أقتباسات شعرية

‏يوم عيدي يوم أشوفك تشترين الغالي ‏من حلالي لو يروح العمر مديونيّة ‏أرثعي في راس مالي دام راسك مالي ‏لا يهمك كم بقى فأرصدتي البنكيّة ‏مثل ما أنتي تستحقين اسمي و موّالي ‏تستحقين الذهب و الماس و العيديّة - سلطان الحوالي

‏"على كثر ماعطاك الله مْن اللين ‏مزاجك العنجهي كله صعوبه!"

‏يوم جات إتثنّى فوق الأرض اليباب ‏كل قاعٍ درج سيله وعشبه زما ‏- مشاري محمد

"مابقى إلّا لعشَّاق الغرام اللي بعدنا نولّف كتاب فيه زبدة تجاربنا وتعليمات الأحباب وآدابها"

"من يلوم طرفٍ هام في عودك الميّال ؟ عيونٍ فتنها الحسن هذا - لها حجه "

‏"تفهمين الشِّعر ولا تجهلينه ‏ماعرفته قبل تهدينه عليّه ‏تامرين وتاخذين اللي تبينه ‏يالعيون الناعسات النرجسيّة ‏شاعرك لا من تغنّت بك سنينه ‏شال بأعلى صوته أعذب سامريّه الغلا يا كثر ما بينك وبينه من سواليف وكلام ومقدريّه تسكنين القلب ولا تجرحينه أنتِ اللي لك معاليقه هديّه ‏تفهمين الشِّعر ولا تجهلينه ‏"قابلك ربي بليّا شاعرية"

ياشين القصيد ان صار خالي من الاحساس يمر المسامع عجل !.. ويموت طوالي إذا ما تحرّك منه قلب و تمايل راس ما يطري على مهموم !.. ولا على سالي يقوله من استولى على القصر والحراس قبل يصدر المرسوم في حضرة الوالي عطاه الله من الشعر ما يحبس الانفاس يسولف على الشعار من برجه العالي أحسب إني أسلا كل ماذعذع النسناس تعبت أبتسم وأرجع على نفس موالي أثر ما يسليني كلامٍ ما بين ( أقواس ) عن الصورة !.. اللي ما تخليني لحالي عليك السلام الوافر اللي بدون قياس ياا عنقٍ عليه !.. ( معلّقٍ ) باقي آمالي مع إنك بعيد وطرقتك تتعب العساس أنا أشوف حلّي فيك .. وآشوف ترحالي إذا ما بقى لي عودك المبري المياس من أحلام عمري مااعرف وش تبقالي يطل القمر ولا يغيب القمر .. لا باس الأغلى تهون بـ حضرته ، قيمة الغالي عن الطلة اللي تنتظرها جميع الناس أنا فـ انتظار !.. الطلة ، اللي على بالي - عبدالله السراهيد

"يجيني على شوفك مشاعر وله وهيام ‏و انا فيك والله مادري ويشني لاقي ‏لاشفت القمر ينقص ويكمل ونورك تام! ‏ دريت انك اجمل منه يااانبض خفاقي ‏ملامحك شي وضحكتك رحلة استجمام ‏ وكلامك حياة وصوتك يرتب اوراقي ‏عسى عيونك اللي بين الاغضاي والسلهام ‏ مايجذب نظرها الا سحابي وبراقي"

" ترحب بك النسمة و تومي لك الاغصان ‏ بعَد ما انتشى عطرك .. ومَريت بعذوبة "

«لا يهمك شي ماني على إسعادك شحوح - والله لو إنك لهايب خذيتك بالعناق»- عبد الله السمين

موسم: "وألحفك المحبّة لين تدفى بارد كتوفك"

"الرجال أهل التجاريب قالوا من قديم، ما تميّز حلو الأيام لولا مرّها" Vs "كثر ما فات أنا للحين متمسك بكل الجاي، يقولون الليالي لا قست تبدي بشايرها"

"اللي حلاها مختلف عن كل جيل ماهوب زيف ولا نفاق ولا دجل الفارع اللي كن ممشاها ثقيل بين التغطرس والتباهي والخجل أدل ما بين المعنّق والجديل وأضيع في سلهامة السود النجل تشرب فناجيل الجوازي كل ليل بـ الذات لا حطّت رجل على رجل"

لمع برق الشعر وانساقت انسامه وانا مشعوف ‏ومعا ذالك فقير وشايف لي فالبحر دانه ‏ياليت الصدر مثل المسجد اللي بالذكر محفوف ‏تمنثاه الطمأنينه من اركانه الى اركانه ‏تيممت ودعيت الدعوه اللي من صميم الجوف ‏عسى رب السماء من دونها ما صك بيبانه ‏وعرفت ان بيت ربي هو ملاذ اللي عليه ظروف ‏وشعرت ان الحياة الخارجيه وسط زنزانه ‏حزنت اني من اللي جاو للمسجد مجي ضيوف ‏وحسدت اللي يشوف ان روضة المحراب مسكانه ‏اسوي المعصيه وانشد ضميري نشدت الملقوف ‏واعرف الرد ! يعني نشدتي له مالها خانه ‏ضميري لا سكت لازم يجيني من سكاته خوف ‏وليا منه تكلم مستحيل اسلم من لسانه ‏من التوبه قريّب جعل مايصدفني الصادوف ‏قبل لا أفارق الدنيا فراقٍ ما اعرف اوااانه ‏اخاف من النهار اللي جميع الناس فيه وقوف ‏هنا وقت الحساب وواجهه الديان ديانه ‏لا جات أمة محمد بالعمل جعل العمل مخلوف ‏وانا ماجبت معي الا الثقه فالله سبحانه !! ‏ ياصلى الله على وجه الرسول المصطفى المعروف ‏شفيعي في نهارٍ مايزل الحق ميزانه ‏هو اللي يوم غيره بالشفاعه ماهو بمكلوف ‏بيشفع لأمته يوم القيامه بدت اقرانه ‏لا قلت اني عقب ما أموت بملى العين منه شوف ‏تهاونت الحساب وطاب موتي على شانه ‏يشوف الشاعر ان الوصف صار اصغر من الموصوف ‏ليا جا يمدح اللي سيرته بالطيب رنانه ‏عجل وشلون باللي يملك الأجيال بالمعروف ‏مثل مايملك الألباب بأخلاقه وبأحسانه ‏نعرفه من كلام الكتب واقصاها نقط وحروف ‏عجل وشلون باللي صاحبوه وكأنو أوزانه ‏من فراقه بكى الغصن المشوك بكيت الملهوف ‏عجل وشلون مايبكي عليه انسان وانسانه ‏بكى شوقاً لرؤيتنا وحن من وضعنا المأسوف ‏لو انه شافنا ما هلت دموعه من أعيانه ‏حن اطيبنا يشوف الظلم لكن كنه المكتوف ‏ياطيبه لو يشارك خاطر المظلوم بأحزانه ‏رسول الله هو داحر طغاه هو نصير ضعوف ‏هو أشرف من خلق وأذل كل الخلق عدوانه ‏تباهى الأرض به بين السماوات بغرور ونوف ‏وعاقبها الولي على الغرور ب حر فقدانه ‏عرج به للسماء كأنه من حدود الوطاء مخطوف ‏ونزل للأرض قدها فيه مفجوعه وشفقانه ‏هو الأول بالأخلاق الحميده والنقا المكشوف ‏مع انه اخر رسول وجاء يبلغ بأخر ديانه ‏سجله بالفخر مافيه مجدٍ ماهو بمضيوف ‏هو اطيب من يفاخر واطيب الجدان جدانه ‏ترك مرباه يوم ان المصايب جمرها مهفوف ‏ورجع له عقب ماصح الصحيح وحطم أوثانه ‏على لزاز ياكم لز جمعٍ للعداء مصفوف ‏لا وجّه غرته لصفوفهم ما جوّد أعنانه ‏عقب ماوقفوا مثل البناء المتماسك المرصوف ‏هدم صف العداء خير الأنام بحافر أحصانه ‏هم اللي واجهوه بظلم ويدين وشعر وسيوف ‏وعفى عنهم لوجه الله مع انه كان بأمكانه ‏ينزل سيفه اللي يفصل المفصل من الغضروف ‏على كل رقبه والراي راي الله وسلطانه ‏ومن الكعبه صدح صوت الأذان الشاجي المألوف ‏وشافو كل اهل مكه بلال وسمعوا أذانه - علي آل صبيح في رسول الله ﷺ

‏" ما أنتي بحاجة طرب نغمة ولا مسرح ‏تقويس خصرك كمان وخطوتك نوتة "

"أنا أكبر من التلميع، والبهرجه، والزيف ‏لا غبت أنفقّد — وإن جيت ربي مجمّلني"

وكذلك ‏" ملّ قلب ٍولّعته التفاصيل الصغار " وايضاً "انا دقيّق ملاحظة في التفاصيل ‏اعشق تفاصيّل الجمال الدقيقه" ‏

« انا بدويٍ مرهفٍ يحزن على حنة حوار ‏ويشوف حتى جرة البل ترسم بعينه قلوب »