Aru.🤍

әйелге ғашық болған ердің еркін сезімін айтуы Адам атадан қалған. әйел заты қанша жерден ынтық болса да сезімін шығара алмауы Хауа анадан қалыпты. әйел адамның осы ибасын ұмытпайықшы.

🥺

❤️‍🩹

Алланың рақымынан үміттеріңді үзбеңдер.[12:87]

Ер адам қыз баласынан мына 4-нәрседен жоғары болуы керек: ілімде, бойда, текте, байлықта. Ал қыз баласы ер адамнан мына 4-нәрседен жоғары болуы керек: ұятта, сұлулықта, түсінікте, тақуалықта.

Құрметпен, сенің кішкентай, әлсіз, мұқтаж құлың…🤍

Раббым… Маған сүюді үйрет. Сенің есіміңсіз, ас ішпеуді, Сенің есіміңсіз үйге кірмеуді, Сенің есіміңсіз көлікке отырмауды, Сенің есіміңсіз бір істі бастамауды үйрет. Ғұмырымның әр сәтінде Өзің болғаныңды қалаймын Раббым…

Раббым… Жүрегімді дүниеге деген махаббаттан, дерттен сақта. Сенің Мутакаббир есіміңнен таласқым келмейді. Расында Паң, Асқақ ол - Сенсің. Және бәрі сенікі.

Раббым… Біреудің бір-екі қателігін көріп, ол кісіні жек көргім келмейді. Маған адамдардың қателігін көрмейтін, кемшілігін жасыратын сипат берші. Үнемі жақындарымды ақтап жүрейінші.

Раббым… Құранға деген махаббатым ашылғанын қалаймын. Кемеліне жеткізіп, әр аятты махаббатпен оқуды және оқығаныма амал етуді нәсіп етші. Сол Құран - менің өмірдегі әрекеттеріме әдемі ықпал етсе екен.

Раббым… Құлшылықтарыма бекем болғым келеді. Таң намаздарына ұйықтап қалмай, берекесіне бөленіп, әр күнімді разылықпен өткізсем деймін. Сен осыған көмектесші.

Раббым… Мен өзіме залал келтіріп жүргенімді білемін. Көзімді шел баспай, дүниеге мас болмай, Өзің берген хақ жолдан адаспасам екен. Ешкімді өсектеп-сөккім, тілдегім келмейді. Тіліме әсемдік бер. Аузымнан тек әдемі сөздер шықса екен.

Раббым… Мен ренжімеуді таңдасам да, ренжіп қоя беремін. Маған ренжімеуді, адамдардан күтпеуді, жақсы құл болуды үйретші. Сенің алдыңда өте әдепті, тәртіпті құл болып, тыйымдарыңа көркем түрде бағынғым келеді, Раббым.