قناة تخصصات أم القرى🤍.

‏- حابه أسألك ايش تخصصك؟ خدمة اجتماعيه - المناهج عربي ولا انجليزي ؟ عربي -ايش اكثر حاجه يعتمد عليها قسمك؟ كمهارة لازم تكونو صبورين وقلبكم قوي لان تخصص الخدمة تخصص نبيل وانساني وكثير راح تتعاطفوا فيه وتتفاعلوا، واهم شي شطارتكم في الميدان، لازم تكون عندكم مهارة الحوار والتواصل والإقناع عشان تعرفون تتعاملون بعدين مع الفرد او الجماعة او المجتمع. -ياليت لو تقدر ترسل لي خطه التخصص https://uqu.edu.sa/socialsrv/App/Plans?major=1&type=1&edition=41 - ماهي المسميات الوظيفيه واماكن العمل المستقبليه للتخصص • مجال الرعاية الاجتماعية (العمل في مؤسسات الضمان الاجتماعي - مؤسسات رعاية الأحداث - مؤسسات رعاية الأيتام - مؤسسات رعاية القاصرات). 🔸• مجالات النشاط الأهلي (العمل في الجمعيات الخيرية النسائية - جمعيات البر الخيرية). 🔸• مجال التنمية الاجتماعية (العمل في مراكز التنمية الريفية والحضرية - جمعيات تنمية المجتمع المحلي - جمعيات حماية البيئة). 🔸• مجال رعاية المعوقين (العمل في مؤسسات رعاية وتأهيل المعوقين وتدريبهم). 🔸• مجال رعاية المسنين (العمل في دور رعاية وأندية المسنين). 🔸•مجال رعاية الشباب (العمل في إدارات رعاية الشباب بالجامعات - أندية ومراكز الشباب). 🔸•مجال رعاية الأسرة والطفولة (العمل في مراكز التوجية والتنمية والأستشارات الأسرية - التعامل مع قضايا العنف الأسري والعنف ضد المراة - رياض الأطفال الأسوياء والمعاقين - أطفال الشوارع - الأطفال العاملين). 🔸• مجال الدفاع الاجتماعي (الإرشاد داخل السجون - أندية علاج مدمني المخدرات والمسكرات). 🔸• مجال التعليم (التدريس - الإرشاد الطلابي في كافة مراحل التعليم). 🔸• مجال الصحة ( العمل في قسم الخدمة الاجتماعية بكافة المؤسسات الطبية - مراكز رعاية الأمومه والطفولة). 🔸• مجال العمالي(الصناعة) العمل بقسم الخدمة الاجتماعية بالمنشئات الصناعية. 🔸• مجال الهيئات الحقوقية (العمل في مراكز و هئيات حقوقية للمرآة والمعوقين وغيرهم). 🔸• مجال الداخلية والقطاعات الأمنية والإصلاحات. 🔸• مجال العلاقات العامة في المؤسسات الحكومية والخاصة. 🔸•مجال القطاعات الإعلامية - ايش المواقع او المصادر الي ممكن تفيد الطلاب ف التخصص دا جمعية الاخصائيين الاجتماعيين - ف اخر مستوى هل يوجد تدريب ميداني او بحث تخرج ؟ اي يوجد تدريب والتدريب ٤ مستويات تبدا من المستوى الخامس الى المستوى الثامن والأخير ▪️تدريب ١ : يكون عبارة عن زيارة لمستشفى ومدرسة و جمعية خيرية مع دكتور او دكتورة التدريب . ▪️تدريب ٢: يكون تدريب بمدرسة مع المرشد الطلابي او المرشدة الطلابية اللي موجودين بالمدرسة + بأشراف مع دكتور او دكتورة التدريب . ▪️تدريب ٣ : بيكون في مستشفى مع الأخصائي الاجتماعي او الأخصائية الاجتماعية اللي بالمستشفى + بأشراف دكتور او دكتورة التدريب . ▪️تدريب ٤: يكون في مؤسسة اجتماعية ( دار رعاية اطفال او مسنين ، جمعية خيرية اياً كان اختصاصها ) مع الأخصائي الاجتماعي او الأخصائية الاجتماعية + بأشراف دكتور او دكتورة التدريب . ومشروع بحثي 🔹قناه تخصصات أم القرى https://t.me/futurebright2030

❤️- القسم: اللغة والنحو والصرف - لغة الدراسة: اكيد اللغة العربية - قسمي يعتمد في دراسته على: بشكل كبير يعتمد على الحفظ بستثناء مادة النحو - المواد اللي ادرسها: المواد اغلبها تُدرج تحت علوم "النحو والصرف وعلم اللغة والادب والبلاغة" - أقسام ثانية في كليتي: الأدب، البلاغة والنقد - تجربتي في تخصصي: التخصص ماكان رغبتي الأولى بسبب اني ما أحب الدراسة النظرية؛ لكن اميل لقواعد اللغة العربية وللغات بشكل عام واولها لغتي العربية. - أفضل الأستاذات والدكتورات: حورية الجهني، غادة السعيدي، فاطمة طاهر، غادة العُمري، حنين الشنقيطي، نادية القرشي، عبير النفيعي، علياء اللقماني، عزيزة الشنبري، سلوى العبدلي - مواقف صارت لي أو نصيحة للمستجدين: ماصارت لي مواقف مهمة، لكن ابدؤ بداية كويسة وركزو فدراستكم كويس واهتمو فيها بالذات أول سنة واللعب لاحقين عليه، اللعب لاحقين عليه وبس. بالتوفيق. 🔹قناه تخصصات أم القرى https://t.me/futurebright2030

💞تخصصي عربي نحو وصرف ، المناهج عربيه ، كمهاره  اكثر حاجه يعتمد القسم الربط والتركيز و الاطلاع ، مواد عامه + مواد التخصص + ناخذ من الادب والبلاغه واللغه، الكليه يندرج تحتها تخصصات اللي هي النحو - الادب - البلاغه ، تجربتي ،، انا دخلتها مو عن حب ورغبه لكن حمدالله التوفيقق من الله وحمدالله المعدل تمام وكله لكن انتظر التوظيف او الماستر ،، افضل الدكاتره حرسلها لك بعد شوي لاني نسيت بعض الاسامي ؛). لكن نصيحتي ، اذا تحبين النحو ادخليها وابحري فيه ، وبالعكس القسم جميل اذا حبيتيه وتعمقتي فيه ، لكن من الناحيه الوظيفيه لا يوجد الا اذا معاك شهاده تربوي وذا الغوه من زمان يعني لو تبغيه تدفعين ويمديك تاخذي شهاده عليه لكن ينفعك النحو ناحيه تانيه اللي هو ترجمه بس ضروري لغتين عندك او كذا لغات والله يوفقكم ويسهل لكم يارب. الدكاتره ، عزه القرني / سهيله تركستاني / معتوقه معطاني / عائشه اللهيبي / مي جبوري / ندى الحارثي/ نداء الحارثي / عبير النفيعي / ريم الجعيد / مريم الصبان / حنين الشنقيطي / نزهه الهذلي / جميله خياط / ندى خياط / بدريه المالكي /. 🔹قناه تخصصات أم القرى https://t.me/futurebright2030

🧡تخصصي بلاغه ونقد المناهج كلها عربي. قسمي يعتمد على بعض المواد فهم وحفظ وبعض المواد حفظ بس تقريبا مواد الادبي بالثانوي بلاغه -نحو ادب زي كدا. كليتي كلية اللغه العربية يندرج تحتها اللغه والنحو والصرف وبلاغه ونقد. تجربتي بالتخصص مو سيئه رغم اني كنت مجبره عالقسم لاكن رضيت فيه مع الايام وطبعا جربت الايام السيئه والايام الحلوه فيه. ادا تبي اكتب لك الدكتورات اللي بالزاهر او الريع قولي لي لان اللغه العربيه يدرسوا اول سنه بريع ذاخر وباقي السنوات بالزاهر. نصحيتي اقرأو عن تخصصاتكم خذو فكرة عامه عن الجامعه ومصطلحات الجامعه لا تخافو من الجامعه بالنسبه لي اكثر مرحله دراسيه انبسطت فيها باقي قدامي سنتين بس لو تخرجت ما بنسى ايام الجامعه واي شيء تسمعوه ولا تعرفوا معناه اسألو اسألو اسألو مافي عيب بالسؤال لا تصدقوا كلام وحده اثنين عن الدكاتره صدقوا الاكثر وتعرفوا وانبسطو لا تخافو من كلام ان صحبات الجامعه صحبات مصلحه بالعكس حتقابلو اصناف الناس وبالنهايه هي مرحله وحتخلص ف انبسطو فيها بكل يوم قد ما تقدرو وبالتوفيق💙 🔹قناه تخصصات أم القرى https://t.me/futurebright2030

💓انا تخصصي بلاغة ونقد كلية اللغة العربية طبعا المناهج اللي ادرسها كلها عربي اذا إنجليزي ع حسب التخصص اللي بتتدخليها المهارة اللي يعتمد عليها قسمي انك تكوني متمكنة من اللغة العربية وقواعدها وتكوني ناقدة جيدة ومتحدثة جيدة عشان تقدري تنجحي في قسمك المواد اللي بدرسها في منها في تخصصي وفيها منها اجتيازي وكلية اللغة العربية يندرج تحتها ٣ أقسام : بلاغة ونقد - لغة ونحو وصرف - ادب افصل الدكاتره اللي درسوني لحد الان : لمياء المطرفي حنين الشنقيطي منى الشاهد علا محمود هدى عبداللطيف سلوى العبدلي سارة الحربي نوف الجعيد مريم الصبان عبير النفيعي فوزية هوساوي لولوه بخيت سمية السقاف واكيد في ناس نسيتها بس جد دول أفضل ناس درستني   واذا ع تجربتي بالجامعة لازم تكوني واثقة من نفسك لانك راح تواجهي جميع التحديات سوا نفسية او مادية او مهما كانت لاتخلي شي يقصر عليك احترام الدكاتره احترام الدكاتره مره مهم من وجهة نظري لاتتاخري ع محاضراتك عشان الدكتوره لا تحسب انه مو هامتك مادتها الغياب ابعدي عنه مره ذاكري المحاضرات اول بأول رح يجي النهائي تلقى نفسك بتراجعي بس واذا ع التخصصات لا تزعلي اذا تخصصتي شي ما كنتي تبغيه الأهم انك تنجحي وتعرفي تنجزي فيه ودا عن تجربة شوي شوي رح تلقى نفسك بتحبيه لما تبدعي فيه واذا في دورات مشاريع عامة في الجامعة شاركي فيها وخذي شهادات حضور وضروري تحطي هدف قدام عينك عشان توصلي له واتحدي اي احد حتى نفسك تحديها وبس وان شاء الله أكون قدرت اشرح عن تجربتي بشكل كويس وبس وربي يوفقنا جميعا ♥️♥️. 🔹قناه تخصصات أم القرى https://t.me/futurebright2030

💜تخصصي بلاغة ونقد المناهج عربيه قسمي يعتمد على الفهم اولاً بعده الحفظ اخذ مواد الادب بكل عصوره والنحو بكل مستوياته والبلاغه بانواعها يندرج قسمي تحت كليه اللغه العربيه ومن اقسامها ايضاً النحو والادب تجربتي في تخصص البلاغه لم يكن عن رغبه كنت علمي بالثنوي ولا اعرف شيء عن العربي نهائياً حبيت البلاغه بالذات لانه سهل جداً يتحدث عن بلاغه القران وبلاغه العرب محوره يدور عن الكلام وفصاحته وذا الشيء مافي اسهل منه اذا انفهم صح ويبحث عن اساليب الجمال والبلاغه في الكلام ، البلاغه ثلاث اقسام الاول هو بيان ومن اسمه يوضح الكلام باكثر من طريقه للفهم يبينه يعني والقسم الثاني هو المعاني وسهل من اسمه والقسم الاخير هو البديع اللي يبحث بجمال الكلام بس ذي اقسامه تندرس مع امثله وبتفصيل. نصيحتي للي يدرس ذا القسم انه يترك كل الكلام اللي انقال عنه ويجرب بنفسه ويحاول يفهمه وراح يحبه 👌🏻. بالنسبة لدكتورات ما اقدر اقولك لان فيه الحلوين وفيه الصعبين بس برضو لو جربتو تركزون على المواد بتسهلون انتو نص المشوار بغض النظر عن مين يكون قدامك لان ربي لو اراد لك النجاح راح تتوفقين بالماده لو الدكتوره تكون وش ماتكون . عندي سر جميل لي ولزمن ولكل من يقرا هالكلام بدايه كل يوم جددي نيتك ( اللهم اني اسالك الاخلاص والقبول في القول والعمل ) وتتوكلين على الله كل صبح وراح يحفظك ربي من كل سوء ويكون يومك اخف واجمل مايكون. 🔹قناه تخصصات أم القرى https://t.me/futurebright2030

🔰خطه تخصص الادب

أولاً : أنا خريجة اللغة العربية من جامعة أم القرى كلية اللغة العربية - قسم الأدب والحمدلله تخرجت بتقدير ممتاز مع مرتبة الشرف✨ - الحمدلله مممره مبسوطة اني دخلت هالقسم♥️ ونصيحتي للمستجدات: ١) أول شي لا تاخذي بكلااام الناس أبداً ، ابحثي عن ذاتك وتعرفي على شخصيتك وايش هو الشي اللي تحبيه وتجدي نفسك فيه مهما كان، أنتِ التي تصنعين مستقبلك بيدك وتخصصك، ممكن التخصص يكون حلو ومرغوب بس مو مجالك وماتحبيه! لا تقللي من شأن أي تخصص أبداً مهما كان ، إذا أنتِ ابدعتي فيه وتفوقت فبإذن الله بتوصلي لطموحك والشي اللي. تبغيه، احذري احذري احذري من كلام البنات والمعلومات المغلوطة اللي يعطوك إياها انتبهي، الدكتوره ماتصحح الدكتوره ماتهتم ماتدقق، هذا الكلام كله غلط ، دائماً أي اختبار استعدي له الاستعداد الكامل ولا تضيعي أي فرصة، من أول مستوى شدي حيلك وخلي معدلك عالي دايماً= لأنه أنتم عارفين النظام الجديد الأوائل على الدفعة يتم تعيينهم معيدات على طوول.. فشدي حيلك عشان تجني الثمرة..✨ اللحين بتكلم عن التخصص: جداً جميل ورائع ويحتاج إلى جهد ومذاكرة طبعاً.. الدكتورات رائعات وطيبات جداً والحمدلله،، أولاً وأخيراً خذي عند. الدكتورة اللي شرحها قوي ومزبوط.. عشان هذا راح يفيدك جداً ويريحك.. في أنواع كثير ؛ اللي تقرأ واللي تحذف واللي واللي..إلخ.. خذي عند الدكتوره المتمكنة وتعودي على النمط الصعب وذاكري بجد .. طبعاً هي ٣ أقسام: ١) الأدب ٢) البلاغة ٣) النحو طيب كيف نظامهم: هذي ال٣ الأقسام تقريباً مدموجة مع بعض.. يعني اللي تدرس أدب عندها مواد من قسم النحو وقسم البلاغة ،، بس مواد الأدب عندها أكثر .. والبلاغة والنحو نفس الطريقة.. أنا قسمي الأدب ودرست مواد من النحو والبلاغة..والدكتورات اللي درسوني كثير من ال ٣ الأقسام.. ١- قسم الأدب: ١) مريم القحطاني♥️♥️ ٢) ندى الحارثي💕 ٣) أماني بادغيش🌸 ٤) نجوى بناني ٥) بدرية المالكي قسم البلاغة: ١)سعاد الثقفي 💛 أمواج القرشي💜 نداء الحارثي💕 قسم النحو: ١) مريم الجابري♥️ ٢) حنين الشنقيطي✨ ٣)علياء اللقماني🌸 طبعاً هذي الأقسام ال ٣ كلها تندرج تحت كلية اللغة العربية بجامعة أم القرى قسم الطالبات- الزاهر.. وأتمنى لكم كل التوفيق والنجاح عزيزاتي💕😚 محبتكم: أسماء♥️ 🔹قناه تخصصات أم القرى https://t.me/futurebright2030

ياقلبي انا قسمي كلية اللغة العربية / تخصص أدب عربي يعني الدراسه كلها بالعربي قسمي مايعتمد على ذكاء الشخص او موهبه معينه لازم تكوني تحبي التخصص عشان تنجحي فيه النحو اصعب شيء في التخصص مو كل الناس يحبوه ويقدرو يتعاملو معاه بس بالاجتهاد وتطويرك لنفسك اكيد تقدري تتغلبي على صعوبات القسم اللغة العربية بحر كبيييييير جدًا عشان كذا قسمو الكلية لثلاثة تخصصات 🔸الأدب العربي - البلاغة والنقد - النحو والصرف . 🔸الادب | يعتمد على الحفظ 🔸البلاغة والنقد| حفظ + فهم 🔸النحو والصرف| فهم + حفظ > زي قوانين الرياضيات افهمي احفظي وطبقي. بالنسبة لدكاترة كثيييرين صراحه ما اقدر اكتبه كلهم بس اكثر دكتورة احبها ودايم اروح استشيرها واحسها اخت قبل كل شيء د.بدرية المالكي انسانه قمة في الذوق والاحترام و استاذة علية المزيني واستاذة منى المنتشري واستاذة معتوقه ودكتور احمد سليم واستاذات ودكتورات كثير للامانه صعبه اكتبهم كلهم 😩 النصيحة اللي اقدمها للمستجدات مهما كان حلمك وطموحك لا تستسلمي ابدًا لو دخلوك تخصص ماتحبيه لاتقولي هذي النهاية اجتهدي وحاربي عشان توصلي للشيء اللي تحبيه وتشوفي نفسك مبدعه فيه ولو بعد سنواااات واذا ماقدرتي والظروف كانت اقوى منك لاتستسلمي فيه فرصه بعد التخرج دبلومات ودورات كوني طموحه وترى الشهادة الجامعية لاتعني النجاح فيه كيثر عندهم ثانوي فقط لكن سيرتهم الذاتيه مليانه انجازات والترم الصيفي لا يفوتك اهم وافضل ترم يخفف عنك ضغط الدراسه ويرفع المعدل نصيحة مني الصيفي لايفوووتك ولا تكثرين اوفات وتحذفي وتغيري في الجدول عشان ابغى يوم اوفف انتبهي من صديقات السوء وتذكري ان "الصاحب ساحب" اعرفي شخصية كل بنت قبل ماتصاحبيها اعرفي هذي تبغى مصلحتنا ولا راعيه فله ووناسه وطقطقه وغيابات وغشش في الاختبارات انتبهي انتبهيييي العش يعرض للحرمان من المادة وتعبك كله يروح فغمضة عين اكسبي درجة بمجهودك افضل من خمسة بمجهود غيرك في النهاية انتي الخسرانه لانه المواد مرتبطه ببعض ولازم تكوني فاهمة وعارفه انتي ايش تدرسي وتحفظي وتفهمي مضبوط ، اكتبي وسجلي كل شيء يصير في الحاضرة اول صفحه خصصيها لشخصية واسلوب الدكتورة ايش الممنوع وايش المسموح كيف الدرجات وتقسيمها ولو ماقلتلكم انتو اطلبوها تقسيم الدرجات عشان تكوني حذره دايم خليك في الامام او الوسط الخلف سمعته سيئة جدًا اللي تجلس اخر شيء يعني جايه تنام وتلعب فحاولي تكوني في القاعه من بدري واختاري مكان قريب من الدكتورة ودايم حافظي لى هذا المكان يعني فكل محاضره اجلسي فيه الدكتورة بتحفظك ومستحيل تنساك حتى بعد سنوات بتقولك انتي فلانه اللي كنتي تجلسي دايم في الركن او الوسط👍🏼 هذا اللي نبغاه علاقات حسنه وذكرى طيبة مع اعضاء التدريس وبس والله اشياء كثير صعب تنكتب اشياء ضروري تمري فيها وتجربيها بنفسك وتتعلمي منها دايم قبل تركبي السيارة رددي دعاء الخروج وربي اشرح لي صدري ويسر لي امري والله بتلاقي التوفيق كله فحياتك وبتتيسر لك امورك . 🔹قناه تخصصات أم القرى https://t.me/futurebright2030

💛تخصصي ادب لغة عربية. قسمي يعتمد ع الحفظ بالمواد الأدبيه وفهم بالمواد النحوية. موادي كثير كل ترم 8 مواد مثل الي بالخطه عامه يكون 4 مواد تخصص و3 مواد عامه. كليه اللغه العربيه يندرج تحتها 3 اقسام (ادب - بلاغه-نحو). انا حاليا بالسنه الثانية. كأول سنه لي بالجامعه وانا مستجده.. كانو احسن دكتورات مرو علي دكتوره اسماء الغامدي مافي اي غلطه عليها ودكتوره غاده السعيدي شرحها يجنن واسألتها تجنن لكنها شديده شوي وسحر اشقر وسعده الدعدي هذيل مواد ادبيه ماسكين ويجننون بعد عندي سحر افضل من سعده اما الدكتورات الي ماناسبوني دكتوره امال صديق ودكتوره رحمه الريمي بكنها ماهي فيه رحمه الحين عندكم لكن امال فيه لكن بنات كثير حبوها لكن انا مانسبتني ابد. ودكتوره حمده الجابري ذي عسل وطيبه لكن ماعجبني اسلوبها بالشرح ولا الاسئله وكانت ممله شوي. واهم شيء ككونكم مستجدات لا تسحبون من المحاضرات عشان فله او مالك خلق لانه ينحسب عليك درجات واهم شيء اي يء تقوله الدكتوره تسونه مثل ابحثو عن كذا وماتنبه عليه ولا تقول انه واجب ذا ترى مهم لكن الدكتوره مايهمها انت سويتي او لا لانخ بنهايه مصلحتك تجي المحاضره الثانيه تقلك سويتي تقولي لا بدون كلام صفر. يعني اي شيء تقوله الدكتوره من واجب او ابحثو لي عن كذا المحاضره الجايه حطي ببالك ذا واجب وعليه درجات واهم شيء تقدمينه بأحسن طريقه يكون مطبوع ويكون شامل اسمك وشعبتك ومرتب ومنسق لانه ذا عملك انت ذي صورتك الي بتاخذها الدكتوره عنك. ولا يكون واجب متكررر ابد حاولو تبحثون وتتعمقون وتدورن مو على طول الي بيطلع بوجهك بقوقل لانه اعرفي كل البنات بيكونو نفس واجبك والي كذا الدكتوره ترد لهم الواجب والثنتين صفر. واهم شيء شاركي شاركي في دكتورات يقومون بالاسم وفي لا شاركتي شاركتي ماشاركتي صفؤ. والمشاريع دايم قجمي افضل شيء عندك فيها حتى لو كانت المجموعة الي معك ماتتعاون ولا تروحين وتتشكين لدكتوره ذي مااشتغلت واحنا ماسوينا شيء عشانها ماجابت كذا وانا بس سويت هالشيء وبنهايه مشروع كله ناقص كذا كلكم صفر. من البدايه اختاري بنات متعاونات وان صار ووقعتي بنات ما يتعاونو عادي اتركيهم وسوي شغلك كامل بدون ماتعلميهم ووقت المشروع سلميه كامل وحطي بس اسمك او قولي لدكتوره بعد ماتكونيي سلمتي المشروع كامل ان هالبنات ماشاركو بشيء. اغلب البنات جاين بدون رغبه بالقسم ذا ابد لا تقعدون تتذمرون وانا مااحبه ولا افهمه حطو براسكم كله ترم اشد حيلي واجيب نسبه واغيره واتقبله وكله ترم راح استفيد مره وراح اضيف لنفسي واثقفها معلومات كثير ولازم تتقبلون القسم عشان تقدؤون تجيبون نسبه فيه هي كلها تجربه عيشوها بكل سعادة واجتهاد وتفوق. 🔹قناه تخصصات أم القرى https://t.me/futurebright2030