ذَرَى

"ما دام أنا حلمك و جيت و تحقّقت ‏وش فيك دايم كل ما رحت تبطي ‏ما خفت ياخذني من يدينك الوقت ‏ما تدري أن الوقت ياخذ و يعطي!؟"

"أنا يا رب خايف، وانت وحدك ناصر الخوَّاف ‏قبل ما تمسح دْموع المخافه راحة كفوفه ‏وقفت.. ولا معي الّا دعاي ودمعي الشفاف ‏عسى تغفر ذنوبٍ دونها اليدّين مكتوفه"

من نزع دهشة عباد الله..و اختصّك لحالك؟

"ما بين ظرف الزمان — وبين ظرف المكان ‏إن جيت خلّك معي و إن رحت خلّك معي"

"قطعت كفوف النساء دون يوسف يا مليح ‏و انت – فتنة – دونها قطعت كبود الرجال"

12:30 am "عط الليل فرصة من جديلك يا روح الروح ‏معك ودي إن الشمس تشرق بعد بكرة ‏انا اشفق على لبيه من صوتك المبحوح ‏لا حلّ الظلام، وعوّد الطير في وكره ‏تحت عنقك الفارع، ورا زرارك المفتوح ‏ما باقي عليّ إلا ألحق السكرة؛ السكرة ‏يغنّي على شباك دارك؛ حمام الدوح ‏واغني عليك؛ البيت والقاف والفكرة"

"اللي منعني لا أجي واقرأ تفاصيلك ‏إحساسي إني أشوفك من بعيد أجمل" :)

صبيت لك من قهوة سنيني عسى عمرك يزيد ‏وأوعدك فنجالك إلى آخر حياتي ما امتلا ‏في ليلةٍ سوادها موحش عبرتي صبح عيد ‏سلّم على أطراف الظلام وشال عمره و انجلى ‏العمر لحظة والطريق أعمى وبنيانه جريد ‏والخوف فكرة وأعقل العشاق سكرى وجهلا هو فيه مثلك من يموت بنظرتك يبقى شهيد ‏إما : يقلدك بقصيدة غالية .. وإلا فلا ‏إما أحبك وأعتبرك أقرب من حبال الوريد ‏و إلا ترا سمّي تبي تقلب من الشرهة هلا

"حنّيتك من الكلام الموجع الجارح وسكت، وأنا ما عاش اللي يسكّتني"

"كل ما لاح برق وهلّ في القاع غيمة ‏قلت؛ وش يدفع قلوب العرب للتجافي!"

"أتهجَّى صفحة الأيام وأسرَقك لـ وقوفي ‏كلّ ما زلّ القصيد أشوف جيَّاتك وديعة! ‏آه يا صبري عليك، وآه يا صمتي، وخوفي ‏عاشقك لو طاع عينك يا حبيبي من يطيْعه؟ ‏أتردَّد.. لكن الليلة سرَت عنها طيوفي ‏وأنت لا بالك طوِيْل ولا سماء صدرك وَسيْعة ‏ردّ لي كلّ السنين الأوّله.. أوْ رِدّ جوفي! ‏طالبك.. لا تترك أيّامي؛ تْشرَّدها القطيعة ‏الشتاء لو جوَّدته النار، كيف أخيط صوفي ‏في شذى غيمٍ يشدّ الروح بارِقه، ولميْعه ‏إن تركْت كْتاب ضحكاتك على عاتق رفوفي؟ ‏ما قدرت تردّ قلب ٍ جفّف التغرِيب رِيْعه ‏أنت نورك يكفي إنه ينسج الضحكة لـ شوفي ‏والله إنّه أجمل بـ واجد من أحداث الطبيعة"

"‏آخر لقى فيك والله ماهو بـ عادي! ‏جيتك وانا شايلٍ كبدي على كفّي ‏وادعتك وقلت؛ روحي "يا آخر مرادي" ‏وفي نفسي اقول؛ خفّي خطوتك خفّي."

"كنت أحيك الصبر في رعشة يديني ‏يوم خيط الليل بالفجر يتدلّى ‏راح نجم سهيل مافكّر يجيني ‏راح ماشاف القمر يوم يتجلّى"

"كنّ صوتك ليا منّه تسللّ حنون ‏فصل يختال ما بين الشتا والربيع" ‏__سعد الخلاوي.

"تعذر بالظروف و قلبي يبادرك بالتصديق ‏مع أنه يدري أن اللي يحب يدوس خشم الظرف"

«لا تزعل عليّ إن ما سمعتك ليا سولفت ‏أنا منزعج من لجّة الصوت في راسي» ‏ __عبدالله البدراني.

كلّ ما غطّا الشفق وجه السما ‏تكشف اللهفه عن القلب اللثام ‏يا اغترابي وش يكون الإنتماء ‏غير ذكرى مرّت مْرور الكرام ‏البياض اللي على وجهي نمى ‏خيط صبحٍ صافح ثياب السلام والسواد اللي تحت عين العمى ‏ليلةٍ ما خانت اهداب الغمام ‏من متى الغيم يتغنّى بالظما ‏من متى النور يتفائل بالظلام ‏من انادي، ليه ألوح كل ما ‏سيرت ذيك الملامح بالزحام؟ مدري أصوات الأماني ربما ‏ولا أنا شكّيت بـ آمال الكلام ‏كنت اردّد يوم ودّعت الحمى ‏مابقى بي لا عتاب و لا ملام ‏"جادك الغيثُ إذا الغيثُ هما" ‏يا زمانٍ ماعرف مسك الختام ‏__فيصل القاضي.

"‏رذاذٍ ما سقى خدّك ‏وعنقود العنب ما ابيه ‏وتينٍ ماحضن يدّك ‏ولو طاب ونضج ما اشريه ‏دخيل الله من صدِّك ‏ومن طول الجفا وطاريه ‏ ‏أنا اللي لو صفا ودِّك ‏باطير من الفرح والتيه" ‏ __بدر عبدالمحسن.