى بي جفاف الماء وأنا أبني من حَنيني بيت ‏ أدوّر قلب يشبهني ومرّ العمر ما نلته

‏"مرحبا من سبب ولّا بليَّا سبايب ‏ياسبب كل جرح ويادوا كل علّه ‏ ‏ياحبيبي بدون أدنى شكوك وطلايب ‏والله وبالله اللي كوَّن الكون كلّه ‏ ‏إنّك الحاضر اللي كَنّ ماهوب غايب ‏وإنّك الغايب . . اللي ماتغيَّر محلّه".

‏فمان الله سق ركْبك على درب السنين العوج ‏ولكن طالبك لا أقفيت عنّي . . لا تخلّيني.

‏أنتزع عن وجه حلمك " كل خوف " ‏وافرض على روس المعالي سطوتك ‏عن طموحك لا تعذر بالظروف ‏أصنع ظروفٍ تليق بهقوتك .

محتاج افضفض لحد ماهوب يعرفني اقابله في وطن ثاني . . وفي غُربه .

‏يوم أبعد عن الناس مانيب ضايق ‏شخصيتي هادي واحب السكينه ‏العزلة أفضل من ضجيج الخلايق ‏نتايج الازعاج ماهيب زينه ‏اجلس لحالي واكتشف في دقايق ‏بنيت من سجات قلبي مدينه

‏يا قايد الحرب وقّف ناظر الصـوره ‏دامك تبسّم ونصر الحرب مفرحكم ‏ابي انشدك ... بعد كلٍ واجـه حضوره ‏ماشفت هذا على المركب رجع معكم ؟

‏مضى ما مضى واللي مضى ينذكر بالخير ‏ولا عاد ينفع ودك اني .. و لو انّك ‏شبع قلبي من ملاوع الضيق و التفكير ‏إلين اكتفى .. والا انت ما ينشبع منك .

عليك السلام الواجد الي مهوب شوي ياشي تفاصيله مع سجة الساهي لامني بغيت انساك واقول منت بشي ذكرت انى معاهدك في وجهي وجاهي

‏ياصاحبي والله ماعمري تكبرت ‏لكن مزاجي لاعبٍ في نظامي ‏لاعاد تنشدني علااامي تغييرت ‏ان كان تبغى الصدق مدري علاامي .

‏ودي اسولف مع كورنيش جده ‏يـوم وضع اخلاقـنا على الحديده

‏يارب تعرفني وتعرف نواياي ‏وتعرف جميع ظروفي المُستبده ‏أحيان أصيب الرأي وأضيّع الرأي ‏وأحيان أفتح باب وأحيان أسده ‏أحاول أمشي بإتجاهك يامولاي ‏وتسرقني الأيام في خضم شِده ‏عاملني بُلطفك وعطفك ورجواي ‏ليا أنحرف قلبي عن الحق ردّه

‏والله اني طحت من كثر الوقوف ‏ولا رفعني فالحياة إلا " الصبر " ‏طالت الاحزان من كثر الظروف ‏ولا بقى لي غير جرحين ، وسهر ‏انكسرت و ما بقى غير الحروف ‏الكتابة تعطي لـ كسري جبر .. ‏راح عمري كله بلحظات خوف ‏من يجيب لخوفي الباقي عمر ؟