Bələdçi
Open in Telegram
224
Subscribers
No data24 hours
No data7 days
No data30 days
Data loading in progress...
Similar Channels
No data
Any problems? Please refresh the page or contact our support manager.
Tags Cloud
No data
Any problems? Please refresh the page or contact our support manager.
Incoming and Outgoing Mentions
---
---
---
---
---
---
Attracting Subscribers
October '23
October '23
+224
in 0 channels
Channel Posts
Şüvüllə tullanma sahəsində yarışan polyak atlet Vladislav Kozakieviçin karyerasının ən məşhur anı 1980-ci il Moskva Olimpiya Oyunlarına təsadüf edir. Onun əsas rəqibi yerli auditoriya qarşısında çıxış edən sovet idmançısı Konstantin Volkov idi.
Kozakieviç 5,78 metr hündürlüyə tullanaraq Olimpiya rekordunu qırdıqda, sovet azarkeşləri onu fitə basdılar. Kütlənin münasibətinə cavab olaraq, idmançı sonradan "Kozakieviç jesti" kimi tanınacaq kobud jesti nümayiş etdirdi.
Bu jest onu sovet mediası və rəsmilərinin tənqid hədəfinə çevirsə də, Kozakieviç doğma ölkəsində milli qəhrəman səviyyəsinə qalxdı. Belə ki, 1980-ci il Polşada kommunizmin sonunu gətirəcək Solidarnost hərəkatının başladığı il idi.
Olimpiadadan sonra Sovet İttifaqının Polşadakı səfiri Kozakieviçin "sovet xalqını təhqir etdiyinə" görə medalından məhrum edilməsini tələb etdi. Polşa hökumətinin rəsmi cavabı isə belə oldu: “Bu jest idmançının gərginliyi səbəbi ilə yaranan qeyri-iradi əzələ spazmının nəticəsi idi.”
@beledchi
#bələdçi #idman #polşa
| 2 |  Eyfel qülləsinin sıravi bir adam tərəfindən satılmasını təsəvvür edirsiniz? Özü də iki dəfə. Tarixin ən məşhur fırıldaqçılarından biri Viktor Lüstiq bunu bacarmışdı. Necə? Detalları bilmək üçün aşağıdakı linkə klikləyin:
https://youtu.be/pLHEy3o3dHI | 482 |
| 3 | Yenicə dünyasını dəyişmiş dünya şöhrətli yazıçı Milan Kunderanın ilk romanı “Zarafat” adını daşıyırdı. Maraqlıdır ki, yazıçı dünyaya məhz Gülüş günündə - 1929-cu ilin 1 aprelində gəlmişdi.
@beledchi | 198 |
| 4 | +3 Gənc rəssam Zöhrab Salamzadənin silsilə rəsmləri.
Rəsmlər müvafiq olaraq, “Mikayıl şah”, “Mikayıl xan”, “Mikayıl bəy” və “Mikayıl əfəndi” adını daşıyır.
@beledchi | 213 |
| 5 | 1970-ci il futbol üzrə dünya çempionatından öncə "Adidas" və "Puma" şirkətləri arasında bağlanmış razılıq tarixə Pele paktı adı ilə keçdi. Razılığın mahiyyəti dövrünün ən məşhur futbolçusu olan Pele ilə dünya çempionatı öncəsi müqavilə imzalamamaq idi. Tərəflər düşünürdü ki, daha yaxşı təklif vermək uğrunda mübarizə qiyməti çox şişirəcək, bu isə qalib şirkətə xeyirdən çox ziyan verəcəkdi. Pakt iki şirkətin yaradısı olan Adolf və Rudolf Dassler qardaşlarının oğulları arasında imzalanmışdı.
Razılığı pozan isə “Puma” şirkəti oldu. Peleyə o dövr üçün kifayət qədər böyük məbləğ olan 120 min dollar təklif olundu. Əvəzində Pele 1/4 final oyununun start fitindən əvvəl meydançanın mərkəzində “Puma” ayaqqabılarını bağlamalı idi. Bütün kameraların Peleyə yönəlməsi ilə “Puma” şirkəti tarixinin ən böyük reklam kampaniyalarından birini həyata keçirmiş oldu.
@beledchi | 195 |
| 6 | İslamə Abdullayevanın “1109” adlı albomuna Mikayıl Müşfiqin sözlərinə yazılmış mahnılar daxildir. Alboma “Yenə o bağ olaydı”, “Yaşa, ürəyim”, “Sənə qurban” və daha 9 mahnı daxildir. Albomun adı təsadüfi seçilməyib. 1109 repressiya qurbanı Mikayıl Müşfiqin həbsxanadakı məhbus nömrəsi idi.
Aşağıdakı linkə daxil olmaqla, albomu dinləyə bilərsiniz:
https://youtu.be/aicS0phwKps | 191 |
| 7 | Dünyanın ən məxfi yeri haradır?
Çanaqqala döyüşündə ingilis əsgərlər necə yoxa çıxdı?
Hitler sui-qəsd cəhdlərindən necə sağ çıxdı?
Bütün bu sualların cavabını bilmək istəyirsinizsə, “Dama dama” youtube kanalına abunə ola bilərsiniz.
https://www.youtube.com/@damadamashow | 595 |
| 8 | “Gecə quşları”
“Gecə quşları” Nyu-York şəhərindəki boş bir kafedə gecə səhnəsini əks etdirən rəsmdir. Rəsm 1942-ci ildə Edvard Hopper tərəfindən çəkilib və Amerika mədəniyyətinin simvollarından biri hesab olunur.
Rəsmdə dörd fiqur var: piştaxta arxasında oturan cütlük, piştaxtanın digər tərəfində ofisiant və küncdəki stolda tək oturan kişi. İşıq və kölgə effektindən mükəmməl istifadə edən rəsm təcrid və tənhalıq hissi yaradır. Kafe işıqlıdır, amma ətraf küçələr qaranlıqdır və çöldə həyatdan əsər-əlamət yoxdur.
“Gecə quşları” həm də hekayəsizliyi ilə diqqət çəkir. Fiqurlar sanki zamanda dondurulub və nəyin baş verdiyi və ya baş verəcəyinə dair heç bir aydın göstərici yoxdur. Bu qeyri-müəyyənlik rəsmin cazibəsini artırır və izləyicilərə əsərə öz istədikləri mənanı yükləməyə imkan verir.
Hopper heç vaxt "Gecə quşları"nın arxasındakı ilhamı açıqlamayıb. Bir çoxları rəsmin İkinci Dünya Müharibəsi zamanı şəhər həyatının tənhalığına və təcridini əks etdirdiyini güman edir.
Bəs siz rəsmdə nə görürsünüz? | 322 |
| 9 | Seçkilərdən söhbət düşmüşkən, 14 mayda Türkiyədə baş tutacaq prezident seçkilərində kimi dəstəkləyirsiniz? | 233 |
| 10 | Qırmızı və mavi ştatlar
1976-cı ildə ABŞ-da prezident seçkiləri zamanı NBC kanalı ştatların hansı namizədə səs verdiyini rəngli xəritə ilə tamaşaçılara çatdırdı. Sözügedən xəritədə respublikaçı Cerald Forda səs verən ştatlar mavi, demokrat Cimmi Karterə səs verən ştatlar isə qırmızı rəngdə göstərilmişdi. Növbəti seçkilər zamanı digər telekanallar da eyni üsuldan istifadə etməyə başladı. Lakin bəzi kanallarda Reyqana səs verən ştatlar mavi, bəzilərində isə qırmızı rəngdə göstərilirdi.
2000-ci il seçkilərində isə qırmızı rəng bir qayda olaraq respublikaçı namizəd Corc Buşun, mavi rəng isə demokrat Al Qorun üstünlük əldə etdiyi ştatları bildirdi. Beləliklə, amerikan ingiliscəsində “qırmızı ştatlar” və “mavi ştatlar” anlayışı peyda oldu.
@beledchi
#abş #seçkilər | 216 |
| 11 | XV əsr İspaniyasında yaşamış olsaydınız, həyatınızdan çox da razı olmazdınız. Ardıcıl müharibələr bir tərəfdən, kilsə inkvizisiyası digər tərəfdən sizi taqətdən salmış olardı. Dolanışığınız üçün yalnız kənd təsərrüfatına bel bağlaya bilərdiniz. Çünki o vaxt Şengen vizası yox idi və İspaniya turizm cənnəti hesab olunmurdu 🤷🏻♂️
Estremadura vilayətində isə vəziyyət daha da pis idi. Quru iqlim şəraiti həm yaşayışı çətinləşdirir, həm də əhalinin kənd təsərrüfatı ilə də məşğul olmasına mane olurdu. Nəticədə Estremadura ölkənin ən kasıb vilayətinə çevrilmişdi.
Estremadurada yaşayan bir çox insanın həyatını 1492-ci ildə baş vermiş bir hadisə dəyişdirdi. Kolumbun Amerikanı kəşf etməsinin ardından vilayətin əli silah tutan kişiləri kraldan icazə istəyib, daha yaxşı həyat yaşamaq ümidilə Yeni Dünyaya yollandılar.
Bizə məlum olan konkistadorların əksəriyyəti: Hernan Kortes, Fransisko Pizarro, Vasko Nunyez de Balboa, Hernando de Soto və Pedro de Alvarado məhz Estremadurada doğulmuşdular.
@beledchi
#ispaniya | 234 |
| 12 | 🐅 Pələng dərisi
Bir neçə Şərqi Asiya ölkələrinin folklorunda belə bir maraqlı əfsanə yer alır. Bir gün kəndli pələnglə üz-üzə gəlir və onu zərərsizləşdirərək kəndirlə ağaca bağlayır və ağacı yandırır. Alov pələngin dərisini narıncı rəngə boyayır. Kəndir isə pələngin dərisində qara izlər buraxır. Beləcə pələng qara zolaqlı narıncı dəriyə sahib olur.
@beledchi
#heyvanlar #pələng | 201 |
| 13 | 🍌 Froyd sürüşməsi
Şüuraltında gizlədilmiş fikrin şüursuz olaraq üzə çıxmasına Froyd (bəli, əslində alimin soyadı Freyd yox, Froyd kimi tələffüz olunmalıdır 🤷🏻♂️) sürüşməsi deyilir. Bu anlayışın ən klassik nümunəsi dil dönməsidir. Əslində atalarımız “Dil dönər, düzünü deyər” deyimi ilə Froydu bir neçə əsr qabaqlamışdılar. Amma Froydun saqqalı imkan verdi ki, onun sözü keçsin 😀
Əslində Froyd sürüşmələrinin əhatə dairəsi daha da genişdir. Dil dönməsi ilə yanaşı, səhv oxuma-yazma, yanlış eşitmə (“Karın könlündəki” - Atalarımız 2 : Froyd 0 🥳) də bu anlayışın əhatə dairəsinə daxil edilir. Hətta bəzi hallarda müvəqqəti unutma və obyektlərin səhv salınması və itirilməsi də Froyd sürüşməsi hesab olunur.
Bəs sizin başınıza Froyd sürüşməsi tez-tez gəlir? 🧐
@beledchi
#insan #psixologiya | 241 |
| 14 | Vergi ödəyənlər “saqqal nişanı” (rus. бородовой знак) və ya “saqqal qəpiyi” (rus. бородовая копейка) daşımalı idilər. Bu, bir tərəfində bığ və saqqallı üz, digər tərəfində isə Rus Qartalı olan mis və ya gümüş nişan idi.
Həm saqqallarını qırxmaq istəməyən insanların sayının az olması, həm də Rusiya dövlətinin nəzarət və vergi toplama səriştəsinin yetəriz olması səbəbindən vergi uğursuz oldu. Saqqal vergisi 1772-ci ildə çariça Yekaterina tərəfindən rəsmi olaraq ləğv edildi.
@beledchi
#saqqal #pul | 193 |
| 15 | 🧔♂️💸 Saqqal vergisi
Rus cəmiyyətini Qərbi Avropa modelinə uyğunlaşdırmağa çalışan çar I Pyotr saqqal saxlamağı geridəqalmışlıq hesab edirdi. Əhali isə saqqal saxlamağın dinin tələbi olduğuna inanırdılar və Rus Pravoslav Kilsəsi təmiz təraş olmağı küfr elan etmişdi.
Könüllü təraşın baş tutmayacağını görən çar 1698-ci ildə saqqal saxlayanlar üçün xüsusi vergi tətbiq etdi. Saqqal saxlayan və vergi ödəməkdən imtina edənləri zorla və ictimaiyyət qarşısında təraş etmək səlahiyyəti polisə verildi.
Alınan vergi saqqallı kişinin statusundan asılı idi: İri tacirlərdən ildə 100 rubl, orta və kiçik tacirlərdən, həmçinin imperator məhkəməsi, hərbi və ya hökumətlə əlaqəli sahədə çalışanlardan ildə 60 rubl; digər şəhər əhalisindən isə ildə 30 rubl alınırdı; kəndlilərdən isə hər şəhərə girəndə və çıxanda iki qəpik alınırdı.
@beledchi
ARDI VAR
👇👇👇 | 187 |
| 16 | Danninq-Krüqer effekti müxtəlif kontekstlərdə, o cümlədən akademik performans, yaradıcılıq, sosial bacarıqlar və emosional intellektdə müşahidə edilir. Öz qabiliyyətlərinə həddən artıq güvənən fərdlər pis qərarlar qəbul edir, öz qabiliyyətlərini lazımınca qiymətləndirməyənlər isə uğura aparan fürsətləri dəyərləndirmir və ya risk altına atırlar.
Danninq-Krüqer effektinin təsirini azaltmağın bir yolu insanların öz fəaliyyətini dəqiq qiymətləndirmək qabiliyyətini təkmilləşdirə bilən təhsil və təlimdir. Bundan əlavə, başqalarından rəy soruşmaq və konstruktiv tənqidə açıq olmaq fərdlərə öz güclü və zəif tərəflərini daha dəqiq başa düşməyə kömək edə bilər.
@beledchi
#psixologiya | 166 |
| 17 | 🤯 Danninq-Krüqer effekti
Danninq-Krüqer effekti, müəyyən bir sahədə bacarıqsız və ya təcrübəsiz insanların öz qabiliyyətlərini həddindən artıq qiymətləndirdiyi, yüksək bacarıqlı və ya təcrübəli insanların isə öz qabiliyyətlərini lazımi səviyyədə qiymətləndirmədiyi koqnitiv meyildir. Effekt öz adını 1999-cu ildə bu mövzuda yayımlanmış məqalənin müəllifləri - sosial psixoloqlar Devid Danninq və Castin Krüqerin şərəfinə alıb.
Danninq-Krüqer effektinə görə, müəyyən bir sahədə aşağı qabiliyyəti və ya biliyi olan insanlar adətən öz bacarıqsızlıqlarını tanımaq üçün metakoqnitiv bacarıqlara malik deyillər. Nəticədə, onlar öz qabiliyyətlərini və performanslarını həddindən artıq qiymətləndirə və əslində olduğundan daha bacarıqlı olduqlarına inana bilərlər. Əksinə, yüksək ixtisaslı fərdlər isə öz qabiliyyətlərini və performanslarını qiymətləndirə və əslində olduqlarından daha az bacarıqlı olduqlarına inana bilərlər.
Ardı var!
👇👇👇
@beledchi | 162 |
| 18 | Bundan əlavə, Ceyn yaşlı şimpanzelərin gənc şimpanzelərə alətlərdən istifadə və ovçuluq kimi mühüm bacarıqları öyrətdiyini müşahidə etdi ki, bu da nəsillərarası bilik mübadiləsinin yalnız insanlara xas olmadığını göstərirdi.
Qudoll şimpanzelərin sevinc, kədər və qəzəb kimi bir sıra duyğuları ifadə etdiyini müşahidə etdi. Bu, heyvanların duyğuları hiss edə bilmədiyi inancına qarşı çıxırdı. Onun işi göstərdi ki, heyvanların öz “şəxsiyyətləri”, sosial münasibətləri və fərdi həyatları var.
Özünün qabaqcıl tədqiqatları sayəsində Qudoll primatlar və ümumilikdə təbiət haqqında insanların anlayışını əhəmiyyətli dərəcədə genişləndirdi və bir çox insanı təbiətin mühafizəsi və heyvanların rifahı ilə bağlı mübarizə aparmağa ruhlandırdı. | 171 |
| 19 | 🐒🤝👱♀️ Ceyn Qudoll və şimpanzelər
Ceyn Qudoll Tanzaniyada şimpanze “icması” üzərində uzun illər apardığı müşahidələri ilə məşhur olan britaniyalı alimdir. Müşahidələrin nəticələri heyvanların davranışı ilə bağlı uzun müddətdir mövcud olan inanclara meydan oxuyurdu.
Ceynin ən diqqətəlayiq kəşflərindən biri şimpanzelərin qida axtarışları zamanı termit yuvalarını dağıtmaq üçün çubuqlardan istifadə etməsi idi. Bu kəşf əmək alətlərindən istifadənin yalnız insanlara xas olması inancına qarşı çıxırdı.
Qudoll həmçinin şimpanze “icmalarının” mürəkkəb sosial strukturunu, “icma”daxili ittifaqları və münaqişələri aşkar edir. Bu tapıntı insanların mürəkkəb sosial iyerarxiyaya malik yeganə canlılar olması fikrini mübahisələndirirdi.
ARDI VAR!
👇👇👇👇 | 162 |
