Mohamed Kabalo

يعنى بغض النظر عن إن مارك بيعلنها مباشرة بتفعيل التوثيق بإشتراك شهري زي تويتر وده مقابل 11.99$ شهريا. الغريب فى الأمر إن بوست زى ده مخالف لسياسة الخصوصية أو كان زى ما النص سابقا واضح بإن " تفعيل الحسابات بشكل عام هيكون مجاني وهيفضل مجاني " المهم ان فى خزعبلات بتحصل وهنلاقى حاجات مريبه كده شايله علامه توثيق. يلا انا مبطلتش سرد محتوي من فراغ 😅

🎗تذكير https://www.youtube.com/watch?v=gpaAbRUXsrc

إستكمالا لمشاكل WordPress فى إصدارات PHP ✅ لميزة imagick غير مثبته أو تم تعطيلها ع الرغم من وجودها فى ملحقات PHP ع Centos 7 وده بوست توضيحى لأصحاب السيرفرات المبنية ع WHM/cPanel لا شك فى إنك لازم تعتمد بشكل قطعي حاليا ع إصدارات PHP8.1 وفى نفس الوقت تثبت إصدارات 7.1 بما فوق لحـد 7.4 وده لدعم بعض الإسكريبتات اللى مستمره ع تشغيلها. فا هتيجى من خلال SSH هتكتب الأمر yum install ImageMagick ImageMagick-devel -y ثم هتحدد المسار ع حسب إستخدامك للإصدار المحدد من PHP كالتالي /opt/cpanel/ea-php81/root/usr/bin/pecl install imagick فى الكود السابق هتستبدل ea-php81 لنوع إصدار PHP اللى بتستخدمه ع سيرفرك. بعد الرد عليك بالأمر التالي Package ImageMagick-6.9.10.68-6.el7_9.x86_64 already installed and latest version هتبتدى تعمل ريستارت لعمليات Apache الأباتشى وده من خلال WHM او من خلال SSH بالأمر التالي service httpd restart ========== بالتوفيق ♥️

بعد التحديثات الأخيرة فى شركه " هوستفيرو " بقدم خصم ع كل خطط الإستضافة المتوفرة + دعم فني مدفوع لنقل موقعك من شركه تانيه لـهوستفيرو بدون تدخل منك. حجز الدومينات بأسعار ثابته فى الشراء والتجديد كل وسائل الـ Secure " الأمان " متوفرة دعم فني سواء لايف شات أو تذاكر بريد أو فيسبوك مركز بشكل كبير فى توظيف التخفيف التلقائي لـ DDoS هجمات حجب الخدمه. بالتوفيق ♥️

كمله حل مشاكل السيرفرات أو ال Dedicated لمستخدمي WHM/cPanel فى إدارة سيرفرك المبني علي Centos 7 فى المشاكل الأمنية علي ال Kernel بعد تقديم التحديثات وفحص السيرفر بيجيلك إشعارات مستمره بخصوص The system cannot check the kernel status وإن النظام بشكل عام مش قادر يتحقق من حاله ال Kernel فى البوست السابق كنت وضحت جزئية من حل المشكله بشكل روتينى بدون ما تعمل فورمات وتحافظ ع الداتا المتواجده ع السيرفر. حاليا بوضح التعديلات فى الـمستودعات أو الــRepository الهدف من الجزئية إصلاح أكبر قدر كافى من روابط الباكيدجات المتوفرة داخل المستودعات سواء اللى إتغير روابطها لروابط جديده أو اللى مبقتش متاحه ومتوفرة. من خلال SSH هتبتدى تكتب الأوامر بالشكل التالي yum clean all ثم yum update ثم yum install yum-utils ثم rpm -Uvh https://dl.fedoraproject.org/pub/epel/7/x86_64/Packages/e/epel-release-7-11.noarch.rpm ومن خلال الأمر yum repolist هتشوف أخر الباكيدجات اللى اتعملها Install وبعدها هتبتدى تعمل ريستارت للسيرفر بالأمر Reboot وعشان تعمل Scan وتشوف التقارير اللى هتظهرلك مره تانيه لزياده التأكيد بإن كل أمورك تمام. هتروح ع cPanel Security Advisor وهيعمل فحص تلقائى وعشان تروح للمسار هتدخل من خلال WHM وتعمل سيرش عن Security Center أول cPanel Security Advisor. وتسيب الفحص يشتغل تلقائيا بـ Cpanel::Security::Advisor::Assessors::Elevate 1.00 بالتوفيق ♥️

بخصوص تكمله حل مشاكل السيرفرات أو ال Dedicated لمستخدمي WHM/cPanel فى إدارة سيرفرك المبني علي Centos 7 فى المشاكل الأمنية علي ال Kernel بعد تقديم التحديثات وفحص السيرفر بيجيلك إشعارات مستمره بخصوص The system cannot check the kernel status وإن النظام بشكل عام مش قادر يتحقق من حاله ال Kernel فا خليك ع درايه بإن المشكلة دى ليها 3 فروع 1- ممكن تكون مشكله فى كونفجريش قواعد البيانات SQL 2- ممكن تكون مشكله فى المستودعات أو ال Repository 3- ممكن تكون مشكله فى الكاش الحل الأمثل والسهل والسريع هو إنك تاخد BackUp للسيرفر الخاص بيك وتبتدي تعمل Format وتبني سيرفرك من جديد ولكن لو عايز تستمر ع نظامك زى ما هو مع الحفاظ علي الداتا اللى فيه ومش متوفر إمكانية عمل فورمات فى الوقت الحالي فا تقدر تكتفي بالأمر من خلال SSH هتبتدى تعمل Clean لكل الـ Repository أو التحديثات السابقه كالتالى Yum Clean All بعد كده هتعمل تحديث من جديد بالأمر yum Update -y ثم yum Upgrade -y بعدها هتبدأ تكتب الأمر التالي yum-config-manager --save --setopt=.skip_if_unavailable=true File /var/cache/yum/x86_64/7/epel/metalink.xml وطبيعه الأمر توضيحا بعمل تخطي للباكيدجات الغير متاحه وسبب عدم إتحاتها من الوارد يكون تغير فى الروابط داخل المستودعات بإمكانك إنك تعدلها يدوي ودى هوضحها فى بوست تاني. والهدف تفادى التحذيرات وفى نفس الوقت تعطيل الباكيدجات الغير متاحه فى كل مره بيحصل Scan. بالتوفيق ♥️

شعار شركة Apple بشكل عام للمستخدمين كالتالي: انت بتستخدم IOS مش بتشترى تفاحه متاكله يا بنى أدم أنت !! احنا مش بنبيع تفاح إحنا بنحافظ علي خصوصية المستخدمين وبياناتهم رقم واحد عندنا... ولكن In Fact: أعلنت اللجنة الوطنية فى دولة فرنسا برفع قضيه بتغريم شركة Apple مبلغ 8.5 مليون دولار بسبب جمعها بيانات مستخدمي أيفون لأغراض إعلانية بدون الحصول علي موافقه منهم. وده تحت بند " الإتحاد الأوروبي فى إتفاقيات الــ GDPR وإنه من ضمن الإتفاقيات إن لازم Apple تحصل علي موافقات من المستخدمين فى جمع بياناتهم أو حتي تاخد موافقه الدوله. المهم : مفيش شركه أو نظام أو مؤسسة بشكل عام مش بتحاول بشتى الطرق إنها تستفيد من وجود " عدد من العملاء " لعمليات ترويج أنشطتهم أو خدماتهم. حتى وإن كان موقع مبني " تحت السلم " فا هو فى النهايه محتاج يعمل لنفسه إسلوب تسويقي لا بأس به عشان يزود من معدل دخله المادي أو إعاده بيع خدماته. بالتوفيق ♥️

سلام الله عليكم البوست ده بخصوص إصدارات Windows من المفترض إن من حوالى 10 أيام أعلنت شركة مايكروسوفت عن وقف الدعم عن إصدار Windows 8.1 كالعاده زى ما حصل مع Windows 7 فى وقف دعم وتصدير التحديثات الجديده وده بيسبب مشاكل أمنيه مستقبلا لكل مستخدمي الإصدارات دى. وبيخليك تدريجيا تطلع لإستخدام Windows 10 حتى وإن كان غير متوافق مع إمكانيات أجهزتك بتضطر إجباري إنك تعمل Upgrade من حيث قطع الهاردوير. أو إنك تشتري جهاز جديد يكون متوافق نسبيا مع الـ OverLoad اللى بتقدمه الإصدارات دى للأسف. فا حاليا شركه مايكروسوفت أعلنت عن وقف بيع تراخيص Windows 10 فى نهايه الشهر الحالي. وإن ع تاريخ 14 أكتوبر 2025 هيتم وقف الدعم بشكل كامل عنه وربنا يدينا ويديكم طوله العمر والبركه فى الصحه. هتحتاج وقتها إنك تطلع تدريجيا لإستخدام Windows 11 مع ال Upgrade. فى وقتنا الحالى كنت نوهت سابقا إن لا يمكن الإستغناء عن إصدارات ويندوز فى حياتك التعليمية أو العمليه وده لأن أغلب البرامج متوفرة ع الويندوز بشكل أكتر توافق. ولكن لازم يكون عندك دراية بإستخدام أنظمه متعددة زى Ubuntu أو ع الأقل تبتدى تطور من نفسك فى إستخدام نسخه Linux Mint اللى بتقدملك واجهه رسومية زى Windows وأغلب الشركات العالمية وفرت إصدارات برامجها عشان تشتغل بشكل سلس ع النسخ المبنية ع Linux. لو مش عاوز تجازف وتستخدم أنظمة هتتعبك فا تقدر تستخدم برنامج يبنيلك جهاز إفتراضي زى VMWare WorkStation أو Virtual Box وتثبت عليه نظام لينكس مينت او أبونتو وتبتدى تدرب نفسك عليه. البوست ده مش هوضح فيه مميزات لينكس عن الويندوز ولكن من الموصى به إنك تطور من إستخدامك. بالتوفيق ♥️

بوست فى توقيت غير عاطفي بالمرة. إستنادا للبوست السابق بخصوص " تحديثات واتساب المستقبلية " من المفترض إن أوبشن نقل المحادثات من موبايلك لموبايل تاني جديد هيكون مدعوم من خلال ال QR Code. العمليه هتكون بسيطة بفتح أبلكيشن واتساب ع الموبايلين القديم والجديد وتبتدى تعمل Move " نقل " الشاتات دايركت. وده بالإعتماد علي خوادم واتساب بدون الإحتياج لخدمة Google Drive أو النسخ الإحتياطية غير موصي به: الإستغناء عن Google Drive وتاخد نسختك الإحتياطية بشكل طبيعي كا إجراء إضافي. الموصي به: أى عمليات نقل أو نسخ إحتياطي أو أبديت لأى شىء بشكل عام هو إنك تحافظ ع مستوي طاقة موبايلك أو جهازك أى كان وإتصالك بالإنترنت يكون مستقر عشان تتفادى أى تعارض ممكن يحصل. ملاحظة: الأوبشنات دى لسه تحت التطوير ومتوقع إن يتم صدورها قريب تدريجيا للمستخدمين وحتى الأن الدعم لـ Android فقط مفيش أخبار عن IOS إطلاقا ولكن ربما عن قريب. بالتوفيق ♥️

فى بوستات تحديثات " واتساب " السابقة كنت نزلت إن واتساب شغالة ع ميزة لسة تحت التطوير بخصوص نقل الواتساب من موبايل لـموبايل جديد من خلال ال Verify Code. ده هيكون متاح فعليا ع فئات الأندرويد - Android تدريجيا حاليا واتساب شغالة ع ميزة تحت التطوير وبتسمحلك تنقل الدردشات - المحادثات الخاصة بيك من موبايل لمـوبايل جديد من غير ما تحتاج Google Drive بخصوص إنك تاخد نسخه إحتياطية. ولكن مع التنويه: إن متستغناش عن جوجل درايف فى النسخ الإحتياطية حتى بعد صدور التحديث مستقبليا يعنى اللى كان بيدور فى دماغه سؤال فضولي بخصوص هل لما انقل الواتساب الشاتات هتتنقل معاه ؟ فا هيكون فى ميكس مجمع بين الإضافتين إختيار لنقل الدردشات لموبايل أندرويد وإختيار لنقل الواتساب لموبايل جديد بالتوفيق ♥️

خير اللهم إجعله خير فى تسريبات حصلت فى تويتر لــ 400 مليون مستخدم المفترض إن البيانات دى حاليا معروضة للبيع. البيانات إتعملها Collect تجميع بطريقة الـ Scrapping بإستغلال ثغرة فى الموقع. بغض النظر عن إن ده وارد يحصل فى الشركات وفى شركات سابقة حصلها إختراق بسبب غباء موظف ما أو إستغلال لثغره ما وغيره من الأمور دى. لكن المريب إن الشخص اللى عارض الداتا بيصطاد فى الماية العكره 🤣 بيساوم الحاج " إيلون ماسك " وبيطلب منه يشترى الداتا دى بدل ما شركتك اللطيفة تتعرض لدفع غرامة تحت بند " إنتهاك قوانين النظام الأوروبي " بالمناسبة: النظام الأوروبي لحماية البيانات معروف بـ GDPR كان غرم فيسبوك قبل كده بخصوص التسريبات اللى حصلت. ماسك: مالها تيسلا بتشتكى من إية

عرض حاليا لمده أيام وهينتهى فى بدايه العام الجديد بأمر الله خصم شامل على كل خدمات " شركة هوستفيرو " وخصم 50% على عروض تطوير وبرمجه المواقع والتطبيقات بالتوفيق ♥️

واتساب بتطلق ميزة لسه تحت التطوير وهيتم إنطلاقها فى المستقبل والتحديثات بتوصل تدريجيا للمستخدمين فا لو حبيت تنقل الواتساب الخاص بيك ع موبايل تانى جديد فا تقدر تنفذ ده من خلال التطبيق نفسه فى مشاركة كود التحقق. عن طريق 3 وسائل 1- كود رئيسى فى التطبيق 2- مسج توصلك SMS 3- مكالمه من واتساب روبوت تمليك الكود خطوة كويسة من واتساب بغض النظر عن إنها متأخره بس هتوفر عليكم كتير بالتوفيق ♥️

واتساب قاعده فاضيه فا قالتلك إن شاء الله فى ميزة تحت التطوير هتيجى فى المستقبل وهى إنك تعمل ريبورت علي ستورى صاحبك يعنى صاحبك يبقى منزل ستوري فى أمان الله تقوم ملبسه ريبورت ع الإستوري " ده فى حاله لو ستورى مخالف لشروط واتساب " عالم منفسنه 😅

تنويه هام فى الغالب البعض منكم ممكن يشوفوا النوعيات دى من البوستات او يقابلها صدفه فى " سبونسر مثلا " وبتيجى تسأل نفسك سؤال ازاى بوست بالشكل ده يتقبل ويبقى معمول عليه إعلان ويوصل لشريحة كبيرة من المستخدمين بدون ما أتطرق فى تفاصيل الإعلان عدى ازاى ع فريق فيسبوك لكن ليها طرق ومش هوضحها المهم لو كانت العمليه عمليه إختراق واضحه وصريحه لموبايل الطرف الأخر ده مش بيتم عن طريق تطبيق فيه كل الأوبشن دى ولكن الموضوع بيكون إحترافى شويه وممنهج بطريقه تانيه خالص. كنت صورت فيديو عن طريقه من الطرق دى سواء بالـ Payload أو برامج الـ RAT اما اللى فى البوست ده عباره عن تطبيق وهتلاقيه متوفر منه بشكل مجاني فى جوجل بلاى أو الــ Family Protect وانك تحافظ ع طفلك وتراقب موبايله وغيره من الأمور دى ولكن ب صلاحيات محدده العمليه نصب فى نصب وفى إحتمالية إنك لو إستقبلت تطبيق ما منهم أو أى ملف فا انت كده كده بتعرض نفسك إنك تبقى تحت الميكرسكوب ويتم إبتزازك بقى أو إستغلالك وغيره من الأمور دى. فى بعض الشركات الأخرى اللى بتقدم خدمات من نفس النوع لتطبيقاتها وبتكون مدفوعه بإشتراكات شهريه أو سنوية ولكن إستراتيجية التطبيقات اللى من النوع ده لازم يكون فى إيدك " موبايل الطرف الأخر " عشان تثبتله النسخه ال Hidden من التطبيق لكن مش Remotely عن بعد. وإبعد عن الأفكار بتاعت " حط رقم موبايل فلان فى البرنامج فا تقوم تركبه دى خزعبلات ملناش دعوة بيها " فا ده بوست تحذيرى لأى حد عنده فضول بالتوفيق ♥️