"وَيُلهِهِمُ الأَمَلُ"

أحد أهم المبادئ اللي جاء بيها الإسلام هي هدم فكرة انك لو فيك طبع أو خِصلة سيئة، زي العصبية مثلاً أو قلة الصبر أو غيره، هتفضل بيها طول عمرك ومش هتقدر تغيرها ولذلك جاء جديث النبي صلى الله عليه "إنما العِلمُ بالتعلُّم والحِلم بالتحلُّم، ومن يتحر الخير يُعطه، ومن يتق الشر يوقه" وبغض النظر عن إنه أسهل انك تحافظ على خُلق حميد من انك تكتسبه إلا انه الأخير مش مستحيل زي ما البعض متصور وبيقول ومن الأمثلة الجميلة للموضوع ده التابعي الأحنف بن قيس التميمي لما سُئِلَ عن حِلمه وصبره فقال "لستُ بحليمٍ ولكني اتحالم" يعني ديه مش خصلة فيا بس انا بحاول اعملها اللهُم اهدنا لأحسن الأخلاق لا يهدي لأحسنها الا أنت، واصرف عنا سيئها لا يصرف عنا سيئها إلا أنت. كريم محمد صبري