Denov tuman Maktabgacha va maktab ta'limi bo'limi

Qadrli yurtdoshlar, hurmatli pedagoglar! Barchangizni ezgu qadriyatlarimizga boy bo’lgan — Qurbon hayiti bayrami bilan tabriklayman. Ta’lim sohasida, qolaversa kelajak avlod ravnaqi uchun olib borayotgan ishlaringizda Yaratgandan kuch-quvvat so’rab qolaman. Sizlarga sihat-salomatlik, yurtimizga tinchlik, oilangizga baxt-saodat va qut-baraka tilayman!

Umid Xojiyev, Denov tuman maktabgacha va maktab ta’limi bo’limi boshlig’i

Hurmatli vohadoshlar! Aziz o‘qituvchilar, ta’lim sohasi fidoyilari!  

Avvalo, barchangizni mehr-oqibat va ezgulik ayyomi – muborak Qurbon hayiti bilan chin qalbimdan tabriklayman hamda o‘zimning eng yaxshi tilaklarimni bildiraman. Barchamiz bugun Qurbon hayitini katta xursandchilik bilan o‘tkazmoqdamiz. Cheksiz shukronalik ila dildagi yaxshi niyatlarimizning amalga oshishini Yaratgandan so‘rab, yurtimiz ravnaqi va farzandlarimiz baxt-u kamoli uchun go‘zal tilaklar bildiryapmiz. Ushbu bayram bir-birimizga mehr va e’tibor ko‘rsatish, beg‘araz yordam berish, yaxshilik, sabr-u qanoat kabi ezgu fazilatlari bilan ham qadrlidir.   Muhtaram ustozlar hamda jonkuyar hamkasblar!   Barchangizni yana bir bor Qurbon hayiti bilan qutlagan holda, ona yurtimizga tinchlik, sizlarga sihat-salomatlik, baxt-saodat, xonadonlaringizga fayz-u baraka va xotirjamlik tilab qolaman.

Xusniddin Mamadiyev Surxondaryo viloyati Maktabgacha va maktab ta'limi boshqarmasi boshlig‘i Telegram | Facebook

Qadrli hamkasblar, hurmatli pedagoglar! Avvalo barchangizni chinakam insoniylik, ezgu qadriyatlar, o‘zaro hurmat, mehr-saxovat ayyomi — Qurbon hayiti bayrami bilan samimiy tabriklayman hamda o‘zimning eng ezgu tilaklarimni bildirib qolaman. Muhtaram Prezidentimiz boshchiligida mamlakatimizda Uchinchi Renesans davrining poydevori aynan ta’lim islohotlari asosida qurilayotganligi va bu jarayonda siz aziz hamkasblarimiz sidqidildan ishtirok etayotganingiz tizim yetakchisi sifatida meni juda xursand qiladi. Bu jarayonlarda sizlar bilan bir safda yelkama-yelka turib xizmat qilish men uchun ham faxr, ham ulkan mas’uliyatdir. Shuni unutmasligimiz kerakki, ta’lim sohasi millatimiz yuksalishi hamda uning kelajak rivojida muhim rol o‘ynaydi. Bu haqiqatni barchangiz teran anglagansiz. Shu boisdan sizlarni hech ikkilanmay ana shu savobli ishlarning mohir muhandislari, deb atasam, mubolag‘a bo‘lmaydi. Aziz do‘stlar, muhtaram ustozlar! Barchangizni muqaddas Qurbon hayiti bayrami bilan yana bir bor muborakbod etaman. Oilangizga xotirjamlik, baxt va omad hamisha hamroh bo‘lishini tilayman. Hilola Umarova, Maktabgacha va maktab ta’limi vaziri

Ўзбекистон халқига Қурбон ҳайити табриги — Поздравление народу Узбекистана с праздником Курбан хайит Prezident.uz|Facebook|Instagram|YouTube|X

♾ Xalqaro jang san’atlarida yana xushxabar! ✅ Joriy yilning 12-13-iyun kunlari Qirg‘iziston Respublikasining Issiqko‘l shahrida sportning 17 turi bo’yicha “Qirg‘iziston marvaridi” nomli Jahon, Osiyo va Xalqaro musobaqalari festival bo‘lib o‘tdi. ✅ Ushbu musobaqada Surxondaryo viloyatining terma jamoasi tarkibidan Denov tumanidagi 8-maktabning 5-sinf o‘quvchisi Jumayev Bahodir 30 kg vaznda 1-o‘rinni, tumandagi 34-maktabning 5-sinf o‘quvchisi Sobirov Zuhriddin 33 kg vaznda 2-o‘rinni, xuddi shu maktabning 7-sinf o‘quvchisi Abduraimov Nazarbek 44 kg vaznda 2-o‘rinni, tumanidagi 35-maktabining 6-sinf o‘quvchisi Berdiyeva Farangiz 33 kg vaznda 1-o‘rinlarni egallab yurtimiz bayrog‘ini yuqoriga ko‘tarishdi. 🇺🇿 Sportchilarimizga jahon arenalarida bundanda yuqori marralarni egallashlariga omadlar tilab qolamiz! 📱 Telegram ✅ Facebook 📹 Youtube

#Эълон Ҳурматли фуқаролар ва ёшлар! "Ёшлар ойлиги" муносабати билан “Янги Ўзбекистон ёшлари, бирлашайлик!” шиори остида концерт дастури ўтказилади. Эртага, 16 июн куни соат 19:30да туман марказий ўйингоҳда бўлиб ўтади. Тадбир давомида концерт дастурини ўтказишда эстрадамизнинг таниқли юлдузлари Очилбек Ҳамидон, Жамбул Муҳамедов, Умидахон меҳмон бўлади. Сизларни ушбу тақдирлаш маросимига таклиф этамиз! Денов тумани ҳокимлиги Ахборот хизмати 🕊@dthaxborotxizmati 📱Instagram 📱Facebook 📺YouTube

#Vazir_soati Joriy yilning iyun-iyul oylari “Yilning eng yaxshi tarbiyachisi” kasbiy ko‘rik-tanlovi o‘tkaziladi ✅ Bugun Maktabgacha va maktab ta’limi vaziri Hilola Umarova boshchiligida davlat maktabgacha ta’lim tashkilotlari metodist va tarbiyachilari o‘rtasidagi “Yilning eng yaxshi tarbiyachisi” kasbiy ko‘rik-tanlovini o‘tkazish, O‘zbekistonning PISA 2025 tadqiqotida ishtirokini tashkil etish jarayonlari hamda ijro intizomi masalalariga bag‘ishlangan “Vazir soati” bo‘lib o‘tdi. Videokonferensiya shaklida tashkil etilgan tadbirda vazir o‘rinbosarlari, vazirlik mas’ullari hamda hududiy boshqarmalar boshliqlari ishtirok etdi. Vazir Hilola Umarova kun tartibidagi masalalarga o‘tishdan oldin joriy yilning aprel-may oylarida bo‘lib o‘tgan vazirlik tizimidagi pedagoglarni attestatsiyadan o‘tkazish jarayonlariga to‘xtalib o‘tdi. Qayd etilganidek, ushbu sinovlarda 189 858 nafar o‘qituvchi ishtirok etdi hamda ularning 33 035 nafari yoki 17,4 foizi majburiy, 156 823 nafari yoki 82,6 foizi navbatdan tashqari attestatsiyalarda qatnashdi. Jarayonlarni shaffof va adolatli o‘tishini ta’minlashda vazirlik va uning tizimidagi barcha tashkilotlar vakillari o‘z vakolatlari doirasida tizimli ish olib borishgani e’tirof etildi. ⚡️Bundan tashqari, Buxoro shahrida o’tkazilgan “Turon” maktab teatri tanlovining Respublika bosqichi va Abu Ali ibn Sino nomidagi xalqaro biologiya olimpiadasini yuqori saviyada tashkil etilganligi ham alohida qayd etildi. Yig‘ilishda muhim masalalardan biri sifatida, davlat maktabgacha ta’lim tashkilotlarida faoliyat yuritayotgan yuqori malakali metodist va tarbiyachilar o‘rtasida o‘tkazilishi belgilangan “Yilning eng yaxshi tarbiyachisi” kasbiy ko‘rik-tanlovini tashkil etish jarayonlariga atroflicha to‘xtalib o‘tildi. Aytilganidek, mazkur tanlovning respublika bosqichida g‘olib bo‘lgan o‘rta-maxsus ma’lumotli tarbiyachilar oliy ta’lim muassasalarining “Maktabgacha ta’lim” yo‘nalishiga davlat granti asosida o‘qishga kirish imtiyozini qo‘lga kiritishadi. ❗️Shuningdek, vazir yig’ilish davomida barchani Qurbon hayiti bayrami bilan tabriklab, o’z ezgu tilaklarini bildirdi. 👉 Batafsil: https://uzedu.uz/uz/news/1640 Vazirlikning rasmiy sahifalariga ulanish: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

Dunyoni bilimlilar boshqaradi, kelajakni iste’dodlilar yaratadi. Bu haqiqatni Buxoro viloyatida bo‘lib o‘tgan Abu Ali ibn Sino nomidagi xalqaro biologiya olimpiadasi jarayonlarini kuzata turib yana bir bor teranroq his qildim. Yevropa va Osiyo qit’asidagi 18 ta davlat o‘quvchi-yoshlari ishtirok etgan ushbu bahs jarayonlari o‘tgan vaqt davomida chinakam ma’nodagi katta bilimlar bellashuviga aylanib ketdi. 120 nafarga yaqin dunyo yoshlarini bir nuqtaga jamlagan ushbu olimpiada bahslarining qizg‘in va murosasiz kechganligini ishtirokchi o‘quvchilarning taassurotlaridan ham anglash qiyin emas. Albatta, O‘rta asr sharq ilm-fani va madaniyatiga katta hissa qo‘shgan bobokalonimiz Abu Ali ibn Sino ilmiy me’rosi va katta hayot yo‘li dunyoning deyarli barcha davlatlarida hozirga qadar chuqur o‘rganib kelinadi. Va uning tabobatga doir asarlari va tavsiyalari dunyo tibbiyotida keng qo‘llaniladi. Buxoro ana shu buyuk vatandoshimiz nomi bilan ataluvchi katta bir tadbirga mezbonlik qildi. Bunda bilimlar bahs olib borsada, o‘zaro hurmat va do‘stlik yetakchilik qildi. Bu do‘stona kayfiyat ayniqsa yoshlarning Buxorodagi turli tarixiy va madaniy maskanlarga qilgan sayohatlarida yaqqol namoyon bo‘ldi, deyishimiz mumkin. Bir so‘z bilan aytganda, bugun yakunlangan ushbu xalqaro olimpiada bahslari O‘zbekiston yoshlari uchun ham bir maktab bo‘lishi qatorida, kelgusidagi muhim musobaqalar oldidan katta tayyorlov vazifasini o‘tagani aniq. Men mazkur olimpiadaning barcha ishtirokchilariga kelajakda bundanda katta omadlar tilayman. Hilola Umarova, Maktabgacha va maktab ta’limi vaziri

🔰 DENOV TUMANIDAGI TAʼLIM MUASSASALARIDA OLIB BORILAYOTGAN YANGI OʻQUV YILIGA TAYYORGARLIK HOLATI KOʻZDAN KECHIRILDI... 🔸 Joriy yilning 11-iyun kuni tuman maktabgacha va maktab taʼlimi boʻlimi boshligʻi U.Xojiyev tomonidan tumandagi taʼlim muassasalarini yangi oʻquv yiliga tayyorgarlik jarayonlari va obodonlashtirish ishlari ahvoli koʻzdan kechirildi. 🔸 Jumladan tumandagi 208-oilaviy nodavlat maktabgacha taʼlim tashkilotida olib borilayotgan ta'lim-tarbiya jarayonlari hamda tumandagi 61-maktabda yangi oʻquv yiliga tayyorgarlik jarayonlari koʻzdan kechirildi... 🕰 Sana: 11.06.2024 yil 🌍 Kanalga ulanish: https://t.me/denov_mmtb I Facebook  I Telegram I Youtube I

TO'GARAKLAR FAOLIYATI BILAN TANISHILDI ✅Surxondaryo viloyat "Barkamol avlod" bolalar maktabi direktori Musayev Anvar Ziyadullaevich bugun viloyat "Barkamol avlod" bolalar maktabidagi toʻgaraklar faoliyati bilan tanishdi va toʻgarak rahbarlariga tegishli tavsiyalar berib oʻtdi. 📌Bundan ko'zlangan maqsad,

toʻgarak a’zolarining boʻsh vaqtlarini mazmunli tashkil etish, toʻgaraklarda oʻquvchi-yoshlar qamrovini oshirish, madaniy-ommaviy tadbirlarni samarali tashkil etish va oʻtkazish

🕰 Sana: 11.06.2024 yil 🌍 Kanalga ulanish: https://t.me/surxondaryoviloyatbabm Telegram| Facebook| Instagram|Youtube