‏「 🩷 𝐀𝐑𝐀𝐁 𝐒𝐓𝐀𝐘 」

ستاي؟ امم.. متأخر شوي بس تدرون، دخلت القناة من سنة ونص تقريبًا ومن وقت طويل كنت اكثر شيء مسؤولة عن التصويتات، مع انه يكون مرهق احيانًا بس ماوقفت لأن مافي شيء كان يضاهي شعوري لما اعرف انني ساعدتكم تدعمون سكيزي خاصتنا🥹 انتم تدرون هذا... كنت متحمسة مرة لتغطية بثوث وأحداث هذه العودة.. التوتر الجماعي وقت التصويتات المباشرة(ميوكور😶‍🌫).. وفوز سكيز بالبرامج الموسيقية... كثير أشياء بعد ما الحق اتكلم عنهم، بس أكيد اللي صار خيرة لنا TT شكرًا لأنكم كنتم دائمًا تشجعوننا وتعطوننا الطاقة، وتعطوني سبب أستمر باللي اسويه بسعادة، شكرًا لأنكم كنتم موجودين من البداية لين النهاية دحين وتقرأون رسائلنا لكم هذه❤️‍🩹 نحن إجتمعنا وتعرّفنا على بعض بفضل سكيز بس بقينا مع بعض لوقت طويل بفضل الحب والاهتمام اللي نتشاركه لبعضنا، شكرًا لأنكم عطيتونا مشاعر وذكريات حلوة يحتفظ فيهم بقلبي للأبد.. حرفيا مابنساكم ابدا اسم كل واحد هنا حفظته في عقلي☝️ باقي الادمنز قالوا كل اللي كان ودي اقوله، سو بقولكم رجاء إعتنوا بأنفسكم كويس عشاننا، لا تنسوننا وتواصلوا معنا دائما، مع انه كان من ساعة بس قفلنا القناة بس اشتقنا لكم مرة🥹 ابتهجوا، كونوا بخير، كلوا وجباتكم بوقتها واشربوا مويا كثير وإستمروا بدعم سكيز بكل يدينكم ورجولكم ترا احذركم هذه العودة مارح تكون سهلة ابدا!! - تيري .

— هاي ستاي، انا رينو الماكني والمعروف لا يُعرّف 😎 مافي كلمات ممكن توصف الي احس فيه انا والادمنز كلهم لكن اتمنى انه إغلاق القناة ما يأثر فيكم وايد كثر ما أثر فينا لانه ما نرضى نشوفكم زعلانين وتصيحون، ما تعرفون يمكن كل شي قاعد يصير خيرة، صح؟ وبمجرد اننا اغلقنا القناة هذا ما يعني اننا بننساكم او بننسى فضلكم ودعمكم وحبكم لنا الي ما وقف، احياناً كنت امر بظروف صعبه وانهار وتصعب علي الحياة وافكر متى برتاح من كل هذا وارجع انشر بوست وتروح كل طاقتي السلبيه اذا شفت كلامكم وردودكم حتى لو كنتوا قاعدين تتكلمون عن سكيز، فكرة اننا انتوا هنا قاعدين تاخذون الاخبار والمعلومات عن سكيز من قناتنا كانت تفرحني وتحسسني بالفخر وتخليني استمر باللي اسويه بس عشان هالشعور الحلو، بظل للأبد مُمتن وشاكر لله ثم لسكيز لأنهم خلوني اعرفكم واصادقكم كلكم ولأني عرفت ناس مثلكم مستحيل تتعوض بحياتي، ووعد مني اتذكركم واحد واحد وابدا ما انساكم لا انتوا ولا الادمنز الي غيروا حياتي كلها وصاروا جزء كبير منها، (مو لازم اتكلم عن الادمنز وايد هم يعرفون كم يعنون لي بحياتي) شكراً على كل شيء مرة ثانيه وشكراً لانكم خليتوني الشخص الي دايما كنت اتمنى اصيره ولأنكم عيشتوني أفضل أيام حياتي، ما كنت متخيل بيوم من الأيام اني اقدر اصير شخص اسعد من كوني مُجرد "ستاي" لين ما دخلت القناة وصرت ادمن وعرفتكم كلكم🥹 اتمنى من كل قلبي انه هالمشاعر والأيام الحلوه الي مرينا فيها تظل موجودة وما توقف ونظل الأدمنز الي عرفتوهم وتظلون الستايز الي يحبوننا ويدعموننا وين ما كُنا ❤️❤️❤️❤️ وتذكروا "من ترك شيئاً لله عوضه الله خيراً منه"، اهتموا بنفسكم وبصحتكم ولا تزعلون لانه محد يستاهل زعلكم وتذكروا انه روحكم أمانة عند ربنا وحرام نهملها، انتوا ستايز!! شايفين حجم الكلمة وكيف اسمكم مو مجرد اسم فاندوم محد يقدر يهزمهم؟ حرام تزعلون وتصيحون وتضيعون على نفسكم فرص وانتوا بإمكانكم تعيشون اسعد حياة والحياة الي فعلاً تستحقونها! واخيراً ازعلوا لفترة قصيرة، لكن تذكروننا لفترة طويلة، شكراً لكم على كل شيء واحبكم وااااااايد ❤️‍🩹 - رينو .

بالنسبة للقناة فأحنا راح نطلعكم منها ونحتفظ فيها للذكرى عندي🥲 تعرفون ليش ما نقدر نخليها مفتوحة كذا سو اتمنى تتفهمون حُلويني🤏

— ستاي الحلوين ❣️ اكره النهايات وكلمة "الوداع" او "للأسف"، بس ما كان لازم اترك كلشي يختفي بدون ما اقول شي نهائي بصفتي الليدر هنا.. ممكن الموضوع يكون متضخم بالنسبة للبعض لايك "شفيهم هذول ترا هي مجرد قناة احذفوها وخلص" بس هو مب سهل ابدًا وهي مب مجرد قناة عادية وإنما احنا تعايشنا معاها، ما يكمل يومي الا وانا اترجم واشتغل فيها لو ما كنت مشغولة.. من بداية فتحي لها من ٣ سنوات ولحد هالفترة، هالقناة تعني الكثير بالنسبة لي ولطالما انتوا بأنفسكم اسعدتوني بالذات وكنتوا اشخاص طيبين ولطيفين بتعليقاتكم ودعمكم لنا.. اشكركم لكونكم اتبعتوا الي علمناكم اياه مع كل تصويت.. خاصتا ايام التصويتات والدعم الي كانت مكثفة زي تصويت MAMA و VMA و Kingdom .. ولما كنا نفرح اذا فازوا سكيز ونحقق اصوات عالية من طرفنا لهم ونحس بلذة الفوز معاهم.. هذا نقطة من اشياء ما تنعد ولحظات ما تننسى كانت سبب لي حتى أكمل وأعيش وانا عندي مصادر سعادة متعددة كلها من سكيز وتخليني ابتسم برضو! ما ننسى الادمنز الجميلات الي ما قصروا وكانوا قد المسؤولية واشكرهم لكونهم اطيب صديقات عرفتهم.. وفعلًا سكيز محظوظين بحبهم العظيم لهم، ومحظوظين فيكم بعد! بس بكل الاحوال فيه يوم بتنتهي هالمحطة وكان مقدر تكون اليوم بعد ما اتفقنا انا والادمنز.. اشكركم على كل دعمكم واتمنى ما تنسوننا ولا تحبون تيم ثاني اكثر مننا وتستمرون بالبقاء مع الكيدز وخليكم اقوياء وبصحة كويسة وركزوا على دراستكم دايمًا وتقربوا من ربكم وكونوا بخير~ احبببككمم….! - سارة

— ستااي بشتاق اني اناديكم واختفي دقايق وانتم تمطرون رسايل، سنة وثمان شهور قضيتهم معاكم ودحين بصيروا ذكريات، شكرا أنكم سويتوهم ذكريات جميلة مرة مستحيل انساها استمتعت مرة بكل يوم قضيناه سوا، واشكر هالقناة اللي ضمتني للعائلة الحلوة سارتي، نيني، تيري، لوري، رينوري، سولي وبيتو هذي فرصة بس اني أشكركم على الايام الحلوة اللي فاتت مو اني ودعكم، هذا مو وداع! سكيز، وأعضائي في تيم عرب ستاي والستاي الموجودين هنا هذا مو وداع استمروا في حياتكم this is not the end اخيرا احبكم كلكم واحد واحد، كان معكم رودي Always find me guys yeah?❤️‍🩹

— مرحبا ستايز ❤️ كانت ايام حلوة معكم، ضحكنا فيها، بكينا فيها، زعلنا فيها مرت علينا اشياء خلتنا نحب بعض و أشياء خلتنا نزعل من بعض بس الي اعرفه انه احنا اجتمعنا هنا على حب سكيز و بنبقا دايما نحبهم مهما صار، القناة كان كذا ولا كذا بيجي يوم تتسكر فيه، و ربي كتب أنه اليوم يكون آخر يوم لها، عرب ستاي هو اسم القناة، عرب ستاي تسكرت، لكن الستاي العرب الحقيقيين ما راحوا لأي مكان، لساتهم صامدين هنا بنبقا دايما مع بعض، القناة ذي كانت أكثر من مجرد اخبار ننقلها لكم، كانت حياة بالنسبة لي، كلما سكيز ينزلوا خبر اجي بسرعة انزله و اسيب كل شيء من يدي، حبيت العمل فيها، حبيتكم، حبيت تعليقاتكم، كيف دايما نصارخ مع ابديتات الكيدز و السعادة تجري فينا، كيف نحسب الدقايق قبل التيزرات حق الامفيز كيف و كيف و كيف و لو ابقا اتكلم من اليوم لبكرة ما بسكت، تعرفت فيها على 7 بنات يجننون كانوا صديقات و اخوات لي و راح يبقوا طول عمرهم، رغد و سارة و رينو و لور و بتول و سلاف كلهم اخواتي الصغار (عدا رغد اكبر مني 😭) ممكن يكون كلامي كثير بس أحس لو ما فضفضت اليوم ما راح اقدر اتكلم للأبد القناة ذي ذكرياتنا و مستحيل تختفي من بالي، كيف لقيتها و صرت متابعة، كيف شفنها تكبر، كيف انضميت لكم فيها اول يوم لي اول اسبوع اول شهر كل شيء صار بيننا، صداقتنا، أيام ميلادنا فرحتنا... كل ذي اشياء مستحيل انساها و بتبقا دايما بقلبي و راح تبقوا برضو دايما بقلبي سكيز دايما كانوا سبب سعادتي و هم الي دلوني على ذا المكان و هم الي عرفوني فيكم و راح أضل دايما شاكرة لهم و لكم على المشاعر الحلوة الي عشناها سوا في الشهور الي فاتت... المهم انه سكيز و الستاي دايما مع بعض وين ما كانوا احبكم كلكم... ♡ -نسرين

مقدر اكتب رسالة وداع this is hard كنت من المشتركين الاوائل قبل ماتصير هالقناة فيها الف حتى الين الحين صرت ادمن منها وكم شهر واكمل سنتي الثانية😢😢 والله صعب ما حقدر اكتب شي بس احبكم كلكم :((

— اهلا ستايز ♡︎ للاسف جات لحظه الوداع، دايما كنت اتوقع ان اكتب هذي الرساله واكون الوحيده المغادره من القناه لكثرة حروبي مع ذاتي وانشغالاتي بالحياه، وماتوقعت ابدا رسالة وداعي للستايز تكون رسالة وداعي للقناه المفضله لي كستاي قبل ان اكون ادمن، كنت مغرمه بالقناه بشكل كبير جدا قبل ان اكون ادمن فيها، وحصل شيء لطيف اسعدني جدا بيوم ٢٨ فبراير سنة ٢٢ والي هو انضمامي لهذه العائله الجميله، للاسف حضوري كادمن ماكان ملحوظ كثير كوني دخلت القناه بفتره استعدادي لتخرج والانتقال للجامعه ولكني كنت استمتع كثير بتغطية البثوث بعد المدرسه وقراءة تعليقات الستايز عن التغطيه دائما كنت اترقب ردة فعلهم على الاخبار الي اغطيها، ستايز استمتعت كثير بالفتره القصيره الي قضيتها معكم اتمنى انكم استمتعتم برضو معنا، ادمنز لا مش ادمنز عائلتي الصغيره واحلى عائله بالحياه اشكر سكيز والصدف انها جمعتني بناس حلوين مثلكم، شكرا للجميع واتمنى للجميع التوفيق والنجاح، وشكرا لسكيز كونهم المنقذ وكونهم سبيلي لرؤية الحياه بالوانها الممتعه، تمنياتي القلبيه للجميع بحياه سعيده في يوم ما كانت ادمن بيتو معكم❣️.

— آخر منشور شرح تصويت بالقناة.. كان المفروض ينزل هذا اليوم مبكرًا بس تأخرت، وماقدرت اتركه كذا🥹 لا تنسوا ستريم S-Class على اليوتيوب، وإستمروا بدعم ستراي كيدز وصوّتوا لهم يوميًا! إعتنوا بنفسكم كويس مع إقتراب عودة أطفالنا، لازم نستخدم 801x من جهودنا عشان نخليهم فخورين💪 .