CPT ગેમ ચેન્જર છે.
(By Vasim kazi sir, INCREDIBLE121)
ઘણા વિધાર્થીઓ કે જેમના માર્કસ કટ ઓફથી નજીક છે તેઓ પૂછી રહ્યા છે કે CPT ની તૈયારી કરાય? બીજો એક એવો વર્ગ છે કે જેમના માર્ક્સ કટ ઓફ થી ઘણા વધારે છે. તેમાં થી ઘણા નિશ્ચિંત થઈ ગયા છે.
CPT ની નવી પરીક્ષા પદ્ધતિ કે જેમાં ટાઈપિંગ સ્પીડ નું મહત્વ ઘણું વધી ગયું છે , તેમાં ઘણા વિદ્યાર્થીઓ નું પેપર છૂટી જાય છે અથવા તો ઉતાવળ કરવામાં ઘણી ભૂલો થઇ જાય છે. આવી પરિસ્થિતિમાં તમારા માર્ક્સ કટ ઓફ થી ઘણા વધારે હોય પણ CPT માં પેપર પૂરું ના થાય અને છૂટી જાય તો ફાઈનલ મેરીટ માં નામ ન આવે તેવું પણ બને. અને જે વિદ્યાર્થીના લેખિત પરીક્ષામાં કટ ઓફ જેટલા જ માર્કસ હોય પણ જો તે CPT માં સારું પર્ફોર્મ કરી દે તો ફાઈનલ મેરિટ માં સ્થાન મેળવી શકે છે.
મુખ્ય વાત એ છે કે CPT ની તૈયારી વખતે તમે બીજાની વાતોમાં આવીને પોતાની લિમિટ નક્કી ના કરો. લેખિત પરીક્ષામાં તમારા ગમે તેટલા માર્કસ હોય , હવે તેને મગજમાં રાખ્યા વગર બસ CPT ની તૈયારીમાં દિલોજાનથી લાગી જાઓ . તમે બિન સચિવાલય ક્લાર્ક ની લેખિત પરીક્ષા માટે ત્રણથી ચાર વર્ષ ખૂબ જ મહેનત કરી છે, પરીક્ષા માં ઘણા કૌભાંડ થયા, ઘણા આંદોલનો થયા, કોરોના નો મુશ્કિલ સમય આવ્યો અને ગયો, બધી તકલીફો સહન કરીને પણ તમે લેખિત પરીક્ષા પાસ કરી, હવે સિલેક્શન ની આટલી નજીક પહોંચી ને એક CPT ના લીધે સરકારી નોકરી હાથમાંથી જાય તે કોઈ પણ કાળે પોસાય તેમ નથી. તમારી અત્યારની એક એક મિનિટ, એક એક સેકન્ડ ખૂબ જ કીમતી છે.
દસ લાખ ફોર્મ ભરાયા હતા. ચાર લાખથી વધુ વિદ્યાર્થીઓએ પરીક્ષા આપી. આ બધાને માત આપીને, તમે ગુજરાતના સર્વશ્રેષ્ઠ બાર હજાર વિદ્યાર્થીઓ માં પસંદ થયા છો. આનો મતલબ એ થયો કે તમે ગુજરાત ના ટોપ ના 3% વિદ્યાર્થીઓમાં સમાવિષ્ટ છો. હવે તમે જ વિચારો, જો સરકાર તેમને બેસ્ટ માની ચુકી છે તો હવે તમારે પણ 'તમે બેસ્ટ છો જ' તે પુરવાર કરવું જ પડશે.
હું પોતે CPT માટે તૈયારી કરાવતી સંસ્થા હિત કોમ્પ્યુટર સાથે જોડાયેલ છું. પોતાના અનુભવ પરથી જણાવું છું કે CPT ની તૈયારી માનસિક રીતે થકવી દેનારી હોય છે. આ એક એવું યુદ્ધ છે જે એકલા હાથે લડવાનું હોય છે. પોતાની લિમિટ ને PUSH કરીને દિવસ-રાત ટાઈપિંગ કરતા રહેવું એક અઘરું કામ છે .જેમાં આળસ ઘણી આવે છે. પરંતુ સરકારી નોકરીને નજર માં રાખીને મેહનત કરતા રહેશો તો ક્યારેય થાક નહિ લાગે. લેખિત પરીક્ષામાં તમારા ગમે તેટલા માર્કસ હોય , પણ ફાઈનલ સિલેક્શનમાં તમારી એક સીટ પાકી છે તે લખી રાખજો.
કટ ઓફ થી ફક્ત થોડા જ વધારે માર્કસ મેળવનાર તમામ વિદ્યાર્થીઓ માટે એટલું જ કહીશ કે
"दूसरा मौका हर किसी को मिलता है गालिब,
पहली बाजी हर किसी ने हारी होती है"
બીજો મોકો એ જ આ CPT છે અને યાદ રાખજે મિત્ર CPT ગેમ ચેન્જર છે.
- Vasim kazi
(INCREDIBLE121)