عَوْن–E3dady SVU 📒

الـسّــلامُ عَـلـيـكـم 🤍 بداية جديدة بإذن الله تكون خير. على مدار الأربع سنين اللي فاتوا قدرنا نساعد بعض و نعين بعض على أيام الدراسة سواء مساعدة دراسية أو معنوية. و من هُنا كانت جاءت فكرة (عَــوْن) لتكون سنداً لزمايلنا اللي فاتوا و الجايين و بإذن الله نقدر نكمل معاكوا و نحضر تخرجكوا ♥️

مين عون 🤔

» عَوْن هو تيم غير ربحي بالمرة ولا ينتمي للاتحاد ولا اي أنشطة طلابية ولا أسر تخص الكلية أو الجامعة و هو لا يُمثل الجامعة بأي شكل من الأشكال. » تيم يتكون من بضعة طلاب من كل دفعة هدفهم هو الإفادة فقط و توصيل المعلومة خصوصاً اللي مقدرناش احنا نستفيد بيها وقتها أو استفدنا. » فكرة التيم بدأت من سنتين ولكن السنة دي حبينا نبقى منظمين شوية اكتر و فكرنا في أنه الهوية هتدينا دفعة لقدام علشان نكمل 💪

🌟 إيه اللي بيقدمه عون ؟

✓ مساعدات في الجانب التعليمي عموماً سواء الأكاديمي أو تنمية ذاتية أو مهارات حياتية في سبيل أنها تخرج طالب فاهم هو بيذاكر ايه على قد الاستطاعة. ✓ شغلنا بيكون اعتماده على الكلية و على المصادر الخارجية اللي بتبقى متوفرة بشكل مجاني سواء على اليوتيوب او غيره. ✓ هدفنا تخرج من أي مادة أو كورس و انت فاهم بقدر المستطاع مش مجرد امتحان حليته ونجحت فيه. ✓ تعريف بالأنشطة الطلابية الموجودة في الكلية و ازاي تستفيد منها علشان ميفوتكش اي جديد فيها.

إزاي اقدر أساعد أو انضم للتيم 🙋‍♂️

🤗 فكرة التيم قائمه على المشاركة بمعنى عام اللي معاه اي تبييض أو تلخيص أو شايف أي حاجة ممكن تفيد دفعته ميتأخرش في أنه يبعتها ، و ابعتها بنية خير زي أنها تكون زكاة لعلمك أو بنية التوفيق و السداد وخليك عارف أنه مستحيل حد ياخد رزقك ف اتمنى تساعدونا نساعدكوا ❤️ ✅ لو حابب تنضم للتيم تقدر تتكلم في جروب الشات المرفق بالقناة (هتدوس على صورة القناة --> علامة الشات) وتقدر تضع مساعدتك أو سؤالك وبإذن الله نحاول نفيدك. عون موجودة في كام دفعة ؟ دفعة إعدادي جنوب الوادي دفعة أولى ميكانيكا جنوب الوادي دفعة تانية ميكانيكا جنوب الوادي دفعة أولى وتانية كهرباء جنوب الوادي دفعة أولى مدني جنوب الوادي دفعة تانية مدني جنوب الوادي دفعة تالتة ميكانيكا جنوب الوادي كل دول على كلام السنة دي ، تقدر تدوس على اي دفعة فيهم هتفتح معاك قناة الدفعة دي. ⚠️ محتاجين متطوعين من اعدادي وأولى يتابعوا معانا بحيث نعرف كل يوم إيه اخدتوا علشان نقدر نظبطلكوا الداتا على هذا الأساس. مطلوب من الكل الشير الكتير علشان الفايدة تعم الكل وبإذن الله تكون بداية خير لينا جميعا 🤍

Wait for it 👀

https://www.facebook.com/share/p/1Cf2EiV7YQ/ ورشة قوية ومهمة جداً 🤝

طب لما انتوا كتار كده ومحتاجين القناة ما تشغلوها طاب 🫠

طب لما انتوا كتار كده ومحتاجين القناة ما تشغلوها طاب 🫠

السلام عليكم ورحمة الله وبركاته احنا عملنا الجروب عشان يكون صدقة جارية بإذن الله تعالى على روح اخونا الباشمهندس محمد مهدي عليه رحمة الله عملا بقول النبي صلى الله عليه وسلم * إذا مات الإنسان انقطع عمله إلا من ثلاث وذكر منهم صدقة جارية * وتذكر ما نقص مال من صدقة وقال تعالى وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ وبهذا العمل يسخر لك الله بعد مماتك أخونا محمد عليه رحمة الله اللي تعامل معه يعرف أنه كان دائما بشوش الوجه طيب القلب ميتأخرش عنك في أي حاجة رحمه الله رحمة واسعة وأسكنه فسيح جناته فده رقم الكاش 01022864175 وده رابط الجروب عشان نضيف أكبر عدد ممكن https://chat.whatsapp.com/FeB2SPTkV2TAy98VLyvbZI والحالات اللي بنروح لها بإذن الله تعالى موثوقة ومعلومة حالتهم فعايزين يكون عمل دائم بحيث لو كل شهر تكفلنا بأسرة وما إلى ذلك من أبواب الخير الكثيرة وجزاكم الله خيرا والسلام عليكم ورحمة الله وبركاته

لو حد من قنا ويقدر يحضر الورشة دي باذن الله هكون موجود بشرح فيها مقدمة عن محركات الاحتراق 🫡❤️ تنوروني وأحب اتعرف عليكم كلكم 🥰 https://www.facebook.com/share/p/rZXQ2PeiA5n6NXxy/

عن أبي هريرة رضي الله عنه أن النبي صلى الله عليه وسلم قال : «خير يوم طلعت عليه الشمس يوم الجمعة؛ فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة» رواه مسلم 🤍 #ليلة_الجمعة أكثروا الصلاة علي الحبيب صلي الله عليه وسلم 🌸

يعني انتوا سايبين القناة كل ده ولا بتفتحوها جايين دلوقتي تدوروا على قنوات الاقسام 😆 طب واللي بيشير اللينك ده معملتوش ليه كده في اعدادي ولا كنتوا نايمين! مسم

ده يعتبر تلخيص للريكورد بتاعي، لو حد لسه محتاج الريكورد يبعتلي لأني مش عارف لسه أنزله هنا ولا لأ 😶‍🌫️

أي طالب في اعدادي هندسة انت بتبقي طالع من الثانوية مبسوط بالمجموع والكلية ف طالع من نظام الدروس والمدرسين اللي بتساعدك ف هتدخل اول سنة هتلاقي شرح غريب كلام غريب بيتقال بس دا عادي طبيعي لما بنتنقل من مستوي لمستوي أعلي المهم هتلاقي انت اللي بتعمل كل حاجة بنفسك لازم تفهم نفسك هتلاقي دكاترة بتقرء وتمشي هتلاقي معيد بيقول كلمتين ويمشي بس في دكاترة كويسة ومعيدين كويسين هتلاقي كل أنواع البشر في الكلية المهم افهم الدنيا ماشية ازاي نظام الدكاترة عشان تعرف تفهمهم كويس وميبقاش الموضوع صعب عليك تابع جروب الدفعة تابع مع زميلك ساعد الناس متبخلش ع حد بمعلومة متتدخلش في حياة حد مثلا يعني متقولوش انت ذاكرت اي ولا بتعمل اي خليك في حالك هترتاح ركز في حالك المهم دخلت اعدادي والدنيا تمام ف تبدء تفكر عاوز تدخل قسم اي  نصيحة بلاش تمشي مع التريند يعني مثلا  طبيعي هتشوف اي أعلي قسم وتدخله لو أنت جايب مجموع عالي يعني من أول ١٠٠ ع الدفعه ف هتقول ادخل اعلي قسم موجود مع انك ممكن مش حابب القسم دا ف فكر أنت عاوز تبقي اي المهم عندنا في الكلية في تقسيمات للطلبة 1- طلبة داخلة هدفها في الكلية عاوزة تبقي معيدين ف دول أهم حاجة عندهم انهم لازم يطلعوا من أول ٣ ع الدفعة  ف دي ناس عاوزة تجيب تقدير ف هيدي كل وقته ومجهوده  لتحقيق هدفه ومش شرط يكون دماغه عالية هو ممكن يكون بيحفظ كتير ويحل امتحانات كتير 2- طلبة تقدر تجيب تقدير بس مش عاوزة بمعني أنا عاوز أول م أتخرج اشتغل في شركة مشهورة معروفة ف دا بيدي معظم وقته انه يتعلم كورسات ينزل يطبق ع أرض الواقع وبيذاكر مثلا قبل الميد والفاينل بس مش كل الطلبة بتعرف تعمل كدا ومعظم الطلبة اللي بتعمل كدا بتكون شغاله ف الأجازة عشان تجيب مصاريفها ف عشان كده تلاقيه في الدراسة مهتم بالكورسات أكتر من انه يذاكر مواد الكلية لانه معندوش وقت في الاجازة يذاكر كورسات  ف كل التحية للطبة دول وربنا يعينهم 3- طلبة عاوزة تجيب تقدير وبتذاكر وبتعافر بس مبيجبش ممكن بءة سوء توفيق أو قدرة استعابه مش عالية ف تقديره بيكون مش عالي اوي ف دا أخره المهم انت بعد م خلصت اعدادي ودخلت القسم شوف انت عاوز تكون اي وشوف لنكدان وتابعه بشكل كويس وقلل معارف الناس ف الكلية لان مش كل الناس كويسه ف ركز وانتبه لحالك واتكل ع الله المهم مش متستغربش لما تلاقي نفسك لما تبصمج اكتر تجيب درجات أكتر بس لو بتذاكر من الاول وبترتيب هترتاح والله أيام الامتحانات لان دي اصعب ايام في الكلية وأهم حاجه لو عاوز تفوت في الحديد وميهمكش أي حد وتقدر ع أي حاجة لازم تظبط علاقتك مع ربنا الصلوات الخمسه القرءان قيام الليل (مهم جدا) الأذكار بأشكالها العامه الصلاة علي النبي (حاجه ممتعه والله) جرب تعمل كده وهتلاقي نفسك ف حته تانيه والله متبصش لغيرك ادعي ربنا كتير ساعد زمايلك خلي بالك من الطلبة اللي مش سالكة ربنا يوفقنا جميعا ويصلح لنا الحال وينصر اخواننا في ف_لسطين https://www.linkedin.com/in/mohamedksalama?utm_source=share&utm_campaign=share_via&utm_content=profile&utm_medium=android_app بشمهندس / محمد كرم

مهو مكانش ينفع يقولي بالظبط بردك

"هُو خَير مَن وطَئ الثَّرىٰ .. طُوبىٰ لمن صَلىٰ عَليه وأكثَرا" ﷺ ♥️

من أول هنا اتكلمت عن الأقسام يشباب. https://t.me/SVUEngineering/9377

الـسّــلامُ عَـلـيـكـم 🤍 الحمد لله عام دراسي عدى على خير، وربنا يوفق اللي لسه ما خلص. محتاجين اليومين دول نركز جدا لانه جايلنا خير كبييير جداً وهو يوم عرفة 💚 محتاجين نكتر الدعاء وندعي بكل حاجة في بالنا سواء دينياً أو دنيويا. انا مش هستفيض في ثواب وخير يوم عرفة هتلاقوا عموماً فضلها برده في القناة، هحاول اورفلكم الفترة دي أدعية تقروا تقولوها علشان لو انتم زيي بتنسوا كتير أو عاوزين تستفيضوا من الخير. https://t.me/ENGINEERING_Steep/7118?single جمعت هنا كل الأدعية، ولو طلعت فوق هتلاقي فيديوهات فيها خطة كاملة لليوم. ربنا يوفقنا ويوفقكم لصالح الأعمال 🤲 ومتنسوش تدعولي معاكم ♥️

استعدوا ليوم عرفة فإنه يوم عظيم ينزل فيه الملك جل جلاله 🤍 اليوم الذي اكتمل فيه الدين "الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينا"