2 847
Subscribers
-224 hours
-107 days
-6330 days
Posts Archive
+1
Bunday pikirler maǵan jańa kúsh, tabıslarǵa ilham beredi. Siz benen birge ósiw - baxıt! Siziń tabıslarıńız - meniń eń úlken motivaciyam! Hár bir unamlı sóz - men ushın energiya!
+1
✨ Ustaz ushın eń úlken jetiskenlik - alǵan bilimlerin ámeliyatqa qollanıw hám onı basqalar menen bólisiw.
Meniń "Sanlı texnologiyalar hám jasalma intellekt" onlayn kursımda bilim alǵan ustazlar búgin tek ǵana óz sabaqlarında zamanagóy sanlı texnologiyalardan nátiyjeli paydalanıp qoymastan, al ózleriniń aldıńǵı tájiriybelerin respublika kóleminde de ǵalaba en jaydırıwǵa erispekte.
Interaktiv platformalar, sanlı bilimlendiriw resursları hám jasalma intellekt imkaniyatların sabaq procesine engiziw arqalı olar oqıwshılardıń qızıǵıwshılıǵı hám belsendiligin arttırıwǵa xızmet etetuǵın nátiyjeli tájiriybelerdi kórsetpekte.
️Eń quwanıshlısı, bul tájiriybeler respublika dárejesinde tán alınıp, basqa pedagoglar ushın da ilham hám úlgi bolmaqta.
Áziz ustazlar, sizlerdiń hár bir jetiskenligińiz - bilimlendiriwdiń rawajlanıwına qosılǵan múnásip úles bolıp esaplanadı. Bársheńizge jańa ideyalar, jańa shekler hám úlken tabıslar tileymen!
Búgin "Keleshek orayı" dógerek basshıları menen 80 minutlıq mazmunlı hám ámeliy shınıǵıw ótkerdik.
Sabaq dawamında qatnasıwshılar jasalma intellektten bilimlendiriwde maqsetli paydalanıw imkaniyatları menen tanısıp, óz dógerekleri ushın hár qıylı oqıw materialları hám tapsırmalar tayarladı.
➤ Refleksiya bólimi bolsa ayrıqsha qızıqlı ótti. Qatnasıwshılar sabaq haqqındaǵı pikirleri hám bahaların kreativ qatnas tiykarında súwretler arqalı bildirdi. Hár bir súwrette sabaqtan alǵan tásirler, jańa ideyalar hám keleshektegi rejeler sáwlelengen.
✓ Sabaq boyınsha berilgen bahalardı súwretlerde kóriwińiz múmkin, qalǵan pikir hám tásirler menen bolsa kommentariyalar bóliminde tanısıwıńız múmkin.
Barlıq belsendi qatnasıwshılarǵa raxmet! Birgelikte úyreniw hám rawajlanıwda dawam etemiz. ✨
+5
Búgin "Keleshek orayı" dógerek basshıları ushın ámeliy shınıǵıw ótkerdik.
Sabaq dawamında bilimlendiriw procesinde jasalma intellektten maqsetli hám nátiyjeli paydalanıw imkaniyatları haqqında sóz ettik. Qatnasıwshılar óz baǵdarları boyınsha tarqatpa materiallar, tapsırmalar hám oqıw resursların jaratıwdı ámeliy tárizde sınaqtan ótkerdi.
Ásirese, jasalma intellekt arqalı qısqa waqıt ishinde sapalı bilimlendiriw kontentin tayarlaw usılları dógerek basshılarında úlken qızıǵıwshılıq oyattı. Shınıǵıw juwmaǵında hár bir qatnasıwshı óz jumısında qollanıwı múmkin bolǵan tayar materiallar menen qayttı.
✨ Zamanagóy texnologiyalardan aqılǵa uǵras paydalanıw - keleshek áwladtı tayarlawda áhmietli qádem.
Barlıq belsene qatnasqan dógerek basshılarına minnetdarshılıq bildiremiz!
+4
📚 Бугун давлат тили фани ўқитувчилари учун мазмунли ва амалий машғулот ўтказдик.
Машғулотнинг биринчи қисмида дарс жараёнида қўллаш мумкин бўлган амалий усуллар ва топшириқлар устида ишладик. Иккинчи қисмида эса сунъий интеллектдан таълимда мақсадли ва самарали фойдаланиш мавзусига тўхталдик.
Устозлар ўз фанлари бўйича тарқатма материаллар, креатив топшириқлар ва дарс ресурсларини сунъий интеллект ёрдамида тайёрлаб кўришди. Энг қувонарлиси, ҳар бир иштирокчи ўз дарси учун дарҳол фойдаланиш мумкин бўлган маҳсулот ярата олди.
✨ Янги технологиялар ва педагогик маҳорат уйғунлашганда таълим имкониятлари янада кенгаяди.
Барча фаол иштирок этган устозларга миннатдорчилик билдирамиз!
Jáne bir qaharmanımız Baymuratova Ziywar Nókis qalası 37-sanlı mektep baslıwısh klass oqıtıwshı, óz sabaq processinde IKT imkaniyatlarınan keń paydalanıp kelmekte, bul dóretiwshi ustazımız biziń milliy oraymızǵa kelip kurstı ózlestiriw dawamında oqıtıwshılar menen birgelikte ámeliy sabaqlarımızda úyrengen platformalardan paydalanıp kiyatırǵanlıǵın, jaqsı nátiyjelerge erisip atırǵanlıǵın, oqıwshılar ushın oǵada qızıq ekenligin aytıp óziniń nátiyjeleri menen bólisip otıradı.
Mine usı sabaq processindegi joqarıdaǵı kórinislerden kórgenińizdey, oqıtıwshımızdıń oqıwshılarında informaciyalıq kommunikaciya texnologiyalar menen paydalanıw kónlikpeleri artqanlıǵınıń guwası boldıq
Pidayı, hár bir sabaǵı ushın kreativ, innovacion ideyalar izleytuǵın, Ustazǵa tabıslar tilep qalamız, bunnanda jaqsı nátiyjelerge erise beriwin, jas áwladtı tárbiyalawda sharshamawına tileklespiz.
Eger sizde usınday oqıwshılarıńızdıń bilimin bahalawda usı platformadan paydalanıwdı qáleseńiz kanalǵa jaylasqan video arqalı úyrenip alıwıńız hám paydalanıwıńız múmkin.
✓NotebookLM - Jasalma intellekt járdemindegi jeke izertlewshi
Informatika hám IT páni kursı tıńlawshıları menen NotebookLM platformasınıń bilimlendiriwdegi imkaniyatların ámeliyatta sınap kórdik.
✨ NotebookLM járdeminde:
🔹 Qızıqlı prezentaciyalar jaratıw
🔹Videolar
🔹Vizual infografikalar islep shıǵıw
🔹 Mind map (aqıl kartaları) dúziw
🔹 Flash-kartalar jaratıw
🔹 Viktorinalar hám test tapsırmaların tayarlaw
🔹 Hújjetlerdi tallaw hám qısqasha juwmaqlar alıw múmkin ekenligin kórdik.
➤ Ámeliy sabaq dawamında tıńlawshılar hár qıylı temalar boyınsha ózleriniń joybarların jarattı hám jasalma intellekttiń bilimlendiriw procesindegi qolaylıqlarına gúwa boldı.
️ Húrmetli tıńlawshılar! Islegen jumıslarıńızdı túsiniklerde bólisiń. Prezentaciyalarıńız, videolarıńız, infografikalarıńız, mind kartalarıńız, flash kartalarıńız hám viktorinalarıńızdı qanaatlanıwshılıq penen kórip shıǵamız!
️Keleshek bilimlendiriwi - jasalma intellekt penen birge!
Bul jumıslar menen joqarıdaǵı post kommentariysinda tanısıwıńız múmkin
