ذَرَى

"قد قالوا إني ظميت لشوفك وقد حلفت ‏إني على كثر ما كنت أرغبك.. عفتك" __سلمان بن محمد.

اللهم صلِّ وسلم وبارك على نبينا محمد.

"كل الاشياء تغيّر لااصبحت معها ‏تصبح اشياء لها قيمه ومحسوده ‏الخواتم تصير اغلى باصابعها ‏وكل شيٍ تحبه تقدر تزوده ‏ان حكت تاقف الدنيا وتسمعها ‏وكل دربِ تمره تنبت وروده ‏والهوى الصلف يوم يمر شارعها ‏يصبح الطف من النسناس بالسوده" __بندر الدويش.

"الومك كيف؟وانت اول حبيبٍ داخلي نزّال ‏وانا بدوٍ تقدّر ضيفها والسلم يطربها" ): __عامر محمد بن مبشّر.

"رسمتك على الرمل ومسحتك.. بريش وقاف ‏لا كن كيف ابمسح رسمتي فيك من بالي ؟ ‏وكتبتك وانا ما شفت منك سوا الاجحاف ‏وقراك الغريب.. وشفت في عينه اجلالي ‏يابو عين ريميه.. يابو خصر ما ينشاف ‏يابو مبسمٍ حالي.. حسبته لي الحالي ‏لو انّ قلبك الاسود مثل قلبي الشفاف ‏ماشفت العنا منك ولا شفت… غربالي"

"عسى صبحٍ نوى كسرك يموت وماطلع به شمس ‏ وعسى منهو نوى جرحك يموت الحظ ما طاعه"

"العين من كثر البكاء عافت النوم ‏والروح ماهي مثل أول صبيره ‏اجلس بوسط الناس لا حس ولا علوم ‏حسيت هالدنيا بعيني صغيره ‏ماغير اجر الصوت يومٍ ورا يوم ‏يالله عسى كل الاحوال خيره"

"لا تحسب إنّ الرسايل عالقه فالبريد ‏أنا كتبت الرسايل بس ما أرسلتها من خوف لا يضرب الوقت بيد من حديد أمهلت.. روح تبي شوفتك، وأهملتها" __عبدالله السراهيد.

"والناس تتزاحم على شرب الأنهار ‏وأنا مكفيّني عن الناس بيري ‏ويوم الطيور تهاجر وتقطع أبحار ‏أنا مبرقع داخل الصدر طيري ‏ماني لكل مضيّع دياره ديار ‏وماهو ضروري كلن يذوق خيري ‏أنا فـدا اللي ينتظرني على نار ‏إن غبت عنّه ما يعوّضـــه غيري"

"الصباح اللي معك تغري أنسامه ‏بينت شمسه… وغنت عصافيره" ‏ __بندر الدويش.

"ماعاد لي في باقي العمر غيبه ‏وأنا القريب اللي بعيد المراميس ‏وجهٍ رجع بعد الغياب لحبيبه ‏يلعن غيابه، مثل ما يلعن إبليس ‏ما اقول ساورني من البعد ريبه ‏أقول عاثت بي شكوك الهواجيس ‏فقدت وجهٍ؛ فقد مثله مصيبه ‏ومافيه مثله في جميع المقاييس ‏نور الوجيه النيّره .. يلتجي به ‏ويلامسه -ضيّ أوّل الشمس- تلميس ‏لو مارجع لي في الليال القريبه ‏والله لا ألحّق جرته حادي العيس ‏رماد.. الأيام الطوال العصيبه ‏وتلوّنت بألوان ريش الطواويس ‏عوّد، وقلبي كل نبضٍ يصيبه ‏يدّق.. كنّه في بطون المراويس ‏حيّا قدومه كل شوقٍ يجيبه ‏والله يلوم اللي يلوم الأحاسيس ‏كفّين الأرض المبسطات الرحيبه ‏أشوفها من قبل ياتي محابيس ‏يمشي عليها، كنّها من نصيبه ‏وهي تزفّه مثل زفّ المعاريس ‏لو نجد.. ماهي في غيابه غريبه ‏ماصارت أوفى من مشاوير باريس" __سلمان بن محمد.

"تضاحك لو إن عيونها السود فيّاضة" ‏ __مهمهية.

"ألاقيك في مطلع قصيدة ونسمة نود ‏وفي البدر لا ضوّى وفي الورد لا ندّى" ‏ __سعود مهدي.

"وصل الكلام.. آخر حدود الميانة ‏واللي تعثر قام واللي.. قسى حنّ ‏مافيه احد، يستاهل انّك عشانه ‏تعيش راجي فضل وتموت ممتنّ ‏تقدر ترجّع، ( كلّ شيّ ) بـ مكانه ‏بسّ المسير لوين والخطوة لمنّ ‏لا خانك اللي كنت خوفه وأمانه ‏بـ يخونك التعبير ويخونك الظنّ"

"ماعاد عندي فرصة تهدر من العمر الثمين ‏واللي بينشده من أسباب الفراق يخبره ‏حيث إنه أول شخص يسقط من عيوني مرتين ‏وأنا عيوني من سقط منها — ماعاد تعبرّه."

"أدري كبرت و صارت أحلامي كبار وبديت أحس إن الليالي عجوله واللي أكتشفته بعد هالعمر دار ان أجمل سنين الحياة.. الطفولة"

"يا نجمك اللي سهرت الليل أتسوّله ‏وأمر ّ في كل وادي للقصايد وأهيم ‏سلكت خوف الطريق اللي التعب طوّله ‏ليت الغمايم تمرّك أو أجي لك بـ غيم ‏أو ليتني، ضحكةٍ في الروح متجوّله ‏لا ضيق يبقى بصدر ولا بعينك سديم ‏قم نمسك النور، نتهجّاه من أوّله ‏ونقرا ملامحك فجر ٍ ما يمرّه عتيم"