ذَرَى

"من شاف وجهك وركز فالقمر قال توم بس القمر فالمجره و أنت فالمملكة"

"لو تطيحين من عيني قدرت أوادعك و أنساك ‏لكنك في خيالي واقفة.. و الطايحة عيني"

"من فقد طعم السعادة وعاش الاغتراب وش بقى له غير الآمال شيءٍ يملكه صامل متجرّع المر وأصناف العذاب كل درب يودّي الحلم لازم أسلكه عادي تمر الليالي وهو يتبع سراب يستلّذ الحالم الحلم حتى يهلكه"

"في زمان كنه البرد، شبّيت القصيد ‏قلت ابدفى والليالي تموت ببردها" ‏__مساعد الرشيدي.

يروح الشقردي خاتمٍ بين اصابعها*

"أشوفك قدر مطبوع في ناصية و كتاب ‏مثل موتي أقرب له كثر مانتحي عنه"

"قلبي ما هو بمسخرٍ نبضه لوردٍ فيه شوك ‏ونفسي ماهي مرهونة لضيقة عصير ولا عصر ‏حتى الكلام اللي يعقّد حاجب الوجه الضحوك ‏أحبّ أقوله بالفم المليان ما أحبّ أختصر!" __مزيد الوسمي.

"عطاك الله المعطي سوالف وحلو قْبال ‏وزين، وجناب، وخاطرٍ سمح، ومروفه ‏وصوتٍ ليا سولفت كنّه مافيه حْبال ‏تحلْف انه اوتار، وتقاسيم معزوفه ‏وعينٍ هدبها فوق خدّك وريف ظْلال ‏حنون.. وبعض لحيان تجرحني سْيوفه"

"رتّبي.. يا شام صبح الياسمين ‏والبسي ثوب الحضارة والترف ‏واندهي.. للغايبين الحاضرين: ‏في عيون المجد وعروق الشرف"

"كيف أشوفك في فتور من الهوى وأنت اِندفاعي ‏شايفٍ فيك أجمل أيَّامي.. صباحات، ومسرَّة."

‏حاوطتني الذكريات و للقصايد وقفه ‏لـ القلوب اللي على أسر الكلام اعتادت ‏يا حبيبٍ راح صدفه مثل ما جا صدفه ‏كلمةٍ تسترجعك.. حاولتها، ما فادت ‏انت لحظه في زمانٍ قد تلقّى حتفه ‏وانا ماني رهن فرصه ( رادت او ما رادت ) ‏في حسافة من مشى دربه وعينه خلفه ‏الأسف - بإن المشاعر لا رحلت ما عادت ‏ذاخرٍ لـ عيونك الثنتين .. شعر و لهفه ‏للصدف، يوم إن مواعيدي معك ما جادت

"و جهك إذا شفته تذكرت شيئين الحظ الاوفر.. و الحياة السعيده"

"أنا خفوقي ودود، ولي مزاجٍ ملول.." __بن جدلان، وأنا

"كان ما تقدّر تورّدهْ مّاك… أعتقه"

"على جسر العمر ما كلّ موعد يقبل التأخير ‏أبي ليله معك وإن ماحصل ليلة.. أبي ساعة"

"اجمل ثياب السما، ثوب الغروب ‏كل يوم اتأمله… و أصوّره ‏شمسه تصبّ السطوع بكل صوب ‏حتى لا راحت… تروح منوّره"

"آه يالفاتنة.. لو تدركين أختلافي ‏أنا فرصة عمر ماني بفرصه سعيده" ‏ __بندر الدويش.

يقولون العواذلْ؛ وين عقلك؟ والهوى مجنون وانا وإن جيت كلي، ويش أسوي هذي أطباعي __ضيدان المريخي

"بنيّات العيون إن سالت بـ خدك تجيب أقصاي ‏لا تنثرها.. واحارب لك زماني طالبٍ ثاري ‏لا تهزمني دموعك، والزمن لا مثلي وْ شرواي ‏تشيّم عن مطيحي، صد دمعاتك عن انظاري ‏أجيك؛ المنهك اللي ما يبي منّك رجّاحة راي ‏أبيك؛ المنصت اللي جاوبت شرهاته، أعذاري" ): __طلال الصقيه