شعر l محمد بن جبرين ♪ .

‏لكن على شانك أشوف إن عذرك سمين ‏" ترى الردى في ظروفك وأنت ما أنت بردي "

القبــول .. أوّل عناويــن المــودّه ‏واحترام الذات من طيب العقول ‏ٰ ‏شخص تحترمه من إسلوبه ورده ‏وشخص ماله لا احترام ولا قبول

‏توحشتك الأماكن والدار والديرة وهي صخرّ ‏وشلون عاد فيني وأنا لي قلب وشوية عروق؟

‏يا حبيبي يِمرض الشوق في بعض الليال ‏أبعد الله .. عني و عنك " تأثير " المرض ‏ودي أسلى .. لكن شلون والسلوة محال ‏بعد زادت حلكة الليل ، والعارض عرض ‏مكتفي باللي يجي منك من باب الوصال ‏إن عجزت تسوي الصعب سو المفترض ‏أرسل .. إن عيت عليك الظروف الاتصال ‏الرسايل بعض الاحيان .. توفي بـ الغرض

‏يا فاقدين أحبابكم وش تسوون ؟ ‏لا مدت الذكرى الحزينة يديها ‏كيف نتجاوز حزننا ما تعرفون ! ‏بعض الطواري موجعه ما نبيها ‏دايم على بال المواجع يمرون ‏مافيه ضحكةٍ مالهم صوت فيها ‏ياليتهم عن ضيقة الفقد يدرون ‏ودروبهم وشلون دايم نجيها ..

‏الله يا سرع الليالي والايـام ‏راحت سنه من عمرنا مادرينا ‏قبل امس اذكر توّنا بأول العام ‏واليوم بالعام الجديد ابتدينا

‏يامرحبا يا عام أربعه وعشرين ‏دام الجروح ان جيت بتصير ماضي ‏كنت اجهل شلون أتغاضى و هالحين ‏صرت اعرف وشلون فن التغاضي ‏وان راح عامٍ .. فيه ما حنّا براضين ‏يالله بـ عامٍ منه الكل رااضي .

مقطع مطلوب ابن عجيم الشرافي 🥇.

‏عفا الله عن مواعيد أنتظارك والسنين حيام ‏وقفت ومامعي غير الوله واقف ومتسامي ‏يخوفني ضجيج الشوق لا أرتاد الطريق العام ‏وغير بـ أتجاهاتي وتأثيري وهندامي ‏حرارة فقدك أقسى ماتجيبه بارد الأنسام ‏وأنا للحين من حر المفارق ترجف عظامي

‏- ‏انا موطنك الاصلي لو كتب لك عنه الترحال ‏وقبلك راحلين ومن بغى يرحل بعد يمديه ‏ياجعلك ما تذكرني ولكن لا لحقك الحال ‏تذكرني وانا وياك تحت الله وبين ايديه .

‏لو ينفجر صدري من الكتمان ‏خذيت من طبع البشر درسي ‏ودي افضفض لي على شيطان ‏واذا خلصت اقرا آيّة الكرسي . ⁩

‏اثر الوداع اسهل علّي من الملام ‏و آسفْك ماتكفي و جرحك مايمون ‏وش الشعور اللي يبين فالكلام ‏عند الشعور اللي يبيّن فالعيون :(

‏عليك السلام الواااجد اللي مهو بشويّ ‏وعليك الملام اللي شويّ ومهو واجد ‏على قولة إن الحيّ لازم يشوف الحي ‏ماشفتك وأنا دايم على الباب متواجد!

‏"بعد وجهك غدت كل الوجيه اللي لمحت أغراب ‏تجعّد خاطر ٍ ما تمحي البسمة تجاعيده ‏يلومون الغصن لاأقفى اليباس بلبسه الجذّاب ‏شـ ذنب الغصن !وكفوف الخريف تحب تجريده ‏حبيبي طارت أحلام الصبا ذاك النهار أسراب ‏شعور المنجرح يصعُبْ على الجرّاح تحديده”

غريب وتستثيره كل نسمه من وطنْه تهب ‏يدور له جليس يسامره ويبدد سكاته ‏لو أنّه وسط مقهى كنّ روحه في غيابت جب ‏وش اللي ينقذه ولا وش اللي يجمع شتاته

‏محمد بن مريبد عن اللهفه وعن الخذلان ‏تغانمت الطريق اللي يجي بيتك من الصوبين ‏احسب اني بشوفك واحسب ان الوقت يمديني . ‏ وانتهى بـ ‏تركت الدار بيساري واخذت اول طريق يمين ‏وانا شهب العلوم تحدني و الشوق حاديني .

‏حاول تخلي جلستك عند العرب ركعة وتر ‏خفيفة .. تقضي لزومك كل ما صليتها ‏و حاول تخلي كلمتك عند العرب ليلة قدر ‏كلن يدورها و لا يدري متى توقيتها ‏و حاول تخلي كلمتك وقت العتب رشة عطر ‏يفطن لها المخطي ولا تندم .. ليا رشيتها

‏أنت الأستثناء والباقين نزوات تْتشابه ‏لا تخليني أحس إنّك تخلّيت بسهولة ‏في غيابك ماني إلّا غصن في رجوى سحابة ‏ما فقدت إلّا السحاب وما أنتظرت إلاّ هطوله ‏كم سؤالٍ ؟ ودّي أقوله ! وأنا عارف جوابه ‏وكم جواب ٍ ! ودّي أعْرفه ؟ ولا ودّي تقوله