الـطَـريـق لـحُلمـكٌ 🤎

📌🚨(نصائح مهمة للي داخلين أولى جامعة) للبنات : 1- مفيش حد عاوز يساعدِك، كلهم عاوزين يشقطوكي. 2- لو حد سألك "انتي سنة اولى صح؟؟" قوليلو لا سنة تالتة خير في حاجة؟ وكشّري جامد 3- متصدقيش حد يبدأ كلامه ب "انتي زي أختي" عشان ده صايع وعاوز يشقطك برضو 4- ملكيش دعوة ببتوع الاتحاد والأسر والجو ده، مفيش أسرة نور الحق في الكلية لأ، ومش هتستفيدي على قد ما هتتأذي هتقوليلي ازاي بس انا اعرف ناس في اتح...... =قبل ما تكملي، دول إبرة في كوم قش، ف متخاطريش عشان صدقيني هتتأذي جداً وهتتفتني 5- متصاحبوش ناس بالصدفة، ولا تصاحبو اول حد تقعدو جنبه في البنش، ولا تدو ارقامكم لحد لمجرد انه معاكم في السكشن، اتعرفو ع الكل بس متصاحبوش حد بالصدفة. 6- ربنا اللي كان في ثانوي هو ربنا اللي ف الجامعة هو ربنا اللي ف البلد بتاعتك، ف مفيش داعي تغيري ستايل لبسك للأسوأ ولا تتأثري باللي هتشوفيه "الجامعة مليئة بالهئ والمئ ف ناخد بالنا" فبلاش ميك اب ولبس محزق ومفتوح. 7- هتلاقي بنات معاكي كل كلامهم عن الولاد وعن فلان وتسريحة علان وعربية ترتان واوميقاد الواد ده جامد كيكة، دول بقا اوعي تقعدي معاهم ولا تديهم رقمك، اوعي يا نوسة اوعيييي. 9- مع بداية الكلية الناس من حواليكم هتتغير، وهتقابلوهم بعدها مش هتعرفوهم، والشاطر اللي بيفضل ثابت ويتغير بس للأحسن وميتأثرش بالقرف من حواليه، ف خدو بالكم كويس واتلمو ع ناس كويسة تعينكم مش تكون عون عليكم. 10- لا ترتبطي، ولا تفكري في الارتباط، وسيبي كل حاجة لوقتها، انتي لسه قدامك بدري متستعجليش ولا تنبهري عشان كلهم مصطفى أبو حجر، أو ابو تورتة أيهما أقرب. للأولاد : 1- متروحش الكلية اول يوم بنضارة شمس ولا كوتشي بيلمع. 2- متتكلمش بصوت عالي وتشتم بصوت عالي، أو تنده ع صاحبك اللي ف اخر الجامعة باسمه ع الفيس او تمليه رقمك من على بعد، يعني بص مش ناقصة عته، الحركات دي انتهت من 2005 3- متلبسش بناطيل مقطعة وسلاسل. 4- ملكش دعوة ببنات الناس، لا تتعرضلهم بنظرة ولا بكلمة ولا بخفة دم ولا بتقل دم .. اتقِ الله عشان ربنا يسترها معاك. 5- معاك ولاد في الكلية ممكن تسألهم عادي مش لازم نهى وعلا وأسماء. 6- متدخلش الجامعة ساخن وعاوز ترتبط بدي وتكلم دي وتمشي مع دي، لأن أول حاجة هتضيع وقتك، تاني حاجة هتضيع فلوسك، تالت حاجة ده حرام ولو فرضنا حبيت بنت بجد هتكسر قلبك بايدك لو حاولت تعمل حاجة مش حلال م الآخر بيعة خسرانة، ف ضيع فلوسك ووقتك على نفسك احسن واعرف أماكن المطاعم من اول يوم. 7- حاول تفهم ان كليتك في كليتك بس، يعني مش لازم تبقى في حقوق وبتحضر في آداب وتجارة وتربية وصيدلة وعلوم وطب وهندسة. 8- هستسمحك متحلقش زي بتوع التيك توك وتلبس بناطيل محزقة، حرام يا صاحبي وشكلك بيبقى وحش والله .. متزعلش مني بس دي الحقيقة. وأهم حاجة للولاد والبنات سوا الكلية أهم مراحل حياتكم، واخطرها ! ف خدو بالكم كويس جداً وحتة ع الهامش، نهتم بنظافتنا الشخصية يا شباب، يعني ناخد بالنا ويا حبذا لو غسلت سنانك كل يوم، ياااه يبقى جزاك الله خيراً والله، حتى هتبان أجمل واشيك والبنات بلاش الروائح ومحلات العطور اللي بنشمها دي، حرام يولاه، حرام، بالله حرام، اقسم بالله حراااااام هاتي شبّة أو مزيل عرق ملوش ريحة كفاية، مش لازم تطلع منك ريحة حلوة، بس كده ! "أيما امرأة استعطرت فمرت بقوم ليجدوا ريحها فهي زانية" ربنا يوفقنا جميعاً.💚

واى المشكله ام نحاول تاني وتالت ورابع ومليون اكيد هنوصل ف مرة من المرات الحياه مش هتوقف بالعكس كل حاجه حواليك هتلاقيها بتمشي بس انت لسه مكانك وساعتها هتندم ف بلاش نوقف حياتنا علشان ثانويه عامه انا عارفه ومقدرة وجعها بس دا مش سبب علشان اقعد اندب ف حظى وانا ف امكانياتى اغيرها ربنا خلقنا مخيارين مش مجبور علي حاجه يعني لازم نجتهد ف اى مكان ونطلع احسن ما فينا ومنقولش دا نصيب احنا اللى بنعمل النصيب دا باراده ربنا طبعا وبارادتنا لازم نفكر بعقلنا ونركن العواطف دى خالص❤️

بمناسبة ايام التنسيق دي واللي دخل كليات طبية او اخوك ف ثانوية وبتحتفل بيه الاحتفال بالتفوق شيء جميل ولازم ومستحب. الإفراط في الاحتفال يساوي جرحك لشخص تاني (ربّما) كان مظلوم او أجبرته ظروف معينة اجتماعية واقتصادية انه ما يتفوقش. نحتفل يا جماعة بس بدون إفراط ، مش هتلاقينا منزلين صور احتفال بواحد داخل طب بشري معانا في الجروب هنا لان عندنا انت عملت اللي عليك ف انت بالدنيا وما فيها والله ومبارك عليكم 🖤

للمُقبلين على الجامعة : خذوا معكم دينَكم، فالدين هناك غريب!