НУРОНИЙЛАР ОВОЗИ

ХАЙРЛИ ТУН ҲАМРОҲИНГИЗ БЎЛСИН!

Сиз атрофингиздаги инсонларга қанчалик таъсир ўтказаётганлигингизни ҳеч қачон билмайсиз: сизнинг меҳрибонлигингиз кимнингдир ҳаётини тубдан ўзгартириб юборганини; сизнинг қучоқлашингиз ёки суҳбатлашишингиз кимгадир жуда кераклигини; кимгадир жилмайдингиз, ва унинг бунга қанчалик муҳтожлигини...сиз ҳеч қачон билмайсиз. Қачон меҳрибон бўлиш вақтини кутманг. Бағрикенгликда кимдир биринчи бўлишини ёки қулай шароитни кутманг. Шунчаки меҳрибон бўлинг, чунки кимдир шунга муҳтожлигини сиз ҳеч қачон билмайсиз.

ЎЗБЕКИСТОН ХАЛҚ ШОИРИ МУҲАММАД ЮСУФНИ ХОТИРЛАБ. Марҳаматга бормоқчи эдинг, Онанг кўнглин олмоқчи эдинг, Бир пасгина қолмоқчи эдинг, Марҳаматнинг ўғли Муҳаммад  ! Андижоннинг  фахри Мухаммад ! Ижод дея Шош томон шошдинг, Юракларга шеър бўлиб кўчдинг, Қирқ еттида ўқдайин учдинг  , Марҳаматнинг ўғли Муҳаммад ! Андижоннинг фахри  Муҳаммад ! Сен ўйнаган боғларинг қолди, Шоҳимардон  тоғларинг қолди, Армонларинг, доғларинг қолди, Марҳаматнинг  ўғли Муҳаммад ! Андижоннинг фахри Муҳаммад ! Шеърларингдан  унар нолалар, Дийдаларни  эзар  жолалар, Энди сени  қучар  лолалар, Андижоннинг  ўғли  Муҳаммад ! Ўзбегимнинг  фахри  Муҳаммад !                     /  САЛИМА  БОНУ.  /                     /15. 03.2018-йил.  /

Яралмишнинг сирлари бисёр, Тўлин ойни кундан яширди. Муҳаббатга этиб харидор Худо сени мендан яширди. Бир осмон остида иккимиз, Ҳамон ер устида иккимиз. Кўришмоққа етмас илкимиз, Худо сени мендан яширди. Борман росту ёлғон ичида, Ҳар яхши - ю ёмон ичида. Бир тўда оломон ичида Худо сени мендан яширди. Тонгда исминг айтиб кўз очдим, Тунда исминг айтиб сўз очдим. Ярим аср умримдан ошдим, Худо сени мендан яширди. Суйган бағир тилка - порадир, Соғинч - карвон, излаб борадир. Зимистонман, юзим қорадир, Худо сени мендан яширди. Бахт - жумбоқ, о, ишқим ошкора, Вақт уйғоқ, яшайман овора. Қолдирмайин ҳеч бирор чора Худо сени мендан яширди. Дуоларда ижобат сўраб Ёлвораман: "Кўрсатгин ё Раб!" Эски уйдай боряпман нураб, Худо сени мендан яширди. Исканжада қолган гуноҳман, Тақдирга ёв чиққан гумроҳман. Ажал чангалида бир оҳман, Худо сени мендан яширди. Шўрпешонам шўрига қонар, Юрагимай гардундан тонар. Гар кўрмайин ўлсам гўр ёнар, Худо сени мендан яширди... 08.08.2023 Дайди шамол каби шувиллаб Ўтаётир умр, эҳ умр. Кўклам гуллаб, кузак ҳувиллаб Чопаётир умр, эҳ умр. Қуёш чиқса - ботса кун санаб, Ҳилол чиқса - ботса тун санаб, Адоғига етди ким санаб?... Ботаётир умр, эҳ умр. Кеча бола эдик, йиқилдик , Тилло тола эдик тўқилдик. Тутам лола эдик тўкилдик , Ўртаётир умр, эҳ умр. Қайда қолди ёшлик , алдади, Доғда қолди ёшлик , алдади. Дарё бўлдик , тошдик , алдади, Битаётир умр, эҳ умр. Сочни қиров босди, юзни - йўл, Дилни сўров босди, сўзим мўл. Юрак синиб бормоқда чил - чил, Тераётир умр, эҳ умр. Пешвоз чиқиб борар ғам келса, Кўзни чўқиб турар нам келса. Ранжу алам фироқ жам келса Ортаётир умр, эҳ умр. Чокидан сўкилган ёқамдай, Тўлдирсам - да тўлмоғи камдай. Лип - лип ўчган пиликли шамдай Тутаётир умр, эҳ умр. Ғафлат кўзим ёпди, кўр бўлдим, Маддоҳларни ёқлаб жўр бўлдим. Ишқ деб пешонаси шўр бўлдим, Туртаётир умр, эҳ умр. Зўрман дедим ўзни, содда, гўл, Зўрга бурдим юзимни буткул. Фано бозорига силтаб қўл Кетаётир умр, эҳ умр... 31.10.2023