كل ما يخص تحضيري هندسي

اهلاً مبروك القبوول لكل طلاب التحضيري حالياً ، قبولكم هندسي علمي قد يكون عن رغبة و قد يكون لا ، في كل الحالتين انتم عندكم الفرصة الذهبية تغيرون التخصص لاي تخصص يعجبكم بالجامعة و ايضاً اتصور ان اغلب المقبولين يبون هندسة او حاسب في كل حال لازم تجيبون معدل عالي و حتى لو تبون تحولون لاي تخصص اهتموا للتفاضل و التكامل و الفيزياء لا تقولون معاد بنحتاجها بحياتنا لان ممكن ما تجيبون المعدل المطلوب و تتوهقون كنت الاحظ كثير من الي يبون يحولون يصمون كل شيء صم الا ذي المواد بالتالي وقت التخصيص شخص معدله عالي جداً قبلوه تخصص ما يبيه ليش؟ لان نسبة التخصيص دمرته المواد نفس شكل الثانوي بالضبط والله الي دارسين حكومي بدون تخطيط وملخصات بتفهمون قصدي .. الفرق الوحيد انها انقليزي …تقسيم الدرجات واضح الدرجات مو بيد الدكاترة الا ٣٠ -٢٠ درجة اعمال سنه و الاغلب متساهل فيها ماله داعي تتملقون لاحد او تحرجون نفسكم و الدكتورات بدرجات الميد و الفاينل 😂 و بما ان الميد و الفاينل مو بيدهم ؟؟؟ ف شدو حيلكم لان مستحييللل تععوض البسوا لبس مريح اكلوا اكل كويس اهتموا بصحتكم النفسية هذا الشيء يفرق مره طرق مذاكرة المواد : الانجليزي ( ريدنق رايتنق ليسينق و تيك توك ( شوفوا فديوهات ديم و ملفاتها لان هذا بس الي داخل بالاختبار مع الفوكابلرري ديم عندها كل شيء شارحته و حاطته بملف الا التيك توك لانها صحي برفق لكم رابط قناتها https://t.me/PSAUBio عندنا شخصين مبدعين يوتيوب برفق روابطهم لكم https://youtu.be/cfYSzcZSw3U https://youtu.be/_eeFz69Z3JE تابعوهم حلوين و ترا المذاكرة بفهم ما يجي نصاً الا بعض التعاريف انتبهوا الفوكاب لازم تفهمون معناه لان احياناً يجيبونه بجمل و اختاري الكلمة الصحيحة واحياناً تعاريف البوكسات احفظوها و افهموها بنفس الوقت لان احياناً الاساله نسخ لصق و احياناً يعطونك مثلل خارجي على نفس الفكرة التيك توك يجي صور اهتموا فيها من اول نجي التفاضل و التكامل الطريقه الصحيحة لمذاكرة هذي المادة اول باول و حل حلوا كل مسائل الكتاب المميز ان بعد كل تشابتر فيه واجب و كويز ف بتكونون لامين كل المنهج قبل الفاينل و الميد مراح يتراكم عليكم وحتى لو كانت دكتورتكم تساعدكم بحل الكويز لا تعتمدون عليها ذاكرو كويسس كانه ميد شخصياً اشوفف ضروري تاخذون ام رسيل بالتفاضل والتكامل هذا رقمها +٩٦٦ ٥٣ ٨٨٠ ٥٤٢١ و فيه بعد زيادة الخير خيرين قناة هشام يوتيوب الفيزياء ذاكرو اول باولللل ضرروررييي اذا ما ذاكرتم كذا ما فلحتم افهموا كل نقطه واهم شيء عندكم الورك شيت او اساله نهاية الكتاب ذي تعتبر نص المذاكرة بس ذاكروها بفهم موووو حفظ الاتصال و السلم هذي مواد سهله حرام احد ينقص فيها افهموها و احفظوا سطر سطر و باول لان الاساله تكون عميقه العرب يوتيووووببببببب حفظ و فهم قناة بسطها لك كنز الحاسب اول باول و تطبيق للعملي ما يطلع من الكتاب لكن درجات الناس السيئه لان المنهج كبيييييييرررر و هم يراكمون عليهم فيه ناس كثير خذو أ+ بس هذولا مجتهدين انا بالحاسب للاسف راكمت و ما قدرت اخلص المنهج لا تغلطون غلطي هو سهل بس كثيييررر التحضيري الدكتورات جميلات طيبات المبنى فيه الفه انتبهوا احد سلبي ياثر عليكم فيه ناس مبدعين اندمروا بسبت رفقة السوء او الكلام السلبي اختارو رفقائكم بعناية البنات متحمسينننننن و نبي نكشخ لا تشترون درزن ملابس ترا مرراح نستعملها😂 ولا تضغطون على ماديتكم اهم شيء اللبس المريح فعلياً العملي و عادي تكشخون بين فتره و فتره بس لا يكون همكم الاكبر شنط الظهر انصح فيها جددداً كنا كلنا ماخذين كتف و حركات جامعة وكذا بس الكتف صدق مؤلمه الا اذا قشك مو واجد خذوا شوزين مريحين الابيض و الاسود يمشي مع كلش الالوان البيسك حلوه و عمليه توكلوا على الله استعينوا بالصبر و الصلاة و الحوقله ما تتخيلون قد وش كل ما قربتم من ربكممممم كل ما زانت حياتكم و تيسرت اموركم والله ان الدعاء يصنع للمعجزات بس اقرو عن اداب الدعاء و ادعوا بثقه بالاجابة و لا تيأسوا من رحمة الله سنة جميلة المبنى صح انه مو كشخة لكن فيه الفه و ما يتعبكم الدكتورات مره محترمات اذا تعتبتوا نفسياً فيه مرشدة نفسيه اسمها افنان الرفاعي عن تجربة جداً جميلة و روحوا لها متى ما حسيتم انكم تعبانين و فيه عياده صحيه الدوام للبنات من ٨ الصباح ل ٣ العصر الناس الي مضغوطه مادياً او تحتاج توفر من المكافاه فيه باصات مجاناً من الحكومه عندكم ارشاد اكاديمي و اسالوا و دورا عادي اهم شيء تعلموا تنظمون وقتكم و تقروون اذكاااركممم و تذاكرون اول باول الله يوفقكم ويسعدكم ويسرلكم لا تنسوني من الدعاء ف اني بامس الحاجة اليه

"والروُح من فُرط السرور توهجت " فالحمدُلله حين البدء وحين الختام ، اليوم انتهت مسيرتنا في السنة التحضيرية بحلوها و مرها ، بصعبها و سهلها الحمدالله الذي ماختم جُهد ولا تم سعي إلا بفضله فالحمدلله عند البدء وعند الختام والحمدلله على التمام 12.6.2022

ملخصات تيك ، ادعو للي سوتها ❤️❤️

ذي بعض #صوتيات قد ارسلتها لنا الد. #L_S