أبجديّة

‏يا رب لا تبكينا يومًا على وطن عشنا على ارضه، نستودعك الله امنه وأمانه ليله ونهارة ارضه وسمائه، اللهم أحفظ بلادنا وسائر بلاد المسلمين

‏" قدر كل طيّب لو يعيش الحياة بقلّ ‏يحامي عن أسمه ما يدوّر له محامي ‏أنا وأمنياتي .. ما خلقنا نعيش بظلّ ‏خلقنا عشان نكون فالصف الأمامي "

طلبتك كل ما هلّت مزونك للجفاف وغاب ‏تبلل شرهةٍ زلت — حقوقك عن عراويها ‏حبيبي فدوتك وجه الصحيح ونظرة الأقراب ‏ديارك … لو يجففها الظمأ ماني ، مخلّيها ‏أحبك / وين ما حطت ركاب الخاطر المرتاب ‏أمانه .. باعد سهوم الموادع ، عن مرابيها

"حبيبي جيت في خوفي شعورٍ يفرض التطمين ‏مثل ما غيبتك تفرض على درب الهوى اشواقي"

يحبّك قلب في درب المحبة ساهي ومنساق ‏يشوف بخافقك عالمه وبضحكتك إشراقه

‏النسيم إللي مهبّة ينعش قلوبٍ سليمة ‏ليت له قدرة يرجع، صفوة الجو المعكر

اللهم آمنّا في أوطاننا وأدِم علينا نعمة الأمن ‏والإستقرار في بلادنا وسائر بلاد المسلمين

‏أنتي و لو مريتي بعمر آدمي حظه شحوح ‏ما عاد يبغى من عطايا الحظ حاجه تقنعه

‏لبيه يا وجهٍ عيوني ترقب لك ‏من قال الايام في حضرتك عاديه ؟ ‏وياك تتلون أيامي و هي قبلك ‏كانت ضبابيه و كانت رماديه

يطري علي قبرٍ سفى رمله الريح ‏يالله عسى راعيه يلقى الشفاعه ‏يطري علي وأصد بالدمع وآشيح - ‏وأضيق لا منّه طرالي وداعه -

‏ياغاليٍ لو شحب وجه الزمان وعبس ‏مازال وجهك بشوش وبسمتك فاخره ‏ما ودّي اعيش معك العمر مرّه وبس ‏أهواك وابيك في الدنيا وفي الآخره ‏— جابر النشيرا

أخاف الله و لي نظره ولي مبدأ و لي أسباب ‏و إذا ماطحت من عينك أخاف اطيح من عيني

‏على خد الثرى نسعى عسَى سعي القدم مشكور ‏عسَى حجّاتنا في تالي الوقت مبـرُوره ‏عسَى ذنب الجهل والعمد والغفله يجِي مغفور ‏إلى عرضت صحايفنَـا على الأشهاد منشُـوره ‏ألَا يا نفسي الجهلَا ترى الدنيا متاع غرور ‏ترى الأيّام لو طالت على الآجال مقصُـورة

عسى ماينقطع شوفك عسى لك فالوجود وجود ‏تهنّى بك عيونٍ شوفتك تبهج ضمايرها ‏حبيب الكل محدٍ يكرهك حتى قليل الفود ‏تمد لك الكفوف من اول الدنيا ليا آخرها ‏تعيش بك الحياه و تنتعش بك و القلوب شهود ‏وتحيا بك فياضٍ ممحلة لاجيت زايرها

‏تولّاني بـ عفوٍ يعتق رقبتي ، بـ يوم الدين ‏وهب لي من لدُنك اللي يبدّد وحشة دروبي ‏دعيتك والكفوف المستغيثة خاليات يدين ‏يا ربي لا تعوّد خاليات الا ، من ذنوبي

يا ربي وإن ذكرتك حنّ لك خافق ورفَّت عين ‏و طاحت دمعتينٍ ما سترها الا طرف ثوبي ‏دخيلك لا تخليني لحالي لـ الزمان الشين ‏أنا مالي صبر عن رحمتك لو صبري أيوبي

يارب عطني أكثر من اللي رجيت ‏وأنت الكريم اللي عطاءه سرمدي ‏أنا أمنياتي أكبر من اللي سعيت ‏ياربّ تشرق لي مثل صبحٍ ندي ‏دخيلك من الدرب لا مال وبكيت ‏وأعوذ بك يارب من حظٍ ردي ‏طلبتك تحقِّق دعاي اللي دعيت ‏تعبت أشيل أحلامي براحة يدي"

‏جعلنا لا بيّنت شمس الصباح المستنيره ‏يتداول ذكرنا بالطيب والفعل المشرّف

‏"ياربّ مالي عالمقادير اعتراض ‏سلّمت أمري للأمور القاضيه ‏ياكم خجلت ادعيك مابيدي وفاض ‏كيف املك الدنيا ويديني فاضيه؟ ‏والله لو يعلو على وجهي امتعاض! ‏إنّي على المكتوب كلّه رااااضيه"