أبجديّة

‏"ودّي أنسى ‏بالدروب النيّرة خطوة ضياعي ‏مثل ما لذّة وصول الحلم تنسي ثقل جهده ‏و ودّي أرمي ‏من على متون الصبر أخر متاعي ‏مثل ما يرمي المصلي ما على متونه بسجدة"

إن الصلاة على الحبيبِ لنعمةٌ ‏فيها الأجور من الإلهِ .. فأكثروا ﷺ

‏يارب انا اللي حدا نفسه على اقصاها ‏ياليتني لـ رحمتك يا خالقي ضامن ! ‏ ‏سجدت لك سجدتٍ لا يمكن انساها ‏اجب دعائي .. وانا بك مؤمنٍ آمن ‏ ‏الناس تسجد على سبعه من اعضاها ‏وانا بـ سبعي سجدت وقلبي الثامن

‏اذا عندك أمل مثمر وعزم وباس ‏يهون الصعب قدامك ويتسخر ‏ولا تخاف أو تزعل من كلام الناس ‏كلام الناس " لا يقدم ولا يأخر "

دعواتكم لي بالتوفيق يا أحبابي 🤍

صباح الخير أيّها المكافح .. أمّا بعد : ‏لا تنثني دون الهدف والحلم قدر المستطاع! ‏الناس مهما يزعجونك في طموحك؟ خلّهم ‏العلم خال المعرفة .. والحاجة أُمّ الإختراع ‏والعزم والتوفيق والإصرار أبوهم كلهم.

‏"يكسبني الكلام الواقعي والجناب الزين ‏و ردّي العقل بذات — ماهوب كاسبني"

‏"ولا يابو العيون اللي هدبها للعيون ظلال ‏خطاك السو من جرح الزمان وكثر تلويعه"

‏"تدور الارض وْتمرّ السنين وتكثر الاحزان ‏وانا للحين واقف عند حزنك، مِعلن حْدادي .. ‏ولا غرّتني الدنيا ومرّ الذاكره نسيان .. ‏وانا اذكر يوم موتِك زين وانسى يوم ميلادي"

‏« بين الصمت والتخمين وفوضى الروح والترتيب ‏أنا اللي ما ظهر منه سوى— قطرة — من أعماقه »

‏على أعتبار إن الحياة فرص والفرص لا تتكرر .. نصيحة اليوم يا أصدقاء على لسان سعد علوش: ‏"لاقدرت تشوف وجه اللي تحبّه شوفه ‏ كنه أوّل مرّه تشوفه .. أو آخر مرّه"

‏من تذوّق طعم وصله هايمٍ به لا مُحال ‏ومن تجرّع مر هجره . . جاه همٍ سرمدي ‏حَظ رمشٍ به تكحّل واكتفى بس بالخيال ‏و ويل من هو له تجرّا في عناه بيبتدي ‏ما يطوله لو تمنّى ، ياه ياصعب المنال ‏هو جليسٍ للكواكب هامته فوق الجدي

‏السوالف لو تـمر بفالها في صدري ‏ما يطيّرها الهوا بـ الهرجه المنقوله ‏فيه كلمة ودك ان الناس عنها تدري ‏وفيه كلمة خلها تـفنى وهي مجهوله ‏أكتفي بالصمت عن هرجٍ ينزّل قدري ‏ميزة العاقل ترى ما كل شيّء يقوله

‏"اللي سمَع يونس وهو في بطن حوت ‏ما هو بـ ناسيني.. و أنا أشمَّ الهواء"

‏خل في صدرك على الدنيا قبــــول ‏واعرِف ان الشمس تشرق لو تغيب ‏وعــوّد لسـانـك ليـّا ضـاقـت يقول ‏الأمــاني في رجى ربنـا مـا تخــيـب

‏"كم ضحكةٍ ماكانت إلا لغز للشخص الفهيم ‏وكم كذبةٍ مشيتها من باب تفكير الكبار ‏وكم واحدٍ بعامله بالمثل لكنّي عظيم ‏وكم كلمةٍ بادلتها بالصمت وانهيت الحوار ‏ ‏وكم زلةٍ عديتها لو أنها جت بالصميم ‏وكم فعلةٍ خليتها للوقت لين الوقت دار .."

‏عاد لك فالبال ذكرى وفالخافق مكان ‏يابعد عمر السنين الشحاح الممحلة ‏ماتنسيني لياليك .. طيّات الزمان ‏وانت في يوم من الأيام ، سيّد مرحلة

‏"ما يلحق التقصير عزمي وباسي ‏لكن ظروف الوقت عيّت ترفّق ‏ما عاد أبي عقل الذكي والسياسي ‏اليوم أبي حظ — الغشيم الموفّق"

الهقوه الطيّبه فالله ما تخطي ‏الصابر من الفرج لا تندبل كبده ‏ ‏إن كان زانت فهو الواهب المعطي ‏وإن كان شانت فهو ربي وأنا عبده

‏أحلامنا واجد .. ومرغوب فيها ‏و يالله عساني في دنيّتي أتوّفق ‏في خاطري أشياء واجد وابيها ‏و مصيرها مـع الليالي تـحقـق