ذَرَى

12:04 صَ “هذا أوّل اللْيل… لاتربك سكون الظَلام للنور بعيوني الليلة مسافة سَهَر حييت ياساعي الذكرى عليك السلام لا انفض سمار ليلي طاب معك السمر شعوري البارحة.. ماكان قدّ المقام البارحة كانت الساعة بحسبة عمر كيف أختزل جوهر المعنى بقالب كلام الا اني انزف مداده من عروقي حبر للنور يافجري الأول ومسك الختام لو ما لقا المهتدي لك في قنوته فجر رتبت رزنامة أحلامي؛ طيور.. وغمام ودفتر قصيد وصباح أبيض وورد وعطر وأخذت صهوة نسايم خصلتك بالخطام —وشكلتها في سما روحي سحابة طهر— واستاذن الغي.. يتجاوز حدود الحرام مزيج كاس الغواية كان ثلج وجمر وبعثرت عمري على سفح اللقاء والغرام نزوة وطيش.. ومشاوير وغياب وسفر قد قلت لي خذني لحربك حمامة سلام وقد قلت لك: خذني لمجدب شعورك مطر كنت أدري أني وسيلة، وأدري أنك مرام قبل أستميح الليالي.. وأستميحك عذر وأنزع من الصمت مايشبع فضول الكلام وآخذ من الحبر مايرضي غرور الشعر والحين لو شعّ نورك في سكون الظلام: سفكت دم الشفق لأجلك وطل الفجر” __عبدالله البديري.

أشتقت لك! و ايدي على (صبري)

"‏المشكله لا هروبٍ منّك - إلا إليك ‏اودّعك صبح، والليل انتظر جيّتك" ‏__سعود مبارك.

"مترفٍ غنّيت فيه امّا براوة ‏قال انا ناسيك، قلت العمر فاني ‏تزعم النسيان، و تشنّ العداوة ‏والعداوة حبّ، بس بشكل ثاني."

"عسى السحاب اللي تشيل متونه ثقال الحمول تقوده الأنسام.. قود البدو لـ الإبل الحمر لـ ديار ريم الصيد لبّاس القلايد والحجول اللي توقّى في غصون الطلح، وجذوع السمر يرخي ثلاث ليال في داره منافيع الثعول أنا أعرفه يطرب على شوف السحاب المنهمر مع إن داره ماهي بـ حاجة مطر ولا سيول مكفي منابتها -خجل خطوته- يومنه يمرّ حبيبي! الله لا يشمت بك ولا يفرح عذول ماني جزوع يكشف الأسرار ويحرث الجمر ما رحت في غيابك أبحّث عنك وابعث لك رسول -ولا نشدت الساهرين اللي تحت ضو القمر- أنا أدري إنك في ذرى ربعك متعبة الخيول تلاعب الاغصان من حولك وتقطف من ثمر لا يزعجك بعدي عن عيونك، لو إن بعدي يطول مابعد، دمعات الفراق إلا العناق المستمر لا بد ما تضحك لنا الأيام، والشدة تزول وتعوضنا بيض الليالي عن لياليها السمر عاد المحبة مثل ما كانت وعادك يا جفول على حساب اللي ورى الاقواس تنهى وتأمر مسترخص الدنيا، لأجل بسمة محيّاك الخجول ومعلّق على رموش عيونك، سنين العمر" __فارس عايض.

"أنا فيني تعب، فيني عتب، فيني جروح اكثير ولا فيني أكمّل مابقى فيني من غيابك" __خالد الردادي.

"لا الصبا هذا صباي ولا الزمن هذا زماني ‏يا وجودي ما بقى عندي — طموح ومعنويّة" ‏__مرزوق المقاطي.

"آخ يا قلبٍ يموت وآخر همومه جراحه ‏قلت ظني مايخيب ويومها ماخاب ظّني"

"بعض الجمال أعظم من إنّك توصفه ‏ودّك تشوفه بس.. وتسمّي عليه" ‏__سعود مهدي.

لا تنسوني من دعواتكم 🤍

‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ‏- سُبحان الله . ‏- الحَمد لله . ‏- لا إله إلا الله . ‏- الله أكبر . ‏- أستغفِرُ الله . ‏- لا حَول و لا قوة إلا بالله . ‏- سُبحان الله و بِحمده . ‏- سُبحان الله العَظيم . ‏- اللهم صل و سلم على نبينا محمد .

قال النبي ﷺ: ‏«خَيرُ الدُّعاءِ دُعاءُ عَرَفةَ، وخَيرُ ما قُلتُ أنا والنَّبيُّونَ مِن قَبلي: لا إلهَ إلَّا اللهُ وَحدَه لا شَريكَ له، له المُلكُ وله الحَمدُ وهو على كُلِّ شَيءٍ قَديرٌ»

كبروا ليبلغ تكبيركم عنان السماء كبرو فإن الله عظيم يستحق الثناء الله أكبر ، الله أكبر ، الله أكبر لا إله إلا الله الله أكبر ، الله أكبر ولله الحمد

الله أكبر كبيرا.. و الحمد لله كثيرا و سبحان الله بكرةً و أصيلا

تحت لهيب هذه الشموس تشوف ظلّك و تستذكر بيت ضيدان المريخي : "وش فايدة قربه و كنّه ظلالي دايم معي، لكن عجزت استظلّه"

قصيدة الليله:

"ياما عبس وقتي فـ وجهي وياما ‏ضحكت في وجهه وانا ودي اصيح!" ‏__مشعل بن مرزوق.