ِ

على الله معلّق طموحات وآمال  ‏وبإذن الله إنها واصله بالسلامه  ‏أنا القنوع اللي مع الوقت لا زال  ‏يدوّر لمنزلٍ يناسب .. مقامه  ‏مريحٍ راسي عن القيل والقال  ‏وعن مجلسٍ يجمع وجيه الرخامه  ‏أقزر الأيام نازل .. و رحال ‏وأبني طموحي وأتجنب هدامه

اسولف لك عن همومي و كنه شي مايعنيك انا الغلطان عندي هم ؟ او غلطان اسولف لك !

هذا فلان صاحبي ما عرفتوه ‏محدٍ عنه يعرف الحقيقه ‏الي ليامن الناس غشوه ‏« عود عليّ وغشني يارفيقه » .

هذا فلان صاحبي ما عرفتوه ‏محدٍ عنه يعرف الحقيقه ‏الي ليامن الرياجيل غشوه ‏« عود عليّ وغشني يارفيقه » .

يغنيك عن ود النفاق الجماعي ‏وِد الرفيق اللي تسرك حماياه

بنيت السعه من الصبّر وش حدّني للضيق ‏ " وأنـا خابرٍ مثلي . . على مِثلهم واجد "

‏و إلا انا مثل النجوم اللي مطلّه ‏ما أتصنع حاجةٍ ماهيب فيني

بعد موت روحك كن مالله خلق لي حس ‏يدين الحياة بجذوة النار — تنهشني ‏أنا ما وحشني في حياتي وجودك بس ‏وجود الحياه بكبرها معكْ - يوحشني

مره أتبع رغبتي — و مرَّه أعيف ميولي ‎مالقيت لهذي الفوضى سبب يشرحني ‎لا بديت أحل مشكلتي تضيع حلولي ‎كل مارتّبت صوتي نبرتي تفضحني ‎قالوا إن حِدة مزاجي تجرح اللي حولي ‎والله إني قبلهم أحسها — تجرحني

يانفس ذوبي من اللّهفه ويادمع سيّل ‏في القلب -غصةٍ- عجزت اكابد جهادها ‏تحت الثـرى وجهٍ صارت رجعته مستحيل ‏ غابت معه كل ضحكة — كنت معتادها ‏أبكي على أطلال خطواتك بكاء الضليل ‏وأجي لحالي — لأماكن كنت ترتادها ‏واحر كبدي على فقدك و ماضي جميل ‏عادك معي وابتساماتك معي عادها ‏وين انت يامن فؤادي بعده فقده عليل ‏روحي بلياك — روحٍ تحنّ لـ بلادها ‏ارضٍ تضمك — ضياها مايغيبّه ليل ‏ياجعل يسقيك مْزن الغيّث لا جادها

أنا على وضح النقا صنت مبداي ‏أموت قبل أفقد مقامي وأنا حي ‏ٰ ‏من تزعله يمناي ترضيه يسراي ‏ومن راح من لاشي يرجع بلا شي .

أيّام ما لها عنوان إلا:"متغيِّرٍ حالي من اسبوع لاسبوع والناس .. كنّي كارهٍ مجتمعها"

كلّ كلمة بلعنا شرّها بـ الكلايف ‏جعلها بالصحايف عند ربي ثقيلة

الآدمي ما ينقذه غير دعواه ‏لو كل شي يعرِّضه للمخافة ‏ما زال إيمانه، وحِلمه، وتقواه ‏-الله ينتظره- لو الكل طافه

اضحك و اخليها عجاريف و مزوح ‏و اقول وش جاب الثّرى للثريا

الصمت عن زلات الاقراب حشمه ‏والصمت عن زلة معاديك حقران ‏يعني بكل أحوالك الصمت حكمه ‏أما يجيك بربح أو مانت خسران

«يا رب قوّ الخفوق و زوِّد إيماني ‏و أجعل همومي هموم الشرع و السنَّه ‏طالبك بعد الحياة و عمري الفاني ‏المَغفره والعفو .. و الستر و الجنَّه»

«يعذربها مزاجٍ ما يوالف شيء ‏ولا منه ولف حاجة بيدمنها»

«عداوةٍ ياتي وراها مخاليص ولا رفقةٍ تستوجع الكبد منها»

الآدمي ما ينقذه غير دعواه ‏لو كل شي يعرِّضه للمخافة ‏ما زال إيمانه، وحِلمه، وتقواه ‏الله ينتظره لو الكل طافه