BLG | ADVOKATLIK FIRMASI

Bu ham aniq bilib oling va organning o'zini ya'ni tuman IIBmi, shahar IIBBmi yoki IIV tergov departamentimi aniq bilib oling. Va organ manzilini ham batafsil so'rab mo'ljallari bilan aniq bilib oling. Agar xodim unvonini aytsa, uni ham o'zingiz uchun yozib qo'ying. O'zingizning kim sifatida chaqirilayotganingizni ya'ni masala nimada ekanligini so'rang. Ba'zi xodimlar ba'zida "Kelganingizda bilib olasiz" deb javob bermaslikka harakat qilishadi. Bunday holda siz qo'pollik qilmasdan, bosiqlik va xushmuomalalik bilan "Hurmatli xodim, yoki tergovchi, yoki tezkor vakil, buni so'rashimdan maqsad, agar masalani bilsam shunga qarab hujjatlarni olib, ma'lumotlarni eslab, agar zarur bo'lsa advokat olib borardim, shuning uchun so'rayapman" deb javob bering. Albatta xodimning xizmat xonasi raqamini va xizmat telefoni raqamini, ichki raqami bilan so'rab bilib oling. Bu sizga nima beradi? Organga yetib borganingizda xabar berish, agar borolmay qolgan taqdiringizda ham vaqtida xabar berib qo'yish imkonini beradi. Xodim sizni chaqirayotgan vaqtni kelishib oling. Haqiqatda borish imkoningiz bo'ladigan vaqtni ayting. Aslida borolmaydigan vaqtingizga "Xo'p" deb qo'ymang. Sababi u ham o'z ishini qilyapti, siz boraman desangiz o'sha vaqtda boshqa odam chaqirmaydi. Agar ishlaydigan odam bo'lsangiz xodimdan imkoniyati bo'lsa chaqiruv qog'ozi yubora oladimi yo'qmi so'rang. Sababi siz ishxonangizga ishga bormaslik sababini tushuntirishingiz kerak. Ishga bormaganingiz uchun ish haqi hisoblanmasligi mumkin. Qonunchilik bo'yicha xususan JPKning 319-moddasiga asosan siz organga chaqirilgan vaqtingiz uchun o'rtacha ish haqingiz saqlanishi kerak. Buning uchun esa, sizga isbot ya'ni chaqiruv qog'ozi kerak. Agar rasman ish joyiga ega bo'lmagan taqdiringizda ham JPK 318-moddasiga asosan, kelib ketish, turar joyni ijaraga olish xarajatlari, sutkalik xarajat puli, shuningdek, odatdagi mashg‘ulotidan chalg‘itganlik uchun summa surishtiruvchining, tergovchining, prokurorning qarori yoki sudning ajrimiga muvofiq budjet mablag‘lari hisobidan to‘lab berilishi mumkin. Xodimning kimligini, chaqirish maqsadini, manzilni, xonani, telefon raqamlarni bilib oldingiz. Sizga qaysi telefon raqamdan, qachon telefon qilinganini va qancha gaplashganingizni ham qayd qilib qo'ying. Endigi masala, sizni chaqirishganligi haqida albatta oilangizdagi yoshi katta, o'qimishli, o'zingiz ishonadigan yaqiningizga ma'lum qilib, yozib olgan ma'lumotlaringizdan nusxa bering yoki rasmga olib qo'yishini ta'minlang. Bu sizga kelajakda agar mabodo sizni tergov organi ushlab qolsa, yaqinlaringiz aynan qayerda ekaningiz, kimning oldiga kelganingiz, nima masalada chaqirtirilganingiz haqida ma'lumotlar bo'ladi. Siz uchun advokat yo'llash uchun ham bu ma'lumotlar zarur bo'lib, advokatga ham sizni tezroq topib olish, advokatlik orderini tezroq ishga qo'shdirib, ishga vaqtida kirishishga yordam beradi. Agar advokatingiz bo'lsa, unga aloqaga chiqib, bu haqda ma'lum qilsangiz nur ustiga a'lo nur. Chaqiruvga binoan borayotganingizda ham albatta yoningizda ma'lumotlarni yozib olish uchun bloknot va ruchka bo'lsin. Borganingizda har bir tergov organiga kirishda Nazorat-o'tkazish punkti bor va u yerda qorovullar o'tiradi. Ular bilan ham xushmuomala bo'lib, kimning oldiga kelganingizni va qaysi vaqtga chaqirganini ma'lum qiling. Agar sizga chaqiruv qog'ozi berilgan bo'lsa, qorovulga chaqiruv qog'ozini ham ko'rsating. Qorovul o'sha xodimga telefon qilib, sizning kelganingizni ma'lum qiladi. Agar xodim sizni kutib turishingizni aytsa, kelgan vaqtingizni bloknotingizga albatta yozib qo'ying. Tartib-qoida bo'yicha organ binosiga kirayotgan har bir fuqaroga "BIR MARTALIK KIRISH UCHUN RUXSATNOMA" yoziladi, xat tilida "propusk". Mana shu ruxsatnomani olmasdan binoga kirmang. Qorovul ruxsatnoma yozib qo'lingizga bergan taqdirda ham, ruxsatnomani e'tibor bilan o'qib, undagi har bir band to'ldirilganiga e'tibor bering. Ya'ni o'zingizning familiya, ismingiz, otangizning ismi, kimning oldiga, qaysi xonaga va soat nechada kirayotganingiz to'ldirilgan bo'lishi kerak.

Huquqiy IQ. 1-son. Sizni "organ" xodimi chaqirmoqda. Bunday vaziyatda qanday harakat qilish kerak? "Organ" deganda aholi tergovga qadar tekshiruv, surishtiruv va dastlabki tergovni amalga oshirishchi davlat organlarini nazarda tutishadi. Tergovga qadar tekshiruv organlari doirasi kengroq, shuning uchun asosan surishitiruv va dastlabki tergov organlari tushinilib, bular ichki ishlar organlari (aholi tilida "ROVD"), Bosh prokuratura huzuridagi Iqtisodiy jinoyatlarga qarshi kurashish departementi (aholi tilida Departament), prokuratura va DXX tergov boshqarmasi va bo'limlari hisoblanadi. Hayotda ko'ramizki, bu organlardan kimgadir "tez yetib keling" degan telefon bo'lsa, yoshi katta, oliy ma'lumotli, o'qimishli insonlar ham hayajonlanib, o'zini yo'qotib, nima qilishini bilmay qoladi. Xo'sh, bu organlar sizni chaqirsa qanday harakat qilish kerak? Hozirgi beradigan tavsiyalarimiz sizga juda oddiydek tuyulishi mumkin, lekin ularga amal qilsangiz albatta samarasini sezasiz. Avvalo, o'zi telefon orqali chaqirish mumkinmi? O'zbekiston Respublikasi Jinoyat-protessual kodeksining 97-moddasiga asosan organga chaqiruv qog‘ozi bilan chaqiriladi. Chaqiruv qog‘ozi pochta orqali jo‘natiladi yoki chopar orqali topshiriladi. Chaqiruv telefonogramma, telegramma, radiogramma bilan yoki telefaks orqali ham bo‘lishi mumkin. Chaqiruv qog‘ozida shaxs kim sifatida, qaysi manzilga va kimning huzuriga chaqirilayotganligi, qaysi kunda va qaysi soatga kelishi kerakligi, shuningdek uzrsiz sabablarga ko‘ra kelmay qolgan taqdirda qanday oqibatlar ro‘y berishi ko‘rsatilgan bo‘lishi lozim. Biroq bu qoida qachonki jinoyat ishi qo'zg'atilgan bo'lsa ya'ni shaxs guvoh, jabrlanuvchi, gumon qilinuvchi yoki ayblanuvchi maqomida bo'lsagina qo'llaniladi. Lekin qonunchilik tergovga qadar tekshiruv o'tkazilayotganda shaxsni qanday chaqirish tartibini belgilab bermagan. Tergovga qadar tekshiruv degani bu, jinoyat haqida xabar kelib tushgan, bu xabar tekshirilayotgan va hali jinoyat ishi qo'zg'atish to'g'risida qaror qabul qilinmagan jarayon. Shuning uchun amaliyotda organ xodimlari tergovga qadar tekshiruv vaqtida bemalol telefon orqali fuqarolarni chaqirmoqda. Jinoyat ishi qo'zg'atilganidan keyin ham garchi qonunda bunga ruxsat berilmagan bo'lsada, telefon orqali chaqirish holatlari uchrab turibdi. Balki, qonunni o'zgartirib zamon talabidan, rivojlanishdan kelib chiqqan holda telefon orqali chaqirishga qonunan ruxsat berish vaqti kelgandir. Xo'sh, telefon orqali chaqirildingiz. Nimalarga e'tibor berish kerak? Avvalo, tinch, bemalol gaplasha oladigan sharoitga o'tish kerak, rulda bo'lsangiz chetda to'xtab, shovqinli joyda bo'lsangiz tinchroq joyga o'tib, masalan. Keyingi asosiy masala yozib olishga imkoniyat bo'lsin, bloknot va ruchka, juda bo'lmasa telefonning o'ziga. Agar telefoningizda so'zlashuvlarni yozish imkoniyati bo'lsa u ham yaxshi. Organ xodimi bilan muloqotda hayajonlanmasdan, ular ham siz-u biz kabi shu davlat fuqarosi ekanligini, shu davlatdan oylik olib ishlayotganligini unutmasdan muomala qilish kerak. Albatta, xushmuomala bo'lish kerak, qo'pollik qilish, asabiylashib baqir-chaqir qilish kerak emas. Aslida qonunchilik bo'yicha ham, o'sha organlarning odob-axloq qoidalari bo'yicha ham xodim fuqaro bilan muloqotda o'zini tanishtirishi, lavozimini aytishi, shaxsga "siz" deb murojaat qilishi kerak. Biroq, afsuski hayotda bu normalarning buzilish holatlari uchrab turibdi. Xodim bilan muloqotda albatta xushmuomalalik bilan so'rab quyidagi ma'lumotlarni aniqlashtiring va yozib oling: Xodimning familiyasi, ismi, otasining ismi va lavozimi, ya'ni qayerda kim bo'lib ishlashi. Ba'zi xodimlar faqat ismini yoki faqat familiyasini aytadi, aytganda ham juda tez aytadiki, siz ilg'amay qolasiz. Lekin siz hammasini aniqlashtiring, sababi shu organda aynan shu ismdagi yoki familiyadagi bir necha xodimlar ishlashi mumkin. Lavozim esa, tezkor vakil (aholi tilida "Oper"), surishtiruvchi, tergovchi, yoki profilaktika inspektori kabilar bo'lishi mumkin.

#Биласизми

❗️Нуқсонли товар сотилганда истеъмолчи, агар бу ҳол шартнома тузиш пайтида айтиб ўтилмаган бўлса, ўз хоҳишига қараб қуйидагилардан бирини талаб қилишга ҳақли: 🔸 товарни айни шундай маркали (моделли, артикулли) мақбул сифатли товарга алмаштириб бериш; 🔸 товарни бошқа маркали (моделли, артикулли) шундай товарга алмаштириб, унинг харид нархини тегишинча қайта ҳисоб-китоб қилиш; 🔸 товарнинг нуқсонларини бепул бартараф этиш ёки нуқсонларни бартараф этишга қилинган харажатларни қоплаш; 🔸 харид нархини нуқсонга мутаносиб равишда камайтириш; 🔸 шартномани бекор қилиб, кўрилган зарарни қоплаш. Telegram | Instagram | Murojaat uchun bot

🪪Ҳайдовчилик гувоҳномасининг қайси тоифасида қандай автотранспорт воситаларини бошқариш мумкин ? 🔰 «А» — мопед, мотоцикл ва уларга тенглаштирилган мототранспорт воситалари; 🔰 «B» — рухсат этилган тўлиқ вазни 3 500 килограммдан ошмайдиган ёки ҳайдовчининг ўриндиғидан ташқари ўриндиқлар сони саккизтадан ортиқ бўлмаган, шунингдек, улар базасида ишлаб чиқарилган қўл билан бошқариладиган автотранспорт воситалари, тиркамасининг рухсат этилган тўлиқ вазни 750 килограммдан ортиқ бўлмаган «Б» тоифадаги автотранспорт воситалари, тиркамасининг рухсат этилган тўлиқ вазни 750 килограммдан ортиқ бўлган лекин «Б» тоифадаги автотранспорт воситасининг аслаҳаланган вазнидан ортиқ бўлмаган ва автотранспорт воситалари таркибининг рухсат этилган тўлиқ вазни 3 500 килограммдан ортиқ бўлмаган тиркамали «Б» тоифадаги автотранспорт воситалари; 🔰 «C» — рухсат этилган тўлиқ вазни 3 500 килограммдан ортиқ бўлган автотранспорт воситалари, тиркамасининг рухсат этилган тўлиқ вазни 750 килограммдан ортиқ бўлмаган «C» тоифадаги автотранспорт воситалари; 🔰 «D» — йўловчи ташишга мўлжалланган, ҳайдовчи ўриндиғидан ташқари ўриндиқлар сони саккизтадан ортиқ бўлган автотранспорт воситалари, тиркамасининг рухсат этилган тўлиқ вазни 750 килограммдан ортиқ бўлмаган «Д» тоифадаги автотранспорт воситалари; 🔰 «BE» — тиркамасининг рухсат этилган тўлиқ вазни 750 килограммдан ортиқ ёки тиркамасининг рухсат этилган тўлиқ вазни жиҳозланган автотранспорт воситасининг вазнидан ортиқ бўлган «Б» тоифадаги автотранспорт воситалари, тиркамасининг рухсат этилган тўлиқ вазни 750 килограммдан ортиқ лекин транспорт воситалари таркибининг рухсат этилган тўлиқ вазни 3 500 килограммдан ортиқ бўлмаган «Б» тоифадаги автотранспорт воситалари; 🔰 «CЕ» — тиркамасининг рухсат этилган тўлиқ вазни 750 килограммдан ортиқ бўлган «C» тоифадаги автотранспорт воситалари; 🔰 «DЕ» — тиркамасининг рухсат этилган тўлиқ вазни 750 килограммдан ортиқ бўлган «Д» тоифадаги автотранспорт воситалари ҳамда бўғимли автобуслар. Telegram | Instagram | Murojaat uchun bot

112 ягона диспетчерлик хизмати ташкил этилади Ягона диспетчерлик хизмати ҳодиса ва фавқулодда вазиятлар рўй берганда шошилинч ёрдам кўрсатиш учун фуқароларнинг чақирувларини 112 қисқа рақами орқали қабул қилади. 👉 @blglawfirm

Ижтимоий хавфи катта бўлмаган, унча оғир бўлмаган, оғир, ўта оғир жиноятлар қандай таснифланади? 🔸Ижтимоий хавфи катта бўлмаган жиноятларга - қасддан содир этилиб, қонунда уч йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар, шунингдек эҳтиётсизлик оқибатида содир этилиб, қонунда беш йилдан кўп бўлмаган муддатга озодликдан маҳрум қилиш тарзидаги жазо назарда тутилган; 🔸Унча оғир бўлмаган жиноятларга - қасддан содир этилиб, қонунда уч йилдан ортиқ, лекин беш йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар, шунингдек эҳтиётсизлик оқибатида содир этилиб, қонунда беш йилдан ортиқ муддатга озодликдан маҳрум қилиш тарзидаги жазо назарда тутилган; 🔸Оғир жиноятларга - қасддан содир этилиб, қонунда беш йилдан ортиқ, лекин ўн йилдан кўп бўлмаган муддатга озодликдан маҳрум қилиш; 🔸Ўта оғир жиноятларга - қасддан содир этилиб, қонунда ўн йилдан ортиқ муддатга озодликдан маҳрум қилиш ёхуд умрбод озодликдан маҳрум қилиш жазоси назарда тутилган жиноятлар киради. Telegram | Instagram | Murojaat uchun bot

Huquqiy IQ "BLG" advokatlik firmasi advokatlari tomonidan aholining huquqiy savodxonligini oshirish maqsadida "Huquqiy IQ" loyihasi boshlanmoqda. Bu loyihada bugungi kunda jamiyatda ko'p uchrayotgan huquqiy muammolar, muayyan vaziyatlarda huquqiy jihatdan qanday to'g'ri harakat qilish kerakligi to'g'risida tavsiyalar berib boriladi. Loyihada dastlab huquqning jinoyat huquqi yo'nalishi bo'yicha tavsiyalar berilib, aniq bir mavzu doirasida tizimlashtirilgan holda, muayyan ketma-ketlikda olib boriladi. Tavsiyalarni aholi uchun tushunarli, sodda tilda berishga harakat qilamiz. Loyihaning 1-bosqichida quyidagi mavzular ko'rib chiqiladi: 1) Sizni "organ" xodimi chaqirmoqda. Qanday harakat qilish kerak? 2) Organga yetib bordingiz. Qanday harakat qilish kerak? 3) Sizdan tushuntirish xati olishmoqchi. Nimalarga e'tibor berish kerak? 4) Sizni guvoh sifatida so'roq qilishmoqchi. Nimalarga e'tibor berish kerak? 5) Sizni "задержание" ya'ni ushlab qolishmoqchi. Nimalar qilish kerak? 6) Otam yoki akam menga himoyachi sifatida qatnasha oladimi? 7) Jinoyatdan jabr ko'rdim. Nima qilsam to'g'ri bo'ladi? 8) Jinoyat haqidagi xabarim haligacha ko'rib chiqilmayapti. Nima qilsam bo'ladi? 9) Mendan jinoyat bo'yicha zararni to'lashimni talab qilib, aks holda qamalishimni aytishyapti. Nima qilish kerak? 10) Menga jinoyat ishi hujjatlarini ko'rsatishmayapti. Ish hujjatlari bilan qanday tanishsam bo'ladi? 11) Qamoqdagi yaqinim bilan ko'rishsam bo'ladimi? 12) Bir necha organ xodimlari kelib, uyimda tintuv o'tkazmoqchi. Nimalarga e'tibor berishim kerak? 13) Telefonimni olib qo'yib, parolini ochib berishimni talab qilishyapti. Nima qilishim kerak? 14) Menga nisbatan jinoyat ishi cho'zilib ketyapti. Qachon bu tashvishlardan kutilaman? 15) O'zbekiston jinoyat-protsessual qonunchiligi haqiqatda liberalmi? "Huquqiy IQ" loyihasini amalga oshirish jarayonida aholidan kelib tushgan savollar, taklif va fikr-mulohazalarni inobatga olib, mavzular ketma-ketligida va qamrovida o'zgarishlar bo'lishi mumkin.

🔰Қонунчиликка кўра, ёнилғи қуйиш шахобчасида ёнилғи қуйилаётган транспорт воситаси билан ундан кейинги транспорт воситаси орасидаги масофа камида 3 метр, навбатда турган кейинги автомобиллар ўртасида эса камида 1 метр оралиқ масофа бўлиши керак. ☑️ Шунингдек, ҳар бир транспорт воситаси шохобча ҳудудидан чиқиб кетиш ва ҳаракатланиш имкониятига эга бўлиши керак. Telegram | Instagram | Murojaat uchun bot

#биласизми

🔹Хизмат сафари ходимнинг иш берувчи буйруғи (фармойиши)га биноан доимий иш жойидан ташқарида хизмат топшириғини бажариш учун бошқа жойга маълум муддатга қиладиган сафаридир. 🔹Хизмат сафарига юборилган тақдирда иш берувчи ходимга қуйидагиларни қоплаши шарт: -йўлкира харажатлари; -турар жой ижараси харажатлари; -доимий яшаш жойидан ташқарида яшаш билан боғлиқ қўшимча харажатлар (суткалик); -ходим томонидан иш берувчининг рухсати ёки розилиги билан қилинган бошқа харажатлар. 🔹Хизмат сафарлари билан боғлиқ харажатларнинг ўрнини қоплаш миқдорлари жамоа шартномаси ёки иш берувчи томонидан касаба уюшмаси қўмитаси билан келишилган ҳолда қабул қилинган ички ҳужжат билан белгиланади. Бунда харажатлар ўрнини қоплаш миқдори бюджетдан молиялаштириладиган ташкилотлар учун Ўзбекистон Республикаси Вазирлар Маҳкамаси томонидан белгиланган миқдорлардан кам бўлиши мумкин эмас (Меҳнат кодекси 287-моддаси) 📋Маълумот учун: Вазирлар Маҳкамасининг 2022 йил 2 августдаги 424-сон қарори билан тасдиқланган Ўзбекистон Республикаси ҳудудида хизмат сафарлари тўғрисидаги низом асосида тўловлар қилиб борилади. ⚠️Доимий иши кўчиб юриш ёки сайёр хусусиятга эга бўлган ходимларнинг хизмат сафарларига чиқиши хизмат сафарлари ҳисобланмайди. @blglawfirm

#биласизми

🏪Енгил автомототранспортлар қанча муддатда техник кўрикдан ўтказилиши керак? Автотранспорт воситаларидан фойдаланишда аҳолига қўшимча қулайликлар яратиш чора-тадбирлари тўғрисидаги 298-сонли Президент фармонига кўра: ✅ишлаб чиқарилганига 10 йилгача бўлган енгил автомототранспортлар техник кўрикдан ихтиёрий равишда ўтказилади; ✳️ишлаб чиқарилганига 11 йилдан 14 йилгача бўлган енгил автомототранспортлар – 2 йилда бир марта; ✳️ишлаб чиқарилганига 15 йил ва ундан ортиқ бўлган енгил автомототранспортлар – 1 йилда бир марта. Telegram | Instagram | Murojaat uchun bot

#Биласизми

🔰 Қонунчиликка кўра, 2025 йил 1 январгача айрим товарларни, жумладан, қуйидагиларни Ўзбекистонга олиб киришда божхона божининг ноль ставкаси қўлланилади: ▫️йогурт; ▫️пахта, ивиган сут ёки қаймоқ, қатиқ; ▫️пишлоқ ва твороглар; ▫️янги ёки қуритилган хурмо (финик), анжир, ананас, авокадо, гуава, манго ва мангостин ёки гарсиния; ▫️янги олма, нок ва беҳи; ▫️буғдой ёки жавдардан ташқари ғалла донидан ун; ▫️какао таркибли шоколад ва бошқа тайёр озиқ-овқат маҳсулотлари. @blglawfirm

📄Ҳайдовчилик гувоҳномаси (права) неча ёшдан берилади? Вазирлар Маҳкамасининг 12,04,2022-йил кунги 172-сон қарорига асосан, транспорт воситасини бошқариш ҳуқуқига эга бўлиш учун ўрганувчи ўқув муддати якунида қуйидаги ёшга тўлган бўлиши керак: 🔰“А” тоифаси учун — 16 ёш; 🔰“B” ва “C” тоифалари учун — 18 ёш; 🔰“BЕ” ва “CЕ” тоифалари учун — 19 ёш; 🔰“D” ва “DЕ” тоифалари ҳамда трамвай ва троллейбуслар учун 21 ёш. Telegram | Instagram | Murojaat uchun bot

Қилмишнинг жиноийлигини истисно қиладиган ҳолатлар тушунчаси.

Қилмишда жиноят Кодексида назарда тутилган аломатлар расмий жиҳатдан мавжуд бўлса-да, лекин у ижтимоий хавфли, ғайриқонуний ёки айбли бўлмаса, қилмишнинг жиноийлигини истисно қиладиган ҳолатлар деб топилади. Қуйидаги ҳолатлар, яъни 🔸кам аҳамиятли қилмишлар; 🔸зарурий мудофаа; охирги зарурат; 🔸 ижтимоий хавфли қилмиш содир этган шахсни ушлаш чоғида зарар етказиш; 🔸буйруқни ёки бошқача тарздаги вазифани бажариш; 🔸касб ёки хўжалик фаолияти билан боғлиқ бўлган асосли таваккалчилик; 🔸жисмоний ёки руҳий мажбурлаш ёхуд қўрқитиш натижасида қилмиш содир этиш жиноятни истисно қилувчи ҳолатлар деб топилади. Telegram | Instagram | Murojaat uchun bot

Гардеробда буюмларингизни унутиб қолдирсангиз нима бўлади? Фуқаролик кодексининг 898-моддасига кўра: Агар ташкилотларнинг кийимхоналарида ашёларни ҳақ эвазига сақлаш ҳақида ашёни сақлашга топшириш вақтида келишиб қўйилган ёки бошқа очиқ усулда шартлашилган бўлмаса, уларда ашё сақлаш бепул ҳисобланади. Ушбу кодекснинг 897-моддасига кўра: Кўрсатилган муддатда талаб қилиб олинмаган ашёни юкхона яна ўттиз кун сақлаб туриши шарт. Ушбу муддат тамом бўлгач, талаб қилиб олинмаган ашё сотилиши, сотишдан тушган пул эса белгиланган тартибда тақсимланиши мумкин. @blglawfirm

#биласизми

Ишсизлар томонидан тўланиши керак бўлган алимент миқдори қанча? 📄Оила кодексининг 140-моддасида, 🔰агар алимент тўлаши шарт бўлган шахс шу даврда ишламаган бўлса ёки унинг иш ҳақи ёки даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда Ўзбекистон Республикасидаги ўртача ойлик иш ҳақи миқдори бўйича ҳисоблаб чиқилади деб кўрсатилган. Ишсизлар томонидан тўланиши керак бўлган ҳозирги алимент миқдорлари аввалгига қараганда фарқ қилмоқда. Демак, Давлат статистика агентлиги томонидан Ўзбекистондаги ўртача ойлик иш ҳақи қайта хисоблаб чиқилган ва бу миқдор ҳозирги кунда 5 519 392 сўмни ташкил қилмоқда. ⚡️Юқоридагиларга кўра, бугунги кун ҳолатига МИБнинг расмий mib.uz сайти орқали ишсиз бўлган алимент тўловчи учун ҳар ойлик алимент миқдори, болалар сонига қараб; ✅ Бир нафар бола учун— 1 379 848 сўм; ✅ Икки нафар бола учун— 1 839 797; ✅ Уч ва ундан ортиқ бола учун— 2 759 696 сўмдан кам бўлмаган миқдорида ундирилади. Telegram | Instagram | Murojaat uchun bot

Business Lawyers Group tomonidan TDYU da advokatlik kasbi haqida bundan bir necha oy oldin talabalar bilan suhbat o'tkazgandik. Suhbatda qiziqarli savollar ham bo'lgandi. Suhbat to'liq videoga olingandi. Shu videoni bugun YouTubega joyladik. Suhbat mundarijasi: 00:00 Tanishtiruv 2:28 Advokatura nufuzi: davlat xizmati nega jozibasini yo'qotmoqda? 10:51 Advokatlar sonini ko'paytirish va yosh advokatlar oldida turgan qiyinchiliklar 15:32 "60-70 ga borganingda advokat bo'lardingda" 17:49 Advokat bo'lishga nima turtki bo'lishi kerak 19:34 Advokat bo'lish uchun xarakter kerak 20:37 "Tanish-bilish bilan hal qilaylik shu ishni" 25:38 Yosh advokatlar qilayotgan xatolar 26:36 "Mijoz" bilan muzokarani to'g'ri o'tkazish ahamiyati 27:35 Advokat va vrachlar o'xshashligi 30:01 "Sizni yo'llasak ishda natija bo'ladimi?" 33:34 "Inson o'ziga yoqadigan narsaga ishonadi" 34:54 Sudlarning noto'g'ri hukmlari advokaturaga ishonchni pasaytirmoqda 37:59 Advokatlik o'ta stressli kasblardan biri 41:01 Eng yomon stress 42:36 O'zi jarayonni tushunmasdan ishni noto'g'ri boshlab qo'yish 46:45 Sudlar tomonidan noto'g'ri hukmlar chiqarilishining 4 sababi 50:03 3-sabab - reabilitatsiya oqibatlaridan qo'rqish 51:02 4-sabab - sun'iy tarqatilgan ig'volar 52:24 "Davlat xizmatida sifatsiz kadrlarning ko'payishi advokatga foyda emasmi?" 55:10 Advokatlik faoliyatini reklama qilish qanchalik to'g'ri? 57:28 Advokat gonorari nimadan kelib chiqib belgilanadi? 1:01:00 Advokatlik faoliyatining ijobiy taraflari 1:04:50 Advokat ishda yaxshi natijaga erishish uchun qanday soft skillarga ega bo'lishi kerak 1:08:37 Yopilish Umid qilamanki, video-suhbat advokatlikka qiziqayotganlar uchun foydali bo'ladi. Suhbatni quyidagi link orqali YouTubeda tomosha qilishingiz mumkin. https://youtu.be/ZMdysv8oU6s?si=eEhZbn8-i5NBKRKD

#Қонунчиликдаги_янгиликлар

❗️Наркотикларни назорат қилиш миллий маркази ташкил этилди

"Ўзбекистон Республикасида гиёҳвандлик воситалари ва психотроп моддаларнинг ноқонуний айланмасига чек қўйиш орқали уларнинг аҳоли саломатлиги ва мамлакатимиз генофондига салбий таъсирини бартараф этиш стратегик чора-тадбирлари тўғрисида”ги Президент Фармони (ПФ-73-сон, 06.05.2024 й.) қабул қилинди 🔰Ўзбекистонда гиёҳвандлик ва наркожиноятларга қарши курашиш бўйича 2024 – 2028 йилларга мўлжалланган миллий стратегия (Миллий стратегия) тасдиқланди. 🏢 Наркотик моддаларни назорат қилиш миллий ахборот-таҳлил маркази Президенти Администрацияси ҳузуридаги Наркотикларни назорат қилиш миллий маркази (Миллий марказ) этиб қайта ташкил этилди. ✔️ Республикада гиёҳвандлик воситалари билан боғлиқ вазиятни ҳудудлар кесимида илмий-амалий ва ахборот-таҳлилий жиҳатидан тизимли равишда чуқур ўрганиб бориш, асосий омиллар ҳамда тенденцияларни аниқлаш ва прогноз қилиш, Миллий марказ фаолиятининг асосий йўналишларидан бири этиб белгиланди. 📝 Миллий марказ давлат комиссияси томонидан ҳар йили тасдиқланадиган миллий дастурлар ижросини мунтазам мониторинг қилиб, белгиланган чора-тадбирлар сифатли ҳамда ўз вақтида ижро этилиши бўйича тегишли давлат органлари ва ташкилотларга тақдимнома, таклиф ва тавсиялар киритади. @blglawfirm

Юзни ёпиб юрса жавобгарлик борми?

Жамоат жойларида шахсини идентификация қилиш имконини бермайдиган даражада юзини тўсган ҳолда бўлиш маъмурий жавобгарликка сабаб бўлади. ❎Мустасно ҳолатлар: тиббий кўрсатмага асосан ёки йўл-транспорт ҳаракатида хавфсизликни таъминлаш учун кийиладиган махсус бош кийимда ёхуд меҳнат ва хизмат фаолияти билан боғлиқ ҳолларда юзини тўсган ҳолда бўлиш ёки спорт ва маданий тадбирларни ўтказиш вақтида ушбу тадбирлар иштирокчиларининг юзини тўсган ҳолда бўлиши, шунингдек қонунчиликда тўғридан-тўғри рухсат этилган бошқа ҳолатлар 💰Санкция: БҲМнинг ўн бараваридан ўн беш бараваригача миқдорда жарима солишга сабаб бўлади. Асос: Маъмурий жавобгарлик тўғрисидаги кодекс 184 прим 4-модда. Telegram | Instagram | Murojaat uchun bot

Шахсга доир маълумотлар тўғрисида қонун 2019 йил 2 июлда қабул қилинган, 36 моддадан иборат.

🪪Шахсга доир маълумотлар — муайян жисмоний шахсга тааллуқли бўлган ёки уни идентификация қилиш имконини берадиган, электрон тарзда, қоғозда ва (ёки) бошқа моддий жисмда қайд этилган ахборот; 🏢Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази шахсга доир маълумотлар соҳасидаги ваколатли давлат органидир 📌Ҳамма фойдаланиши мумкин бўлган шахсга доир маълумотлар -  Субъектнинг розилиги билан эркин фойдаланилиши мумкин бўлган ёки махфийликка риоя этишга доир талаблар татбиқ этилмайдиган маълумотлардир. Шахсга доир маълумотларнинг ҳамма фойдаланиши мумкин бўлган манбаларига субъектнинг ёзма розилиги билан унинг фамилияси, исми, отасининг исми, туғилган йили ва жойи, манзили, абонент рақами, касби тўғрисидаги маълумотлар ҳамда субъект томонидан маълум қилинадиган бошқа шахсга доир маълумотлар киритилиши мумкин. Telegram | Instagram | Murojaat uchun bot