Hafizaxon Hayitmetova

Ассалому алайкум, қадрдонларим! Узр, кеча телеграмга кирмадим. Вақтим йўқлигидан эмас, юрагимга сиғмаганидан. Қардошларимиз юртида рўй берган жуда катта мусибат юрагимни эзиб ташлади. Сурияликларнинг чеккан жафолари эса... ўзи жабр чеккан миллатга, яна талофат... Мен бундай ғам-аламга гувоҳ бўлганман. 1988 йилнинг 7декабрь кунида Арманистонда жуда қаттиқ зилзила бўлган. Спитак, Ленинакан шаҳарларида биттаям уй қолмай, ер билан яксон бўлган. Йиқилган девор остида қолганларнинг оҳ-войини эшитиш жуда оғир бўлган. Ўзбекистон радиосининг Болалар ва ўсмирлар Бош муҳарририятида ишлардим ўшанда. Арманистонлик болалар билан учрашиш, уларнинг кўнгил тубидаги сўзларини ёритиш учун сафарга отландим. Ўғлим Беҳзодга ҳам ўз ёнимдан билет олиб арманистонликлар ҳузурига кетдик. Зилзиладан жабр чеккан, яқинларидан айрилган каттаю кичикнинг сўзларини ёзиб олиш қийин бўлган. Зилзила кундузи, пешинга яқин бўлгани учун кўп ўқувчилар мактабида, кичкинтойлар боғчасида қолиб кетган. Хуллас, аянчли манзара ҳақида тирик қолганлардан интервью олиб қайтганман. Яхшиям, ёнимда ўғлим бўлган. Гапимнинг қисқаси, Аллоҳим бундай балолардан асрасин. Бутун дунё халқларига фақат тинчлик ва хотиржамлик ато этсин. Юртимизда қурилаётган янги уйларнинг пойдевори мустаҳкам бўлсин! Ҳеч ким бошига кулфат тушмасин! Яна бир бор ассалому алайкум, азизларим!

Шанба кунимиз ҳам ниҳоясига етаябди. Аллоҳга шукур, кунимиз самарали ўтди. Режадаги ишлар бажарилди. Талаба набираларим имтихонлардан яхши ўтишибди. Мактабда ўқиётган набира қизим куни кеча мактабида бўлиб ўтган Навоийхонлие кечасида қатнашганди. Бугун кузатсам, қўлида яна китоб. Бобурмирзонинг танланган асарларидан ўзига ёққан шеърни ёдлаябди. Бобур таваллуд топган кунга ҳам оз қолди. 14 февралда қутлуғ санани ҳам нишонлаймиз. Аслида буюе шоирларни фақат туғилган кунларида эмас, ҳамиша эслаб, асарларидан баҳраманд бўлавериш керак. Соат миллари 24.00.га яқинлашди. Ҳаммага хайрли тун!

Дўппи тикдим, ипаклари тиллодан, Ипаклари деманг, зари тиллодан! Айбга қўшманг, азизларим, шу эски расмимни телеграмга жойладим. Тўғри, расм кўзни қувнатар даражада сифатли эмас. Аммо унда миллийликка бўлган қизиқиш бор. Мен ўқувчилик давримда каштачилик касбига ҳам қизиққанман. Қўшни қизининг туғилган кунига совға ҳам қилганман. Кейинчалик вақтим бўлмай, дўппини тикмай қўйдим. Кеча сандиғимни кавласам, бир талай ипаклар билан жияклар бор экан. Жияеларни мулине ипида тиккан эканман. Кашта тикишга мўлжалланган гардишим ҳам турган экан, набирамга бериб юбордим. 7 нафар қиз набирамдан фақат биргина Фазилатхонда чеварликка қизиқиш ва қобилият бор. Аммо улғайганда чевар эмас, етук олима бўлмоқчи. -- Қайси касб эгаси бўлмагин, қўлингдан бичиш-тикиш келса, ҳунарли бўлсанг, ҳаётингда асқотади, қизалоғим,-дедим рағбатлантириб. Ўша катта лавозимда ишлайдиган аёлларнинг ҳам чеварларга иши тушади. Битта кўйлагини калталатишга ҳам чеварга борали. Ҳам вақти, ҳам маблағи кетади. Агар чеварлик қўлингдан келса-чи? Ўзинг удлалайсан. Давлат иши билан бирга уй юмушири ҳам уддалайсан,-деб анча насиҳат қилдим. Майлида, ўнта гапимдан биттасига амал қилса ҳам, марра меники.. ютуқ уники... Сиз нима дейсиз?

Эртаксимон дам олиш маскани...

Расмдаги аёл олима, профессор. Автомобиль йўллари қурилишининг моҳир билимдони Аълохон Қодирова. Янада аниқроқ айтадиган бўлсам, Марказий Осиёда ўз соҳаси бўйича аёллардан етишиб чиққан ягона олима. Узоқ йиллар Тошкент автомобиль йўллари институтида талабаларга, аспирантларга дарс бердилар. Обрў ҳурмат қозондилар. Аьлохон опа қўлида таҳсил олган ёшлар бугун халқ хўжалигининг турли соҳаларида меҳнат қиляптилар. Афсуски,устоз олима бугун орамизда йўқ.Улар 2013 йилда оламдан ўтдилар.Аммо олима яратган дарслик бугун талабалар қўлида. Аълохон опа иккинчи умрларини яшаябдилар. Охиратингиз обод бўлсин, жигарим, Отамнинг суюкли қизи Аълохон опа!

ОТАМНИНГ СУЙГАН ҚИЗИ...

ОТАМНИНГ СУЙГАН ҚИЗИ...

БУГУН ЎН БИРИНЧИ ФЕВРАЛЬ. БМТ БОШ АССАМБЛЕЯСИНИНГ 2015 ЙИЛ 22 ДЕКАБРДАГИ ЯЛПИ МАЖЛИСИДА 11- ФЕВРАЛНИ "ИЛМ-ФАН СОҲАСИДАГИ АЁЛЛАР ВА ҚИЗЛАР ХАЛҚАРО КУНИ" СИФАТИДА ЭЪЛОН ҚИЛУВЧИ РЕЗОЛЮЦИЯ ҚАБУЛ ҚИЛИНДИ. ДЕМАК , БУГУН ОЛИМА АЁЛЛАР ВА ҚИЗЛАР ХАЛҚАРО КУНИ! Фурсатдан фойдаланиб, ўзбекистонлик олима аёлларни, етук билимдон қизларимизни ушбу кун билан табриклаймиз! Илмий фаолиятингизда катта ютуқлар тилаймиз. Омон бўлинглар!

ЖАВОҲИРОТ Ҳаётни нурлантирувчи фазилатлар, қора дудга кўмувчи иллатларни фарқлаб олишимиз керак. Ҳасад уйғотувчи ашаддий сабаблардан бири адоват, иккинчиси эса яхшиликни кўролмасликдир. "Учта катта гуноҳ бор,-дедилар Набий муҳтарам,-кимда шу гуноҳлардан бўлмаса, бошқа гуноҳларини Аллоҳ таоло кечириб юборади. Биринчиси, Мллоҳ таолога ширк келтириб ўлган киши; иккинчиси, сеҳргарлик билан шуғулланган ва унга тобе бўлган киши; учинчиси, ўз биродарига гина ва ҳасад қилган киши". Арасту ҳаким деганки:" Дунёда ҳаммадан кўра ҳасадчининг юки оғирдир. Чунки у бечора бахтли одамларни кўролмай ҳасад туфайли келадиган ҳамма қайғу аламлар юкини ўз устига ортиб юради'.