PET(FET) Exam

عندك اختبار قبول من هنا تذاكر اللي فوقه مو مهم

السلام عليكم شباب اللي ينتظر القبول او ما وصلته رساله يشيك من البريد ف المهمل او الايميلات الغير مرغوب فيها.(للطلاب الجدد اللي مقدمين على الكلية)

الاجوبة في اخر الملف افضل انك تحاول تجاوب قبل لا تشوف الاجوبة وتصحح ل نفسك اهم شي تركز عليه القطع والليسنينق و العبارات اللي تجي ب لوح و رسايل

ملف pdf بتستفيد منه كثير مهم مهم جدا بالنسبة ل قسم الاستماع بتحصل الصوتيات ف اليوتيوب

هذي تجارب طلاب السنة الماضية(ثلاث تجارب)

اول شي صفونا برا ورى بعض ودخلونا كانت أول خطوة الوزن والطول بعدها في واحد عالمكتب يشيك على الورق ثم تتوجهو لغرفة فاضيه تجلسو فيها يجيكم واحد دب يعلمكم طريقه الاختبار المحوسب ثم ياخذكم على غرفة الاختبار، بقولكم طريقه الاسئله كلها سهله صراحة مثلا اول شي القطع وعليها اسئله، السؤال يكون مباشر يعني تلقى إجابته في القطعه وفيه اختيارات كلها يمديك تطلعها بعدها ثلاث اسئله تكتب عنها جاني سؤال وين تحب تطلع مع اخوياك وويش تحب من الاكل وجاني ماذا تفعل في اجازتك ثم الصوتيات وهي أسهل شي ويجيبو لك امثله عليها وبعدها تبدأ هو محادثة بين شخصين والحلو انة يمشو بالترتيب يعني ما يلخبط والإجابة موجوده في الاختيارات وكل سؤال يرجع يعيده لك تلقائي ويمديك توقف وترجع المقطع لاكن ماانصحك ترجع المقطع الصوتي بياخذ وقت لاكن بس وقف المقطع الصوتي ودور للكلمه اللي سمعتها وهم يعيدونها مرتين والكلام واضح مو مسرع، بعدين ودوني مقابله سألني وين عايش وويش احب من الخضروات وكم عمري هذا اللي جاني واعطاني 6 صور فيها حقت طبخ انا اخترتها وسألني ليش اخترتها بس كذا، اللي سألني الأجنبي مش اللي جنبي لأنه ما يعرف شي

‏ابشرك الاختبار سهل وترا الاسئلة خيارات و سهلة جدآ و الاستماع مرة مرة مرة سهل و الكتابة ترا تفرق القطع على حسب التخصص اذء عسكري او مدني انا مدني و جاتني القطعة انك بتسافر الى انكلترا و كم بتقعد و وش ودك تسوي ولازم تكتب اقل شيء 25 كلمة و عن المقابلة سهلة للي يعرف اساسيات الانقليزي يعني الكلمات المستخدمة المشهورة يعني يسأل عن اسمك و عمرك و اكلتك المفضلة و افضل مكان لمقابلة اصدقاء جدد و يعطيك ورقة في ست صورة يقول سولف مع يلي انت جيت معة لان المقابلة بتدخل انت مع واحد ثاني ويقول تناقشو عن افضل صورة اعجبتك ولية ويلي ما اعجبتك ولية وترا الصور عن اماكن يقضون في الاهل العطلة مثل صورة وهم في البحر وهم على قارب و هم يسوقون دراجات وبس والله يوفقنا و يوفقكم

السلام عليكم ورحمة الله وبركاته .. انا اليوم كان اختباري ! اولاً تصف سرا عند البوابة وتدخل داخل يقسمونكم العسكر لحال والمدني لحال انا عسكري وبتكلم عن اللي مريت فيه ، يقيس طولي ووزني وبعدها تروح ل كاونتر يشيك على اوراقك والاثبات ( الشهادة والقدرات ) بعدها دخلت الاختبار عالكمبيوتر وعجبني صراحة يعطيك مفتاح الحل يحط لك مثال على كل فقرة يجيب سؤال ويحله وتفهم انت اسلوب الحل هالشي كويس ، بعدها تدخل اختبار شفهي عند دكتور اجنبي كلهم اجانب طبعاً ويسألك انت وواحد ثاني يدخل معك كل واحد يجاوب ويخليكم تتناقشون مع بعض طبعاً انت سو اللي عليك ومعليك من اللي معك ، الاسألة اللي سألني اياها - where are you from where are you living are you studying or working what's your favorite meal وفيه اسأله ما اذكرها لكن ثالث سؤال رح يسألك في اجابتك ، المهم لاتتردد وخلق منطلق فكلامك عشان مايحس انك متردد او تتأتىء وبعدها تطلع والله يوفق الجميع

من تجارب طلاب

معلومات عن اختبار القبول اللي هو ket

Ket exam

الريدنق موجود هنا