آنا لای لاسی

سنےگؤرمڪدن اؤتور لحظہ شمار ائیلہ میشم گؤزلریم یولدا قالیب قلبے غبار ائیلہ میشم سنے گؤرمڪ هوسے نئشہ ائدیب گونده منے من فراغیندا یانار چشمے خومار ائیلہ میشم @anadeli69

قوشولوب سئللره گئتدے آنا یوردون ساراسے قالدے شیرین اورگینده یئنه فرهاد یاراسی باغلادے ساچلارینے قویمادے بیگانه گؤره آنا یوردون قیزے وئرمز ساچین هر كیمسه هوره @anadeli69

گئجه لر گؤيده ڪی‌اولدوزلارا هر دم باخیرام من خیالیمدا توتوب گؤیده ساچینا تاخیرام بیلیرم آیریلیغین دردینه سیزلار چیچک یم یاش اولوب آغلییاراق دامجےگؤزوندن آخیرام @anadeli69

عشقین منے دونیا ده عجب موشڪوله سالدے روسـواے جهان ائیلدے دیلدن دیله سالدے گئد داے گؤزلیم یارے اولان یار اولا بیلمز غم سیز یاشیان بیزلره غم خوار اولا بیلمز @anadeli69

یوخدےسندن صورا بیر اوزگیه شوق و هوسیم نیلیرم اوزگه لرے سن تک اولان یرده ڪسیم بو نفس سینه ده آز چوخ سنه خاطیر گلیری   یاخیشدور گر سنے عنوان ایله سم اے نفسیم @anadeli69

توڪدے گول رخساره یاریم زولفونے جان تیتردی شوقدن ارڪان جسمیم اولدے لرزان تیتردی قاشلارینے اوینادوب سوزدوردے شهلا گوزلرین گول جمالین گوردے چون سرو گولیستان تیتردے @anadeli69

اولسا هر شربت بوسِئودا دردینه ائتمز علاج شربتیم دے وصل یار و ذڪر جانان ائے طبیب غم‌له اؤلدورسن منے اظهار قیْلما ڪیمسه‌یه   قوے رقیبیم بیلمه‌سین وار منده افغان ائے طبیب @anadeli69

نئیلییم رسمینه باخماخلا منیم دویمور اورڪ سالدے آیرے مارالیمدان منے بو چرخِ فلڪ آ گولوم فڪر ائله مه سندن اوزاک دوشمَڪله سنے یاددان چیخادار یاڪے دویونمز بو اورڪ @anadeli69

هئچ بیلیرسن نیه من تک سنی شعره یازیرام سنسیز ایلهام کور اولور واللاهی سؤزده آزیرام سن دانیش سن منه باخ قوی قلمیم شوقه گله بو سایاخ مثنویلر یازماغینا من حاضیرام @anadeli69

گینده گلدی گجه گوزلریمین وای حالینا یادیما سالدی سنی آیریلیغن وای حالینا سیلمیشم گوزلریمی صبحه قدر یاسدیغینان گجنین عمری اوزون یاسدیغمین وای حالینا @anadeli69

هر ڪیمین دنیاده سن تک دلبر رعناسے وار دلبرا عشق عالمینده باشقا بیر دنیاسے وار سن گوزللیک آسمانینده درخشان ماه سان اے پرے سیما ڪیمین سن تک گوزل سیماسے وار @anadeli69

گریبان اولدو رُسوالیق اَلی‌ایله چاک دامن هم منه رُسوالیغیمدا دوستلار طعن ائتدے دشمن هم رهِ عشق ایچره جان قیلدیم گرفتارِ بلا تن هم بو یئتمزمےڪےبیر درد آرتیریرسان دردیمه سن هم @anadeli69

عشقینده یانیب درڪ ائلیرم دونیا یالاندے هر شئے قوتولار دونیادا تڪ سئوگے قالاندے دیوانه بو ڪونلوم منے آغلار گونہ سالدے مین درده سالیب آیریلیقین دور گل آماندے @anadeli69

بنده ساڪن اۏلدو درد عشق مجنوندان ڪئچيب آندان آرتیقدیر مگر عشق ايچره تمكينيم منيم اے فضولے هر يئتَن طعن ائيلر اۏلدو حالیما بو يئتر اهل ملامت ايچره تحسينيم منيم @anadeli69

گل اے جانان سئودالاشاق باریشاق داراخ مندن اولسون تئل سندن اولسون لیلے ڪیمے ایلقار قویاق گؤزلويوم حسرت مندن اولسون ایل سندن اولسون اگر ڪے دوستلوقدا اولماسا حساب پوزولار صداقت باغلانار ڪیتاب اینصافینان نه شیش یانسین نه ڪاباب دوداق مندن اولسون دیل سندن اولسون من بهمنم الیف قددیم بوڪه رم دوست یولونا قیزیل گوللر اڪه رم نئچه ایللر حسرتینے چڪه رم قوللار مندن اولسون بئل سندن اولسون بهمن وطن اوغلو @anadeli69

اوغرون باخماق گؤزلرينده قايدادی بير آزجا دئه دانيش گول دوداقيندا سن الله دئه گؤروم هاردان قاليبدى بو شيرين ليک سنين ديل دوداقيندا باغ نارينے بئجرمیسن سينه ده ال ديمه ميش مست ايله يير يئنه ده اولماليدى ياناقلاردا چنه ده ناشے مے نقش ائديب خال دوداقيندا شمشیر آتشيندن ياناجاق اولدو بو نئجه دوشونجه قاناجاق اولدو مئيليمين آريسى قوناجاق اولدو قوے امسين اؤلونجه بال دوداقيندا دده شمشير @anadeli69

گيلئی‌لى گوزارلى سؤز يازا يازا كوسه‌يديم قويايديم اوزومو نازا تاختايا سيم قوشوب او يازيق قيزا كرم ی چالديغيم گونلر اولايدى گؤزوم قالیب او سئودانین دالینجا ڪاش یادیمدا قالمایایدی قالینجا شانلی مڪتوب یازیب جاواب آلینجا نیگاران قالدیغیم گونلر اولایدی گزیرم تاپمیرام آرانی داغی ڪؤنول ایتگین دوشوب عؤمرون او چاغی قپیڪ قپیک ییغیب بیر بویون باغی یادیگار آلدیغیم گونلر اولایدی شوجاعت @anadeli69

مین ایل عؤمروم اولسا جاوان یاشارام عشقی بیر گؤزلین قویماز قوجالام چوخدا ووصالینا حسرت قالمیشام هئچ اونون اؤزوده قویماز قوجالام ساخلار سؤيله دیییم سؤزو قلبینده یانار محببتین ڪؤزو قلبینده گزدیرر عشقیمے اؤزو قلبینده سیرریمے ائللره یایماز قوجالام بهمنم بو یولدا هله وارام من اونسوز دا دونیادا اوجالمارام من اونون عشقے ایله قوجالمارام من بلڪه حسرتین دن بیراز قوجالام بهمن وطن اوغلو @anadeli69

یارادیب تانرے عزیزیم نه گوزل یارسنے گوزله بو حوسنوله آلداتماسین اغیار سنی دیشلرےن اینجےلبین لعل اوزون گول ڪیمـےتر خلق ائدوب منجه طبیعت دور شهوار سنی  عشـق بیمارے ساغالماز بونے درد اهلے بیلر  ساغالار گورسه بو ترڪیـب ایله بیمار سنی یاندیریب ڪعبه و بتخانه نے زنار آتار  گورسه صنعان ڪیمے مین عاشق دیندار سنی سن ڪےحال اهلےایدین عاشقےاینجیتمزیدین ایـپندے جان آلماغا ڪیم ائیلدےوادار سنی عاشیقین ڪونلونه رحم  ائت بو قَدر اینجیتمه گورمه میشدیم گوزلیم بونجا ستمڪار سنی مست ایدین سن بو قارا  گوزلولرین عشقینده ایندےواحد سئوینیر ڪیم گورور هوشیار سنے علےآقاواحد @anadeli69

اوچدو مئیلیم قوشو قوندو سنه یار بیرده قونمایاجاق بیر اؤزگه سینه اویدور گؤزلريمی آتگینان چوله باخسا سندن غیرے بیر اؤزگه سینه عشقيمين گوللرے چوللرے بزه ر سنسیز بو دونیایا قیلمارام نظر نازلے یار گمیسے دریادا اوزر یئل ووروب قايتارار بير اؤزگه سینه باغبان اولان گئدیب بارا یالواریر یوخسول اولان گئدیب وار یالواریر یارے اولان گئدیر یارا یالواریر من نئجه یالواریم بیر اوءزگه سینه ازلدن دیلقمه یار اولان سنسن گؤزللر ايچینده تاے اولان سنسن عزرائيل دونوندا جان آلان سنسن من نئجه جان وئريم بير اؤزگه سینه یحیےبےدیلقم @anadeli69