نبوءات الجراندا

ولدتُ مغمضةَ العينين، وكنتُ كذلك حتى سمعتُ همساً ذاتِ بكاء: افتحي عينيكِ. فوجدتُ العالمَ ينظرُ لي بعينٍ واحدةٍ من وراءِ فوهةِ بندقية. ثم ألقى إليَّ بكلِّ ما كنتُه وقال: اختاري أيَّهم أنتِ والآن.!! الآن ؟ من بين كل الأوقات والمواقيت على دائرة الزمن لا يطالبنى إلا ب "الآن" حسنا فليكن الآن عرفت أن كلماتي سيوفٌ، والآن اتقنت تحويلها إلى أزهار، أزهار تعرفُ جيدًا كيف تحميني. والآن تذكَّرتُ جيدًا أنى: حكيمةٌ تجمعُ الأسرارَ في كفيها، وامرأةٌ تجري تجاهَ الإعصارِ تريدُ ابتلاعَه، وطفلةٌ تؤمنُ أن وردةً واحدةً يمكن أن تُلَيِّنَ قلبَ العالم. والآن أيضاً أنا: الناسكة التي تدخلُ غاباتِ المجهولِ وتصعدُ جبالَ الحيرةِ، ليس معها إلا شرارةٌ في قلبها ولفافةُ ورقٍ ودواةٌ، والمحاربةُ التي تدخلُ المعاركِ لا تحمل أى لواء و دونَ أيِّ رجاءٍ سوى أن ينبتَ فوقَ قبرِها ياسمينة. تفوح كل مساء بتحية للحياة. وأنا التاجرة التى تشترى درهم رحمة بدينار مودة وتبيع بقلب ثابت قنطار زخرف كاذب بكسرة خبز من يد محب وفىّ و شربة ماء من بئر لم يُلقى فيه يوما ً نبياً بيد حسود خوان الآن أنا كلُّ شيء، الآن أنا لا شيء. والآن أيها العالم، فلتعلم أني أختارُ في كلِّ شيءٍ إلا في الحقيقة، فإني سآخذُها كاملة ولا تنتظر منى أيِّ اعتذار. #نهى_المرسي #السيدة_نون #نترو_دارما

النقاء مش انك تبقى ملاك ولا عمرك ما بتغلط. النقاء ان اللي جواك هو نفسه اللي براك. مفيش دورين. احنا فاكرين النقي هو النضيف اللي لابس أبيض طول الوقت، لكن النقي الحقيقي هو الشفاف، اللي ما عندهوش حاجة يخبيها حتى لو اللي جواه مش مثالي. والنقاء عكس النفاق، والنفاق مش كذب كبير، هو انك تقسم نفسك نصين. ازاي نكون أنقياء؟ 1. نية واحدة قبل أي فعل قبل ما تعمل أي حاجة، اسأل نفسك سؤال واحد: أنا بعمل ده ليه بجد؟ لو بتروق أوضتك عشان ترتاح، دي نية نقية. لو بتروقها عشان لو حد دخل يقول عليك شاطر، النية اتقسمت. النقاء بيرجع لما ترجع النية واحدة. 2. كلمة قد شعورك بالظبط أكبر باب للنفاق هو الكلام اللي أوسع من احساسك. مش نقي انك تقول لصاحبك "براحتك خالص حصل خير" وانت من جواك موجوع منه. النقي انك تقول "أنا اتضايقت من اللي حصل ومحتاج وقت أهدى وبعدين نتكلم". جملة صغيرة قد اللي جواك بالظبط، لا أكبر ولا أصغر. دي شفافية. 3. عمل صغير في الخفاء متقن النقاء بيتربى في الحاجات اللي محدش شايفها. تغسل كوبايتك حتى لو محدش هيشوف المطبخ. ترجع حاجة مكانها في الشغل حتى لو محدش هياخد باله. تشيل أذى من طريق حتى لو محدش هايصورك تصلي ركعتين لوحدك من غير ما تحكي لحد. الأعمال الصغيرة دي هي اللي بتلحم الظاهر بالباطن، وبتخليك تحترم نفسك. 4. تسمح لنفسك يكون عندك ضلمة الانسان النقي مش طول الوقت منور. عنده وقت تعبان، غيران، خايف. النفاق يقولك اخفي ده. النقاء يقولك سميه. بدل ما تقول "أنا كويس" وانت مخنوق، قول "أنا مخنوق دلوقتي". تسمية الشعور بحد ذاتها تنقية. كأنك مسحت مراية قلبك. أمثلة حية في العلاقات: صاحبك عزمك وانت مش قادر. المنافق يقول "حاضر هاجي" وبعدين يلغي أو يروح وهو متضرر. النقي يقول "نفسي أشوفك جداً بس طاقتي خلصانة النهاردة، ينفع نأجلها لبكرة؟" كلمة واحدة صادقة بتحافظ على العلاقة أكتر من مجاملة كبيرة. في الشغل: وراك شغل مش مهم وممكن تكروته. النقي يعمله بنفس اتقان الشغل المهم، لأنه بيعمله لنفسه مش لمديره. هو ده معنى "ان الله يحب اذا عمل أحدكم عملاً ان يتقنه". في الكلام عن الناس: حد جاب سيرة حد مش موجود. النفاق يكمل في السيرة عشان يرضي القعدة. النقاء يسكت أو يغير الموضوع بهدوء، أو يقول "ما نحكمش واحنا مش سامعينه". سكوت واحد نقي أحسن من كلام كتير متزوق. مع نفسك: لما تغلط، بدل ما تجلد نفسك وتقول "أنا فاشل"، قول "أنا غلطت في التصرف ده وهتعلم منه". الأول تقسيم، التاني توحيد. النقاء في الآخر هو قلب سليم. قلب مش متعلق بحاجة غير وجه واحد. كل يوم اسأل نفسك: فين النهاردة كنت نصين؟ وفين كنت حتة واحدة؟ ومع الوقت هتلاقي الحتة الواحدة بتكبر، ووشك نفسه بيعكس نور من غير ما تجمله…ولا حتى تحاول . #نهى_المرسي #السيدة_نون #نبوءات_الجراندا

النهاردة عيد ميلاد نبوءات الجراندا الثامن مين كان يصدق إننا من ٢٠١٨ ولما أصر إرشادنا اننا نخرج للناس ونتكلم ونتعامل اننا هانستمر لحد اللحظة دى ومش بس كده احنا لسة ما قلناش حاجة كمان 😁 عرفنا كتير واتشرفنا بمعرفتكم عرفتونا ان الدنيا فيها خير وان لسة فيها ناس بتحب ،وناس بتسمع كويس وبتفهم ناس ورغم صراعاتهم اخلاصهم واضح اخلاصهم للنور 😍 مكناش مصدقين أنكم كتير كده الحمد لله اللهم زد وبارك عرفنا يعنى ايه اخوات وعيلة جايين من مليون عائلة ما يعرفوش بعض ومن كل مكان فى العالم الكبير ده انتم مذهلين ودايما تستحقوا الإعجاب والتصقيف اضفتولنا ،ومن خلال سماعنا ليكم زودتوا عندنا التعاطف وعلمتونا كتير عن الألم والشفاء الحمد لله اننا اتشجعنا وبدأنا المشوار ده وإلا ما كناش يوم هنتقابل بالكثافة والجمال ده كنا نظن ان تم بناءنا بالكامل وتحفتنا اكتملت ولما بدأنا عرفنا ان لسة علينا بدرى جدا احنا يادوب كنا أخدنا الإعداد المناسب علشان ناخد إشارة البناء ولحد الآن بنبنى نفسنا معاكم وبتبنوا نفسكم معانا وبين ده وده كلنا بنشوف ونؤمن ان مش احنا اللى بنبنى دى ايده هو سبحانه اللى بدأت ،وأبدعت ،وأعانت لحد ما ينتهى البناء هى برضه اللى هاتكمله وتحطله العنوان ويارب يكون عنوانه الجنة ان شاء الله صحبتكم جنة ..ربنا يجمعنا على الخير دايما بالمناسبة إحنا مولودين فى نفس اليوم اللى اتولد فيه أوزوريس من أمه نوت 😍😉 مباركين جميعا أينما وكيفما كنا وأكيد أكيد بنحبكم فى الله . #نهى_المرسي #راندا_المرسي #نبوءات_الجراندا

السلام عليكم انتوا عارفين لما بنقول فك تعلق مش علشان فقط تنهي آلام او تتحرر الهدف الأسمى من فك التعلق هو انك ماتكونش مستعبد لان ببساطة ازاي أتحكم فيك ؟ مش هقوللك تعمل ايه و لا هأمرك أنا هخليك ترغب في اللي أنا عايزاك تعمله .. ف تعمله باستمرار و بكل قوتك و الأمر مش هيكلفني اي شئ بالعكس ممكن انساك خالص و انت هتفضل مستمر فيه و مش عارف تخرج من دايرة السيطرة و الاستعباد دي .. طيب واللي مش عايز حاجة خالص و مش منتظر حاجة كده هو حر بقى وماعندوش تعلق !!! لا يا ذكاوة لان اللي مش عايزين حاجة نقاط ضعفهم اقوى يعني ايه؟؟ يعني شوف اللي انت خايف تخسره و كيانك هيختل لو خسرته هنا بقى نبدأ نتكلم … شوية إبداع بارك الله فيك😅 انتوا عارفين ايه احلى حاجة في اللاوعي ؟ انه ذكاء خاااااارق ومش للمبتدئين بحبكم اكيد #راندا_المرسي #نبوءات_الجراندا

بيعلمنا موسم العذراء إن الشفا مش بيجي من مجهود أكتر، بيجي من تمييز أوضح. ايه اللي يستاهل طاقتك وايه اللي خلاص موسمه خلص. اعمل: اعمل مساحة فاضية قبل ما تملاها. نضف مكتبك، نضف موبايلك، نضف يومك من أي حاجة ملهاش لازمة. اعمل حدود هادية قول لأ وهي كاملة ومش محتاجة تبرير طويل، وقول أيوه وانت حاضر بقلبك كله. اعمل شغلك بإتقان بسيط. مش محتاج تعمل كل حاجة، اعمل حاجة واحدة صح وخلاص. ارتاح من غير ذنب. الراحة مش كسل، الراحة صيانة. اعمل مراجعة صادقة. ايه اللي اديته وانت مستني مقابل؟ وايه اللي اديته عشان كان صح تديه؟ أو لوجه الله فعلاّ متعملش: متعملش فيها شايل الكون. مش دورك تمسك كل حاجة عشان ما تقعش انت مش اطلس😒 متعملش مجهود في حاجة ميتة. لو العلاقة أو الشغل أو العادة بقالها فترة بتسحب منك أكتر ما بتديك، سيبها. ما تعطيش وانت فاضي. لو مفيش طاقة متديش، ولما تدي ادي وانت مش مستني شكر. متعملش جلد لنفسك عشان بترتاح. اللي بيحكم على نفسه طول الوقت عمره ما بيشفى. متعملش قرار وانت مرهق. لما تكون تعبان اجل القرار، ارتاح، وبعدين شوف. متعملش حساب لكل حاجة. سيب مساحة للحياة تتحرك من خلالك من غير ما تحسبها بالورقة والقلم. اللى مرتاحله اعمله وعندك فلتر واحد ده حرام أو حلال وبس . #نهى_المرسي #السيدة_نون #ياكافى #نبوءات_الجراندا

تعقّل 😇

بسم الله الرحمن الرحيم وبه نستعين مفيش انسان روحانى متشافى غير لما بيكون وصل لنعمة الستر والصحة والغنى😍 وجه وقت اننا نعيش فى الطاقة دى وننعم بيها "نعمة فهم آلية الجسد في التعايش معاك و الفهم و إن التفاهم و التناغم و الصلح معاه و انك تتوصل بنوره و تفهم آليته و تقدر إنك تعيش في أمان معاه و يبقى هو فعلا المركبة اللي بتحمل الروح و النفس و تساعدها على رحلتها الأرضية بسلام و أمان " • بتشتكى من مرض وراثى او شخصى بتعانى منه • خايف من احتمالات مرض أنا عارف انه قاعد فى الشريط الوراثى بتاعك • التجلى بتاعك متعطل و جربت كل حاجة ولسة • العمر بيجرى بيك وعاوز تحافظ على شبابك وجاذبيتك • لسة ما وصلتش للاتحاد مع اليسر والثراء فى حياتك •تعرف ايه عن النصر ف حياتك؟ جه وقت المرحلة دى ان شاء الله كورس تعليمى شفائى تنويرى محاضرات وتأملات مشحونة بطاقتنا بقى وفيها نوع طاقة متطور كنا شغالين عليه الفترة اللى فاتت والحمد لله سميناه "كِثير" ومعناه فى الكابالا قمة الاتحاد مع الهدف من الخلق والإرادة الإلهية الكورس مش صالح للعامة ده للناس اللى حصلت على كورس اعادة ضبط الانسان "وصال" وأقل شيء حاصلين على الانسان الكونى بمفتاحه آتوم الكورس ده فيه جروب نقاش تعالولى بقى احتويكم علشان اللى هايحصل 😁 يلا راسلوا أروى يا شباب هانبدأ يوم ١٥ سبتمبر ان شاء الله .

ماذا تريد أن تفهم؟ الإنسان مخلوق غامض جدًا… يعيش طفولته منتظرًا أن يكبر، وحين يكبر يشتاق إلى الطفولة. يُضحي بصحته في سبيل المال، ثم ينفق المال ليستعيد صحته. تراه يملأ الأرض حركةً وحياة، حتى تظن أنه لن يموت، ثم يموت وكأنه لم يعش فوقها يومًا. ماذا تريد أن تفهم؟ وقمة الحزن… ضحكة، وقمة الفرح… بكاء. ونقتحم ما نخشاه حين لا يعود في استطاعتنا أن نخاف أكثر. ماذا تريد أن تفهم؟ وذروة الغضب صمت ولا تجد قوتك إلا بعد أن تكسرك الحاجة ولا قيامة لك إلا بعد السقوط وحين يطمئن صوتك، وتمتلئ ملامحك بالسلام يكون معناه الرحيل بلا عودة عن ما أوهمك ان الحياة ساحة حرب . لا تحاول أن تفهم !! فقط عِش بقلب كامل، ولا تدّخر منه شيئًا. فهذا القلب ليس عطيةٌ إلا من الواحد الديّان. #نهى_المرسي #السيدة_نون #نترو_دارما

عليك أن تستمع جيدا ً لقلبك إذا بدأ يحدثك عن جراحك فبعد أن يحكى لك حكاية كسر أصابه سيبرز لك نور حكمة انبثق من موضع الكسر عندما تنصت لقلبك ستبصر ذلك الطفل الغاضب الذى لا يكف عن الصراخ والاعتراض يجلس أمامه تماما ً ذلك الشيخ الوقور الهادىء فاتحاً ذراعيه لطمأنته أولهم هو أنت الباحث عن الحب وثانيهم هو أنت أيضاً عندما ترضى بالحب ويرضى بك وأريدك ان تعلم أن لا شيء يقيد الإنسان الحر إلا خيط رفيع من نور يسمى القدسية تلك التى تمنع فتاة تسكن الغابة أن تعبث بالسحر وتغضب الجنيات تقديس يجعلك تحترم ما تراه فيك وفى غيرك ولا يقل احترام مايخفى عنك ولا تدركه حواسك عن ذلك وطالما عينيك على هذا الخيط وترعاه ستكون سحراً يغير هذا العالم لمكان أفضل ستكون نورا يعرف متى يتمرد على الظلام ومتى ينحنى بإحترام . #نهى_المرسي #السيدة_نون #نترو_دارما