Farida Afro'z official

Опа, она бўлолмадинг, онамдан кейин, Юкундим, югурдим, чопдим ёнингга. Сен эса рўзғорнинг лойига ботдинг, Ўз болаларинг жон бўлди жонингга. Гарчи, меҳрибонсан, беадад, беҳад, Менга тикан кирса, жонларинг халак. Қуш сайраса ногох, синглим келар деб, Жиззали нон ёпиб, кутарсан илҳақ. Ака, ота бўлолмадинг, отамдан кейин, Изладим, бўзладим, ёнингга чопдим. Сен эса, рўзғорим, ўғлим, қизим деб, Сўраб борсам, дойим меҳнатда топдим. Гарчи, қалқонимсан, темирдай қўрғон, Шаънимга ҳимоят, қиличнинг дами. Яқин кел, суянчим – узоқдаги тоғ, Сен борсан, ҳеч гапмас, дунёнинг ғами. Майли, бу таънамас, минг бора узр, Юрагим ўртанди, ўкиндим бир оз. Менку киз бўлмадим иккингизга ҳам, Отамни, Онамни соғиндим холос… ✍ Фарида Афрўз

  ***   Онажоним, ёлғонларга тўйди дунё, Куйса агар, хиёнатдан куйди дунё, Рости қолиб, ёлғончини суйди дунё, Ёлғони кўп бу дунёда нақдим –Онам, Бошим узра ҳумо қушим, бахтим – Онам.   Биров  бахтим – мансаб дейди, шуҳрат дейди, Биров эса бойлик – кучим, қудрат дейди, Менинг кўнглим сизни дейди, сизни дейди, Давлатимсиз, савлатимсиз, тахтим – Онам, Бошим узра ҳумо қушим, бахтим – Онам.   Онажоним, суйганларим куйдирдилар, Биров эмас, дўстим иғво уйдирдилар, Безди юрак, ўзни ўздан тўйдирдилар, Савдоси кўп бу дунёда шахдим – Онам. Бошим узра ҳумо қушим, бахтим – Онам.   Айтадилар, қайтадилар бу маддоҳлар, Меҳри миннат, дарди таъма, чекар оҳлар, Жон-жонимдан ўтиб кетди, бу фироғлар, Ваъдаси кўп бу дунёда аҳдим - Онам. Бошим узра ҳумо қушим, бахтим – Онам.   Онажоним,  ўтар даврон, мангу эмас, Ошиқлик ҳам хотир каби элас-элас, Менга неъмат, ёнингизда ўтирсам бас, Тилимдаги новвотимсиз, қандим - Онам. Бошим узра ҳумо қушим, бахтим – Онам. ​ ✍Фарида Афрўз @Farida_Afroz

O'zidan o'zligini izlaganlarim,endi ijodiy jarayon ushbu kanalda bo'ladi. Barchangizning yangi ijodiy kanalimizga o'tib olishingizni xohlardim!

KECHA EDI, U, BOLA EDIM, MEN... Gulqog'ozdan varraklar yasab, Dalalarda tinmay chopardim. Atirgulning ochishin poylab, Gul tagida uxlab qolardim... KECHA EDI, U, BOLA EDIM, MEN... Opam aytgan ertaklar ichra, Semrug' bilan ko'kda uchardim. Men o'zimcha, Oybarchin, Zumrad, "Yoril tosh"ni borib quchardim... KECHA EDI, U, BOLA EDIM, MEN... Qovog'ari uyasin kovlab, Cho'pak sanchib, buzib qochardim. Kapalakning xollarin sanab, Men o'zimcha dunyo ochardim... KECHA EDI, U, BOLA EDIM, MEN... Boychechakdan gulchambar yasab, Sigirimning shoxin bezardim. Qumdalada oyoqlar kuyib. Misli sayyoh, jahon kezardim... KECHA EDI, U, BOLA EDIM, MEN... BUGUN ESA... BUGUN ESA... BOLAMAN HAMON... Yuzlarida ajin, sochlari oppoq. Yurak esa, ha, o'sha-o'sha! Kunlar esa...G'urbati ko'proq! Bu g'urbatlar zalvarin ko'rib, Hatto shamol erkin yelmaydi. Qiziq, ongim ulg'aygan sayin, Sira katta bo'lgim kelmaydi! Mening ko'nglim fasli-bahordir, Gul rangida, ishqning rangida. Hali umr uzundan uzoq, Hali bulbul sayrar tongida! Ming aylansa, bu charxi davron, Yana bola bo'lmoq, mushkuldir. Ammo, senga, Ey, Qodir Egam, "BOLA KO'NGLIM" uchun shukurdir!!! ©Farida Afro'z @Farida_Afroz

O'zidan o'zligini izlaganlarim,endi ijodiy jarayon ushbu kanalda bo'ladi. Barchangizning yangi ijodiy kanalimizga o'tib olishingizni xohlardim!

✍️✨✨✨✨✨✨✨✨✨✨✨ Кўзи кулиб турар, юзи чиройли, Ёзган хар мисраси, сўзи чиройли. Ижодига мухлис минглаб қора кўз, Ўзбек шоираси Фарида Афрўз. Шеърларин ўқисанг оласан ибрат, Унда бор насихат, бор унда хикмат. Шеърларида хақиқат, ўзи тўғри сўз, Ўзбек шоираси Фарида Афрўз. Товланар либоси атласу-адрас, Зулфия издоши, оддий аёлмас. Ижоди юксакда хеч тегмасин кўз, Ўзбек шоираси Фарида Афрўз. Фахр билан ёздим ушбу номамни, Водийим фарзанди, Қўқон фарзанди. Менга бегонамас, мен ёт эмас ўз, Ўзбек шоираси Фарида Афрўз. ✍️✨✨✨✨✨✨✨✨✨✨✨ Акрамжон Атабаев.

Менинг, Зулайҳо хожи онам Сирдарёнинг биринчи блогери, десам фақат тўғрисини айтган бўламан. Вилоят Халқ қабулхонасига тушган биринчи аризани айнан Онам ёзган. Ишонмаганлар бориб кўриши мумкин. Ариза 2016 йил Президент Ш.М. Мирзиёев номига ёзилган. Мазмуни, вилоятда мажбурий абортни тўхтатиш (чунки, 2014, 2015 –йиллар вилоят медицина ташкилотлари томонидан аёлларни зўровонлик билан аборт қилиш сиёсати олиб борилаётган, қўшни келинлар онамнинг олдига йиғлаб келишган эди), иккинчи аризани ҳам онам ёзган эди, мазмуни 24 йилдан бўён матбуотда чиқиши таъқиқланган, Ўзбекистон халқ шоираси Ҳалима Худойбердиева (Ҳалима опа отамнинг холаваччаси эди)га матбуот эркинлигини беришни сўраш эди. Шикоят хати қанчалик аҳамият касб этди билмайман, лекин Худога шукур кўп ўтмай, вилоятда мажбурий аборт тўхтатилди, Ҳалима опага ҳам матбуот эркинлиги берилди. Бу, ҳозир осон кўриниши мумкин, лекин ўша пайтда бундай хат ёзиб, юқорига мурожаат қилиш қаҳрамонлик эди. Қаҳрамон хожи онамдан ўргилай! ( Хожи онамнинг ҳозирги ягона истаги озгина нафақа пулини Фаластин жабрдийдаларига етқазиш.) Бу сўзларни нега ёзаяпман? Бунинг биринчи сабаби, атоқли шоирамиз, Олий Кенгаш депутати Фарида Афрўз, бугун муҳтарама волидамга атаб шеър битибдилар. Бундан жуда хурсанд бўлдим. Бунинг учун сизга минг бор ташаккур, азиз ва ардоқли Фарида опа! Иккинчи сабаби, Вилоятимиз хокими Акмалжон Маҳмудалиев Зулайҳо хожи онамни “Сирдарёнинг 60 йиллиги” кўкрак нишони билан тақдирлабдилар. Раҳмат Сизга Акмалжон ака! Нишонни топшириш маросими, Худо хоҳласа, 20-январь куни соат 14-00 да, Ховос шаҳарчасида бўлиб ўтади. Истаган кишилар бемалол қатнашишлари мумкин. Қўлимиз кўксимизда! Бир пиёла иссиқ чой билан сизларни кутиб оламиз. Ва, илоҳо, барчаларингизнинг оналарингизни табаррук ёши билан муборакбод этиш, юбилей тўйларида иштирок этиш бахти менга насиб қилсин, илоҳо Оналаримизни бошларимизда кўтариб юриш шарафи ҳамиша биз билан бўлсин! Бахтимизга ҳамиша омон бўлинг, азиз Онажонлар! Навбатни шеърга берамиз! ИЛТИЖО Зулайҳо онанинг ўғли Муҳаммад Исмоилга айтганлари Остонага қарилик келди, Ичкарига киргазма, болам. Қўрғоним сен, қалқоним ўзинг, У бир тоғдир, юргазма, болам. Эшик қоқиб турар гадодек, Топганингни бергин-да, кузат. У суллоҳга ён бериб қўйма, У жаҳаннам туби йўқ – ғафлат. Сен кулсанг гар- кулгуларимдир, Оҳ, чексанг сен оҳимдир фиғон. Сен яшнасанг, ёшарганим шу, Бу ажинлар, оқ сочлар ёлғон. Сен меҳрнинг боғларин гуллат, Унда кезар ҳазондай умрим. Яшолмадим ўзим-чун бир кун, Сайрамади дил қушим-қумрим. Борса, келмас йўлларим беркит, Қанот боғла орзуларимга. Ғам селига тўғоним бўлгин, Изн берма, қайғуларимга. Сенда сен-ла яшайман минг йил, Минг йил дунё, олам чароғон. Музлатмасин, армон шамоли, Олиб кетгин, қуёшлар тамон. Остонага келди қарилик, У бир тоғдир, қўзғотма, болам. Қўрғоним сен, қалқоним ўзинг, У муз кўчки, уйғотма, болам. Фарида АФРЎЗ Илоҳо, ҳамиша ризқларингиз бутун, мартабаларингиз баланд, умрингиз узоқ бўлсин азизлар! Мени онамни дуо қилганлар, менинг онамнинг ёшига кириб юрсинлар, мени онамни мукофотлаганларни, улуғлаганларни Оллоҳ таоло улуғласин, энг юксак ажру савоби билан мукофотласин!

МАВЛАВИЁНА "Тур манам, камон манам,пир манам, жавон манам, Ошиқи жовидон манам, ман на манам, на ман манам?!" Жалолиддин РУМИЙ Сир ўзим, сеҳр ўзим, Қаҳр ўзим, меҳр ўзим, Шаккар-у, лек тахир ўзим, Ман на ўзим, на ман ўзим?! Султон ўзим, гадо ўзим, Жафо ўзим, сафо ўзим, Бир бедаво адо ўзим, Ман на ўзим, на ман ўзим?! Киприк ўзим, кўз ўзим, Сукут ўзим, сўз ўзим, Чаман аро бўз ўзим, Мам на ўзим, на ман ўзим?! Қанот ўзим, қуш ўзим, Хаёл ўзим, туш ўзим, Девона беҳуш ўзим, Ман на ўзим, на ман ўзим?! Асал ўзим, заҳар ўзим, Кеча ўзим, саҳар ўзим, Афсонаи гуҳар ўзим, Ман на ўзим, на ман ўзим?! Ишқ ўзим, паноҳ ўзим, Вужуд ўзим, фироқ ўзим, Бир нотавон гумроҳ ўзим, Ман на ўзим, на ман ўзим?! Арқон ўзим, туғ ўзим, Вужуд ўзим, руҳ ўзим, Бир оташин чўғ ўзим, Ман на ўзим, на ман ўзим?! Хилқат ўзим, фурқат ўзим, Шафқат ўзим,ваҳдад ўзим, Ўтда куйган фурсат ўзим, Ман на ўзим, на ман ўзим?! ✍ Фарида Афрўз T.me/narigi_sohil

✍️ «Янги шеър ёзган куним – мен учун байрам» - Фарида Афрўз Эски йилнинг сўнгги ҳамиша саволлар ва армонларга тўла бўлади: «Наҳотки, яна бир йил ўтди? Наҳотки, яна улгурмадим? Нималарга эришдиму нималарни бой бердим?...». Батафсил: http://ishonch.uz/news/929 Каналга уланинг: @ishonchuz_official

Фарида Афруз шеъри билан Рохила Рузимова ижросида

Фарида Афруз шеъри билан Рохила Рузимова ижросида