Ｍｙ Ｗｏｒｌｄ♥️🌍".

- موضوع إن الخاطب بيجيب لخطيبته لبس العيد ده تاني أصعب حاجة على عقلي بعد أنه بيجيب تليفون جديد. دي خطوبة ولا تحقيق آمال يا ولاد!

"مش كفاية كده!" "لأ." "لينا ساعة كاملة على الوضع ده، مازهقتيش!" عدلت راسي من على كتفه و بصيت له. "مازهقتش!" "ايه وجه المُتعة في إنك ساندة دماغك على كتفي، مُستمتعة إزاي!" "مش كُل حاجة هنعملها في حياتنا من أجل الاستمتاع في حاجات بتتعمل من أجل الراحة." "و أنتِ مرتاحة كده!" "جدًا." ضِحك. "بس أنا دراعي نَمِل يا حورية." عدلت من قعدتي و سيبت دراعه. "أنت لو عارف الشوية اللي بميل راسي فيهم على كتفك دول بيعملوا ايه، و مُهمين قد ايه، هتتحمل دراعك يِنَمِل عُمر بحاله." "بيعملوا ايه يعني؟" "بيفصلوني.. بيخلوني أفصل فيشة التفكير و شوشرة الأفكار و التردد عن دماغي، بيخلوني أنسى أي حاجة ممكن تضايقني، برتاح بمعنى أرتاح يا إبراهيم." "للدرجة دي!" "أقولك سر!" "قولي." "أصل أنا جربت أتكلم معاك كتير عن اللي مضايقني، مش دايمًا بلاقي رد زي اللي متوقعاه فـ بضايق اكتر! فـ بدأت اسكت و أحط الكلام جوايا و استكفي إني أميل بدوشة راسي على كتفك يمكن الدوشة تخف و للأمانة بتخف!" عدل راسي بـ إيده و بص ليا بإنتباه. "لا يا حورية، اوعي تحطي الكلام جواكِ، ماتخزنيش، حتى لو كُنتي بتلاقي منفذ تاني لتخريج طاقتك دي، برضو لازم تتكلمي و تقولي ايه جواكِ." "ردك بيكون غير اللي متوقعاه." "هحاول أعرف محتاجة ايه أكتر من كده و أعمله، لكن برضو لازم تقولي و تحكي، لو مش هتحكي معايا اللي جواكِ هتحكيه لمين!" "مش هحكيه! بتكلم بجد ماتستغربش أصل أنت أولى بكُل حاجة جوايا الدوشة دي بتاعتك لو مش هتاخدها، أنا مش هقبل على نفسي إني أكون مُرتبطة بشخص و أحكي كُل اللي جوايا لطرف تاني! لا هقبل على نفسي و لا أقبل عليك إن حد يتكلم و يقول مش مخليها مبسوطة، مش مخليها مرتاحة، مش بيتكلم معاها!" انتبه ليا بزيادة. "أنا مش مخليكِ مرتاحة يا حورية!" "مرتاحة بس في شيء ناقصني." "ايه يا حبيبتي؟" "دوشة و لخبطة، محتاجاك ترتبها." فرد أيده. "تعالى ارتبها." "أنا بتكلم بجد يا إبراهيم." "و أنا بتكلم بجد، الحُضن ده أكتر حاجة بتعيد ترتيب كُل اللخبطة." "ياسلام!!" "تعالى جربي بنفسك يلا!" بصيت له و ماتكلمتش. "مش هسيبك لدماغك تاني، هديكِ وقتك و كفايتك لغاية ما تخرجي كُل اللي جواكِ و أنا هرتبه واحده واحده." مسكت أيده و مالقتش كلام أقوله، هو كمان تقريبًا ماكنش لاقي كلام، فـ باس ايدي و ماتكلمش.. لقيت في البوسة إعتذار في كانت كافية بالنسبة ليا. و قتها افتكرت المُغني لما قال: |يا حبيبتي حضنك حياة إلمسيني وكفاية ده أنا كل لمسة بآه وكل حضن بحكاية| #TiRo

- انا عايزه نسيب بعض = ليلى انتي شايفه بطنك قدامك اد ايه ! - اوعى تفتكر عشان انا حامل فهتضطر اكمل معاك = تضطري ..! انتي مدركه ان الخنـ ـاقة دي على غساله اطباق ! - لا الخنـ ـاقة عشان انت مش بتفكر فيا ولا في اللي بيريحيني = انا مش مصدق ان لسه قدامنا شهرين في المود ده - المود ده ..؟ طب احب ابشرك ان بعد الشهرين دول ابنك مش هيخليني اعرف انام على الأقل 6 شهور كمان يعني المود اللي انا فيه ده هيتضاعف ولو مش حاسس انك قادر تستحمل نطلـ ـق عادي = لا هستحمل .. والله هستحمل وهنزل اجيب غساله اطباق واقوم اغسل المواعين لحد ما تقومي بالسلامه .. في واحده تطلب الطـ ـلاق عشان غساله اطباق .. وترجعوا تستغربوا ليه بنشوفكم مجانـ ـين 😅 #بدون_سابق_انذار

"مفيش انسان بيحاول مش بيفشل بس في حاجة عاوزك تبقى عارفها مفيش فاشل بيحاول" فيلم فضل و نعمة 2022❤️

- دول علاقتين زواج : اللى فوق بقالها عشر سنين .. واللى تحت بقالها 34 سنة .. الشاب اللى فوق بيقول لما حبيتها واتقدمتلها ، ما كانش معايا حاجة خالص ، وهى ساكنة فى حتة كويسة جدا ومعاها عربية ، واهلها مرتاحيين ماديا جدا .. و لما صارحتها ب دا وقولتلها انى مش معايا حاجة خالص ، " انا لسة ببدأ حياتى " قالت موافقة ، واستغربت جدا لما لقيت والدها وافق بمنتهى السهولة والبساطة ، ومش هانسى لما اتجوزتها " بخاتم " ، واحنا فى المحل صاحب المحل قالى " ما عنديش اصغر من الخاتم ده " لأن انا فعلآ ماكنش معايا فلوس ، وكنت بختار اصغر حاجة وهى كانت مبسوطة وفرحانة بيه جدا ، دلوقتى انا نجحت وبدل العربية جبت اتنين وحبها فى قلبى اكتر من الاول.. ♥🌍 الراجل الكبير ده بيقول احنا اتجوزنا سنة 78 ، وماكانش معايا فلوس خالص واتجوزتها فى اوضة فى شقة ابويا وبعدين شقة جبناها بـ 1100 جنيه جيبناها احنا الاتنين ، وفضلنا سنة نسدد فى تمنها بعد الجواز " مش هانسالها ده ابدآ " ومش هانسى ان وقتها ابويا تعب ، وبقى قعيد وكانت بتسهر عشانه كان بيحكى ودموعه هاتنزل وقالها ما تبصليش ، وبصى الناحية التانية " وبعد ما حكى طبطب عليها طبطبة تبين ان اقسم بالله عمر المشاعر ما هتشتريها فلوس ، وعمر الحب ما هايزوده جرامات من الدهب.. "..الحب لو ما دخلش قلبك، وعدى فيك وملي كل كيانك بدون ما تشعر وحسيت ان الشخص ده بيجي فى خيالك فى كل ثانية وكل دقيقة وانت ماشي ، وانت قايم ، وانت نايم ، وانت بتدعى، وانت بتصلي ، وانت بتتفرج على فيلم ، وانت بتسمع اغنية، وانت بتشتغل وهلكان ومش قادر تاخد نفسك حتي .. ميبقاش حب.." - " الحب هو اللى باقى " هترتبطي بواحد علشان فلوسه، " هتلاقي قلبه مفلس حُب ".. و انت هترتبط بواحدة علشان شكلها، " هتلاقي قلبها مليان قسوة ".. - " ساندوتش الفول بيشبع " وترابيزة عليها أكل بـ 2000 جنية بتشبع .. و بطنك مش هتعرف الفرق . - " ‌‎لابس هدوم ماركة بتستر جسمك " و لابس هدوم عاديه برضوا بتستر جسمك .. و جسمك مش هيحس بالفرق . - " ‏راكب عربية ‎موديل السنة هتقضيلك مشوارك " و العربية القديمة برضو هتقضيلك مشوارك ..‎ و رجلك فـ الحالتين هترتاح . - " ‌‎البيت الصغير بيسترك " و القصر الكبير بيسترك .. ومفيش حاجه هتضمك غير حضن حبيبك ♥🌍 " الحب مبينتهيش .. الحب للصادقين " 💙🍃 By: Abdulrhman Hussein

لما اقول لامي عايزين نتسحر حاجه غير الفول:

حد فاضي نتخانق؟!

انا جاي اقولك متزعلش ،انا عارف ان الفترة دي صعبة أوي ،وطولت معاك ،بس هتعدي والله زي اللي عدت قبلها ،انت تعرف ان ف فرح وعوض وخير كتير مستنيك علشان ينسيك كل التعب ده ،اصبر شويه كمان ؛علشان اللي جاي أحلي مليون مره من اللي فات ،انت اتحملت كتير أوي ،وربنا عالم بكل ده ،ومحضرلك جبر عظيم لقلبك ،روق بقى ،واطمن كده ،وسلمها لله ❤

أنا عاديت مرحلة إني باكل عشان جعان، بقيت باكل ك هواية.

رحم الله زوجًا قال لزوجته: "من يؤذيكِ يؤذيني". إمتثالاً للنبي المُعلم ﷺ لا تؤذوني في عائشة.

﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾. «اللَّهُمَّ صَلِّ وَسَلِّمْ عَلَى مُحَمَّدٍ وَعَلَى آلِ مُحَمَّدٍ».🤎🤎🤎🤎

الي عندو نكته بايخه يقولها 😀

جماعه هي الناس الل بتحب الكول سلو دي بتحبه ازاي يعني اي الحلو ف انك تاكل كرمب مسكر !

‏اللي معاه خط فودافون او اورانج او اتصالات إضغط 199 بعدين رقم تلفونك بعدين # بيدوك 10 GB مجاناً لمدة إسبوع ، جربوها أنا جربتها دلوقتي وطلعت اشتغاله ..

الوضع

مازال هدفي من الجواز كله هو اكلتين حلوين معاها من ايدي و الاعبها بليستيشن علي مين يغسل المواعين 😂😂♥♥

ان الله لا يظلم الناس شيئاً ♥️

-السير مع الزوجة ليلاً من السُّنة .♥️