لامّ

"ليت الانسان من يختار عصره بكيفه ‏كان لا اليوم ذا يومي ولا العام عامي ‏ودي اني من اللي بايعوا بالسقيفه ‏وهاجر ومات لجل الدين موته عصامي ‏واني بيوم بدر اشاهد ابو حذيفه ‏كان لله ماكان لقبيله واسامي ‏الشعر عشق ماهو باب رزق و وظيفه ‏حتى لو ماني بمعطيه جل اهتمامي كل ماقلت انا سامح ونفسي معيفه ‏انتكس وارجع احبك ولا ادري علامي ‏انتي القايده لو ما رماك ابن ريفه ‏صابتك من قصيدي رميةٍ دون رامي ‏لكن اقفى ربيع الوصل واقبل خريفه ‏وقل وجه الرفيق اللي يوصل سلامي ‏كل ماشفت لي بالخلق قباٍ عسيفه ‏قلت وين الجموح اللي عليها ملامي انشد اللي على خضر الغصون المريفه ‏ورق والورق ما جاوب رشيد الزلامي ‏عيني اللي مهي رمداء ولاهي كفيفه ‏حزنها حزن بس الدمع يرخص مقامي ‏والله اني ما احملك الحمولة الكليفه ‏واني ادرى عليك من القسا في كلامي اضحكي بس و أصبح بالرصافه خليفه ‏لي خراج اليمين و السند والشام شامي يصدقون الرجال اللي ذممهم نظيفه ‏ويكذب اللي يقول الحب ماهو بسامي ‏انا منهك وجرحي ماتوقف نزيفه ‏و القصيده ذي اخر طلقةٍ حزامي"

‏لا يالله إنّا تحت هيبة سماك ضعوف ‏ولا نعلم الخافي ولا نضمن الخيرة ‏تدور السنين وغيبها ما هو بمكشوف ‏ومحاريفها مابين ضحكة و تكشيرة ‏وأنا عبدك اللي يحتويه الرجا والخوف ‏يقصر و يستغفر إليا شاف تقصيره ‏تحت كف غيثك مارتجي للبشر معروف ‏لو تنوشه صدوف الزمان ومقاديره

‏عليك السلام الوافر اللي بدون قياس ‏ياا عنقٍ عليه … معلقٍ باقي آمالي ‏مع انك بعيد و طرقتك تتعب العساس ‏آنا اشوف حلّي فيك .. وآشوف ترحالي ‏يطل القمر ولّا يغيب القمر … لاباس ‏الأغلى تهون بحضرته قيمة الغالي ‏عن الطلّه اللي تنتظرها جميع الناس ‏أنا بأنتظار الطلّه اللي ، على بالي

من اللي عقب وجهك يستحق النيل بإعجابي ؟

‏لقيتك أمل من ضاع عمره ورى الحرمان ‏وبديتك وأنا اشوفك عوض ماضيّ أيامي ‏ٰ ‏جمعني معاك اليسرّ عقب العسرّ سبحان ‏من يضحكّ الخافق بعد جرحه الدامي ‏ٰ ‏تحضنت وصلك كنّي الضامي الهلكان ‏يالين ارتوى فـ مواصلك قلبي الضامي ‏ٰ ‏عليك الغلا منساق والشوق شانه شان ‏وعليك الرضا ياواهس الشعرّ وإلهامي .

آه من وجهٍ يشع النّور ‏مع طلة جبينه ‏ما لقيت لوجهك أشباهٍ ‏على مر الليالي ‏حطّه الله نسخةٍ وحدة ‏ولا حط أربعينه"

محله من ورا حدب الضلوع ولا معه شرواه ‏متى ما حلّ في وسط الفؤاد مشرفٍ داره

جيتك بنفسي ماتوسلت لـ فلان بيني وبينك مانبي الناس تدري / سلم الهوى جيتك ولانيب غلطان