: غالب بن راشد 💤 .

‏"يالله أنا طالبك خاطر سمح وطول بال ‏يسعفني اساير زماني .. واقوى بلاويه "

‏عزاز نفس وبالمقادير راضين ‏ونفوسنا من فضل ربي رضيّه

‏اعزاز النفوس اعزاز يقناهم المعروف ‏والاجواد تلقى فـ الزمن ما يخارجها

‏عن زحمّه الناس يازين الديّار الخلاوُيه 👨🏻‍🦯

‏محتاج حال البسيط الداله السالي ‏اللي مع الوقت مايدري كم الساعه

‏أعيش جوي واترك الناس للناس ‏مالي ومال أهل العقول المريضه

‏جعل ما حنا على الشامتين بشامتين ‏و جعلنا واللي نحبّه . . من النار اعتقا

‏يارب تغفر لي ذنوبي وأنت غَفّار الذنوب ‏النفس تغريها ملذّات .. الحياه الفانيه

‏لو تطلب النفس الكريمة تلبّيك ‏وشلون لو تطلب كريــمٍ خلقها

‏خلك قوي لا يكسرك جور الأيام ‏منصاك ربك لا نصتك الشدايد

‏يالله برزقٍ منك يغني عن الناس ‏يغني عن ضعاف النفوس وعطاها

‏يالله يا جايدٍ على كل من جاد ‏عجّل بما ننّـوي و لا نستطيعه

‏احب الكلام الذرب ومجالس العراف ‏واقدر وجيه اللي مواقيفهم جزله ‏ٰ ‏وادور على من كان قربه ماهوب يعاف ‏مع اني بعض الاحيان تصلحلي العزله

‏صفعات الايام ترشد .. للطريق الصحيح ‏" بعض المصايب تسوّي خير بأصحابها "

‏يالله .. بنفحات جودٍ كل مامرّت ‏يمر معها " فرج ربي وتوفيقه

لااستوت لك فرصة العمر عشها لاتفوت ‏كم تفوت مدوّر العيش من فرصة عمر

‏الدين ساس المرجله ثم الأخلاق ‏والطيب ثم الصبر ثم الشجاعه

‏يا رب والدنيا متاع .. وتمنّي ‏لاهي أدور في حياتي .. حياتي ‏يا رب وأرزقني على طيب ظنّي ‏و تقبل دعائي .. وتقبل صلاتي