أبجديّة

‏أنا لولا توهّج ضحكتك بين الرجى والياس ‏ تناساني الربيع ومتّ بين البرد، والّلاظي

مستعد اضحي بعمري ولا اضحي بك ‏أنت غير وفالخفوق لحالك المتصدّر ‏واجب أوقّف وارحّب فيك واهلّي بك ‏جيّتك مثل الدخيل الطيّب المتقدّر

‏لو إنه بيني وبينك . . عذول ومعجزة وبلاد ‏أحسك نسمةٍ مرت عجولة تحتضن ظلي

‏عساك في غمرة الأيام مسرُور ومتهني ومرتاح ‏مثل ما ذكراك تولد بفؤادي أفراح وإنشراح

‏كـل حلـمٍ فـاتـني بـالأمـس وصـل لـه سـلامـي ‏مـاعلـى الفـايـت حسـايـف والنـدم قصـه قديـمه ‏ادري ان الحلـم لامنـي عطيـتـه . . اهتمـامـي ‏صـار حلـمٍ للجميـع وصـار لـه معـنى و قيـمـه

أيّامنا ماهي بماضي وتذكار ‏عشان تكفيني معك ذكرياتي ‏ما شفتها في يوم صورة وإيطار ‏دعوة .. وعيّت لا تفارق شفاتي ‏عليك قلبي عايش بنفس الاصرار ‏أكثر من اصراره .. على أُمنياتي ‏محبّتك تبقى رغم كل ما صار ‏من أجمل اقدار العُمر في حياتي

‏عندي يقين إن الليالي المقبلة ماهي بـ سود ‏أنقى من قنوف السحاب اللي تلوح بروقها.

‏«أحبك و العمر صبره سجين، و سطوته سجّان ‏مع غيرك حدودي ثابتات ومعك متمْادي»

‏يارب قبل أجاذب لحوني على سلك الحرير ‏لا شانت الأخلاق ثبتني على الخلق الحسن

"أنا الصبور إللي صبر في دنيته صبرًا جميل ‏و أنا القنوع اللي رضا في ما كتب ربي و أمر"

‏« عسى العمر و تفاصيله من أوّل حبه و تاليه ‏فدا ضحكة محيّا وجهك و تنهيدة إحساسك ‏ليا عاث الزمان بصبحك و نورك عجز يمليه ‏أخذني عن ليالٍ مظلمه بالحيل مقباسك ‏أحب اللي تحبه و أكره اللي يمكن تعاديه ‏ولا باقي سوا أحارب عن ظنونك و وسواسك »

مالدت عيوني على كل شباك ‏الا هذاك اللي عليه الستاير ‏يميل ظلك خلفها ميلة الراك ‏وانا على ظلالك اسوق البشاير

‏تفدّاك السنين وعام الاول جعل يفدا العام ‏ضحك لي حظي اول مره وجيت انت قدامي ‏انا قبل اعرفك عمري مضى متشابه الايام ‏وعرفت الفرق بـ ايامي معك يا صانع ايامي

عشان أحلامك ابذل أضعاف الجهود ‏ وباب الأمل بين المحاني شرعه ‏لا تنظر الماضيك لانه لا يعود ‏ فكر بحاضرك .. الجديد وسنعه

‏يارب ما لي ملجأ من صكَّة الدنيا سواك ‏لو شانت وضاقت علي أضْيق من عيون الإبر ‏الأرض أرضك والسِّماء بأفلاكها العليا سماك ‏والمنكسر لا من دَعى بإسْمك من كسوره جبر ‏يارب أنا عبدك وابن عبدك وراجٍ في عطاك ‏ وعبدك ليا ضاقت به الدِّنيا من إلهامك صبر

‏«يامْن غلاتك لها بـ أعماق صدري لحد ‏تجاوزتك السنين وجابت إللي يليَّك ‏مزعلني أن الليالي ما توقف لحد ‏ولا إنت تستاهل أن العمر، ياقف عليك» —عبدالله آل لزيوح