دورة صقل مهارات فنيين الألومنيوم والواجهات

حدثوا تطبيق الورشة الذكية لآخر اصدار رقـ3.6.0ـم 🌹✅

وارقام المشاركة : 01070625425

فيديو غاية الاهمية يا شباب

أن تكون #صاحب_خبرة فأنت تنفع نفسك فقط ✋ أما أن تنقل الخبرة لغيرك فأنك تنفع نفسك وغيرك 👌✅ #بادر بنقل خبرتك للغير وكن من #خير_الناس 🌹💪

- يا محمد انا مش بعرف اركب البتاعة دي ☺️ * ثواني، هاجي اركبها لك 💪 - الله ينور عليك معلم ركبتها بس واضح انك مركبتش زيها قبل كده... امال عرفت تركبها ازاي 🤔 * الفرق بيني وبينك اني حاولت وانت قولت مبعرفش... علشان كده انا نجحت وانت لسه مش عارف 😎 #قصة_قصيرة_حزينة

من حق الزبون يقرر يشتغل معاك او لا . لكن لو انت واخد قرار تشتغل لكل زبون يدخلك الورشة يبقى فيه مشكلة عندك فى الادارة محتاجة تتعالج .

كلنا بنحب فودافون علشان بتعملنا عروض بنحب نفول من بنزينه معينه علشان بيعطيك باكوا مناديل هدية بنحب نشتري لب من مقله معينه علشان بيعطيك شوية زيادة في ايدك بنحب نشتري حلويات من محل معين علشان بيعطيك تدوق لازم كل شهر يكون عندك عرض مايكرويف هدية خصم ٦٠٪ مطبخ وعليه مطبخ هدية شهيص زبونك يا معلم ▪️◾️ تامن حاجة... اختار زبونك مش اي حد يدخل المعرض تقرر تشتغله سيب معرضك مفتوح لناس كتير تدخل تتفرج وناس تجيب صنايعيه على أنه ابن خالة العروسة علشان تفرجه على مطبخ عندك عاجبها بس مش قادرة على سعرك... ده دليل نجاحك وتميزك اختار العميل اللي معاه فلوس ويدفع زبون كويس يدفع في الشهر احسن من ١٠ ينزلوا مستواك في الشغل ▪️◾️ تاسع حاجة... اوراقك اوراقك مهمة جدا.... رخصة وسجل وبطاقة ضريبيه مينفعش تبقى فاتح في شارع كبير ومهم ومعندكش أوراق مينفعش تبقى قاعد مع عميل وتجري تقفل علشان الضرايب بتمر منظرك هيبقى ايه قدامه ▪️◾️ عاشر حاجة... صاحب ناس مهمة صاحب ناس مهمة وكون علاقات مع اللوا فلان والمستشار فلان الصاحب ساحب وهيسحبك لفوق والعلاقات هتجيب زباين من نفس نوعها... وكمان هيسندوك في الضرايب والحي والتراخيص وطبعا دول مصاخبتهم مش ببلاش... بمطبخ في شاليه الساحل ببلاش وكشك للكلب بتاعه ببلاش وهتصلحله حاجات ببلاش وصاحب رئيس الحي ومأمور القسم ورئيس المباحث هتحتاج هم لو زبون اخل باتفاقه وختاماً ممكن اكون بالغت في بعض العبارات لكن لو مش ناوي تعمل اللي في المنشور ده يبقى طور ركن في ورشتك وكبرنا افضل ١٠٠ مرة من المعرض 🔍

لو ناوي او بتفكر تفتح معرض يبقى الكلام ليك 💞 كتير مننا بتشغله فكرة التطوير وانه يطور من نفسه.. ومن ضمن الأفكار اللي بتيجي => انه يفتح معرض ☝️ فهل دي فكرة او حل مناسب 🙄 الإجابة في المنشور ده خلاصة سنة فتحت فيها معرض 🤫 لو بتفتح معرض فيه ١٠ حاجات لو معملتهاش مجتمعة يبقى متفتحش معرض... اقرأ المنشور وهتعرف ليه 😑 ▪️◾️ أول حاجة... أماكن مينفعش تفتح فيها 😳 - مينفعش تفتح في شارع جانبي او شارع مفيش فيه حركة سير لناس غريبة بشكل دائم... يعني لازم شارع عمومي ويكون فيه رجل غريبه مش أهل الشارع لازم يكونوا اغراب لان اهل الشارع غالبا مش زباينك - مينفعش تفتح معرض في قرية أو منطقة شعبية ان جاز المصطلح... وده لان زبون القرية او المنطقة الشعبية بنسبة ٩٠٪ مش هيفرق معاه أن كان بيتفق معاك في معرض او ورشة لانه غالبا جاي يتمنظر عندك ولو لقى سعرك أغلى مش هيعمل عندك لان رقم واحد عنده هو السعر مش الابهار اللي هتعمله طيب هنفترض ان فيه في القرية ناس اغنيا ونفسهم يعملوا حاجة نضيفه وقتها هينزل ع المدينة يعمل شغله علشان يقول انا عملت عند قبنورى ويتفرد وهو بيقولها... انما انت بالنسبه له زي عم السيد اللي فاتح ورشه بعد شارعين.. ▪️◾️ تاني حاجة المعرض نفسه 😘 يكون مُبهر متجيبش تصميم عجبك من ٣ سنين وتقول هنفذه الشغل اللي في المعرض لازم يخطف العين حتي لو ألوان محدش بيختارها بس بتشد العين لازم تصميم يخطف حتى لو مش عملي لازم اكسسوار كتير حتى لو الزبون مش هيختاره كله مفيش حاجة اسمها اعمل حتت مطبخ اتنين متر وكل حتة لون مختلف منهم حتة خشمنيوم وحتة اكريليك وحتة مش عارف ايه... ده مش معرض دي مطابخ في سوق الجمعة ديكورات المعرض بعيدا عن الشغل اهم من الشغل المعروض نفسه اشي سقف معلق شكله ايه واضاءات عاليه وجامده وواجهه سيكوريت نضيفه ويافطة كلادينج محترمه واوعى تنسى تركب تكييف العميل علشان تمرهمه صح لازم تكيفه ▪️◾️ تاني حاجة... غير نفسك 😎 اول ما تفتح معرض انسى انك صنايعي خلاص دي تشيلها من قاموسك مفيش صاحب معرض بيقابل زبونه بشبب جلد ولا على هدومه رايش وبيمسح ايده في هدومه وهو بيسلم ع العميل... العميل داخل معرض علشان انت تتفرد وتتني عليه مش العكس... انسى كمان تنزل بالبنطلون الميلتون لازم تبقى أيامه كده وشياكة وريحة البرفان طالعة منك خلي واحده في الدرج عندك.. شخصيتك لازم تتغير لازم تتعلم التناكة وتتفرد ع الزبون علشان يثق فيك ويتعامل معاك انسى بقى انك صنايعي خليك بيه في نفسك.. طبعاً من تواضع لله رفعه بس دي مش محلها ولا مكانها واتفرج على عبد الغفور البرعي وهو بيبيع ويشتري في التجار او المعلم بلاقسي وهو بيبيع لهم البطيخ.. وكمان اللي بيشتري منك اسمه عميل مش زبون.. زبون دي تقولها هناك في الورشة بس وياريت تبطلها في الورشة كمان ▪️◾️ تالت حاجة.. شغل عندك موظفين 😉 من غير موظفين انت مش معرض ولا حاجة لازم سكرتارية (سكرتارية مش سكرتيره الفرق بينهم كبير) 😁😁 لازم سكرتير واد شيك كده يستقبل الزباين ويمرهمهم لحد مانت توصل المعرض ولو انت مش موجود يقعد يطبل ويزمر لشغلك ويفرج الزبون صح.. لازم عامل بوفيه يقول للعميل تشرب ايه يا فندم ويجيبله ياتون باليه بالسمسم هات ويكنس المعرض ويمسح الازاز مينفعش تبقى صاحب معرض وفيه تراب علي الشغل اي حاجة غلط في المكان بتعطي انطباع عنك... لازم مهندس تصميمات ويعمل معاينات انت كصاحب معرض مبتعملش حاجة بنفسك غير انك تتفق وتبيع وتشتري للعميل غير كده فيه حد بيعمل معاينة ويرجع يصمم المطبخ.. لازم فريق تركيب قاعد في المعرض للتركيبات فقط مدرب على حسن التعامل مع العميل ولبق في الكلام ومدرب على أعلى وجه وفريق التركيب ده مبيشيلش ولا يحط عند العميل بيركب فقط فريق تسويق يعمل شو حلو ليك ع السوشيال ميديا وتصميمات َيصور شغلك ويعمله تعديل ويخليه مُبهر محاسب وده مهم علشان هو اللي بيعرف يجيب آخر دفعه كل دول آه بياخدوا مرتبات بس بيجيبوا اضعافها فمتستخسرش فيهم ولا عددهم ▪️◾️ رابع حاجة.. خليك تاجر انسى انك صنايعي أنت فاتح معرض والمعرض ده تجارة مش تصنيع ابو قرش يساوي قرش واللي كنت بتكسب فيه جنيه وانت ورشة هتكسبه عشرة وانت معرض... هتكسب في سعر المتر... وهتكسب في الاكسسوار وهتكسب في التصميم والمعاينه وهتكسب في الإضاءة والكورنيشة وهتكسب في النقل والتشوين... جو معلش علشان خاطري اللي في الورشة ده معدش هينفع انت عندك موظفين والتزامات وايجارات بالشئ الفلاني... ▪️◾️خامس حاجة.. ادهن الهوا دوكو... لو مش هتعرف تدهن الهوا دوكو خليك في الورشة اعمل ميكس بين الالومنيوم والاكريليك وسميه اكريموتال الزبون بيحب يسمع أسماء جديده هات منتج جديد في السوق وسميه للعميل باسم بتاعك انت علشان يحس انك مميز دور دايما ع الجديد اللي العميل مسمعش عنه قطاع مش عارف ايه يوناني... سيستم مش عارف ايه إيطالي ومتشتغلش غير في الماركات ▪️◾️ سابع حاجة اعمل عروض كتير اوي

من أسباب فشل الكثير من الورش في التوسع وأنها تكبر، هو اعتمادها على فرد واحد هو اللي بيرفع مقاسات وبيعمل طلبيات وبيخصم ويقطع ويفنش ويركب ولو غاب في أي مرحلة من دول الشغل يطلع غير مكتمل ولا ينال رضا العميل لذلك حاول أن تحول ورشتك من مجرد ورشة إلى عمل مؤسسي كل واحد له دوره... هتصرف كتير لكن النتيجه هتكون أفضل وهتكسب اكتر..

اول ما توصل من اي اتجاه خلي اللوكيشن دليلك ولو جاي بسيارة امشي ع اللوكيشن

لو جاي من ناحية جسر السويس اركب لاول جمال وخد توكتوك لارض العرب اللي بعد مدرسة الكرداسى بعد شارع الشركات واللوكيشن خليه دليلك دايماً

طريق الوصول مواصلات... من الدائرى لو جاي من ناحية المرج... بعد مؤسسة الزكاة مباشرة انزل سلم المطحن وخد توكتوك لارض العرب بعد مدرسة الكراسي... لو جاي من ناحية السلام هتنزل بعد السلام سلم المطحن برضو وتاخد توكتوك لارض العرب بعد مدرسة الكرداسي

حضوركم يشرفنا باذن الله

موعد بدء الحفل الساعة الثالثة عصراً

موقع حضور حفل توزيع جوائز مسابقة #أجمل_مطبخ_2023

ما أجمل أن تدعم خبرتك كصنايعي، ببعض العلوم الأكاديمية التي تخدمك مثل علوم الإدارة أو الهندسة أو الشريعة... فتذداد ثقل وتطور وتقدم ونجاح ❤️ وده هو الهدف الأساسي من اقامة دورة صقل مهارات الفنيين بإذن الله