قناة تخصصات أم القرى🤍.

👩🏻‍💻سلام عليكم اول شي انا طالبة في جامعة ام القرى بكلية المجتمع تخصص دبلوم حاسب آلي . ١- الدراسة : طيب اول شي احب اقلكم ان الدبلوم شي مره حلو من كل النواحي من ناحية الدكاترة والدراسة وكل شي طبعاً الدبلوم هو عبارة عن سنتين تدرسي سنتين وتتخرجي ولو حابة تكملي بكلوريوس لازم في خلال السنتين دي تشدي حيلك عشان تجيبي معدل عالي وتسوين 'تجسير' وتكملي بكلوريوس . ٢- تعديل الجداول : طبعاً انتي كمستجدة اول سنة لك مارح تقدري تعدلي جدولك بنفسك الجامعة نفسها هيا الي تسويلك جدولك ( يعني لما تبي تتعرفي على صحبات تعرفي على وحدة جدولها نفس جدولك او تقريباً تتقابلون في اغلب المحاضرات 😢💔) فقط تقدري تغيري الشعب (يعني تقدري تحولي للشعبة الي فيها صحبتك لو كانت معك بنفس المادة😉) ولو حابة تغيري الشعبة تدخلي من الموقع على بوابة الخدمات الالكترونية > البوابة الاكاديمية > طلب تغير الشعبة بموافقة القسم وتبدي تغيري الشعبة راح يسألوك ايش سبب التغير مثلاً ماتبي مع الدكتورة الفلانية او موعدها مايناسب الباص مو موجود او اي سبب من الاسباب المهم سبب مقنع عشان يغيرون شعبتك ( ماتقدري تغيري شعبتك الا اول اسبوع في الدراسة بعد كدا مايمديك ). بعد كدا السنة الثانية تقدري تعدلي على جدولك زي ماتبي .   ٣طريقة الدراسة: طبعاً الدراسة في تخصص الحاسب الآلي كلها تعتمد على الحاسب او اللابتوب او التابلت يعني تقريباً احنا استخدمنا الكتب في اول ترم بس لانها كانت مواد عامة ولكن بعد الترم الاول الشنطة تصير فاضية وتستبدليها بشنطة يد 😃 مافيها الا ورقتين ، لان كل شي عالكامبيوتر الاختبارات والملخصات والدروس والدرجات والبونسات كل شي تقريباً يعني تروحي خفيفة وترجعي خفيفة 👏🏽 ولكن خلي معك نوت او كُتيب صغير عشان تسجلي فيه الملاحظات المهمة . موقع الكلية: كلية المجتمع العام الترم الاول كانت في المنصور بس تغير عشان الصيانة والترم الثاني نقلوا مقر الكلية  في ريع ذاخر والسنة دي قالو يمكن تكون في العزيزية (هجولة)🤦🏼‍♀💔، لين دحين الخبر مو اكيد لكن حالياً هيا في ريع ذاخر . المكافأة : طبعاً للاسف جميع تخصصات الدبلوم مافيها مكافأة ☹، فقط تخصصات البكلوريوس . المسؤول عن القسم : المسؤولة عن قسم الحاسب الآلي هي الاستاذة "اميرة دقنة " كل شي يخص القسم من استفسار او مشكلة او تعديل على طول تروحون لها ✨. 🔹مجالات العمل : طلاب الحاسب الآلي هذا الجيل جيلكم 🔹تخصصكم في كل المجالات داخل يعني لاتشيلون هم الوظيفة ، عمرك قد شفتي وظيفة بدون كمبيوتر ؟ مافي،  كل مكان يحتاج شخص متخصص في الحاسب لان كل شي صار إلكتروني بالكمبيوتر ١- المستشفيات ٢- الدوائر الحكومية ٣- القطاعات الخاصة ٤- المكاتب ٥-الفنادق ٦-الاسواق ٧- المدارس ٨-المصانع ٩- الصيانة ١٠-مصمم مواقع ١١-مصمم برامج ١٢-فني حاسب واكثر واكثر كمان 👏🏽. التخصص مرة حلو بس يحتاج منك "تحبيه" عشان تقدري تكملي او عالاقل "تتقلبيه" لانه شي مرة جميل لما تتعرفي عالحاسب عشان حياتنا الحين صايرة تعتمد عالحاسب بكل اشكاله . وطبعاً بنات كثير لما يسمعوا انو دبلوم يحسبوا انهم اقل من طالبات البكلوريوس وهادي الفكرة طبعاً مو صحيحة لان خريجين الدبلوم عليهم اقبال كثير في سوق العمل وكمان تتخرجي بدري وتلاقي وظيفة وراتب ممتاز وتقدري تكملي بكلوريوس وانتي تشتغلي لو حابة برضو. تااابع ..👇🏼 https://t.me/futurebright2030

🔸خطه تخصص المحاسبة

💜نصائح بنات المحاسبة من ناحيه القسم مرا مرا جمييييل والبنت اللي حابه تخصصص المحاسبه راح تبدع. من ناحيه أفضل دكاترة بالقسم كلهم حلوووويييين ويفهمون الدبلوم والبكالوريوس كلهم عسسسسل ومايطلعونك من المحاضره الا وانتي فاهمه المحاضره. نصيحتي ان لاتسمعين للبنات من ناحيه ان الأستاذة ذي ما تفهم او الأستاذة ذي ما تعطي درجات انتي مو زيها يمكن ربي يسخرها لك وتكون لك كويسسسه عن تجربه أتكلم. من ناحيه أفضل دكاترة بالقسم كلهم حلوووويييين ويفهمون الدبلوم والبكالوريوس كلهم عسسسسل ومايطلعونك من المحاضره الا وانتي فاهمه المحاضره🖤 اكتر شي تعتمدي عليه جدول الضرب والحاسبة نصيحتي لكل واحدة دخلت القسم دا اجتهادي من اول شي وانتبهي تحملي المواد الي لها متطلب حتتعبي وتكرهي القسم والله يوفقكم اجمعين 💜💜 _________ ⭐️ الدراسه بالعربي وفيه مواد بالانقلشE1وE2 وموضوعات محاسبيه باللغه الانجلزيه. يتعمد ع الدكاتره وعلى الفهم اكثر شي. مرره يبغالوه تركيز وماينفع معاه اهمال وفيه تجسير بعد الدبلوم  يشترط المعدل 3.25يكملون بكالوريوس في نفس التخصص. دراسته سنتين ونص مع التدريب ويقدرون ياخذون التدريب صيفي. ركزو على المواد المتعلقه بمواد زي اصول محاسبه1في المستوى الاول لاقدر الله احد حملها م تفتح لها محاسبات الترم الثاني وفيه 4محاسبات وتتاخر سنه موبس اصول محاسبه 1كل المواد المتعلقه بموادركزي عليها تعرفين من الخطه المواد المتعلقه بمواد والمواد الي من 3او4ساعات تاخذ من المعدل اكثر مرره ركزو عليها مو يعني تتركرون المواد من ساعتين لاطبعا ذاكروها كلها المعدل التراكمي من اول مستوى لكم الين تخرجكم وبنات الجامعه اغلبهم مصالح نادر تلقون احد يساعدكم واذا يبغون واجب ولا شي يجونك غيرها مايعرونك حتى بعض الصحبات لي الاسف مصالح حاولو  انكم ماتغبون وتسلمون الواجبات والمشاريع وتعمدون على نفسكم كل شي بدرجاته ذا الكلام عن تجربه 💔 🔹قناه تخصصات أم القرى https://t.me/futurebright2030

تخصصي كـ محاسبة جداً جداً ممتع وجميل رغم اني كنت ادبي بالثانوي و م احب الرياضيات والاشياء ذي بس المحاسبة شي مختلف وجمييييل زعلت فالبدايه انه دبلوم حسيت انه فيه شوية تنمر عشان مستوى الدبلوم يعتبر اقل مستوى بالجامعه لكن بعد ماعرفت انه اقدر بعد الدبلوم اخذ بكالريوس تغيرت نظرتي وقفلت اذني عن اي كلام لاني ف اربعه سنين بدل م اتخرج بشهادة وحده بكالريوس راح اتخرج بشهادتين دبلوم وبكالريوس وبتخصص مطلوب ف سوق العمل بشكل كبير ف اي وحده زعلانه انها دبلوم لا تزعل ابداً بالعكس تنبسط وهذي فرصه لازم تستغلها و التخصصات الي تندرج تحت الدبلوم كلها تخصصات مطلوبه ف سوق العمل مثل " الهندسة- الحاسب- المصارف- التسويق- المحاسبة...." ــــــــــــــــــــــ المناهج فالمحاسبة عربي اول سنه وفيه دراسة بالانجليزي بسنه الثانيه ــــــــــــــــــــــ المواد الي اخذتها اول سنه الترم الاول: اصول محاسبة١ - اصول الادارة- مبادئ الاقتصاد- الانجليزي١ - الثقافة الاسلامية- فقة المعاملات الترم الثاني: اصول محاسبة٢- محاسبة تكاليف- محاسبة حكومية- محاسبة متوسطة- الحاسب الالي- اللغة العربية- الانجليزي٢. اكثر شي يعتمده قسمي التركيز الحفظ اول باول هذا شي عام ف اي تخصص بالجامعه وكمان السرعه مرا مهمه ــــــــــــــــــــــ افضل دكاتره: فاطمه مصطفى/ كثير يشوفوها عصبيه بس هيا كذا مع الي تقل ادبها او و تلتزم بشروطها لكن ماتظلمك ف حاجه شرحها اسألتها كل شي سهل معاها تسهلك وتختصر بشكل وكمان دكتورة امامه/ هذي حرفياً عافيه عافيه عافيه تحببك بالجامعه وبوقت الدوام درستني اصول ادارة تزرع فيك اشياء حلوه بكل محاضره ودكتوره ابرار مهدي/ ثقافة اسلامية كويسا مرااا تحب شي اسمه بونس تكثر منه دكتورة عبير/تونس وغصباً عنك تفهمممك بس توزيعها لدرجات بالفاينل مو حلو لازم تركزي دكتوره سحر/ لطططططييييففففهه جداً واسألتها زيها دكتور حسن رمادي/ يوزع درجات من الله يضحك محاضرته حلوه م يطول ابداً ولو طول يعتذر والمحاضره الجايه يختصر دكتور ابرااااهييييممم/ اضمني شي اسمه A+ دكتور محمد صديق/ تجاوزي النصفي بسلام واحفظي كل كلمه ونقطه وفاصله بالمذكره ويضمن لك ال A+ بالفاينل بس تجاوزي النصفي بشي حلو دكتوره نوال/ تعطيك حقك وزياده مستحيل تخرجي مو راضيه. النصيحه انه نص الدكاتره الي قلت لك عليهم قالو انهم مرا ظالمين وابعدو عنهم و هرج كنت اداوم خايفه اوصل درجه ابكي بس لين اول شهر اكتشفت انه اي دكتور او دكتوره عصبيه او غيره انتي تحددي كيف يكون معاك واحب اقول مافي احد ظالم يرسب من عنده وعلى كيفه مهما سبو وقالو لا تسمعي لانه انتي الي بتحددي كيف يكون معاك ويعطونك جهدك التزمي بشروطهم وبس. بالجامعه قفلو اذنكم عن اي شي سلبي اي كان. واتمنى اكون اعطيت فايده وشكراً❤️ 🔹قناه تخصصات أم القرى https://t.me/futurebright2030

🔸خطة دبلوم التسويق

تخصصي دبلوم تسويق. التسويق له درجتين ١ دبلوم ٢ بكالوريوس دبلوم التسويق غالباً عربي بس فيه شوية انقلش ومدة دراسته ٢ ونص وطبعاً في تدريب وتجسير اما البكالورريوس ف كلو انقلش ومدة دراسته ٤ سنوات بتدريب. ✨ بالنسبه لي وللكثيرين تخصصننا احسن تخصص فالدبلومات واسهلهم وله مستقبل اكبر واوسع لان بندرس فيه الاداره والاقتصاد والتسويق والعلامات العامه خبراتنا تكون اكتر من غيرنا من الدبلومات وتخصصنا جداً ممتع وجميل ودكاترتنا متساهلين معانا وطيبين الله يحفظهم ويسعدهم. 🍃 اشوف الشي الي يعتمد عليه التخصص فهم وتركيز ومعلوماتك السابقه حتفيدك لانو تخصصنا واقعي معلوم طبعاً فيه رياضيات شويه بنسبة ١٥٪؜ لكن مش صعبه هي مواد بسيطه الي ندرسها وغالباً انها ٣ مواد. 🍃موادنا متشابهه مرهه وتلخبط لو ما كان في تركيز  المستوى الاول درسنا فيه حاسب و مبادى تسويق ومبادى محاسبه ومبادى اقتصاد وانقلش ومقدمة في ادارة الاعمال المستوى الثانيه درسنا فيه لغة عربيه ثقافة اسلاميه مهارات اتصال مقدمة في تقنية المعلومات اداره العلاقات العامه والاعلام مبادى بحوث التسويق التحليل الكمي للتسويق والمبيعات. عندنا المحاسبه والتحليل الكمي فيهم جزئين نظري وعملي العملي رياضيات وقوانين. كلية المجتمع لها ٣ تخصصات غير تخصصي ١ دبلوم المصارف ٢ دبلوم المحاسبه ٣ دبلوم الحاسب. المستوى الثالث حناخذ فيه باذن الله انقلش مهارات وفنون ادارة العملية البيعيه . مبادى الاحصاء تحليل المشكلات التسويقيه المعاصره نظم التجارة السعودية استخدام الحاسب الاليء فالتسويق المستوى الرابع والاخير باذن الله اخلاقيات المهنه تاريخ المملكه المراسلات التجاريه باللغه الانقليزيه تسويق الخدمات مبادى التسويق الدولي التسويق والتجاره الالكترونيه دراسات الجدوى الاقتصاديه. بكذا يكون خلصنا تخصصنا الممتع نختار احد المنشات ونتدرب فيها. ونقدر كمان اذا كان معدلنا عالي نسوي تجسير. تجسير دا ندرس فيه سنتين بكالوريوس وناخذ درجة البكالوريوس بدال الدبلوم. 🔹قناه تخصصات أم القرى https://t.me/futurebright2030

💛تسويق.. سهله وتعتمد عليك وعلى الدكاتره... التركيز والفهم.. التخصص جداً ممتع حبيه من البدايه عشان تقدري تكملي فيه وتتخرجي بمعدل كويس والاعتماد الكبير كلو عليك انك تكوني ماخذه فكره عن الماده واغلب المواد من واقع حياتنا اسلوب الحوار وكيف تبيعي سلعه بقيمة كويسه كيف تكسبي زبون وفي المواد العامه كل شي يعتمد على تركيزك وحفظك🧡.. مره حلو التخصص وممتع ف البدايه كنت زيكم مو مقتنعه ب التخصص ومره خايفه منو و البنات كانو يخوفوني زياده ف قلت ما بسمع لاحد و بجرب بنفسي واتقبلت التخصص و ذحين مره حابتو وسهل ابداً لا يجي ف بالك انو فيه رياضيات وحيكون صعب كلها جمع وضرب وطرح يعني اشياء بسيطه وحتكون معاك اله حاسبه اصلن حتى ف الاختبار. - واهم شي لا يسمعو لاحد ويجربو بنفسهم. -و الدكاتره مره متساهلين. -وما تملي من المواد اللي تدرسيها. 💗تسويق عربي بس في كم ماده انقليزي والقسم يعتمد ع اللي تحب مجال التسويق ولازم تكوني اجتماعيه لنو القسم يحتاج   وكذا يكون ف تواصل مع الناس سهل مرا وحلو يعني كدا خفيف ولطيف ومرا القسم فنان👌 ولحد يسمع كلام احد كل وحده تجرب بنفسها وتحكم لاتسمع لي احد مرا كل الدكاتره طيبين لو حابه تكلمي بكلوريوس نفس قسمك تجيبي معدل 3ونص وتكملي سنتين وكذا تخاذي شهادتين دبلوم وبكلوريوس. وماشاءالله قسمنا لو وظايف مرا كثيره✅ هذي شي ف كل مكان حنلقى وظايف باذن الله. 🔹قناه تخصصات أم القرى https://t.me/futurebright2030

🔸خطه تخصص الأنظمة

*التخصص : الأنظمة⚖️* *المناهج 📘:* *تُدرس المناهج لدينا باللغة العربية عدا مقرر اللغة الإنجليزية المقرر من ساعتين فقط .* *المهارات المعتمده 👏🏻 :* *يحتاج الشخص المتخصص في الأنظمة إلى الفهم والإطلاع أكثر من الحفظ كما أن التدوين في القاعات الدراسية يُشكل للطالب مراجع قانونية لديه وذلك للاستعانة بها مستقبلا في الواقع المهني القانوني ، فأكثر المقررات الدراسية بحاجة إلى الفهم المركز قبل الحفظ كمقرر المواريث ونظام المرافعات الشرعية والعقود التجارية المصرفية .* *شرح المواد القانونيه 📕:* *كما ذكرت هنالك بعض المقررات بحاجة إلى الفهم والتركيز مثل المواريث فأكثر المعلومات بهذه المقررات تحتوي على أرقام وتقسيمات مثل الرياضيات وكذلك مقرر نظام العمل والتأمينات الاجتماعية يحتوى على مسائل كتقسيم* *المعاشات بين الموظفين وهكذا فلذلك التخصص الأنظمة يعتمد على المفاهيم كما في الواقع المهني بمهنة المحاماة والشركات بحاجة إلى شخص يمتلك خبرة بمثل هذا المجال القانوني .* *خطة التخصص الأنظمة ⚖️ :* *https://uqu.edu.sa/sd_jsscoll/App/Plans?major=817&type=1&edition=32* *المسميات الوظيفيه قسم الأنظمة 🏷️* *- مهنة المحاماه ( مهنة حره )* *- القضاء ( قاضي )* *- كاتب العدل بوزارة العدل* *- ملازم محقق بالنيابة العامة* *- مستشار قانوني* *- مدير الإدارة أو الشؤون القانونية في إحدى المستشفيات* *- أخصائي قانوني* *- عضو هيئة التدريس بالجامعات* *- كلية الملك فهد الأمنية للضباط* *- وزارة الدفاع والحرس الوطني* *- شركة أرامكو السعودية* *المواقع أو المصادر القانونين 🔎 :* *القانون بحر العلم به واسع فهنالك مصادر واسعة لا حصر لها لكن ازودكم بمجموعة مختصه بالقانونين عبر برنامج التيجلرام .* *- الكتب والملخصات قسم الأنظمة 📙 :* *https://t.me/uqulawth* *- مجموعة المحاماة والقانون السعودي ⚖️ :* *https://t.me/Lawyers_saudi* *- الأعضاء المتقدمين للنيابة العامة 🔎 :* *- https://t.me/AlaqPlatform1* *- المراجع للنيابة العامة :* *- https://t.me/niaba1* *ملاحظة عامة 🔷* *أول ما يحتاج إليه الطالب لبناء الهرم القانوني لديه هو البدء في دراسة المدخل لدراسة الأنظمة ثم الأنظمة الجزائية ثم الأنظمة الإدارية ثم الأنظمة التجارية إلى نظام المرافعات الشرعية وهكذا بشكل متدرج فالقانونين انواع وأصناف فاختار ما شئت وابدء بالعمل عليه...* *المستويات والتدريب الميداني القانوني 🖋️* *عدد المستويات في الخطة الدراسية هي ثمانية مستويات ، وفيما يتعلق بالتدريب الميداني للأسف لا يوجد في الوقت الحالي إذ أن هنالك بعض النشاطات في نادي كلية الدراسات القضائية الأنظمة مثل المرافعات والقضايا التي تجعل الطالب ممارسا في مهنة المحاماة ، كما أوضح رئيس قسم الأنظمة في عام 1444 - 1445 سيتم تطوير الخطة الدراسية بقسم الأنظمة ووضع بعض المقررات التدريبيه وتحسين الخطة الدراسية قسم الأنظمة .* *حساباتي بمواقع التواصل الاجتماعي 💬 :* *- التيلجرام : KSA20GM@* *- التويتر : KSA20GM@* *- السناب شات : sahi2030z* *- البريد الالكتروني :* *stime4793@gmail.com* 🔹قناه تخصصات أم القرى https://t.me/futurebright2030

‏- حابه أسألك ايش تخصصك؟ كلية الأنظمة والدراسات القضائية ✨قسم الأنظمة - المناهج عربي ولا انجليزي ؟ حميعها باللغة العربية -ايش اكثر حاجه يعتمد عليها قسمك؟ كمهارة الحفظ + ثم الفهم - في مواد معينه حاب تشرحيها بالتفصيل؟ للأسف صارت في خطة جديدة وتحديثات للمناهج لكن الأساسيات عادي على الرحب -ياليت لو تقدر ترسل لي خطه التخصص - ماهي المسميات الوظيفيه واماكن العمل المستقبليه للتخصص أنظمة أو قانون أماكن العمل في وزارة العدل ومكاتب المحاماة الخاصة والشركات بحاجة إلى شخص قانوني - ايش المواقع او المصادر الي ممكن تفيد الطلاب ف التخصص دا بالنسبة لهذا - كن ذا لسان سؤول لدكتورك قبل التوسع ثم استشر وابدا بحفظ اللوائح والقوانين - ف اخر مستوى هل يوجد تدريب ميداني او بحث تخرج ؟ والله اعلم في الخطة الجديدة أصبح التدريب إجباري بخلاف السابق كل طالب وتوجهه ورغبته - اذا حابه الطلاب يتواصلو معاك ضيف حساباتك ف السوشل ميديا 🙏🏼 تليجرام : Ammar117 انت ف الجامعه اكيد مريت بمواقف وقلت يالله ليت احد من قبل علمني عليها عشان اخد احتياطي " ايش النصيحه اللي تعطيها للطلاب سواء الي ناوين يدخلو تخصصك أو قد دخلو " ♥ دائما اوصيهم بالسؤال لكل ما يشكل عليهم لا تستحي ولا تخجل كلنا نتعلم حتى لو سؤالك تافه . واسأل الدكتور عن مراجع تفيدك بعد المحاضرات 🔹قناه تخصصات أم القرى https://t.me/futurebright2030