Үйде жатпа!

Бәріне сәлем! Қыздар мен жігіттер, назарларыңа кезекті ТОП-3 жаңалықты ұсынамыз!✔️ 1️⃣ Ұлттық университеттерде қытай тілін оқытатын кафедралар құрылады. Қазақстан мен Қытай ғылым және білім саласында бірқатар келісімге келді. Толығырақ Ғылым және жоғары білім министрі Саясат Нұрбек айтып берді. “Бүгін әлемнің назары Астанада деп айтуға болады. ШЫҰ-ға мүше елдердің басшылары елордада жиналып отыр, құрметті қонақтардың қатарында БҰҰ-ның Бас хатшысы Антониу Гутерриш мырза да бар. Кеше Қытай Халық Республикасының Төрағасы Си Цзиньпиннің елімізге ресми сапары аясында көптеген келісімшартқа қол қойылды. Оның ішінде екі елдің министрлігі білім және ғылым саласы бойынша да келісімге келді. Оған сәйкес біздің жетекші, ұлттық және мемлекеттік университеттерде қытай тілін оқыту үшін арнайы кафедралар құрылады. Бакалавр, магистратура мен докторантурада оқып жатқандарға қытай тілін екінші тіл ретінде ұсынатын боламыз”, - деді Саясат Нұрбек елордада өтіп жатқан “Жоғары білім беру және өндірісті интеграциялау саласындағы ынтымақтастық” атты халықаралық симпозиумда. Бұған не дейсіз?🤔 2️⃣ Алматыда 7 шілде күні сағат 20:00-де Абай алаңында "Аңыз Домбыра" концерті өтеді. Қазақстанда шілденің бірінші жексенбісінде Ұлттық домбыра күні тойланады. Осыған орай Алматыда 7 шілде күні сағат 20:00-де Республика Сарайының алдындағы Абай алаңында "Аңыз Домбыра" концерті өтеді. Алматы әкімдігінің мәліметінше, сахнада Роза Рымбаева, Мақпал Жүнісова, Секен Тұрысбек, Айгүл Қосанова, Асылбек Еңсепов, Шолпан Даржанова, Әбділхамит Райымбергенов, Нұркен Әшіров, Ардақ Балажанова, Нұржан Жанпейісов, "Қоңыр" тобы, "Сазген" фольклорлық-этнографиялық ансамблі, "Салтанат" би ансамблі және т.б. өнер көрсетеді. Танымал күйшілер Кенен Әзірбаев, Төлеген Момбеков, Әсет Бейсеуов, Мейрамбек Жанболатов және т.б. халық әндері мен шығармаларын орындайды. Бұған қоса, шаһар тұрғындары мен қонақтары мерекеге орай ұйымдастырылған мәдени іс-шараларды тамашалай алады Сондай-ақ, қаланың барлық ауданында Ұлттық домбыра күніне арналған бірқатар мәдени іс-шара өтеді: "Алатау ауданында 4 шілде күні сағат 15:00-де Alatau Creative Hub – Алматы кітапханасында Қазақстан халқы Ассамблеясымен бірлескен іс-шара өтеді. Мерекелік бағдарламада шығармашылық ұжымдар сөз сөйлейді. Іс-шараның басты мақсаты-этносаралық қатынастарды нығайту және қазақ мәдениетін насихаттау. Сонымен қатар, 5 шілдеде сағат 11:00-де Мультимедиялық дәстүрлі музыканың орталығында "Қазағымның жүрегінен жаралған, Бабамыздың үнісің сен – домбыра!" концерттік бағдарламасы ұйымдастырылады. Алматыдан болсаңыз, міндетті түрде барып қайтыңыз!😍 3️⃣ Қандастарды қабылдау квотасы 600 адамға ұлғаяды. Қандастарды қабылдаудың өңірлік квотасы 600 адамға ұлғаяды. Министрлік қандастар мен қоныс аударушыларды қабылдаудың өңірлік квотасын қайта бөлу үшін бұйрыққа өзгерістер енгізді. "Министрлік "Қандастар мен қоныс аударушыларды қабылдаудың 2024 жылға арналған өңірлік квотасын белгілеу туралы" ведомство басшысының 2023 жылғы 27 желтоқсандағы №530 бұйрығына өзгерістер енгізеді. Бұйрықтың жобасы осы жылдың 16 шілдесіне дейін жария талқылау үшін "Ашық НҚА" порталында орналастырылған", - деп жазды ведомство. Құжат бойынша жалпыға бірдей белгіленген квота шеңберінде қоныс аударушыларды қабылдаудың өңірлік квотасы алты жүзге дейін төмендетіліп, соның есебінен қандастарды қабылдаудың өңірлік квотасы 600 адамға ұлғайтылады. Өңірлік квоталарды өзгерту еңбек күші тапшы солтүстік өңірлерге қоныс аударған қандастар санының артуына байланысты қажет болған. Тамаша!👍

💡💡💡💡💡💡💡 Мемлекеттен 1,5 млн теңге грантты қалай алуға болады? 💸 2024 жылы 15 шілдеде бизнес-идеяларды іске асыру үшін гранттар алуға екінші ағын бойынша өтінімдерді қабылдау басталады. Грант мөлшері – 400 АЕК (1 476 800 теңге). Бастапқы капитал өз ісін бастау және дамыту үшін қайтарымсыз негізде беріледі. Қарағанды облысы әкімдігі хабарлағандай, екінші ағынға өтінімдерді қабылдау 15-26 шілде аралығында өтеді. 📃 Өтініш беру үшін сізге: * порталда тіркелу; * грант алу шарттарына сәйкестігін тексеруден өту; * бизнес-жоспар шаблонын жүктеп алу, оны толтыру және порталға жүктеу; * өтініш нысанын толтырып, ЭЦҚ кілтімен қол қою қажет. Интернетке немесе компьютерге қол жетімділік болмаған жағдайда, мансап орталықтарының өзіне-өзі қызмет көрсету аймақтарында, Халыққа қызмет көрсету орталықтарында өтініш беруге болады. 📍Бизнес грантына кім ие бола алады: * тіркелген жұмыссыздар; * жеке кәсіпкерлер (тіркеу мерзімі 3 жылға дейін). 📌 Бұл ретте үміткер әлеуметтік санаттардың біріне жатуға тиіс: * мүгедектігі бар адамдар; * "қандас" мәртебесі бар тұлғалар; * өңіраралық қоныс аударушылар; * аз қамтылған отбасы мүшелері; * көп балалы отбасының мүшесі (жұбайы/зайыбы); * мүгедек баланы тәрбиелеп отырған адам (жұбайы/зайыбы); * асыраушысынан айрылу бойынша жәрдемақы алушылар. 🟢 3 жылдан аспайтын мерзіммен "Бастау Бизнес" жобасы бойынша кәсіпкерлік негіздеріне оқыту туралы сертификаттың болуы міндетті. Мүмкіндікті жіберіп алмаңыз!👍 #новости #жаңалықтар #елденеболды

💡📆📆📆📆📆 4 шілде 👀1932 жылы 4 шілдеде қазақ қайраткерлерінің бір тобы – Ғабит Мүсірепов, Мансұр Ғатаулин, Мұташ Дәулетқалиев, Емберген Алтынбеков және Қадыр Қуанышев Филипп Голощекинге ашаршылыққа байланысты апаттың ауқымы туралы хат жазды. “Бесеудің хатында” қазақ ауылындағы социологиялық қайта құрулар бүкіл халықтық қасіретке айналып, барлық әлеуметтік топтарды — байларды, орташаларды, кедейлерді қамтығаны, күштеп ұжымдастыру мен отырықшыландыру, алым-салық жинаудағы қиянаттар жұрттың жаппай аштық пен індетке әкеп соққаны баяндалды. Олар “Голощекин партияның ұжымдастыруды жүзеге асыру жөніндегі жалпы бағытын бұрмалады әрі халықтың мал шаруашылығын дамытуға деген ынтасын жойды, бұл мал шаруашылығына деген жеккөрініш туғызды” деп айыптады. 👤4 шілде - Көрінбейтін адам күні. Кейбір фантастика жанкүйерлерінің арманы - Герберт Уэллстің инкогнито (көрінбейтін, құпия) күйге енген әйгілі кейіпкеріне айналу. Бір қызығы, атақты жазушының көркем шығармаларындағы болжамдардың 80%-ы орындалған. Ол сонысымен танымал. 19 ғасырда ол смартфонды, ыдыс жуғышты, орталық жылытуды, кондиционерді, автомобиль өнеркәсібінің дамуын және адамзаттың атомды ыдыратып, бомба жасау қабілетін сипаттады. Осы сәйкестіктерге қарай отырып, болашақта адамды көзге көрінбейтіндей ететін өнертабыс болуы әбден мүмкін. 👨‍🏫1865 жылы 4 шілдеде “Macmillan and Co” баспасында Льюис Кэрролдың “Алиса ғажайыптар елінде” кітабының бірінші басылымы жарық көрді. Бұл ертегі әлі күнге дейін балалар мен ересектер арасында танымалдыққа ие. Кітап абсурд жанрындағы әдебиеттің үздік үлгісінің біріне айналды. Себебі мұнда көптеген математикалық, лингвистикалық және философиялық әзілдер мен тұспалдар пайдаланылған. Оқиға барысы мен құрылымы өнерге, әсіресе фантастикалық жанрға қатты әсер етті. Кітаптың арқасында Алиса есімі танымал болып, оның мотивтері бойынша көптеген фильм түсірілді. Сіз бұл кітапты неше жасыңызда оқыдыңыз? 👥98 жыл бұрын 4 шілдеде қазақтың көрнекті камералық және опера әншісі, актер, ұстаз Ермек Серкебаев (1926-2013) дүниеге келді. Өнер иесі Қазақстанның халық әртісі, Социалистік Еңбек Ері және көптеген марапаттың иегері. Ол қазақтың атақты “Біздің аяулы дәрігер”, “Тақиялы періште”, “Ән шақырады” фильмдерінде ойнаған. Бірде біреу: “Ермек Серкебаев қазақ әніне фрак кигізді” деді. Ал әнші: “Мен оған лайықты алтын жалатылған жақтау кигіздім” деп жауап берді. Ермек Серкебаев қазақ әуендері мен тақырыптары әсемдігі жағынан итальяндық музыкалық тақырыптарынан кем түспейтінін үнемі айтып жүретін. Ол A-Studio тобының негізін қалаушы Байғали Серкебаевтың әкесі және белгілі скрипкашы Жәмила Серкебаеваның ағасы. #күнтізбе #4шілде #адам

💡📰📰📰📰📰📰 Кеш жарық, қыздар мен жігіттер! Назарларыңа бүгінгі күннің ТОП-3 жаңалығын ұсынамыз✅ 💃 “Жексұрын Мен 4” мультфильмі қазақ тілінде жарыққа шығады. Міне, нәтиже👍😍 💪 Қазақстандық жас спортшы Ангелина Сорокина "Азия балалары" ойындарында "алтын" жеңіп алды. Құтты болсын!👏🏻 💡 Астанада домбыра күніне орай шоу-концерт өтеді. Сіз де рухани серігіп қайтыңыз!👍 👇Толығырақ сайттан оқыңыз👇 https://zhatpa.kz/kyn-zhanalyktary/multfilm-koncert-sport-3-shildeni-top-zha-aly-tary/ #жаңалықтар #елденеболды #новости #гадкийя

💡🐴🐴🐴🐴🐴🐴🐴🐴🐴🐴 Қазақ тарихындағы ең үлкен сауда алаңдары қай қалаларда болды? 💭 Ұлы Жібек Жолының жандануына байланысты қазақ даласында жаңа қалалар пайда болды. ▪️Ал Отырар, Испиджап, Суяб, Сауран, Тараз сынды үлкен шаһарлар сауда жолының бойында орналасқандықтан тез өркендеді. 🔲 Отырар Қазақстанның ортағасырлық ірі қалаларының бірі. Сырдарияның Арыс өзеніне құяр сағасына таяу орналасқан. Отырар қаласының аты VIII ғасырдан бастап аталғанмен, оның бастапқы тарихы б.з.б. II ғасырда Сырдарияның орта ағысында пайда болған Қаңлы мемлекетінің тарихымен тығыз байланысты. IX ғасырдың ортасынан бастап Отырар Самани әулеті мемлекетінің ықпалында болды. Осы кезеңнен бастап бұл өлкеде сауда-саттық жасау, ғалымдардың «білім қууды көздеген» саяхаттары адамдардың ой-өрісін кеңейтті. Өнердің, ғылым мен колөнер кәсіпшілігінің таралуына ықпалын тигізді. 🔲 Көне Тараз қаласы қазіргі Тараздың орнында болған. Бұл жайындағы алғашқы дерек грек елшісі Земархтың хабарламасында айтылады. Ал 630 жылы Сюань Цзанның жазбасында ірі сауда қаласы ретінде сипатталған. Тараз VII- VIII ғасырда Ұлы Жібек жолында орналасқан сауда және қолөнер орталығына айналған керемет шаһар. Мұнда оңтүстіктің күміс кендері мен терістіктегі қимақтарға баратын керуен жолдары тоғысатын. X ғасырдағы араб географы әл-Макдиси қала жайында былай деп жазды: «Тараз – бақтары көп, халқы тығыз қоныстанған, қамал сыртынан терең орлар қазылған, төрт қақпасы және төңірегінде елді мекені бар ірі бекіністі қала». 🔲 Құлан орта ғасырдағы (VII-XIIғ.) шағын қаланың орны. Жамбыл облысындағы Тұрар Рысқұлов ауданының орталығы Құлан ауылы. Қала туралы алғашқы тарихи деректер VII ғасырдан бастап белгілі. Саяхатшылар Ибн Хордадбек, Құдам қолжазбаларында Құлан Тараз қаласының шығысына таман, Ұлы Жібек жолындағы қала деп көрсетіледі. Әл-Макдиси Құланды 10 ғасырда былай сипаттады: «Күмбезді мешіті бар, мықты қоршалған қамал. Бұл үлкен Тараз жолының бойында орналасқан бекіністі қала». #көшпенділерэкономикасы

💡📆📆📆📆📆 3 шілде 👍3 шілде – Халықаралық полиэтилен пакеттерінен бас тарту күні. Бұл қаптар беріктігімен, қолайлығымен, сондай-ақ қарапайымдығы үшін ерекше бағаланады. Бірақ олардың табиғи жағдайда ыдырауы үшін 100-ден 200 жылға дейін уақыт қажет. Заттарды тасымалдау үшін пакет орта есеппен 25 минутқа ғана қажет. Ал полигондарда шіріген полиэтилен пакеттерінің ауаға тарайтын улы заттары экологиялық апатқа әкеліп, адамдарды онкологиялық ауруға шалдықтырады. Бұл эко-күннің мақсаты - қағаз қаптамалар мен қайта пайдалануға болатын сөмкелерді қолдануға шақыру. Сіз осындай бастамаларды қолдайсыз ба? 💼1910 жылы 3 шілдеде Әліби Жангелдиннің дүниежүзіне сапары Мәскеуден басталды. Әлемді шарлаған тұңғыш қазақ саяхатшысы 2 жылда Польша, Австрия-Венгрия, Югославия, Болгария, Түркия, Сирия, Палестина, Мысыр, Абиссиния, Арабия, Месопотамия, Парсы, Үндістан, Сиам, Қытай, Жапония елдерін басып өтті. Әліби Жангелдин (1884-1953) – мемлекет қайраткері, Қазақстанда Кеңес өкіметінің орнауына байланысты күресті ұйымдастырушылардың бірі. Ол туралы бірнеше көркем шығарма жарық көріп, фильм түсірілді. Сіздің қалаңызда Әліби Жангелдиннің есімімен аталған қандай орындар бар? 💪1903 жылы 3 шілдеде Қазақстандағы алғашқы арнаулы орта оқу орындарының бірі – Семей мұғалімдер семинариясы ашылды. Оған Семей, Кереку, Өскемен, Қарқаралы, Ақмола уездерінен 24 бала қабылданды. Кейін Тобылдан, Барнаулдан, Жетісудан студенттер қабылдай бастады. Уақыт өте семинария педагогикалық техникумға, кейін колледжге айналды. Бұл оқу орнында ұлттық зиялы қауымның көрнекті өкілдері: Мұхтар Әуезов, Әлкей Марғұлан, Жүсіпбек Аймауытов, т.б. 👥3 шілдеде өмірге келген атақты адамдар. Бүгін америкалық актер, режиссер, сценарист және продюсер Том Круз 62 жасын атап өтеді. Өнер иесі үш мәрте “Алтын глобус” сыйлығына әрі үш мәрте “Оскарға” үміткер болды. Ол 40-тан астам фильмге түсті. Оның көпшілігі блокбастерлерге айналды. Өткен жылы ол жақын арада фильмнің түсірілімі басталатынын айтты. Түсірілім барысында ол ғарышқа шығуы керек еді. Сонымен қатар бүгін австралиялық журналист және тележүргізуші, Wikileaks сайтының негізін қалаушы Джулиан Ассанж 53 жасқа толды. 2006 жылдан бастап ол тыңшылық жанжалдары мен жоғары деңгейдегі сыбайлас жемқорлық жайлы, әскери қылмыстар және АҚШ дипломатиясының құпиялары туралы материалдарын кең көлемде жариялады. Бұл оқиғадан кейін оған зорлады деген айып тағылып, әлеуметтік желілердегі парақшалары жабылып, банктегі есепшоттары бұғатталып қалды. Жақында ол түрмеде отырған уақытына айырбас ретінде тыңшылық жасады деген кінәсін мойындап, іс ресми түрде жабылды. Том Круздың қай фильмі сізге ұнайды? #күнтізбе #3шілде

💡📰📰📰📰📰📰 Бәріне сәлем! Қыздар мен жігіттер, назарларыңа кезекті ТОП-3 жаңалықты ұсынамыз!✔️ 💼 15 шілдеде бизнес-идеяларды іске асыру үшін 1,5 млн теңге көлемінде гранттар алуға өтінімдерді қабылдау басталады. Мүмкіндікті жіберіп алмаңыз!👍 👥 Жұмыс іздеп жүрген қазақстандықтардың қалай және қай жерден жұмысқа тіркеле алатыны белгілі болды. Арнайы қосымшалардан жұмыс табуға болады📌 💪 Астаналық жас гимнастшы Ақмарал Ерекешева VIII "Азия балалары" ойындарының үш дүркін жеңімпазы атанды. Жеңіс құтты болсын!😍👏🏻 👇Толығырақ сайттан оқыңыз👇 https://zhatpa.kz/kyn-zhanalyktary/biznes-zh-mys-zhe-impaz-2-shildeni-top-zha-aly-tary/ #новости #жаңалықтар #елденеболды

💡💡💡💡💡💡💡 Кітапты қалай оқыған дұрыс? 📌 Әр айдың басында үш сұраққа жауап береміз. Тізімдегі сұрақтардың кез келгеніне жауап иә болса, келесі қадамдарға қорықпай өтуге болады. Егер жауап жоқ болса, сұрақты қоюды жалғастыру керек. 📎 Қазір оқығым келетін кітап немесе автор бар ма? 📎 Дәл қазір мен үшін қандай мәселелер маңызды? Өмірімде жақсартқым келетін сала бар ма? 📎 Соңғы кездері мені не қызықтырады? Мен бұл туралы көбірек оқуға дайынмын ба? Бұл сұрақтар ішкі сұранысыңызды қанағаттандыратын кітапты дәл таңдауға, қажеттіліктеріңіз бен қалауларыңызды түсінуге мүмкіндік береді. 🔍 Кітаптарды таңдаудың балама жолдары Сұрақтар кітапты таңдаудың жалғыз жолы емес. Оқуды қызықты саяхатқа айналдырудың тағы төрт әдісін қараңыз. Тізімдерді пайдаланыңыз. Интернетте көптеген беделді библиографиялар бар. Goodreads және Amazon сияқты ресурстар оларды тұрақты негізде құрастырады. Бір тақырыпты, жанрды немесе басқа ортақ мүмкіндіктерді бөлісетін кітаптарды оқыңыз. Мысалы, жыл ішінде тек өмірбаяндарды немесе әйелдер жазған кітаптарды оқыңыз. 📌 Кітаптың 5 критерийдің біріне сәйкес келетініне көз жеткізіңіз. Шарттардың біріне сәйкес келетін кітапты оқыған кезде, оны сызып тастаңыз. Олар: 🔹мұқабасы қызықтырған кітап; 🔹фильмге бейімделген кітап; 🔹марапатталған кітап; 🔹нақты оқиғаларға негізделген кітап; 🔹шет тілінде жазылған кітап; 🔍 Ұсынылған, бірақ оқуға міндетті емес кітап. Оқығыңыз келетін кітапты таңдағаннан кейін, кітапқа шолу жасап, мазмұны мен кіріспесіне қараңыз. Бұл қадамды үнемі орындауға тырысыңыз. Кейде мүмкіндікті пайдаланып, кітапты сіз үшін ештеңе білмейтін нағыз шытырман оқиғаға айналдыру жақсырақ. #қазынакеңес

💡📆📆📆📆📆 2 шілде 💼Бүгін Қазақстанда екі кәсіби мереке аталып өтеді. 2 шілде – Қазақстанның радиациялық, химиялық және биологиялық қорғаныс әскерлері күні. Қорғаныс министрлігі коронавируспен күрес тәжірибесі әскерлердің осы түріне сұраныстың жоғары екенін көрсетті. “Қос мақсаттағы” мамандар миллиондаған адамның өмірі мен денсаулығын қорғау үшін көтерілді. Сонымен қатар бүгін - Дипломатиялық қызмет күні. Бұл мереке 2009 жылы Президент жарлығымен бекітілген. Қазақстанның дипломатиялық қызметінің біртұтас жүйесін Сыртқы істер министрлігі, оның ведомстволары, шетел мекемелері, сондай-ақ ведомстволық бағынысты ұйымдар құрады. Егер осы мамандықта қызмет ететін таныстарыңыз болса, оларды мерекесімен құттықтауды ұмытпаңыз! 🦮2 шілде - Дүниежүзілік иттер күні. Иттер шамамен 30 000 жылдан бері адамның ең жақын досы болып келеді. Тіпті ол көпшілігінің сүйікті отбасы мүшесіне де айналған. Олардың иелеріне танытқан адалдығы үшін өлеңдер жазылып, әндер шырқалды. Сонымен қатар әсерлі фильмдер де түсірілді. Мысалы, соның ішінде “Хатико” фильмін ерекше атап өтуге болады. Мамандар иттердің сөзбен немесе ыммен білдірілген 250-ге жуық белгіні есте сақтай алатынын алға тартады. Олардың интеллектуалдық дамуы екі жасар баланың деңгейінде. Сізге қай жануар ұнайды: ит немесе мысық? 💪Сонымен қатар бүгін - Дүниежүзілік БҰН күні. 1947 жылы 2 шілдеде Американың Розуэлл қаласының маңындағы шөл далаға беймәлім нысан құлайды. Көпшілік оны өзге ғаламшарлықтар төбе көрсеткен “ұшатын тәрелке” екенін алға тартқан еді. Америкалық барлау қызметтері бұл іс бойынша барлық деректерді жіктегендіктен, бүгінгі күні бұл болжамды растау немесе оған қарсы шығу өте қиын. Бірақ бұл оқиға кеңінен танымал болып, дәл осы уфология ғылымының дамуына серпін болды. Ал бүкіл қоғам екі фронтқа бөлінді: біреулер жат планеталықтардың бар екеніне сенсе, басқалары мұндай деректі үзілді-кесілді жоққа шығарады. Сіз өзге ғаламшарлықтардың бар екеніне сенесіз бе? 👥2 шілде - танымал екі шығармашыл тұлғаның туған күні. Бүгін Қазақстан мен Қырғызстанның халық ақыны Мұхтар Шаханов 82 жасқа толды. Ол 2001 жылы Түркияда түркітілдес елдерден “Әлемнің үздік ақыны” деп танылды. Сондай-ақ 2002 жылы "жазалаушы жадының космоформуласы" поэтикалық романы үшін (Шыңғыс хан алып кеткен құпия) - Калифорния Халықаралық Ғылым, индустрия, білім және өнер академиясының А.Эйнштейн атындағы Алтын медалімен марапатталды. Сонымен қатар бүгін австралиялық актриса әрі кинопродюсер Марго Робби 34 жасын атап өтеді. Өнер иесі "Оскар"сыйлығына екі мәрте үміткер болды. Ол "Отряд самоубийц”, “Волк с Уолл-Стрит”, “Однажды в Голливуде” және т.б. фильмдердегі бірқатар көрнекті рөлімен танымал. 2020 жылы ол әлемдегі ең сұлу әйел атанды. #күнтізбе #2шілде #ит #бұн

💡📰📰📰📰📰📰 Кеш жарық, қыздар мен жігіттер! Назарларыңа бүгінгі күннің ТОП-3 жаңалығын ұсынамыз! ✔️ 😎 1 қыркүйектен бастап студенттердің стипендиясы көбейеді. Бектенов үкімет қаулысына қол қойыпты📌 🔍 Қазақстандық оқушылар "Достастық балалары" Х халықаралық мәдени-білім беру форумына қатысып, елді таныстырды. Тамаша! 👍🏻 🎉 Жеңіл атлетикадан Silk Road to Paris турнирінде Қазақстан қоржынына 4 медаль түсті. Құтты болсын! 👏🏻 👇Толығырақ сайттан оқыңыз👇 https://zhatpa.kz/kyn-zhanalyktary/turnir-forum-student-1-shildeni-top-zha-aly-tary/ #новости #жаңалықтар #елденеболды