الـطَـريـق لـحُلمـكٌ 🤎

من دخل مِنكم تخصصًا برغبته فهنيئًا لهُ جزاء ما سَعى ، ومن دخل منكم تخصصًا برغبة الله فهنيئًا له ان الله اختار له وتكفل بذلك ، فلا تبديل لكلمات الله ، ولا راد لحكمه ، فإنه ما شاء الله كان ، وما لم يشأ لم يكن وهو الخير كله اسْتّقبِلوا اقدَاركُم بنفسٍ راضِيه فاللّهُ يَعلمُ وأنتمُ لا تَعلّمون♥♥🦋

مبروك لاخواتي في الثانويه الازهريه واللي كان مجموعه مش زي ما اتمني ربنا قدرله حاجه ف متزعلش لان اختيار ربنا دايما خير ♥️

النتيجه مش بتحدد مستقبلك ولا حاجه زي ما انت ممكن تكون متخيل اللي بتعمله بعد كدا هو اللي بيحدد مستقبلك وطريقك في بلد التعليم فيها مش قوي ولا مبني علي أساس علمي معتقدش ان نتيجتك مؤشر لاي حاجه لسه انت ممكن تدخل الكليه الي نفسك فيها وبعد ما تدخلها تحس انك اختارت غلط وممكن تعجبك وبعد كدا متلقيش شغل وممكن تشتغل في غير الي درسته خالص و دا كتير جداً وممكن تدخل حاجه نتيجتك أجبرتك عليها وتلاقي نفسك فيها بجد محدش عارف الخير فين المهم متديش النتيجه اكبر من حجمها اشتغل علي نفسك وعلي هدفك والحاجه اللي انت موهوب وشاطر فيها وأكيد هتوصل .. بغض النظر بقي عن نتيجتك ف اي مرحلة من عمرك💜

بمناسبة اقتراب #نتيجة_الثانوية العامة تعالوا نفكر سوا بصوت عالي. أهم شئ في مرحلة ما بعد الثانوية -وأخطر شئ- إنك فجأة بتبقى مسئول بشكل شبه كامل عن نفسك. مقصدش الإداريات والمصاريف والمِرواح والمِجِي،أقصد تفكيرك واختياراتك ودواخل نفسك ... فجأة إنت شخص من اتنين ... أهله راضيين عنه وحاسين إنه زويل العلم، ومجدي يعقوب الطب ، وبيقولولك افعل ما شئت فقد حصلت على المجموع المتين فأنت ولدٌ غير عادي في زمن ونظام جديد غير اعتيادي... فـ بالفعل بتلاقي نفسك مع نفسك والشيطان ثالثكما .. أو أهله راميين طوبته، وبيقولوله افعل ما شئت فقد حصلت على مجموع ضعيف ميشتريش رغيف ، فتلاقي إن الضغوطات ال عليك بتقلّ و التوقعات في الأرض والمجال فسيح والشوارع واسعة وهي الحياة كدة ليه بقى ليها لون تاني بقى ليها طعم جديد غيرلي أحزاني ، فتجد نفسُك (المش محترمة) مجالًا للهِئ والمِئ والطبلة والرئ وشخاليل وبتاع وكلام نعناع..أو تجد نفسُك (المحترمة) مجالًا فسيحًا للتجربة والإخفاق والتعلم واكتساب الخبرات خلال سنوات الكلية... فبالله عليك استغل الفرصة العظيمة دي وانطلق بنفسك (المحترمة طبعا). المهم.. إليك بعض النصائح المناسبة لكل مجموع .. في نظام قديم أو جديد ، نضيف أو جربوع (مسم ، يسلاام) -أيًا كانت النتيجة، أظن الهدف الأسمى والغاية الأخيرة والفاينل ديستنيشن = لم ولن تتغير، وأُعيذك بالله إنك في يوم تغيرها ... وهي قلبٌ سليم يوصلك للچنة ♥ -الطب والهندسة والصيدلة وال… وال… = وسيلة والله، وليست غاية، في الجنة ليس هناك الدكتور فلان والدكتورة فلانة، بل عبدالله وأمَةُ الله. -فرص التعلُّم (الحقيقية) أكثر مما تتخيل، وفرص العمل وأبواب الرزق لم ولن تُغلق، والكلية ليست بتلك الأهمية التي تظنها، لا نُلغي الأهمية بتاتًا، ولكن صدقني الرزق ليس بالشهادات. -أهم صفة قد تتحلّى بها في هذه الفترة هي (المرونة) المرونة في المشاعر فلا تُبلغ في حزنٍ أو فرح المرونة في القرارات فلا أحد يضمن لك صحة ما عقدت عليه العزم المرونة في تقبُّل الأقدار المرونة في تقبُّل النجاح والفشل المرونة في العلاقات مع الناس ، فلا يدوم صفاء الود ولا تدوم العداوات أظن أن الحديث عن المرونة يحتاج فيديو خاص ، ربما قريبًا -أعيذك بالله من السخط على قضاء الله.. وتذكّر أنه "مَن رضي فله الرضا وأمر الله نافذ، ومن سخط فعليه السخط .. وأمر الله نافذ" ... في فرق بين السخط والحزن على ضياع هدف وعدم تحقق أمنية، وده طبيعي وفطري، واللي يلومك عليه بيظلمك، ولكن قُل "الحمدلله، قدّر الله وما شاء فعل" واعلم أن "الخِيرة فيما اختاره الله" ... وإن كنت ذا حقٍ وظُلمت = إياك تسيب حقك. -ثم يا هذا، يا عم الدكتور، يا سفاح الأحياء وكينج الفيزياء يا قاهر الكيماء العضوية والمجموعة الانتقالية الأولى ومركبات الهيدرو كربونات ، أعيذك بالله أنت أيضًا من العُجب، وأن تنسب النچاح لنفسك، فوالله ما كان إلا بفضل الله وبعضٍ من اجتهادك معذرةً إلى الله، فلا تنسَ حقّ الله، ولا تلهِك النعم عن الشكر، ولا تنغمس في الدنيا فتنسى الغاية الأسمى. -النور في قلبك ، والسعادة في الداخل لا في حرف "دال" ونقطة يوضعان قبل اسمك. -بالمناسبة، الحكاية مبتنتهيش ، النهاية إما جنة في رحمة الله، أو نارٌ والعياذ بالله. وإنما هي دار ابتلاء، طُبعت على كَدرٍ وأنت تريدها صفوًا من الأقذار والأكدار ، يا … :"" #المتعة_في_الطريق_وعثراته #ظننا_بالله_أنه_لن_يضيعنا

طيب مبداياً كده أول نقطة هتكلم فيها هي انتو عملتو اللي عليكم وربنا قدركم وعديتو السنادي بحلوها ومرهاا ومفيش حد عارف انت تعبت قد اي ومريت بإيه طول السنه ربنا عالم ومُطلع علي كم المعاناه والمعافرة اللي تعبتك طول السنه وافتكر"ان الله لا يضيع اجر من احسن عملا"♡ بالنسبة للنتيجه في جملة مستر بلاك كان بيقولها السنة كلها ليكم"احنا مش مطالبين غير بالسعي والنتيجه دي توفيق من عند ربنا "بمعني انت علشان تنجح لازم تعافر وتحاول هتقع مرة اه عادي وفيها اي اقع وقوم وحاول ودا اللي حصل فعلاً مفيش طالب فضل السنة كلها بيذاكر دايما ومش بيراكم حصص او التزم طول السنه بتتعبو وترجعو وتحاولو تاني🫶🩵 النتيجة نصيب مفيش حد بياخد اكتر من نصيبه واللي مكتوب ليه ربنا كرمك وحققت حلمك يبقي الحمدلله لا لا قدر الله موصلتش للي عايزة ازعل بقا واكتأب وخلاص الدنيا وقفت لا عمرها مبتوقف علي حاجه لسه الطريق طووويل ومليان مصاعب وفرص جميلة وصدقوني كرم ربنا حلو اووي وقادر ينسيك كل حاجه كنت بتتمناعها ربنا مش هيمنع عنك حاجه غير لو مش فمصلحتك او مش خير ليك متفكروش كتير سيبها تيجي زي ما مكتوباالك🩵🩵🦋

هقول كلمتين قبل ما تظهر النتيجه 🥹 انت كطالب ثانويه عامه أيا كان اللي حصلت والنتيجه ساعات وتظهر ، عاوز بس اعرفك ان النتيجه دي مش معناها نجاح وفشل لا ، دي معناها انك خلصت مرحله معينه في حياتك زي الاعدادي والابتدائي ، هي مهمه اه مهمه بس مش الاهم ، الحقيقه هو الاهم النجاح في الكليه لان الكليه هي اللي هتهيأك لسوق العمل وتشتغل بيها ، طيب محدش يوهمك انك علشان جبت مجموع قليل كده انت مستقبلك ضاع وتفكر في الانتحار و...و ...و .. انت قصرت اه قصرت ودي حاجه لازم تعترف بيها ، انت ظلمت نفسك محدش ظلمك ، الظروف صعبه ايوه ، المناهج والمدرسين مش عارفين يتعاملوا برده ايوه ، هيكون في ظلم برده ايوه ده كله بيحصل ، اللي عاوزه منك انك يكون في قلبك يقين وترفع ايدك للسما وتقول يا رب انا راضي وعني علي النجاح في الكليه وايا كانت الكليه هي أي انا هعافر وهنجح ، كليه الطب اللي الكل منبهر بيها في كل محافظه بيتخرج كل سنه ألف دكتور يعني اخر خمس سنين بس ٥ آلاف دكتور لو سألت علي دكتور باطنه شاطر هتلاقي اتنن تلاته عظام اتنين تلاته ، امال كل ده راح فين ببساطه منجحش اوعي تفكر انك مجرد ما دخلت طب نجحت لا طبعا ، الحكايه اكبر من كده بكتير وهديك مثال واقعي وهو انا ، في ٢٠١٩ كنت نظام قديم وجبت 88٪ ودي بتعادل مثلا عندكم في نظامك ٦٠٪ او اقل لان كانت طب من ٩٩٪ وكليه تمريض من ٩٧٪ والمعهد من ٩٤٪ ،وانا كنت مظلوم بجد ، علي الورق انا كده فشلت وهدخل مثلا أداب ، اللي حصل ان ربنا كرمني بمعهد خاص بتاع شربين تمريض قبلت فيه واخد من مجموعي بالظبط ، والحمدلله علشان انا كنت شاطر جبت امتياز السنتين مع مرتبه الشرف ، ورسمت حلم وكملت كليه واتخرجت من ايام بتقدير عام امتياز مع مرتبه الشرف ، والحمد لله نجحت في حجات كتيره اوي اخدت دبلومه تخصص لغه انجليزيه من جامعه كاليفورنيا ودبلومه طب نفسي وبقيت ممرض ومعالج نفسي ومدرس انجليزي وبدي كورسات في كل ده واتشهرت اني من انجح الناس في محافظتي ومجالي ، الحكايه لسه منتهتش الحكايه لسه هتبتدي _اسلام رضا

يا جماعه حياكم الله وزادكم من فضله وكرمه ورزقكم اعلي مراتب العلم والنجاح خلاص الكل منتظر النتيجه وتقريبا الازهر اكتر قلق بسبب ان ف اخبار انها بكرا ف حابب اكلمكو واطمنكو ان النتيجه اي كانت ظفرك اغلي منها يعني الجماعه الي شطان بيوسوسلهم بسبب ان مجبش مجموع معين او وقع ف ماده بالعكس ده ممكن تاخده دافع اكتر وتكمل مهما كانت رحلتك انتو عملتو الي عليكو وربنا هيكرمك بس ف ناس ربنا بيجبلهم ابتلاء هل هيرضو بقضاء ربنا اي كان ولا هيلجئ للافكار العبيطه فكرو كويس يا شباب وان شاء الله ربنا يجبر بخاطر الجميع ولو حد طلع ب اي حاجه احنا معاك وف ضهركم دايما وبلاش قلق من النتيجه واستعينو بالله وخير بإذن الله يا ابطاااال♥🔥

‏لكل من يقرأ الآن ... رسالتي لك هي : أخبر قلبك الهادىء أن يوما ما ، في مكان ما ، سيأتي الفرح إلى قلبك ، و سيحتضنك كثيراً ... أخبر حزنك أنه ضيف و سيمضي بإذن الله ، فهناك رب عليم يدرك دعواتك حتى لو لم تستطع التعبير عنها بالكلمات ... اللهم حقق لها مبتغاها فأنت تعلم السر و ما يخفی..🫶🩵🩵🩵🦋

اخباركم يارب تكونوا بخير🩵 رسالة عايزة اوصلها ليكم بسبب الخوف من النتيجة🫶 حابة افكركم وافكر نفسي بأن في لطف خفي من ربنا في كل فترة صعبة بنمر بيها احنا منعرفش فين الخير واي اللي مستخبي جوا كل المواقف اللي بتحصلنا في الدنيا ،حابة اجدد الايمان بربنا ليا وليكم في ان اليقين بربنا بيحقق المستحيلات ويصنع المعجزات وان اي حد قريب من ربنا ف هو قوي جدا واي حد مع ربنا ليه قدرة خاصة علي تخطية أموره ،ف متبقاش بعيد عن ربنا لأن البعد ده ضعف هتبقي في عين نفسك ضعيف اوييي لو انت بعيد عن ربنا بجد 🩵 هختم ب أية بحبها ﴿ قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِن قَبْلُ وَلَمْ تَكُ شَيْئًا﴾🩵🍃 دمتم بخير وفي رعاية الله وحفظه🩵🦋

" وَلَيُبَدِّلَنَّهُم مِّن بَعْدِ خَوْفِهِمْ أَمْنًا " الآية دي فيها كمية أمان مش طبيعية ، ربنا عز وجل وعدنا إن لازم هيجي بعد الخوف والقلق طمأنينة وسكون ، مهما ضاق بينا الحال او زاد علينا البلاء لازم نثق فـ وعد الله إن أكيد هيجي وقت والغمة تنزاح ويرجع شعور الأمان يسكن قلوبنا من جديد ، لو طول الوقت خايف بسبب المرض المنتشر ده أو عندك إمتحان أو بتمر بمشكلة معينة ذكر نفسك بالآية دي واجعلها شعار ليك في كل وقت ، وحاول تطمن وتتأكد إن بعد كل خوفك وقلقك ده هيجي وراه راحة كبيرة ، ومهما تبان إنها نهاية العالم من وجهة نظرك وكل الأبواب متقفلة افتكر وعود ربنا ليك ، وافتكر إننا بنبعد رب رحيم وكريم يعز عليه أن يرى خاطر عباده مكسور وميجبروش ، فاطمئن لكل قضاء الله ، وافتكر إن بعد العتمة أكيد هيجي النور🩵🩵🩵🩵🩵🩵🩵🩵🩵🩵🩵🩵🦋

اي بتفكرو ف اي وبتحسبو ف اي مش بحسبتك ده بتساهيل ربنا وبس صلي قيام الليل ومتفكرش ف نتيجه وربنا يكرمكم يارب 🤍